Сардобаликларнинг кредит тўлови муддати узайтирилди

392
(Янгиланган 16:59 19.05.2020)
Бундан ташқари, "Халқ банки" томонидан 4 351 талофат кўрган хонадон эгаларига уларга тўланадиган компенсация пулларини тушириш учун банк хизматларига тўлов ундирилмаган ҳолда янги пластик карталар очиб берилган

ТОШКЕНТ, 19 май - Sputnik. Сирдарё вилоятида тошқиндан зарар кўрган аҳоли яшаш пунктларини тиклаш ва таъмирлаш ишлари фаоллик билан олиб борилмоқда, дея амалга оширилган ишлар тўғрисида маълумот берди ФВВ. Sputnik Ўзбекистон мухбири хабари асосида.

Тикланган ҳужжатлар

Бугунги кунга қадар, жами 1 349 фуқаронинг биометрик паспортлари тикланган. Шунингдек, қайта ўрганиш натижасида 1 116 фуқаронинг паспорти топилди. Ҳозирги кунда 983 нафар фуқаронинг паспортларини тиклаш ишлари олиб борилмоқда.

Бундан ташқари, 818 та туғилганлик ва 12 ўлим ҳақидаги, 291 та никоҳ гувоҳномаларинг тикланган.

Банкдаги қарзлар муддати узайтирилди

Фуқароларнинг банк кредит қарздорликлари маълум бир муддатга узайтириб берилди.

Хусусан, талофат кўрган 13 383 нафар фуқаро ва тадбиркорлик субъектларининг банклардан мавжуд 186,2 млрд. сўмининг қайтариш муддати 6 ойгача узайтириб берилди.

Шунингдек, жами 5 549 нафақахўрнинг 3,9 млрд. сўмлик пенсия пуллари Халқ банки филиаллари томонидан нақд пул шаклида тўлиқ етказиб берилди.

Бундан ташқари, Халқ банки томонидан 4 351 талофат кўрган хонадон эгаларига уларга тўланадиган компенсация пулларини тушириш учун банк хизматларига тўлов ундирилмаган ҳолда янги пластик карталар очиб берилди.

Банк томонидан жами 294 йўқолган пластик карталар қайта тикланди.

Таъмирлаш ишлари

Шуни алоҳида қайд этиш керакки,тошқиндан талофат кўрган 541 та уйда таъмирлаш ишлари олиб борилмоқда. Ушбу тадбирга 13 524 нафар ишчи ва 622та транспорт воситаси жалб қилинган.

Ҳудудларни сув тошқинидан ҳосил бўлган лой ва бошқа чиқиндилардан тозалаш ҳамда йўл жиҳозларини қайта тиклаш учун қурилиш соҳасидан 158 та автотранспорт ва машина-механизмлар ҳамда 323 нафар йўлсоз жалб қилинган.

Халқаро аҳамиятдаги А-373 автомобиль йўли нинг 5-26 км оралиғида 1879 дона йўл ўртасидаги ажратувчи ва йўл четидаги ҳимояловчи тўсиқларни қайта тиклаш, 2,4 км узунликдаги автомобиль йўлига 2475 тонна асфальт-бетон ётқизиш ишлари амалга оширилди.

Давлат аҳамиятидаги автомобиль йўлининг жами 77  км, 242дона йўл четидаги ҳимояловчи тўсиқларни қайта тиклаш, 31257 м3 тупроқ ва 14726 м3 қум шағал аралашмаси билан йўл асоси ва кўприкларга кириш-чиқиш қисмларини тиклаш ишлари амалга оширилган.

Мазкур кенг кўламдаги тадбирларни ташкил этиш ва амалга оширишга Фавқулодда вазиятлар, Мудофаа, Ички ишлар вазирликлари, Миллий гвардия ҳамда Фавқулодда вазиятларда уларнинг олдини олиш ва ҳаракат қилиш давлат тизимининг куч ва воситалари фаол жалб қилинган.

