Иллюстрированное изображение вируса COVID-19

COVID-19ни уй шароитида даволаш бўйича қўлланма тасдиқланди

1415
(Янгиланган 09:28 14.07.2020)
Коронавирус инфекциясининг енгил формаси билан касалланиб, уйида даволанаётган бемор ўзини қандай тутиши керак, у билан бирга яшаётганлар нималарга эътибор бериши керак? Клиник қўлланма бундай саволларга жавоб топишга ёрдам беради.

ТОШКЕНТ, 14 июл - Sputnik. Ўзбекистонда COVID-19 билан касалланган беморларнинг уйда даволаниши бўйича қўлланма ишлаб чиқилди. Бу ҳақда Ўзбекистон Инновацион соғлиқни сақлаш Миллий палатаси матбуот хизмати хабар бермоқда.

Ўзбекистон Инновацион соғлиқни сақлаш миллий палатаси томонидан ишлаб чиқилган  клиник қўлланмада "коронавирус инфекциясининг енгил формаси билан касалланиб, уйида даволанаётган бемор ўзини қандай тутиши керак, у билан бирга яшаётганлар нималарга эътибор бериши керак, аҳволини назорат остида ушлаб туришда нима ёрдам беради?" каби саволларга жавоблар келтирилган.

Таъкидланишича, ҳар қандай касалликни аввало шифокор назорати остида даволаш лозим. Қўлланмада кўрсатилганидек, «уйда даволаниш жараёнида, яъни касаллик аломатларининг бутунлай йўқолиб кетгунига қадар ёрдам кўрсатиш бўйича бемор билан шифокор ўртасида ўзаро муносабат йўлга қўйилган бўлиши зарур».

Мазкур ҳужжат устида Миллий палата экспертлари томонидан олиб борилган иш жорий йил 30 июнда якунига етказилган ва икки ҳафтадан сўнг Соғлиқни сақлаш вазирлиги томонидан маъқулланган, яъни шифокорлар ҳам, беморлар ҳам унга қараб иш тутса бўлади.

Яна шуниси ҳам муҳимки, ушбу Клиник қўлланма Жаҳон соғлиқни сақлаш ташкилоти (ЖССТ) тавсияларига мувофиқ тайёрланган. 

Сўнги маълумотларга қараганда, коронавирус билан касалланган беморларнинг 40 фоизида касаллик енгил кечади. Агар касалликнинг шундай кечишини қисқа таърифласак, унда COVID-19ни аниқлашга хос клиник ҳолатлар мавжуд, лекин вируссиз пневмония ёки гипоксия белгиларисиз.

Бунда шуни билиш муҳимки, COVID-19 инфекцияси билан касалланганлиги лаборатория томонидан тасдиқланган, ёки шундай эҳтимол мавжудлиги, ёки шундай ҳолатга шубҳа уйғотган барча шахслар вируснинг янада тарқалишини олиш мақсадида уйда ўзини ўзи яккалаши лозим бўлади.

"COVID-19 нинг енгил формаси билан касалланган беморларни даволаш бўйича Вақтинчалик клиник қўлланма» ҳужжатида касалликнинг енгил кечишига хос бўлган асосий касаллик белгилари саналиб ўтган. Улар орасида тана ҳароратининг 38°С дан ошиши (ёки ҳароратнинг кўтарилмаслиги), терлаш, умумий ҳолсизлик, йўтал,сирқовланиш, тумов ёки томоқ оғриғи, томоқ қичиши, кўнгил айниши, қайт қилиш ва (ёки) диарея, тананинг қақшаши, бош оғриғи, таъм ва ҳид сезишнинг бузилиши.   

COVID-19 нинг енгил формаси билан касалланган беморни қаерда даволаш — тиббиёт муассасасидами ёки уйдами, — ҳақидаги қарор ҳар бир аниқ ҳолатда қабул қилиниши кераклиги кўзда тутилган. Бу ерда муҳим мезонлардан бири бу — ҳолатнинг бирдан ёмонлашувининг мавжуд эмаслиги, шунингдек, беморнинг уй шароитини баҳолаш ҳам муҳим.

