Автомобиль Следственного комитета РФ

Россияда коронавирус ҳақида "фейк" тарқатувчилар билан махсус гуруҳ шуғулланади

182
(Янгиланган 16:55 26.03.2020)
Россияда ижтимоий тармоқларда коронавирус ҳақида ваҳимали хабарлар тарқатаётганларни аниқлаш учун махсус гуруҳ ташкил этилди.

ТОШКЕНТ, 26 мар - Sputnik. Россия Тергов қўмита интернетда коронавирус ғақида фейклар тарқатаётганларни аниқлаш учун махсус гуруҳ тузди, РИА Новости хабарига асосан.  

“Россия Тергов қўмитаси раиси Александр Бастрыкин қарорига мувофиқ аҳоли орасида (COVID-19) коронавирус билан боғлиқ вазият ҳақида ёлғон хабарлар тарқатишни олдини олиш учун махсус гуруҳ ташкил этилди” , - дейилган Тергов қўмитаси хабарида.

Ушбу ишчи гуруҳ Интернет, турли мессенжерлар ва ижтимоий тармоқларда “Россияда коронавирусга чалинганлар сони ҳамда одамларни ваҳимага солувчи турли ёлғон хабарлар манбаасини аниқлаш ва уларга қарши тегишли чоралар кўриш билан шуғулланади.

“Амалдаги қонунчиликка биноан бундай фактларга жиноий-ҳуқуқий баҳо берилали”, - дейилган хабарда.

Ана шундай ёлғонлардан биринчиси фош қилинди.  Эхо Москвы радиостанцияси эфирида сиёсатчи Валерий Соловей Россияда 1600 нафар коронавирусдан вафот этганлар ва 130-180 минг ушбу вирусга чалинганлар борлигини ва ҳукумат буни яшираётгани ҳақида хабар қилган.

Ёлғон маълумот тарқатгани учун Соловьевга 100 минг рубл маъмурий жарима солиниши мумкин. “Эхо Москва” радиостанцияси директори Виталий Рувинский эса Роскомнадзор талабига биноан ушбу ёлғон маълумот сайтдан олиб ташланганини  хабар қилган.

Эслатиб ўтамиз, ЖССТ 11 март куни дунёда короонавирус пандемиясини эълон қилган эди. Бугнги кунда  дунёда ушбу касаликка чалинганлар сони 414 мингдан, қурбонлар сони 18 мингдан  ошган. Россияда айни дамда касалланганлар сони 840 нафардан ошган, 2 нафар катта ёшли беъмор вафот этган.

182
Технопарк Digital City в Андижане

Марғилонда рақамли технологиялар ўқув маркази очилди

36
Марказда ўрта мактабларнинг 7 ва 11-синф ўқувчилари, ахборот технологиялари соҳасига қизиқувчи ёшлар, талабалар шу йўналишларда ўқитилади.

ТОШКЕНТ, 7 июн — Sputnik. Шавкат Мирзиёевнинг Фарғонага ташрифи доирасида Марғилонда рақамли технологиялар ўқув маркази очилди.

Очилиш тадбирида Ахборот технологиялари ва коммуникацияларини ривожантириш вазири Шуҳрат Содиқов иштирок этди.

Икки қаватли, жами 3100 квадрат метр майдонни эгаллаган бу кўркам бинода 120 та иш ўрни яратилган. Марказда ўрта мактабларнинг 7 ва 11-синф ўқувчилари, ахборот технологиялари соҳасига қизиқувчи ёшлар, талабалар шу йўналишларда ўқитилади. Келгусида улар Фарғона вилоятида очиладиган IT-парк филиалида ишлашлари мумкин бўлади.

Шунингдек, мазкур марказда давлат ташкилотлари ходимлари ҳамда мактабларнинг ахборот технологиялари фани ўқитувчиларининг АКТ бўйича малакаси ошириб борилади.

Таъкидланишича, 2020-2021 йилларда вилоятда шундай 19 та марказ очилиши режалаштирилган, жумладан, жорий йилнинг ўзида Данғара, Бағдод  Риштон туманлари ва Фарғона, Қўқон ва Қувасой шаҳарларида рақамли технологиялар марказлари ишга туширилади.

36
Президент Шавкат Мирзиёев ознакомился с ходом строительства Сергелийской ветки столичного метрополитена.

Тошкентда “Дўстлик Қўйлиқ” метро йўналиши қуриб битказилди

88
Янги йўналишнинг узунлиги 11 километр.Ушбу йўналишда поездларнинг ўртача юриш тезлиги соатига 60 километрни ташкил этади.

ТОШКЕНТ, 7 июн — Sputnik. Тошкент ҳалқа метро линиясининг биринчи босқичи бўлган “Дўстлик – Қўйлиқ” метро линияси қуриб битказилди. Метронинг ушбу участкасида 7 та бекат барпо этилди. Бу ҳақда пойтахт ҳокимлиги матбуот хизмати хабар қилди.

Янги йўналишнинг узунлиги 11 километр.Ушбу йўналишда поездларнинг ўртача юриш тезлиги соатига 60 километрни ташкил этади. Ҳаракатланиш оралиқ вақти 4 дақиқадан иборат.

Бекатлар 5 та вагон тўхташи учун мўлжалланган. Ҳар бир бекат миллий меъморчилик услубига хос тарзда қурилди, улар кўриниши ва безатилиши жиҳатидан бир-бирини такрорламайди.

Метро линияларининг эстакада йўналишида ҳаракатланадиган замонавий ва юқори сифатли, йўловчилар учун барча қулайликларга эга вагонлар келтирилган.

88
Мужчина с ножом

Ангренда 21 ёшли йигит ўз тенгдошини пичоқлаб қўйди

35
Пичоқланган фуқаро Ангрен шаҳар марказий шифхонасининг жонлантириш бўлимига ётқизилган. Жиноят иши очилган.

ТОШКЕНТ, 7 июн — Sputnik. Тошкент вилоятида икки йигитнинг келишмовчилиги пичоқбозлик билан якунланди.

ИИВ ҳузуридаги Тергов департаменти хабарига кўра, ҳодиса 03 июнь куни соат 23:30 да Ангрен шаҳар Оҳангарон кўчасида жойлашган “Ал-Азиз” кафеси олдида жойлашган автобус бекати атрофида содир бўлган. 21 ёшли С.М. ва унинг тенгдоши ва таниши А.О. ўртасида келишмовчилик юзага келган. Шунда М.С. ўзи билан бирга олиб келган ошхона пичоғи билан О.А.нинг ўнг биқин соҳасига бир маротаба зарб билан урган.

Натижада О.А. олган тан жароҳатлари билан Ангрен шаҳар марказий шифхонасининг жонлантириш бўлимига ётқизилган.

Мазкур ҳолат юзасидан ЖКнинг104-моддаси 1-қисми (Қасддан баданга оғир шикаст етказиш) билан жиноят иши қўзғатилган. С.М. гумон қилинувчи тариқасида жалб қилинган. Ҳозирги кунда дастлабки тергов ҳаракатлари олиб борилмоқда.

35