В Германии установили мемориальную доску в честь узбекских воинов

Германияда ўзбек халқининг мард ўғлонлари хотирасига ёдгорлик ўрнатилди

560
(Янгиланган 18:41 09.05.2020)
Иккинчи жаҳон уруши йиллари “Шталаг 326” ҳарбий лагерига асирлар орасида 360 ўзбекистонлик ҳам олиб келинганди.

ТОШКЕНТ, 9 май — Sputnik. Ўзбекистоннинг Берлиндаги элчихонаси ўзбек ҳарбийлари хотирасига ёдгорлик ўрнатди. Бу ҳақда "Дунё" нашри хабар қилди.

Ёдгорликнинг очилиш маросимида иштирок этган Детмольд округининг президенти Юдит Пиршер Иккинчи Жаҳон урушида ҳалок бўлган ва жанг қилганларнинг хотирасини абадийлаштириш бўйича Ўзбекистонда кўрилаётган чора-тадбирларга юқори баҳо берди.

“Мамлакатда 9 майни Хотира ва қадрлаш куни сифатида нишонлаш, урушда ҳалок бўлганларнинг хотирасига эҳтиёткорлик билан муносабатда бўлиш юксак ҳурматга лойиқдир. Иккинчи Жаҳон уруши йилларида, “Шталаг 326” ҳарбий лагерасига олиб келинган асирлар орасида 360 нафар ўзбекистонлик ҳам бўлган. Уларнинг хотирасини абадийлаштириш, охирги бошпанасини топиш - бу жуда улуғвор иш”, - деди у.

В Германии установили мемориальную доску в честь узбекских воинов
Дунё
В Германии установили мемориальную доску в честь узбекских воинов

Ўзбекистон элчихонаси "Шталаг 326" (Stalag 326 VI K Senne) лагери жойида ташкил этилган музей билан  билан ҳамкорлиги туфайли Германиянинг Шимолий Рейн-Вестфалия Штукенброк шаҳрида ва маҳаллий архив ёрдамида 1941-1945 йилларда асирга олинган ўзбек аскарлари бу ерга келтирилганлиги тўғрисида муҳим маълумотларни тўплашга муваффақ бўлишди.

Лагерга тушиб қолган 360 нафар ўзбекистонликлардан 35 нафари "Штукенброк" ҳарбий қабристонига дафн этилган. 2018-2019 йилларда Ўзбекистоннинг Германиядаги элчихонаси ташаббуси билан ўтказилган материалларни ўрганиш натижасида яна 20 нафар ўзбекистонлик бу ерда дафн этилгани маълум бўлди.

Архивларда баъзилари тўғрисида маълумотлар сақланиб қолди: булар 1943 йил 5 март куни вафот этган бухоролик Нурали Сафаров, 1944 йил 9 июл куни вафот этган Тошкент вилоятидан Абдураҳмон Рузметов, 1943 йил 2 июн куни вафот этган самарқандлик Муса Исаев, 1944 йил 24 июлда вафот этган тошкентлик Анарбай Мирзаахмедов, 1943 йил 13 январда вафот этган бухоролик Сафар Камолов.

 

560
Мавзу:
Ғалабанинг 75 йиллиги (59)
Встреча пассажиров, прибывших из Китая, в аэропорту Ташкента

Қозон шаҳридан чартер парвозларга чипта сотиш бошланди

13
UzAirways Октябр ойида "Қозон - Тошкент" йўналишида ҳафтага бир неча бор чартер парвозлар амалга оширилади.

ТОШКЕНТ, 29 сен - Sputnik. Қозон шаҳридан Ўзбекистон фуқароларини ўз ватанига қайтариш бўйича чартер парвозларга билетлар сотиш бошланди деб хабар қилмоқда Uzbekistan Airways.

Парвозлар 1 октябрдан қуйидаги жадвалга асосан амалга оширилади:

Қозон - Тошкент, HY 3650, 11:00 - 16:30. 

Авиакомпания сайтида маълум қилинишига кўра, парвозлар ҳафтада бир неча маротаба амалга оширилади в чипта нархи эконом класс учун 344 доллар, бизнес класс учун 554 долларни ташкил қилади. 

Эслатиб ўтамиз, бугунги кунда Россиянин Москва ва Санкт-Петербург шаҳарларидан Ўзбекистонга ҳар куни парвозлар амалга оширилмоқда. Йўловчилардан COVID-19 касалланмагани тўғрисида маълумотнома талаб қилинади. Маълумотнома парвоздан 72 соат олдин олинган ПЗР ташҳиси асосида бўлиши керак.

 

13
Бухарский государственный медицинский институт имени Абу Али ибн Сино

Хорижда Ўзбекистон ОТМнинг илк филиали очилади

46
Абу Али ибн Сино номидаги Бухоро давлат тиббиёт институти биринчилардан бўлиб хорижий мамлакатларда ўз филиалини очган ОТМ бўлди.

ТОШКЕНТ, 29 сен — Sputnik. Абу Али ибн Сино номидаги Бухоро давлат тиббиёт институти Ўзбекистондаги хорижий мамлакатларда ўз филиалини ташкил этган илк олий таълим муассасасига айланди. Бу ҳақда Бухоро вилояти ҳокимлиги матбуот хизмати хабар қилмоқда.

Институт Ҳиндистоннинг Нью-Деҳли шаҳридан 20 км узоқликда жойлашган Ноида халқаро университети базасида ўз филиалини ташкил этиш бўйича меморандум имзолади. 

Унга биноан 2020-2021 ўқув йилидан институт профессор-ўқитувчилари МББС (Тиббиёт ва жарроҳлик бакалаври) дастури асосида ўқишга қабул қилинган Ҳиндистон фуқароларига ўз мамлакатларида таълим беришади. 

Келишувга биноан, Ноида халқаро университети таълим жараёни учун зарур инфратузилма, моддий-техник база, ўқув лабораториялари ҳамда клиник базалардан фойдаланиш бўйича ёрдам кўрсатади. Ўқишга қабул қилинган талабалар биринчи икки йилни Ҳиндистонда, қолган 3 йилни эса Бухорода ўтказишади. 

Бухоро давлат тиббиёт институти, Ноида халқаро университети ҳамда "PeopleHive" компанияси ўртасида имзоланган ушбу уч томонлама меморандум Ўзбекистон олий таълим муассасаларининг халқаро жозибадорлигини таъминлашда, таълим экспорти орқали институт моддий барқарорликни оширишда ҳамда халқаро рейтингларда ўрин эгаллашига асосий восита бўлиб хизмат қилади.

Бухоро давлат тиббиёт институти 2019 йилда Ҳиндистон фуқароларига таълим бериш ҳуқуқини берувчи Тиббиёт кенгаши аккредитациясидан ўтган эди. Ўтган ўқув йилида 50 га яқин Ҳиндистон фуқаролари ўқишга қабул қилинган.

46