Ҳужжатнинг алоҳида бўлими сифатида «Бемор ва унинг оила аъзолари учун тавсиялар» ажратилган. Бу ерда, хусусан, «Беморни парвариш қиладиган шахслар сони чегараланган бўлиши лозим. Аслида соғлиги мустаҳкам, асоратли касалликларсиз ёки иммунитети паст бўлмаган бир киши танланиши лозим»лиги кўрсатилади.

Бевосита даволашга, ҳужжат тили билан сўзлаганда, COVID-19 нинг енгил формаси билан касалланган беморни даволашга келсак, Клиник қўлланмага мувофиқ, «симптоматик даволаш: иситмаси кўтарилганда ёки оғриқни пасайтириш учун ҳароратни туширадиган дори воситалари, ҳолатга мос овқатлантириш ва сув балансини ушлаб туриш» тавсия этилади.

Симптоматик даволаш қуйидагиларни кўзда тутади: иситмани тушириш учун — ҳароратни пасайтирадиган дори воситалари, масалан, парацетамол, ибупрофен,; комплекс терапия учун ринит ва/ёки ринофарингит — намлайдиган/ элиминацион дор воситалари, бурун-димоғ орқали қўлланиладиган деконгестантлар; нафас йўлларининг яллиғланиши терапияси учун — мукоактив, бронхолитик ва бошқа дори воситаларини қўллаш.

Шунингдек, жумладан ринитни уйда даволаш учун, бурун битганда ва бошқа бир қатор ҳолатларда яна бошқа тавсиялар ҳам берилган. Касалликнинг енгил турида яхши овқатланиш керак бўлади, албатта, илиқ ҳолда, вазннинг ҳар бир килограммига нисбатан 30 миллилитр ҳисобида (организмдан заҳарларни қувиб чиқариш, шиллиқ пардани намлаб туриш ва томоқ-бурундаги ажратмаларнинг ажралишини енгиллаштириш мақсадида).

Зудлик билан тиббий ёрдам талаб қилинадиган хавотирли аломатларга эътибор қаратилади. Жумладан, бош айланиши, нафас олишнинг оғирлашиши, кўкракда оғриқнинг пайдо бўлиши, организмнинг қуриб кетиши ва бошқаларга.

«COVID-19 нинг енгил формаси билан касалланган беморларни даволаш бўйича Вақтинчалик клиник қўлланма» нафақат шифокорлар ва беморлар учун муҳим ҳужжат ҳисобланади, шу билан бирга COVID-19 ҳақидаги билимлар билан қизиқувчилар учун исботланган тиббиёт ва халқаро тажрибага асосланган кенг ахборот манбаи ҳам бўлиб хизмат қилади.

У билан ишлаб чиқарувчиларнинг — Ўзбекистон Республикаси Инновацион соғлиқни сақлаш Миллий палатасининг сайти орқали таниши мумкин.

1415
Мавзу:
COVID-19 умумжаҳон пандемияси (1057)

Ўзбекистонда коронавирус: 4 август асосий хабарлари

508
Бир сутка давомида 254 кишида коронавирус аниқланди, Ўзбекистонда коронавирус инфекцияси қайд этилганлар сони 26 804 нафарни ташкил қилмоқда.

ТОШКЕНТ, 4  авг — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 254 кишида коронавирус аниқланди, Ўзбекистонда коронавирус инфекцияси қайд этилганлар сони 26 804 нафарни ташкил қилмоқда.

Янги касалланиш ҳолатлари: 218 нафари — Тошкент шаҳрида, 23 нафари — Ўртасарой карантин марказида; 31 нафари — Самарқанд вилоятида, 3 нафари — Тошкент вилоятида, 2 нафари — Андижон вилоятида аниқланди.

Даволаниш кўрсаткичи

Бугуннинг ўзида 576 нафар бемор тузалиб, ўз уйларига кузатилди. Республика бўйлаб жами соғайганлар сони 17 835 нафарга етди.

