Вирус ва эпидемиялар ҳақида энг машҳур фильмлар - карантинда нима томоша қилиш мумкин

1272
(Янгиланган 18:05 25.03.2020)
Бадиий фильм томоша қилиш - нафақат бўш вақтни қизиқарли ўтказиш, балким айрим соҳаларда чуқурроқ билим олиш, тарихий воқеаларни ўрганиш ёки илмий назарияларга асосланган фантастик асарлар билан танишишнинг энг осон йўли бўлиши мумкин.

ТОШКЕНТ, 25 мар - Sputnik. Коронавирус эпидемияси пайдо бўлиши биланоқ одамларда турли вирус ва эпидемияларга бағишланган фильмларга нисбатан ҳам катта қизиқиш пайдо бўлди десак хато бўлмайди. Жаҳон кинематографиясида вирус касалликлар ҳақида фильмлар кўп бўлсада, асосий мавзуси айнан вирус тарқалиши ёки эпидемия бўлган фильмлар унчалик кўп эмас экан.

Штамм Андромеда (The Andromeda Strain)

Фильм Штамм Андромеды

1971 йилда АҚШда суратга олинган ушбу фильм ўзга сайёрадан Ер юзига келиб қолган микроб ҳақида сўз юритилади. Унда олимлар ва ҳарбийлар Ер юзига келиб қолган ўзга сайёралик вирусга қарш кураш олиб боришади.

Эпидемия (Outbreak)

Фильм "Эпидемия"

АҚШ киносоноати гуллаб-яшнаган 1995 йила суратга олинган ушбу фильм юқумли касалликлар ҳақида суратга олинган энг ёрқин таъсирли фильмлардан бири десак муболаға бўлмайди. Дастин Хоффман, Морган Фриман ҳамда Кевин Спейси каби юлдузлар ушбу фильмни янада қизиқарлироқ қилишган.

Лихорадка (Cabin Fever)

Фильм "Лихорадка"

Этни жунжиктирувчи “Қўрқинчли фильм” услубида суратга олинган ушбу фильмда бир гуруҳ ёшлар ўрмондаги уйчага дам олишга боришади. У ерда улар зомбилар ўрнида ўта хавфли вирусга дуч келишади. 2003 йил Голливуд.

Ташувчилар (Carriers)

Фильм "Носители"

2008 йилда суратга олинган бу фильм ҳам қўрқинчли саҳналарга бойдир. Тирик қолишга ҳаракат қилаётган қаҳрамонлар оғир вирусдан “ўлиб бораётган Американи” у бошидан бу бошигача автомобилда кесиб ўтишади.

Кўз ожизлиги (Blindness)

Фильм "Слепота"

2008 йилда Канада, Бразилия ва Япония киноижодкорлари иштирокида суратга олинган ушбу фильмда вирус одамларни ўлдирмайди, лекин уларнинг кўзини ожиз қилади. Бунинг оқибатида эса одамлар ёввойилашиб бир бирига тажовуз қила бошлайди, инсоният цивилизациясининг охири жуда яқиндек туюлади.

Пандемия 

Фильм "Пандемия"

2009 йилда Японияда суратга олинган ушбу фильмда касалхоналарда бирида янги ўта хавфли вирус пайдо бўлади. Олимлар уни даволаш учун дори излашга тушганда атрофдагилар бирин кетин қириб кета бошлайди.

Юқумли касаллик (Contagion)

Фильм "Заражение"

2011 йилда АҚШда суратга олинган режиссер Стивен Содербергнинг ушбу фильми “Эпидемия” фильми каби вируслар ҳақидаги фильмларнинг замонавий классикаси ҳисобланади.

Унда қандайдир қиммат бюджетли “чиройли ва таъсирли” саҳналар бўлмасада, илмий маълумот ва вируслар ҳақида реалистик тушунча берилади. Фильм бутун инсониятга хавф солаётган вирусни тўхтатиш учун олимлар олиб бораётган меҳнати ҳақида.

