Сотрудница центральной районной больницы

Ўзбекистонда коронавирус: 22 май асосий хабарлари

935
Бугуннинг ўзида республика бўйлаб 56 нафар бемор тузалиб, реабилитацияга кузатилди. Соғайиш кўрсаткичи 80 фоиздан ошди.

ТОШКЕНТ, 21 май — Sputnik. Sputnik Ўзбекистон республикада коронавирус билан боғлиқ бўлган асосий хабарларни тўплади.

Бир сутка давомида 64 кишида коронавирус аниқланди, охирги маълумотларга кўра, Ўзбекистонда коронавирус инфекцияси қайд этилганлар сони 3028  нафарни ташкил қилмоқда.

Даволаниш кўрсаткичи

Бугуннинг ўзида 56 нафар бемор тузалиб, реабилитацияга кузатилди. Жами соғайганлар сони  2 463 нафар. Соғайиш кўрсаткичи 80 фоиздан ошди.

Айни пайтда 552 нафар беморга белгиланган стандартлар бўйича даво чоралари кўрилмоқда.

Эпидемик вазият нохуш бўлган ҳудудлардан келган ва беморлар билан мулоқотда бўлган 44 455 нафар фуқаро саломатлиги устидан тиббий назорат давом этмоқда.

Ҳайит намози - уйда

Ўзбекистон Мусулмонлар идораси коронавирус билан боғлиқ вазият туфайли ҳайит намозини жамоат жойларда ўқишни бекор қилди.

"...2020 йилги Рамазон ҳайити (Ийдул фитр) намозини пандемия даврида жамоат бўлиб ўқиш имконияти мавжуд эмаслиги, мўмин-мусулмонларнинг зиммасидан ушбу ибодатни соқит қилади. <...> Рамазон ҳайити кунлари эпидемик ҳолат мавжудлиги ва одамларнинг ҳаётига хавф сақланиб қолиши сабабли жума ва бошқа намозлар каби Ийд намозини ҳам жамоат бўлиб ўқишнинг иложи бўлмайди", - дейилади хабарда.

Ёпилган шаҳар

Самарқанд вилоятидаги Жума шаҳри кириш йўли ҳамда шаҳар ичидаги бир неча кўчаларда транспорт ҳаракати вақтинчалик тўхтатилади.

Жума шаҳрига туманнинг бошқа ҳудудларидан кириб келаётган автотранспорт воситалари ҳамда фуқароларнинг қуйидаги йўналишлар бўйича ҳаракатланиши вақтинча тўхтатилади.

Яна бир коронавирусдан холи ҳудуд

Коронавирусдан холи ҳудудлар сафига Бухоро вилояти ҳам қўшилди. Бугун Бухоро вилоятида 2 нафар коронавирус инфекциясига чалинган бемор тузалди ва реабилитацияга кузатилди.

Бухоро вилоятида қайд этилган 442 нафар беморнинг барчаси соғайди.

Уйга қайтган шифокорлар

Тожикистонлик ҳамкасблари билан коронавирусга қарши ҳамкорликда самарали фаолият олиб борган ўзбекистонлик шифокорлари уйга қайтди. 8 нафар тиббиёт ходими “Ўзбекистон Республикаси соғлиқни сақлаш аълочиси” кўкрак нишони билан тақдирланди.

Туркия ИВЛ аппаратлари

Туркия ўзида ишлаб чиқарилган 50 дона ўпкани сунъий вентиляция қилиш аппаратларини Ўзбекистонга юборди. Аппарат прототипи Туркиянинг 4та йирик - Arçelik, ASELSAN, Baykar Makine ва Biosys компаниялари муҳандислари томонидан ишлаб чиқилган.

Қўшнига ёрдам

Ўзбекистон Қирғизистонга 248 минг долларлик инсонпарварлик ёрдамини жўнатди. Инсонпарварлик ёрдамига тиббий кроватлар (440 дона), электрон пирометрлар (1000 дона), ҳимоя комбинезонлари (2500 дона), тиббий қўлқоплар (150 000 дона) ва тиббий ниқоблар (150 000 дона) киради.

Дунё саломатлиги

COVID-19 дунёнинг деярли барча давлатга етиб борди. БССТнинг сўнгги маълумотларига кўра, дунёда янги коронавирус инфекциясини юқтириб олган кишиларнинг сони 5,2 миллиондан ошди, 334 минг киши вафот этди. Қарийиб 2 миллион киши соғайди.

935

Саратовдаги даҳшат: Ўзбекистон фуқароси 4 киши қурбон бўлган ЙТҲ учун 3 йилга қамалди

150
Суд эркакни РФ ЖКнинг "Эҳтиётсизлик туфайли иккита ва ундан ортиқ шахслар ўлимига сабаб бўлган йўл ҳаракатидаги қоидабузарлик" моддаси бўйича айбдор деб топди.

ТОШКЕНТ, 27 ноя — Sputnik. Саратов вилоят суди январ ойида содир бўлган даҳшатли ЙТҲ иши бўйича Ўзбекистон фуқаросини айбдор деб топди.