Айни пайтда 8 803 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

Кун давомида икки бемор – Тошкентда 64 ёшли ва 30 ёшли эркаклар вафот этди.

Уларга “COVID-19” инфекциясининг ўта оғир кечиши, икки томонлама пневмония ташхиси қўйилган. Ҳамроҳ касалликлар (юрак ишемик касаллиги, стенокардия, гипертония) билан ҳам оғриган.

Ўтказилган реанимацион муолажаларга қарамасдан беморлар ўткир юрак қон-томир, нафас ва полиорган етишмовчилигидан вафот этган.

Ўзбекистонда жами 163 киши пандемия қурбони бўлди.

Карантин қачон бекор қилинади

Ўзбекистон бош вазири ўринбосари Азиз Абдуҳакимов карантин қандай шароитда бекор қилиниши мумкинлигини маълум қилди.

“Хабарингиз бор, навбатдаги карантин даври 15 августгача узайтирилган. Биз маълум даражадаги плато чизиғига, барқарорликка эришишимиз, келгусида касалланишлар ҳолатини камайтиришимиз ва карантин чекловларини бекор қилишимиз учун ҳозирги вақтда ўрнатилган чекловларга амал қилишда давом этишимиз керак”, – деди Абдуҳакимов.

Бу ҳақда батафсил.

Ватанга қайтган талабалар

Uzbekistan Airways махсус рейси билан Қозондан 300 нафар талаба Ўзбекистонга олиб келинди.  Талабалар Самарқанд ва Тошкентга олиб келинди. Улар 14 кунлик карантин ўтказиши учун алоҳида ташкил қилинган муассасаларга жойлаштирилди. Бундан аввал Сибир федерал округ олийгоҳларида таҳсил олаётган 100 нафар талаб олиб келинди.

Дунё саломатлиги

Дунё бўйлаб инфекцияни юқтириб олган кишиларнинг сони 18,2 миллионга етди, 692 минг киши вафот этди, 10,9 киши тузалди. Энг кўп ҳолатлар АҚШда (4,7 млн), Бразилияда (2,8 млн), Ҳиндистонда (1,9 млн).

508
Мавзу:
COVID-19 умумжаҳон пандемияси (1057)
Спецоперация по захвату Сухроба Каримова, угрожавшего взорвать банк в Киеве

"Киевлик террорчи" Суҳроб Каримов ҳақида нималар маълум

399
Террористни қўлга олиш бўйича махсус операция қандай ўтганлиги ва у ҳақида бугунги кунга нималар маълум - бу ҳақда материалимизда.

ТОШКЕНТ, 4 авг - Sputnik. 3 август куни кундузи номаълум шахс “Универсал- банк”нинг Киевдаги "Леонардо" бизнес марказидаги филиалини портлатиш билан таҳдид қилди. Кейинчалик, бу шахс Ўзбекистон фуқароси Суҳроб Каримов эканлиги маълум бўлди.

Банкни қўлга олиш ва СБУнинг махсус операцияси: бу қандай ўтди

Кун ўртасида "Универсал-банк" ходимаси полицияга қўнғироқ қилиб, 35 ёшлар атрофидаги эркак банк бўлимига келганини ва унинг сўзларига кўра, сумкасида бомба борлигини маълум қилди. Жиноятчи ҳуқуқни муҳофаза қилиш идоралари ходимларини чақиришни сўради. У бўлим бошлиғини гаровга олиб, қолган барча ходимларни озод қилди.

Полиция ва хавфсизлик хизматлари бинони ўраб олиб, шаҳар аҳолисидан айланма йўлдан ҳаракатланишни сўради. Аввалига, одам гаровга олинишига қарши "Гром" полиция операцияси режаси киритилди. Кейин операция бошқарувини Украина Хавфсизлик хизмати (СБУ) ўз зиммасига олди, у "Бумеранг" терроризмга қарши кураш режасини жорий этди.