Эслатиб ўтамиз, 1 май куни Сирдарё вилоятидаги Сардоба сув омбори тўғонидан сув ўпирилиши рўй берди. Бир неча аҳоли пунктлари сув остида қолди, йўллар ва қишлоқ хўжалиги ерлари зарарланди ва вайрон бўлди. Ҳатто Қозоғистоннинг жанубий туманлари ҳам зарарланди.

Олти киши табиий офат қурбони бўлди  (икки аёл ва тўрт эркак), яна бир киши бедарак йўқолган.

Ўзбекистон Республикаси Давлат хавфсизлик хизмати Тергов бошқармаси томонидан Ўзбекистон Республикаси Жиноят кодексининг "Мансабга совуққонлик билан қараш" ва "Тоғ-кон, қурилиш ёки портлатиш ишлари хавфсизлиги қоидаларини бузиш" моддалари бўйича жиноий иш қўзғатилган.

Терговчилар томонидан рўй берган воқеанинг тўртта версияси кўриб чиқилмоқда: лойиҳалаш хатолари, қурилиш қоидаларига риоя қилмаслик, фойдаланиш жараёнидаги хатолар ва табиий офат.

392
Мавзу:
“Сардоба” тўғони ёрилиши (64)

Фирибгарларга чув тушган фуқаролар Бош прокуратура олдида пикет уюштиришди

147
(Янгиланган 18:42 20.10.2020)
Қайд этилишича, фуқаролар Алексей Менг ва А.Молотягин бошчилигидаги International Consulting Group платформасига сармоя киритган ва фирибгарлик ҳаракатлари оқибатида моддий зарар кўрган. Шу сабабли улар намойишни ташкил қилган

ТОШКЕНТ, 20 окт - Sputnik. Жорий йилнинг 18 октябрь куни Бош прокуратуранинг фуқаролар қабулхонаси олдида бир гуруҳ фуқаролар йиғилиб пикет уюштирган. Бу ҳақда Бош прокуратура матбуот хизмати маълум қилган.

Қайд этилишича, мазкур фуқаролар Алексей Менг ва А.Молотягин бошчилигидаги International Consulting Group платформасига сармоя киритган ва фирибгарлик ҳаракатлари оқибатида моддий зарар кўрган. Шу сабабли улар намойишни ташкил қилган. Ушбу тадбирда иштирок этган фуқаролардан жами 33 та мурожаат қабул қилинган.

Бош прокуратура хабарига кўра, Алексей Менг ва бошқаларга нисбатан Жиноят кодексининг 168-моддаси 4-қисми «а» банди (уюшган гуруҳ томонидан ёки унинг манфаатларини кўзлаб содир этилган фирибгарлик) билан қўзғатилган жиноят иши ҳозирда Тошкент шаҳар ИИББ ҳузуридаги тергов бошқармаси иш юритувида.

Баёнотда айтилишича, фуқаролар томонидан берилган мурожаатлар жиноят ишига қўшиб, ўз вақтида ва объектив кўрилиши Бош прокуратура назоратига олинган.

147
Сотрудник лаборатории упаковывает биоматериал, собранный для анализа на коронавирус

Ўзбекистонда коронавирус: 20 октябрь асосий хабарлари

226
(Янгиланган 18:36 20.10.2020)
Сутка давомида 224 кишида коронавирус аниқланди, Ўзбекистонда коронавирус инфекцияси қайд этилганлар сони 63 831 нафарни ташкил қилмоқда.

ТОШКЕНТ, 20 окт — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 224 кишида коронавирус аниқланди, Ўзбекистонда коронавирус инфекцияси қайд этилганлар сони 63 831  нафарни ташкил қилмоқда.

Янги касалланиш ҳолатларининг: 89 нафари Тошкент шаҳрида, 5 нафари Навоий вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Соғайиш кўрсаткичи

Бугуннинг ўзида 193 нафар бемор тузалди. Республика бўйлаб жами соғайганлар сони 60 910 нафарга етди. Соғайиш кўрсаткичи 95 фоиз.

Айни пайтда 2 387 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

Кун давомида коронавирусга чалинган 3 нафар бемор вафот этди.

