Визит президента Узбекистана Шавката Мирзиёева в Сырдарьинскую область

Президент Сардобада қуриладиган янги уйлар пойдеворига тамал тоши қўйди

375
Сардоба, Оқолтин ва Мирзаобод туманларида уй-жойлари бутунлай яроқсиз ҳолга келиб қолган аҳоли учун 3 та массивда жами 2 минг 640 квартирали 66 та 5 қаватли уй қурилиши режалаштирилган.

ТОШКЕНТ, 15 май — Sputnik. Ўзбекистон президенти Шавкат Мирзиёев Сирдарё вилоятига келди.

Давлат раҳбари матбуот хизмати хабарига кўра, Сардоба сув омбори тўғонининг бир қисми ўпирилиб, ёндош туманлардаги маҳаллалар ва далаларни сув босган жойда бугунги кунга қадар 20 та аҳоли пунктидаги бузилган уйлар ва уларнинг атрофи чиқиндилардан тозаланди. 13 та маҳалладан сув қолдиқлари чиқарилган.

Ушбу маҳаллаларда ҳаёт аста-секин изга тушмоқда. Ҳозирда қарийб 66 минг аҳоли ўз уйларига қайтди. Бошқа жойларда тозалаш-таъмирлаш ишлари тезкор суръатларда давом этмоқда.

Президент Шавкат Мирзиёев дастлаб Сардоба туманида бўлиб, ҳудудда олиб борилаётган ишларни кўздан кечирди. Таъмирланаётган хонадонларни кириб кўрди, одамлар билан суҳбатлашди.

Визит президента Узбекистана Шавката Мирзиёева в Сырдарьинскую область
Пресс-служба президента Узбекистана
Визит президента Узбекистана Шавката Мирзиёева в Сырдарьинскую область

Сардоба, Оқолтин ва Мирзаобод туманларида уй-жойлари бутунлай яроқсиз ҳолга келиб қолган аҳоли учун 3 та массивда жами 2 минг 640 квартирали 66 та 5 қаватли уй қурилиши режалаштирилган.

Визит президента Узбекистана Шавката Мирзиёева в Сырдарьинскую область
Пресс-служба президента Узбекистана
Визит президента Узбекистана Шавката Мирзиёева в Сырдарьинскую область

“Хусусан, Сардоба туманидаги “Дўстлик” маҳалласида 1480 хонадондан иборат 37 та уй барпо этилади. Давлатимиз раҳбари мазкур турар жойларнинг пойдеворига тамал тоши қўйди”, - дейилган хабарда.

Эслатиб ўтамиз, Сардоба сув омбори тўғонининг бир қисми ўпирилиб, ёндош туманлардаги маҳаллалар ва далаларни сув босган эди. Ушбу фавқулодда вазият оқибатида Сардоба, Мирзаобод ва Оқолтин туманларида 2 минг 570 та уй-ҳовли, 76 та кўп қаватли уй яроқсиз ҳолга келган эди. Шунингдек, 1 минг 781 ҳовли, 52 та кўп қаватли турар жой қисман зарарланган. 70 та ижтимоий объект, 20 минг гектарга яқин экин майдони, 828 километр йўл, электр, газ, ичимлик сув, алоқа тармоқларига талафот етган. Тезкор чора-тадбирлар натижасида туманлардаги 28 та маҳалладан 90 мингга яқин фуқаро хавфсиз ҳудудларга эвакуация қилинган эди.

375
Мавзу:
“Сардоба” тўғони ёрилиши (64)

Польшадан Ўзбекистонга гуманитар ёрдам олиб келинди

104
(Янгиланган 12:17 26.11.2020)
Польша Ўзбекистонга пандемияга қарши курашиш учун 214 минг долларлик миқдорида бўлган гуманитар ёрдам юборди.

ТОШКЕНТ, 26 ноя — Sputnik. Польша коронавирусга қарши курашиш учун Ўзбекистонга гуманитар ёрдам юборди. Махсус самолёт республикага шахсий ҳимоя воситалари, дезинфекция воситалари, термометрлар ва дори-дармонларни етказиб берди, деб хабар қилди Польша ҳукумати.