Бинога ҳужум уюштиришга имкон бўлмади: Каримов рюкзакка тортилган ипни оёғига боғлаб олиб, портловчи мосламани ишга тушуриши билан таҳдид қилган. Бу ҳақиқатан ростми-ёлғонми, ўша дақиқаларда маълум бўлмаган. Бундан ташқари, эркакнинг ижтимоий тармоқлардаги саҳифаларини ўрганишдан унинг "руҳий носоғломлиги" маълум бўлди.

Угрожающий взорвать бомбу в Киеве является гражданином Узбекистана
Сухроб Каримов в отделении банка

Хавфсизлик ходимлари музокараларга киришди ва босқинчига таслим бўлишни таклиф қилди. У интервью бериш учун ОАВ вакилларини киритишларини талаб қилди. Бошқа маълумотларга кўра, у қўшимча 40 минг гривна (1,44 минг доллар) талаб қилган.

Спецоперация по захвату Сухроба Каримова, угрожавшего взорвать банк в Киеве
Спецоперация по захвату Сухроба Каримова, угрожавшего взорвать банк в Киеве

Махсус кучлар уни соат 15.00 ларда тўғридан-тўғри эфирда у ўзини телевизорда кўрсатаётганига ишонч ҳосил қилганида кишанладилар. Қўлга олиш жараёнида икки телеканал журналистлари ихтиёрий иштирок этдилар.

Спецоперация по захвату Сухроба Каримова, угрожавшего взорвать банк в Киеве
Спецоперация по захвату Сухроба Каримова, угрожавшего взорвать банк в Киеве

Бино текширилганида, тажовузкорнинг ёлғон гапиргани аниқланди: унда на бомба, на хавфли мослама бўлмаган.

Унга нисбатан Украина Жиноят кодексининг 258-моддаси "Террористик акт" 1-қисми бўйича жиноий иши қўзғатилди. Ҳозирда жиноятнинг сабаблари ва террорчининг эҳтимолий шериклари аниқланмоқда.

Украина пойтахти полицияси раҳбари Виктория Азарованинг сўзларига кўра, Каримов ўзини "муқаддас руҳ" деб атаган.

Спецоперация по захвату Сухроба Каримова, угрожавшего взорвать банк в Киеве
Спецоперация по захвату Сухроба Каримова, угрожавшего взорвать банк в Киеве

Террорчи ҳақида нималар маълум?

Украина СБУ маълумотларига кўра, Суҳроб Раҳматович Каримов 32 ёшда, Ўзбекистон фуқароси, Самарқандда туғилган.

Украина ИИВ раҳбарининг ўринбосари Антон Геращенко ўзининг Facebook'даги саҳифасида шуни маълум қилди: террорчининг ватанидан олинган маълумотларга кўра, Каримов 1998 йилдан бери "Олигофрения" ташхиси билан неврологик-психиатрик ҳисобда турган. Самарқанд психоневрологик диспансери Sputnik Ўзбекистон мухбирига бундай маълумотни ошкор этиш тақиқланганлигига ишора қилиб, маълумотни тасдиқламади, ҳам рад этмади.

Киевда, бу эркак тахминан беш йилдан бери яшаб келмоқда, резидент бўлган. Украиналик блогерларнинг хабар беришича, у пойтахт ресторанларидан бирида официант бўлиб ишлаган ва хостелда яшаб келган, у ердан уни гиёҳванд моддалар - амфетамин ва марихуана истеъмол қилгани учун чиқариб юборишган.

Маҳаллий ОАВлар эркакнинг Украинанинг Запорожье вилояти, Бердянск тумани, Новопетровка қишлоғида қайд этилганини аниқладилар. Шу ерда Каримов билан узоқ вақтдан бери алоқада бўлмаган, унинг собиқ хотини ва фарзанди яшаб келган.

30-чи июл куни, банк филиалига бостириб киришдан бир неча кун олдин, эркак ижтимоий тармоқдаги ўз саҳифасида "жиҳод" эълон қилди ва кофирларни ўлдиришга чақирди.

Тошкент қандай муносабат билдирди

Ўзбекистон томони ҳодиса юзасидан ҳозирча расмий изоҳ бермади. Аммо бу борада ишлар олиб борилмоқда.