Ўзбекистонда жами 534 киши пандемия қурбони бўлди.

Чегарада тўпланган мигрантлар

Россия ва Қозоғистоннинг Астрахань вилоятидаги чегарасида 250 нафарга яқин Ўзбекистон фуқаролари 130 та автомобилларда тўпланди.

Астрахань вилояти ҳукумати раиси Александр Шарикин Россия ва Қозоғистон чегарасида Красноярск туманидаги “Караозек” ўтказиш пункти ҳудудида мигрантларнинг тўпланиши муносабати билан федерал, вилоят, муниципиал орган ва ўзбек диаспораси вакиллари билан йиғилиш ўтказди. Бу ҳақда батафсил.

Дунё саломатлиги

Дунё бўйлаб инфекцияни юқтириб олган кишиларнинг сони 40,6 миллиондан ошди, 1,1 миллион ортиқ киши вафот этди, 30,4 миллион киши тузалди. Энг кўп ҳолатлар АҚШда (8,5 млн), Ҳиндистонда (7,6 млн), Бразилияда (5,3 млн).

226
Мавзу:
COVID-19 умумжаҳон пандемияси

Беларус чет элликларга COVID-19 ҳақидаги справкасиз транзит қилишга рухсат берди

53
Транзитни амалга ошираётган шахс Беларусдан 24 соат ичида транзит ўтишини ҳужжат билан тасдиқлаши керак бўлади. Чипта, Беларус транзит визаси, йўл олинган мамлакат органининг расмий таклифномаси шундай ҳужжат сифатида қайдга олиниши мумкин.

ТОШКЕНТ, 20 окт - Sputnik. Беларус ҳукумати 22 октябрдан чет элликларга 24 соат давомида республика ҳудудидан COVID-19 коронавируси йўқлиги ҳақидаги маълумотномасиз транзитни амалга оширишга рухсат берди. Бу ҳақда сешанба куни мамлакат чегара қўмитаси матбуот-хизмати хабар берди.

"22 октябр 00:00дан Беларусдан транзит ўтаётган чет эл фуқаролари ва фуқаролиги бўлмаган шахсларга чегарада COVID-19 мавжуд эмаслиги ҳақидаги маълумотнома керак бўлмайди. Шунингдек, бу шахсларга ўн кунлик ўз-ўзини яккалаш тартиби ҳам дахл қилмайди", - дейилади хабарда.

Юқоридаги ҳолатда Беларус орқали транзитни амалга ошираётган шахс Беларусдан 24 соат ичида транзит ўтишини ҳужжат билан тасдиқлаши керак бўлади. Ўтиш ҳужжати (чипта), Беларус транзит визаси, шахс йўл олган мамлакат органи (ташкилоти)нинг расмий таклифномаси, соғломлаштирувчи муассасага йўлланма ва бошқа ҳужжатлар шундай ҳужжат сифатида қайдга олиниши мумкин.

24 соатлик транзитни тасдиқловчи ҳужжатга эга бўлмаган фуқаролар ва фуқаролиги бўлмаган шахслар ҳам Беларусга маълумотномасиз ва ўз-ўзини яккалаш шартига амал қилмаган ҳолда кириб келишларига рухсат берилади. Аммо бу ҳолатда чегара хизматчилари мамлакатга кириб келган шахсга "ташриф буюрувчи анкетаси"ни беришади. Унда меҳмон "Беларусь Республикаси орқали 24 соатдан ошмайдиган транзит" ёзувини қолдириши лозим бўлади.

Шахс ушбу анкетани ўзида сақлаши ва мамлакатдан чиқиб кетаётганида чегара хизматчисига тақдим этиши керак бўлади.

Қайд этилишича, 24 соат ичида мамлакатдан чиқиб кетишга улгурмайдиган шахслар чегарада коронавирус йўқлигини тасдиқловчи ҳужжатни тақдим этишлари керак бўлади. Бундай маълумотномани олиш учун соғлиқни сақлаш вазирлигининг ҳудудий ташкилотларига мурожаат қилиш талаб этилади, деб таъкидланган хабарда.

53