Девушка спит. Иллюстративное фото

Тўйиб ухлаган кишига коронавирус юқмайдими - сомнолог маслаҳати

1533
Коронавируснинг тарқалиши шароитида уйқунинг тўғри режими алоҳида аҳамиятга эга. Нега айнан шундай – бу ҳақда Sputnik радиосига интервьюда сомнолог Александра Пучкова айтиб берди.

Оатий турмуш тарзида, катталар иш кунидан олдин кучга эга бўлишлари учун етарлича ухлашлари керак. Ўз-ўзини изоляция қилиш пайтида уйқу яна бир жуда муҳим вазифани бажаради, деб айтиб берди Sputnik радиосига Россия Фанлар академиясининг Юқори асаб фаолияти институтининг Уйқу ва уйқусизлик нейробиологияси лабораториясининг катта илмий ходими Александра Пучкова.

"Эндиликда яхши ухлаш керак, чунки бу иммунитет тизимининг нормал ишлаши учун зарурдир. Ёмон уйқу, унинг бузилиши ёки жуда оз миқдори иммунитет тизимининг бузилишига олиб келади. Баъзиларда у пасайиши мумкин, бошқаларда у нотўғри ишлай бошлайди ва натижада аутоиммун муаммолар пайдо бўлади. Иммунитет учун яҳши уйқу жуда муҳим, ҳозирда эса иммунитет муаммоси ўткир", - дея эслатди Александра Пучкова.

Сомнолог салқин, қоронғи ва сокин, ҳавоси тез-тез алмаштириладига хонада кунига камида 8 соат ухлашни маслаҳат беради. Александра Пучкова таъкидлашича, ишга боришга ҳожат йўқлиги уйқуга кетиш вақтини кескин ўзгартириш ва одатий биоритмни тубдан ўзгартиришга сабаб эмас.

"Инсон шундай ҳолатга "судралиб бориши" мумкинки, у саҳар соат 4 га қадар компютерда ўтира бошлайди, кундузи соат 2 да ўйғонади, кейин эрталаб соат 6 да ухлайди ва кейинчалик эса қачон уйқуга кетиши умуман номаълум. Бу яхши вариант эмас, чунки организмимиз ритмик тарзда ишлайди. Бундай силжиш бошланганида ички соат синхронлашиши бузилади, бунда танамизнинг баъзи тизимлари битта режимда ишласа, бошқалари бошқача ишлайди. Бу бизнинг соғлиғимизга салбий таъсир қилади ", - деб тушунтиради Александра Пучкова.

1533
Президент Шавкат Мирзиёев на встрече с ферганским активом затронул события в Сохе

Шавкат Мирзиёев Сўх воқеалари ҳақида гапирди

136
(Янгиланган 13:41 06.06.2020)
Йиғилишда президент Шавкат Мирзиёев ўтган ҳафта Сўх туманида бўлган воқеаларга тўхталиб, муносабат билдирди.

ТОШКЕНТ, 6 июн — Sputnik. Фарғона шаҳрида Шавкат Мирзиёев вилоят ва туманлар ҳокимлари, соҳа ва тармоқлар раҳбарлари, жамоатчилик вакиллари билан йиғилиш ўтказмоқда. Бу ҳақда президент матбуот хизмати хабар қилди. 

Папка с документами
Sputnik / Алексей Витвицкий

Давлат раҳбари халқ билан очиқча гаплашиб, муаммоларни биргаликда ҳал этиш, одамларнинг оғирини енгил қилиш мақсадида келганини таъкидлади.

“Мен қисқа, сизлар кўпроқ гапирсаларингиз тўғри бўлади. Мақтов керак эмас. Президентга энг катта мақтов бўлиб бўлган - бу халқ ишончи. Ҳали энди биринчи қадамларни қўйяпмиз. Келиб, қарсак эшитиб кетиш менгаям осон. Лекин бундан натижа бўлмайди. Туманларга ўзим боришимнинг сабаби - одамларнинг яшаш шароитларини юрагимдан ўтказиб, аниқ чоралар кўриш, ислоҳотлар узоқ-узоқ жойларда ҳам натижа беряптими, қуйи тизимдаги раҳбарлар садоқат билан, жон куйдириб ишлаяптими, деган саволларга жавоб топиш. Ҳар куни бундай учрашув бўлмайди. Аччиқ-аччиқ масалаларни қатъий қўйинглар,” - деди президент.