399
Николай Николаевич Юганов

Жинси форма ва КГБ текширувлари: Олимпиада-80 ҳайдовчилари қандай ишлашган

175
Москвадаги Олимпия ўйинларининг 40 йиллиги шарафига Sputnik Олимпиада-80 муҳити ҳақида гапириб беришни давом этмоқда. Бугунги қаҳрамонларимиз Олимпиада автобус ҳайдовчилари, ўша пайтда Мострансавтода ишлаган Александр Марочкин, Николай Шкаликов ва Николай Юганов.

ТОШКЕНТ, 4 авг - Sputnik, Данара Курманова. Олимпиада-80 ўйинларига 5 мингдан ортиқ автобус жалб қилинган, аммо улардан фақат 550 таси бевосита спортчилар ва мухлисларга хизмат кўрсатган. Асосий олимпия йўналишларида ишлаш учун Москва ва Москва вилоятидан 1300 нафар энг яхши ҳайдовчилар жалб қилинган, танлов жуда жиддий бўлган. Хорижий делегацияларни ташиган Александр Марочкиннинг сўзларига кўра, Олимпиада ташкилий қўмитаси ҳайдовчиларга кўп талаблар қўйган.

Рулни тўғри тутиш керак

Номзодларни саралаш Олимпиададан атиги тўрт ой олдин якунланди - ҳайдовчилар дарҳол ҳайдаш этикети курсларига юборилди. Александр Марочкин айтишича, хаммасидан ҳам унинг эсида рулни қандай тутиш кераклиги машғулоти қолди.

"Биз ахир хоҳлаганимиздай ҳайдардик, - дейди у. – Бу ерда эса  чиройли кўриниши учун рулга қўлларни қандай тўғри қўйиш кераклигини тушунтиришган".

"Иш стажи ўн йилдан кам бўлмаслиги ва биринчи даражали ҳайдовчи мақоми бўлиши керак эди, - дейди Марочкин. - Агар мос келса, уни тиббий кўрикка жўнатишарди, кейин ДАН текширувига".

Александр Викторович Марочкин — на фото справа
Мострансавто
Александр Викторович Марочкин — на фото справа

Тахминан шу вақтнинг ўзида, ҳайдовчилар автобусларни қабул қилди – янги, заводдан тўғридан-тўғри, шунинг учун уларни биринчи навбатда синовдан ўтказиб тайёр қилиб қўйиш керак эди. Масалан, ҳайдовчи Николай Югановга аавалига бу автобусларда болаларни пионерлар лагерига олиб бориш топширилди. Шунингдек Москва вилояти шаҳарларидан Олимпиадага келган барча ҳайдовчилар СССР пойтахти бўйлаб сафарлар қилишлари, йўналишларни ўрганишлари керак эди.

  • Удостоверение водителя Олимпиады-80 Николая Юганова
    Удостоверение водителя Олимпиады-80 Николая Юганова
    Мострансавто
  • Удостоверение водителя Олимпиады-80 Николая Юганова
    Удостоверение водителя Олимпиады-80 Николая Юганова
    Мострансавто
1 / 2
Мострансавто
Удостоверение водителя Олимпиады-80 Николая Юганова

Учувчилар каби кийиндик

Олимпиада ташкилотчилари ҳайдовчиларнинг ташқи кўринишига ҳам катта эътибор беришди. Аэропортда мухлисларни кутиб олган Николай Шкаликов, ҳар бир ҳайдовчига форма берилганлигини эслайди. У иккита костюмдан иборат бўлган. Бири енгил, кулранг джинси материалидан тикилган, иккинчиси эса учувчиларники сингари зичроқ, тўқ кўк рангда эди. Бир ҳил тондаги жиддий галстуклар ва кўк рангли кўйлаклар бу ўхшашликни янада кучайтирди ва сайёҳлар баъзан Олимпиада автобуси ҳайдовчиларини учувчиларга ўхшатишган.

Николай Николаевич Юганов
Мострансавто
Николай Николаевич Юганов

Мусобақалар давомида ҳайдовчилар Ўйинларга махсус таъмирланган меҳмонхоналарда ёки ётоқхоналарда жойлаштирилган.