Судланувчини уч йиллик қамоқ жазосига ҳукм қилишди. Бу ҳақда РФ ТҚ ҳудудий бошқармаси хабар бермоқда.

"Дастлабки тергов жараёнида ва судда эркак барча илгари сурилган айбларни тан олган. Суд ҳукми билан у 3 йилга қамоқ жазосига ҳукм қилинган, жазони колония-поселениеда ўташи белгиланган, шунингдек, икки йилга транспорт бошқариш ҳуқуқидан маҳрум этилган", - дейилади баёнотда.

Суд ҳукми қонуний кучга кирмаган ва шикоят аризасини киритиш мумкин.

Ҳодиса ҳақида

Айбловчи томон қуйидаги версияни илгари сурган: 16 январ куни эрталаб, Татищев туманидаги трассада ўзбекистонлик ҳайдовчи ўзининг Hyundai микроавтобусида қарама қарши томонга чиқиб кетган.

Машина қарши томонда келаётган "Волга" билан тўқнашган.

Авария оқибатида "Волга" ҳайдовчиси ва Hyundaiнинг уч нафар йўловчиси ҳалок бўлишган. Минивэнда бўлган яна икки киши оғир жароҳат олган.

Прокуратура маълумотларига кўра, ҳайдовчи ва минивэннинг еттита йўловчиси Ўзбекистон фуқароларидир. Аммо Ўзбекистон ТИВ сал олдин Hyundaiдаги беш киши - республика фуқаролари бўлгани, улардан икки нафар ҳалок бўлишгани ҳақида хабар берган эди.

150

Россияда ҳайдовчисиз автомобилда имтиҳон топишириш мумкин бўлади

49
(Янгиланган 11:46 27.11.2020)
Ҳайдовчисиз машина албатта имтиҳон олувчи инспектор ҳам бўлади, инспекторсиз имтиҳон ҳолиш ҳозирча режалаштирилмаган. 

ТОШКЕНТ, 27 ноя- Sputnik. Келажакда Россияда ҳайдовчилик гувоҳномаси олиш учун имтиҳонни ҳайдовчисиз автомобилда топшириш мумкин бўлади. Бу ҳақида РИА Новостига Москва шаҳар Ҳаракат хавфсизлиги бошқармаси раҳбари Николай Шеюхин хабар қилган. 

"Мана имтиҳон машинаси - у ҳайдовчисиз автомобил асосида яратилган. Унда кўплаб камералар, сенсорли педалар ва планшет-инспектор ўрнатилган. Бу эртага ишга тушади демайман, лекин биз уни такомиллаштирмоқдамиз. Тизим ичида рақамлаштирилган йўллар жойлаштирилган. Ҳайдовчига маълум йўналишга бориш вазифаси берилади ва шундан сўнг тизим унинг ҳаракатларини баҳолайди", - дейди  Шеюхин. 

Машинада албатта имтиҳон олувчи инспектор ҳам бўлади. Инспекторсиз имтиҳон ҳолиш ҳозирча режалаштирилмаган. 

Эслатиб ўтамиз, йил бошида Россия раҳбарияти томонидан ҳайдовчисиз автомобиллар тизимини ишлаб чиқиш, ва уларни умумий фойдаланиш йўлларига чиқариш вазифаси қўйилган эди. Яқин йиллар ичида ҳайдовчисиз автомобиллар Россиянинг айрим ҳудудларида ишга туширилиши мумкин. Хусусан, Москвада Яндекс компаниясининг синовдан ўтаётган ҳайдовчисиз автомобиллари  тез-тез учратиб туриш мумкин. Ҳозирча уларнинг салонида ҳайдовчи бор. 

© Sputnik / Владимир Песня
Беспилотные автомобили "Яндекса"
49
Посол РФ в Узбекистане Владимир Тюрденев

Исматулла Иргашев Россия элчиси билан Афғонистон масаласини муҳокама қилди

13
Ўзбекистон Республикаси президентининг Афғонистон бўйича Махсус вакили Исматулла Иргашев Россия Федерациясининг Фавқулодда ва Мухтор Элчиси Владимир Тюрденев билан учрашди.

ТОШКЕНТ, 27 ноя — Sputnik. Бугун, 27 ноябр куни Ўзбекистон Республикаси президентининг Афғонистон бўйича Махсус вакили Исматулла Иргашев Россия Федерациясининг Фавқулодда ва Мухтор Элчиси Владимир Тюрденев билан учрашди.

Суҳбат давомида Афғонистон инқирозини ҳал этиш бўйича Ўзбекистон ва Россия саъй-ҳаракатлари, Афғонистондаги бугунги вазият, Доҳа шаҳрида Афғонистон бўйича тинчлик музокараларининг бориши ва истиқболлари муҳокама қилинди.

Томонлар, шунингдек, қўшни мамлакатда тинчликни тарғиб қилишда яна бир муҳим қадам саналган Ўзбекистон президенти Шавкат Мирзиёевнинг БМТ қошида Афғонистон бўйича доимий қўмита тузиш тўғрисидаги ташаббусини амалга ошириш масалаларига алоҳида эътибор қаратдилар.

13