Давлат раҳбари ўтган ҳафта Сўх туманида бўлган воқеаларга ҳам тўхталиб, муносабат билдирди.

“Кейинги йилларда қўшни давлатлар билан чегарадош жойлардаги кўп муаммоларни ҳал қилишга эришдик. Сўхдаги воқеалар қирғиз халқи билан дўстлигимизга, борди-келдимизга, режаларимизга таъсир қилмаслиги керак. Вазмин, сабр-тоқатли, меҳр-оқибатли бўлишимиз зарур. Қўшничилик - минг йилчилик. Халқларимиз елкадош бўлиб, бир-бирини ҳурмат қилиб яшаши керак,” - деди Шавкат Мирзиёев.

Бош вазир раҳбарлигида Ҳукумат комиссияси томонидан муаммолар ўрганилиб, кенг қамровли таклифлар тайёрланган. 2020-2022 йилларда Сўх туманини комплекс ривожлантиришга 500 миллиард  сўм маблағ йўналтириш белгиланган. 11 минг янги иш жойи ташкил этиш режалаштирилган.

Пресс-служба хокимията района Сух / Telegram

98 та лойиҳа амалга оширилиб, саноат, қишлоқ хўжалиги ва хизмат кўрсатиш соҳалари ривожлантирилади.

Жисмоний шахслар ер ва мол-мулк солиғидан озод этилиб, якка тартибдаги тадбиркорлар учун даромад солиғи ставкаси 2 баробар камайтирилади. 1 минг гектар экин ерларида сув таъминоти яхшиланади.

Туман тиббиёт бирлашмаси бўлимлари, юқумли касалликлар шифохонаси, марказий шифохона тиббий асбоб-ускуналар ва махсус реанимобиль билан таъминланади. Мактаблар, қишлоқ врачлик пунктлари, йўллар ва ижтимоий объектлар таъмирланади.

Сўхлик ёшлар учун водий вилоятларидаги олий таълим муассасаларида 2020/2021 ўқув йилида давлат гранти асосида мақсадли равишда қўшимча 500 та ўрин ажратилади.

136
Сейсмография, архивное фото

Ўзбекистон - Қирғизистон чегарасида зилзила содир бўлди

119
Сейсмопрогностик мониторинг Республика маркази: 6 июнь Тошкент вақти билан соат 03:04да Ўзбекистон-Қирғизистон чегарасида зилзила содир бўлди.

ТОШКЕНТ, 6 июн — Sputnik. ФВВ Сейсмопрогностик мониторинг Республика маркази хабар қилишича, 6 июнь куни Тошкент вақти билан соат 03:04да Ўзбекистон-Қирғизистон чегарасида зилзила  содир бўлди. 

Координаталари: 41,25 градус шимолий кенглик; 72,02 градус шарқий узунлик. Магнитуда М=3. Чуқурлик 10 км. 

Зилзила эпицентридан Тошкентгача масофа 234 км шарқий йўналиш бўйича.

Зилзила Ўзбекистон ҳудудида: Наманган: 40 км, 2 балл; Андижон: 59 км, 2 балл.

119
Змея. Иллюстративное фото

Илон ва эчкиэмар ўртасида ўлим жанги видеога олинди

180
(Янгиланган 14:19 06.06.2020)
Жанубий Африка Республикасида жойлашган Крюгер паркида туристлар илон ва катта эчкиэмар ўртасида ўлим жангини видеога олишди.

ТОШКЕНТ, 6 июн — Sputnik. ЖАР Крюгер миллий паркида туристлар илон ва эчкиэмар ўртасида жангни тасвирга олишди. Ролик парк ижтимоий тармоқлардаги саҳифасига жойлаштирилди.

Меҳмонхона ишчиси Кристи Деланжнинг сўзларига кўра, илон биринчи бўлиб эчкиэмарга ҳужум қилди.

Бошида илон ўлжасини бўғишга ҳаракат қилди, лекин эчкиэмар ўзини ҳимоя қилди.

Судралиб юрувчилар икки соат давомида бир-бирини қўйиб юбормай жанг қилишди. Аммо эскиэмарнинг кучи қолмади ва илон унинг бўйнига ёпишди. Кейин илон устун келди ва ўлжасини ютиб юборди.

“Эчкиэмар каттагина эди, илон бир неча ҳафта тўқ бўлиб юрди”, - дейди аёл.

180