"Масалан, биз Дмитрий Ульянов кўчасида ётоқхонага жойлашганмиз, - дейди Александр Марочкин. - Биз бир хонада уч кишига яшар эдик ва кун аро иш жадвалимиз бўлган. Навбатчиларимиз кетишганда, мен хонани тартибга солардим, учувчиларникига ўҳшаган кўйлакларни ювиб дазмоллардим. Кейин - аксинча. Биз дўстона яшардик".

Сақич олиш мумкин эмас!

Олимпиада-80 ҳайдовчисининг одатий иш куни қуйидагича эди. Автобусларнинг аксарияти Москва давлат университети ҳудудида, олма боғида турар эди. Бу ерда мусобақалар учун маҳсус вақтинча назорат пункти ва тўхташ жойи ўрнатилди. Александр Марочкин эслашича, ҳайдовчилар афсонавий ЛАЗ автобусларида ишлаган.

"Юмшоқ ЛАЗлар бўлар эди, уларда концерт-музейларга олиб боришган, - деб тушунтиради у. - Шунингдек, улар қаттиқроқ деб номланган ёки ЛАЗ-695 ҳам бор эди. Биз айнан шуларда ишлаганмиз, чет элликларни спорт тадбирларига ташиганмиз".

Автобус для городских и междугородных туристическо-экскурсионных перевозок, выпускаемый Львовским автобусным заводом (ЛАЗ)
© Sputnik / С. Соловьев
Автобус для городских и междугородных туристическо-экскурсионных перевозок, выпускаемый Львовским автобусным заводом (ЛАЗ)

Ҳайдовчилар учун асосий йўналишлар Лужники стадиони, "Олимпийский" ва "Крылатское" спорт мажмуалари, "Сокольники", "Измаилово" ва "Динамо" спорт саройлари ва "Битца" от спорти маркази эди. Ҳар куни кечқурун, автобуслар туриш жойига қайтганда, автобусларни КГБ ходимлари текшириб кўришарди, аммо бунда ҳеч ёмони йўқ эди, дейди Николай Шкаликов: "Жуда бўлса, савол беришлари мумкин эди, қандай, нима гаплар? Салон текширишади, юкхонани очишади, шу билан бўлди".

Бироқ, қатъий чекловлар ҳам бўлган. КГБ машғулотларидан бошлаб ҳайдовчиларга: нима бўлганида ҳам сақич ва сигареталар олинмасин, дейилган. Фақат значоклар билан алмашиш мумкин эди, деб эслайди Николай Юганов.

"Сайёҳларга таклиф қилинса, рад этишимиз тайинланганини ахир айтиб бўлмайдику, - дейди у. - Вазиятдан чиқиш йўлини топишга ҳаракат қилганмиз. Улар чекишни таклиф қилишса, сиз: "Йўқ, йўқ, мен чекмайман, раҳмат", дейишингиз керак".

Николай Николаевич Юганов с семьей на Красной площади в Москве
Мострансавто
Николай Николаевич Юганов с семьей на Красной площади в Москве

Рус айиқлари, ҳайратда қолган французлар ва ҳинд плаши

Аммо КГБда автобусларда унутилган сайёҳларнинг шахсий буюмларига жуда жиддий муносабатда бўлишган. "Агар автобусда бирон нарса топсак, кечқурун уни инспекторларга топширишимиз керак эди, - дейди Николай Юганов.— Кейинчалик эса уни ўзлари қайтариб беришарди".

Совет ҳукумати ҳайдовчиларнинг хатти-ҳаракатларига эътибор бергани бежиз эмас эди. Ғарб ОАВлари ўз ўқувчиларини Москвадаги Олимпиадага боришдан бош тортишга чақирган, СССР барча даражаларда сервис бўлмаганлиги ҳақида ёзганлар. Бу даъволарни рад этиш учун Олимпиада ташкилотчилари "меҳмонлар қониқса бўлди" тамойили бўйича ҳаракат қилишган, дейди Александр Марочкин ва ҳиндистонлик меҳмон аёл бир сафар плащини йўқотиб қўйганини мисол келтиради.