Актёрлар ҳам бири биридан яхши: Мэтт Дэймон, Лоренс Фишбёрн, Джуд Лоу, Кейт Уинслет, Марион Котийяр, Гвинет Пэлтроу.

Эпидемия (Los últimos días)

Фильм "Эпидемия"

2013 йилда  суратга олинган ушбу фильм бугунги кун реал воеаларига ўхшаш. 

Унда одамлар юқтириб олган психиологик касаллик туфайли уйидан кўчага чиқа олмайди. Фильм инсоният ушбу ўзига хос “апокалипсис”дан  қандай қутилиши мумкинлиги ҳақида. Фильм воқеалари харобага айланган Барселона шаҳрида бўлиб ўтади.

Вирус (Gamgi)

Фильм "Вирус"

2013 йилда суратга олинган ушбу картинада Жанубий Кореяликлар тасаввурида апокалипсис қандай кўринишга эга эканини кўриш мумкин. Ушбу кино “қўрқинчили” эмас кўпроқ саргузашт фильм жанрига ўхшайди.

Кинопоиск ва Максим материаллари асосида тайёрланди. 

1272

Рекорд ортидан рекорд: тун давомида 281 та янги коронавирус ҳолати аниқланди

72
(Янгиланган 10:23 14.07.2020)
Янги касалланганларнинг 200 дан зиёди Тошкент шаҳрида аниқланди. Шундан 151 нафари аҳоли орасида аниқланган.

ТОШКЕНТ, 14 июл — Sputnik. Ўзбекистонда ўтган тун давомида 281 кишида коронавирус тасдиқланди.

“2020 йил 14 июль соат 10:00 ҳолатига кўра, Ўзбекистонда коронавирус инфекцияси қайд этилганлар сони 13872 (+281) нафарни ташкил этмоқда”, - дейилган Соғлиқни сақлаш вазирлиги хабарида.

Янги касалланганларнинг 201 нафари Тошкент шаҳрида (шундан 50 нафари коронавирусга чалинганлар билан мулоқотда бўлиб, карантинга олинган фуқаролар орасида, 151 нафари аҳоли орасида), 21 нафари Қашқадарё вилоятида, 20 нафари Самарқанд вилоятида, 15 нафари Навоий вилоятида, 6 нафари Қорақалпоғистон Республикасида коронавирусга чалинганлар билан мулоқотда бўлиб, карантинга олинган фуқаролар орасида, 15 нафар Наманган вилоятида (шундан 13 нафари коронавирусга чалинганлар билан мулоқотда бўлиб, карантинга олинган фуқаролар орасида, 2 нафари аҳоли орасида), қолган 3 нафар Жиззах вилоятида аҳоли орасида аниқланган.

Ҳозирга қадар 8030 нафар коронавирус инфекциясига чалинган фуқаролар соғайган.

Ҳозирда мамлакатда 5778 нафар бемор даволанмоқда. Улардан 53 нафари оғир, 7 нафари эса ўта оғир аҳволда. Қурбонлар сони 64 нафарга етган.

72
Теглар:
Ўзбекистон, коронавирус
Иллюстрированное изображение вируса COVID-19

COVID-19ни уй шароитида даволаш бўйича қўлланма тасдиқланди

210
(Янгиланган 09:28 14.07.2020)
Коронавирус инфекциясининг енгил формаси билан касалланиб, уйида даволанаётган бемор ўзини қандай тутиши керак, у билан бирга яшаётганлар нималарга эътибор бериши керак? Клиник қўлланма бундай саволларга жавоб топишга ёрдам беради.

ТОШКЕНТ, 14 июл - Sputnik. Ўзбекистонда COVID-19 билан касалланган беморларнинг уйда даволаниши бўйича қўлланма ишлаб чиқилди. Бу ҳақда Ўзбекистон Инновацион соғлиқни сақлаш Миллий палатаси матбуот хизмати хабар бермоқда.