1 / 4
Польша передала Узбекистану гуманитарную помощь для борьбы с COVID-19
Юкнинг умумий қиймати тахминан 214 минг долларни ташкил этади.

Қўшни Қозоғистон ҳам ёрдам етказилди - 53,4 минг доллар миқдорида дезинфекцияловчи воситалар ва дорилар юборилди.

Польша ташқи ишлар вазири ўринбосари Павел Яблонскийнинг сўзларига кўра, Ўзбекистон ва Қозоғистон Польшанинг Марказий Осиёдаги энг муҳим шериклар ҳисобланади, тақдим этилган гуманитар ёрдам  - бу мамлакат ҳукуматлари ўртасида халқаро бирдамлик белгисидир.

Шунингдек, Яблонский бу ташаббус Марказий Осиё мамлакатлари билан дўстликни янада мустаҳкамлаш йўлидаги қадам бўлишига умид билдирди.

104
Футбол. ЧМ-2010. Матч Аргентина – Нигерия

Диего Марадонанинг ўлими: Месси, Ҳабиб, Тайсон ва бошқалар нима деди

293
(Янгиланган 12:35 26.11.2020)
Марадона билан хайирлашув маросими Буэнос-Айресдаги Каса Росада  президент саройида бўлиб ўтади. Унга бир миллиондан ортиқ киши келиши кутилмоқда.

ТОШКЕНТ, 26 ноя - Sputnik. Кеча, 25 ноябр куни, футбол тарихида энг ёрқин юлдузлардан бири - Диего Армандо Марадона 60 ёшида вафот этди. 

Шифокорлар унинг ўткир юрак етишмовчилигидан вафот этганини қайд этишди. Аргентинада 3 кунлик мотам эълон қилинди. Марадона билан хайирлашув маросими Буэнос-Айресдаги Каса Росада  президент саройида бўлиб ўтади. Унга бир миллиондан ортиқ киши келиши кутилмоқда. "Наполи" стадионига Марадона номи қўйилиши мумкин. 

Марадонанинг ўлимига кўп спорт юлудзлари, сиёсатчилар ва бошқа машҳур кишилар муносабат билдирди. 

Майк Тайсон: "Марадона - сен менинг қаҳрамоним ва дўстим эдинг. Бизни ўхшатишарди. Энди мен сени соғинаман"

Пеле: "Мен катта дўстимни йўқотдим, дунё эса - афсонани", "Бир кун келиб биз осмонларда бирга ўйнаймиз"

Месси: "У биз билан қолади, чунки у абадий"

Роналду: "Тарихда энг яхши футболчилардан бири. У ҳақиқий сеҳргар эди. Афсуски жуда эрта кетди"

Ҳабиб: "Энг буюклардан бири. Миллионлаб одамлар футболни ўшани учун севиб қолишган"

Станислав Черчесов: "Марадонанинг тенги йўқ ўйини абадий эсимизда  қолади. Футбол даҳоси"

Посмотреть эту публикацию в Instagram

Публикация от Leo Messi (@leomessi)

Посмотреть эту публикацию в Instagram

Публикация от Khabib Nurmagomedov (@khabib_nurmagomedov)

293

Россия Қозоғистондаги полигонда янги ракетани синовдан ўтказди

0
Ракета синовлари Қозоғистондаги “Сари-Шаган” полигонида ўтказилди. Россия Мудофаа вазирлиги бу ҳақда видео лавҳа тақдим этди.

"Янги ракетага қарши ракета ўз хусусиятларини ишончли тасдиқлади, жанговар экипаж шартли нишонга белгиланган аниқлик билан зарба бериб, вазифани муваффақиятли бажарди", - дейилган Мудофаа вазирлиги хабарида.

Сўнгги марта октябр ойининг охирида айнан шу полигонда янги қурол синовидан ўтказилгани ҳақида хабар берилган эди. Бунгача, 2019 йилда ва 2017-2018 йилларда ракета учирилганди.

0