"У плащини автобусда эмас, балки сайр пайтида қаердадир қолдириб қўйган, - дейди ҳайдовчи. - Лекин у хафа бўлиб қолмаслиги учун унга:" Ҳеч қиси йўқ, ҳозир дўконга бориб, янгисини сотиб оламиз", дейишди. Шу тариқа унга давлат ҳисобидан плащ олиб беришди".

Александр Марочкин, унинг ҳамкасби, бир неча кекса французни олиб юрганини эсга олади. Эр-хотин жуда чанқоқ бўлиб лимонад сотиб олдилар, аммо шишани очолмадилар.

"Дўстим ойнада бу ҳолатни кўриб, шишани олди-да бир зумда уни очиб берди. Тасодифни қаранг, шу куни денгиз флоти байрами нишонланаётган эди ва французнинг кўзлари катта-катта очилиб: "Бу ерда ҳаммангиз рус айиқларисизлар!, деди. Биз бундан узоқ вақт кулдик".

Тил билан боғлиқ муаммолар бўлмаган

Баъзан ҳайдовчилар билан гидлар бирга ишлаган, лекин баъзида чет элликларни уларсиз ташишга мажбур бўлишган. Бунда сайёҳлар билан мулоқотда муаммолар бўлмаган. Биринчидан, автобус олди ойнасида спорт тури ёзилган тарфарет ёрдам берган – шу тариқа Олимпиада меҳмонлари ушбу ҳайдовчи билан қандай мусобақаларга бориш мумкинлигини тушунишган.

Иккинчидан, ҳар бир ҳайдовчига мухлисларни кутиш учун қайси стадионга бориши ва қайси сектор ёки чиқиш йўлагида кутиши кераклиги ҳақида ёзма батафсил буюртма берилган.

Ҳаммасидан кўра немислар билан гаплашиш осонроқ эди, деб эслайди Николай Юганов. "Нимаси тушунарсиз?- дейди у. – Улар "Фарен" дейишса, демак юришимиз керак. Керакли манзилга келганимиздан кейин улар кетишадида, қайтиб келиб "бай-бай!" деса, демак уларни ётоғига обориш керак. Шундай қилиб, тшпалон ёки тушунмовчиликлар бўлмаган, ҳаммаси яхши яхши ўтди".

Биз ишлагани келдик

Воқеалар қоқ марказида бўлган Олимпиада ҳайдовчилари деярли битта ҳам тадбирни кўришолмади. Ўйин ташкилотчилари уларни бошиданоқ огоҳлантиришди: улар Олимпиада ўйинларини асосан телевизор орқали томоша қилишади. Ҳайдовчиларга битта мусобақага бориш ҳуқуқи берилди - ўзларининг хоҳишига қараб.

"Сўровномани олдиндан тўлдириб қўйиш керак эди, дўстим билан велоспортга шунчаки бордик, биз учун жуда қизиқ эди, - дейди Александр Марочкин. - Аммо биз хафа бўлмадик. Тушундик: ахир бу ерга биз ишлагани келганмиз".

Бироқ, стадионлар олдида тўхтаб турган кўплаб ҳайдовчилар Ўйинлар ёпилишининг энг машҳур қисми - Олимпия айиқчасининг парвозини томоша қилишга муваффақ бўлишган. Аммо Александр Марочкиннинг сўзларига кўра, уларсиз ҳам рақобат етарлича бўлган, чунки Олимпиада ташкилий қўмитаси ҳайдовчилар ўртасида ўзига хос биринчиликни ўтказган.

"Рейслар сони ва ишлаган соатлари бўйича биз ўз натижаларимиз сарҳисоб қилинди. Натижада коломналик ҳайдовчилар биринчи ўринни эгаллади, биз эса, Орехово-Зуеволиклар, учинчи бўлдик".

175
Мавзу:
Олимпиада-80: ҳаммаси қандай бўлган эди?