TOShKENT, 17 noya — Sputnik. "Obod Armaniston" muxolifat partiyasining a’zosi Naira Zograban Armaniston Milliy yig‘ilishi deputatlarini mamlakatda harbiy holatni bekor qilish va bosh vazir Nikol Pashinyanni lavozimidan ozod etishga chaqirdi.
"Bugun bu anjumanlar zalida faqat bitta masala - harbiy holatni bekor qilish va Nikol Pashinyanning iste’foga chiqishini muhokama qilish kerak, biz boshqa masalani muhokama qilish uchun ma’naviy huquqimiz yo‘q", - dedi Zograban parlament yig‘ilishida.
Bir necha kundan buyon Yerevanda muxolifat mitinglari bo‘lib o‘tmoqda: ishtirokchilar Pashinyan Qorabog‘da o‘t otishni to‘xtatish to‘g‘risidagi kelishuvni imzolaganligi sababli iste’foga chiqishini talab qilmoqda.
Armaniston maxsus tergov xizmati "qonunda belgilangan tartibni buzgan holda yig‘ilish uyushtirish va o‘tkazish" moddasi bilan jinoiy ish qo‘zg‘atdi, uning maksimal sanksiyasi ikki oyga qamoqqa olishni nazarda tutadi.
10 noyabr kuni Rossiya, Ozarbayjon va Armaniston yetakchilari Vladimir Putin, Ilhom Aliyev va Nikol Pashinyan Tog‘li Qorabog‘dagi harbiy harakatlarni to‘liq to‘xtatish to‘g‘risida qo‘shma kelishuvni imzoladilar.
Armaniston va Ozarbayjon egallab olgan pozitsiyalarida to‘xtashadi, so‘ngra bir qator mintaqalar Boku nazoratiga o‘tkaziladi, Rossiya tinchlikparvar kuchlari tutash chizig‘i va Qorabog‘ni Armaniston bilan bog‘laydigan Lochin koridori bo‘ylab joylashtiriladi.
Pashinyan kelishuvni imzolash uning uchun juda og‘riqli bo‘lganini aytdi. Uning so‘zlariga ko‘ra, agar hujjat imzolanmaganda, Armaniston bundan ham battarroq bo‘lar edi. Aliyev kelishuvni imzolashni Armanistonga taslim bo‘lish deb atadi. Uning so‘zlariga ko‘ra, kelishuv Ozarbayjon uchun eng foydali bo‘lgani, harbiy bosqich yakunlandi va siyosiy masalalarga o‘tish mumkin.