Ўзбекистон Инновацион соғлиқни сақлаш миллий палатаси томонидан ишлаб чиқилган  клиник қўлланмада "коронавирус инфекциясининг енгил формаси билан касалланиб, уйида даволанаётган бемор ўзини қандай тутиши керак, у билан бирга яшаётганлар нималарга эътибор бериши керак, аҳволини назорат остида ушлаб туришда нима ёрдам беради?" каби саволларга жавоблар келтирилган.

Таъкидланишича, ҳар қандай касалликни аввало шифокор назорати остида даволаш лозим. Қўлланмада кўрсатилганидек, «уйда даволаниш жараёнида, яъни касаллик аломатларининг бутунлай йўқолиб кетгунига қадар ёрдам кўрсатиш бўйича бемор билан шифокор ўртасида ўзаро муносабат йўлга қўйилган бўлиши зарур».

Мазкур ҳужжат устида Миллий палата экспертлари томонидан олиб борилган иш жорий йил 30 июнда якунига етказилган ва икки ҳафтадан сўнг Соғлиқни сақлаш вазирлиги томонидан маъқулланган, яъни шифокорлар ҳам, беморлар ҳам унга қараб иш тутса бўлади.

Яна шуниси ҳам муҳимки, ушбу Клиник қўлланма Жаҳон соғлиқни сақлаш ташкилоти (ЖССТ) тавсияларига мувофиқ тайёрланган. 

Сўнги маълумотларга қараганда, коронавирус билан касалланган беморларнинг 40 фоизида касаллик енгил кечади. Агар касалликнинг шундай кечишини қисқа таърифласак, унда COVID-19ни аниқлашга хос клиник ҳолатлар мавжуд, лекин вируссиз пневмония ёки гипоксия белгиларисиз.

Бунда шуни билиш муҳимки, COVID-19 инфекцияси билан касалланганлиги лаборатория томонидан тасдиқланган, ёки шундай эҳтимол мавжудлиги, ёки шундай ҳолатга шубҳа уйғотган барча шахслар вируснинг янада тарқалишини олиш мақсадида уйда ўзини ўзи яккалаши лозим бўлади.

"COVID-19 нинг енгил формаси билан касалланган беморларни даволаш бўйича Вақтинчалик клиник қўлланма» ҳужжатида касалликнинг енгил кечишига хос бўлган асосий касаллик белгилари саналиб ўтган. Улар орасида тана ҳароратининг 38°С дан ошиши (ёки ҳароратнинг кўтарилмаслиги), терлаш, умумий ҳолсизлик, йўтал,сирқовланиш, тумов ёки томоқ оғриғи, томоқ қичиши, кўнгил айниши, қайт қилиш ва (ёки) диарея, тананинг қақшаши, бош оғриғи, таъм ва ҳид сезишнинг бузилиши.   

COVID-19 нинг енгил формаси билан касалланган беморни қаерда даволаш — тиббиёт муассасасидами ёки уйдами, — ҳақидаги қарор ҳар бир аниқ ҳолатда қабул қилиниши кераклиги кўзда тутилган. Бу ерда муҳим мезонлардан бири бу — ҳолатнинг бирдан ёмонлашувининг мавжуд эмаслиги, шунингдек, беморнинг уй шароитини баҳолаш ҳам муҳим.

Ҳужжатнинг алоҳида бўлими сифатида «Бемор ва унинг оила аъзолари учун тавсиялар» ажратилган. Бу ерда, хусусан, «Беморни парвариш қиладиган шахслар сони чегараланган бўлиши лозим. Аслида соғлиги мустаҳкам, асоратли касалликларсиз ёки иммунитети паст бўлмаган бир киши танланиши лозим»лиги кўрсатилади.

Бевосита даволашга, ҳужжат тили билан сўзлаганда, COVID-19 нинг енгил формаси билан касалланган беморни даволашга келсак, Клиник қўлланмага мувофиқ, «симптоматик даволаш: иситмаси кўтарилганда ёки оғриқни пасайтириш учун ҳароратни туширадиган дори воситалари, ҳолатга мос овқатлантириш ва сув балансини ушлаб туриш» тавсия этилади.

Симптоматик даволаш қуйидагиларни кўзда тутади: иситмани тушириш учун — ҳароратни пасайтирадиган дори воситалари, масалан, парацетамол, ибупрофен,; комплекс терапия учун ринит ва/ёки ринофарингит — намлайдиган/ элиминацион дор воситалари, бурун-димоғ орқали қўлланиладиган деконгестантлар; нафас йўлларининг яллиғланиши терапияси учун — мукоактив, бронхолитик ва бошқа дори воситаларини қўллаш.

Шунингдек, жумладан ринитни уйда даволаш учун, бурун битганда ва бошқа бир қатор ҳолатларда яна бошқа тавсиялар ҳам берилган. Касалликнинг енгил турида яхши овқатланиш керак бўлади, албатта, илиқ ҳолда, вазннинг ҳар бир килограммига нисбатан 30 миллилитр ҳисобида (организмдан заҳарларни қувиб чиқариш, шиллиқ пардани намлаб туриш ва томоқ-бурундаги ажратмаларнинг ажралишини енгиллаштириш мақсадида).

Зудлик билан тиббий ёрдам талаб қилинадиган хавотирли аломатларга эътибор қаратилади. Жумладан, бош айланиши, нафас олишнинг оғирлашиши, кўкракда оғриқнинг пайдо бўлиши, организмнинг қуриб кетиши ва бошқаларга.

«COVID-19 нинг енгил формаси билан касалланган беморларни даволаш бўйича Вақтинчалик клиник қўлланма» нафақат шифокорлар ва беморлар учун муҳим ҳужжат ҳисобланади, шу билан бирга COVID-19 ҳақидаги билимлар билан қизиқувчилар учун исботланган тиббиёт ва халқаро тажрибага асосланган кенг ахборот манбаи ҳам бўлиб хизмат қилади.

У билан ишлаб чиқарувчиларнинг — Ўзбекистон Республикаси Инновацион соғлиқни сақлаш Миллий палатасининг сайти орқали таниши мумкин.

210
Мавзу:
COVID-19 умумжаҳон пандемияси
Амурского газоперерабатывающего завода

Элчихона Амур вилоятида юз берган ҳодисани назорат остига олди

22
Россиядаги Ўзбекистон бош консули бўлиб ўтган ҳодиса тафсилотларини аниқлаш ҳамда Ўзбекистон фуқароларининг қонуний ҳуқуқ ва манфаатлари ҳимоясини таъминлаш мақсадида воқеа жойига етиб борди.

ТОШКЕНТ, 14 июл - Sputnik. Россиянинг Амур вилоятида Ўзбекистон фуқаролари иштирокида юз берган ҳодисани Ўзбекистон элчихонаси назоратга олди, деб хабар қилмоқда Ташқи ишлар вазирлиги.  

"Мазкур масала бўйича Россия Федерацияси Ички ишлар вазирлиги ва бошқа ваколатли органлари билан мунтазам мулоқот олиб борилмоқда. Бўлиб ўтган ҳодиса тафсилотларини аниқлаш ҳамда Ўзбекистон Республикаси фуқароларининг қонуний ҳуқуқ ва манфаатлари ҳимоясини таъминлаш мақсадида воқеа жойига Элчихона Бош консули етиб борган", - дейилган хабарда.

Можарони келтириб чиқарган сабаб ва шарт-шароитларни ўрганиш, муаммонинг барча томонлар учун мақбул бўлган ечимини топиш бўйича иш жараёни ва натижалари ҳақида қўшимча ахборот берилади.

Маълумот учун, 2020 йилнинг 13 июль куни Россия Федерацияси Амур вилояти Свободный туманидаги "Renaissance Heavy Industries" компаниясига тегишли вақтинчалик вахта шаҳарчасида Ўзбекистон Республикаси фуқаролари иштирокида оммавий тартибсизликлар юз берган эди.

ОАВхабарларида айтилишига кўра, иш ҳақи тўланмаганлиги туфайли келиб чиққан можаро оқибатида 300га яқин ишчилар корхонага тегишли бўлган бир неча автомобилларни ағдариб ташлаган. 

 

22