Производство вакцины Sputnik V

Ўзбекистон ҳукумати 8 та йирик вакцина ишлаб чиқарувчига мурожаат этган - Беҳзод Мусаев

298
(Янгиланган 09:49 23.02.2021)
Ўзбекистон Бош вазири ўринбосари мамлакат аҳолисини тўлиқ эмлаш бўйича олиб борилаётган ишлар ҳақида гапирар экан, юзага келаётган масалалар ҳақида тўхталди.

ТОШКЕНТ, 23 фев - Sputnik. Бош вазир ўринбосари Беҳзод Мусаевнинг депутатларга маълум қилишича, Ўзбекистон ҳукумати 8 та йирик вакцина ишлаб чиқарувчига 3 млн дозадан вакцина харид қилиш бўйича мурожаат этган.

"Ҳозир вакцина билан аҳолини кенг қатламини қамраб олиш ниятимиз бўладиган бўлса, биринчидан, бунча миқдорда вакцинани ишлаб чиқарувчининг ўзи йўқ. Ёки ишлаб чиқарувчи бўлганда ҳам, уни етказиб берувчи йўқ. Ҳозир дунёдаги саккизта асосий вакцина ишлаб чиқарувчи корхоналар бўлса, Ҳукумат томонидан ҳар бирига мурожаат хатини юбордик. Уч миллион доза вакцина олиш ниятимиз бор. Шуни (вакцинани, таҳр.) бизга етказиш муддати ва нархи борасида аниқ маълумот беришларини сўрасак, хатимизга бирортаси аниқ жавоб бера олгани йўқ", - деди Беҳзод Мусаев.

"Спутник V" Ўзбекистонда расман рўйхатдан ўтди >>>

Бош вазир ўринбосарининг аниқлик киритишича, вакциналар пунктларга етказилганидан кейин қаердан, қанча миқдорда олингани ҳақида маълумотлар ОАВларга тақдим этилади. 

Шунингдек, Мусаевнинг қайд этишича, вакцина ишлаб чиқарувчилар билан препарат нархи ва етказиб берилиши муддати борасида аниқ келишувларга эришилганидан сўнггина вакцина Ўзбекистон аҳолисининг қолган қатламларига етказиб бериш кўзда тутилган.

"Бу ҳақда келишувлар жараёнида қўшимча маълумот берамиз", - деди бош вазир ўринбосари.

298
Теглар:
коронавируснинг “британча” штамми аломатлари, Британияда коронавируснинг янги штамми, коронавирус пандемияси, коронавирус, эмлаш, вакцина
Мавзу:
COVID-19 умумжаҳон пандемияси (1382)
Мужчина держит папку в руке

Ҳарбий хизмат, ички ишлар ва божхона: пенсия таъминотига доир янги қонун

617
(Янгиланган 20:20 02.03.2021)
“Ҳарбий хизмат ўтаган, ички ишлар ва божхона идораларида хизмат ўтаган шахслар ҳамда уларнинг оила аъзоларини давлат пенсия билан таъминлаш тўғрисида”ги Ўзбекистон Республикаси Қонуни лойиҳаси тайёрланди.

ТОШКЕНТ, 2 мар — Sputnik. “Ҳарбий хизмат ўтаган, ички ишлар ва божхона идораларида хизмат ўтаган шахслар ҳамда уларнинг оила аъзоларини давлат пенсия билан таъминлаш тўғрисида”ги Ўзбекистон Республикаси Қонуни лойиҳаси тайёрланди.

Шавкат Мирзиёев 12 февраля принял участие в расширенном заседании коллегии Министерства внутренних дел Республики Узбекистан
Пресс-служба президента Узбекистана

Қонун лойиҳасини ишлаб чиқишдан кўзланган мақсадлар:

Ўзбекистон Республикаси ҳудудида истиқомат қилаётган Ўзбекистон Республикаси Қуролли Кучлари ҳарбий хизматчилари ва уларнинг оила аъзолари, шунингдек, Ўзбекистон Республикаси ва собиқ Совет Социалистик Республикалар Иттифоқининг қонун ҳужжатларига мувофиқ яратилган бошқа ҳарбий тузилмаларда ҳарбий хизмат ўтаган бўлиб, собиқ Иттифоқ таркибига кирган, бироқ Мустақил Давлатлар Ҳамдўстлигига аъзо бўлмаган давлатлар ҳудудида истиқомат қилаётган шахслар ҳамда ушбу шахслар оила аъзоларининг ҳуқуқлари ва қонуний манфаатларини муҳофаза қилиш (агар зикр этилган шахсларнинг пенсия таъминоти, мулоҳаза юритилаётган давлатларнинг ҳарбий хизмат (хизмат) ўтаган шахслар ва уларнинг оила аъзоларини пенсия билан таъминлашга оид қонун ҳужжатларида кўзда тутилмаган бўлса);

ҳарбий хизматчиларни ижтимоий жиҳатдан муҳофаза қилиш масалаларини нафақат уларнинг ҳуқуқ ва имтиёзларига тааллуқли кўплаб меъёрларни бир бутун қилиб, ўз ичига мужассам этадиган кодекс хусусиятига эга ҳужжат асосида, балки соҳага оид устувор масалаларни белгилаш бўйича давлат ҳокимияти идораларининг мажбуриятларини аниқ ифодалайдиган, мулоҳаза юритилаётган масалаларни рўёбга чиқариш йўлларини белгилаб берадиган ҳужжат асосида йўлга қўйиш киради.

"Қонун лойиҳаси пенсияларнинг қуйидаги миқдорларини кўзда тутади:

а) ҳақиқий ҳарбий хизмат ўталган муддат 20 йилни ташкил этса, пул таъминотига оид тегишли сумманинг 40 фоизи, хизмат ўташнинг чекланган ёшига етгани ёки соғлиги ёмонлашгани муносабати билан ҳақиқий ҳарбий хизматдан (хизматдан) истеъфога бўшатилган шахсга эса 45 фоизи тайинланади. 20 йилдан ортиқ ўталган ҳар бир тўлиқ хизмат йили учун пул таъминотига оид тегишли сумманинг 3 фоизи қўшилади. Бироқ пенсия миқдори, ушбу сумманинг жами 75 фоизидан ошмайди;

б) умумий меҳнат стажи 25 йилни ташкил этса, пул таъминотига оид тегишли сумманинг 40 фоизи, 25 йилдан ортиқ ҳар бир тўлиқ стаж йили учун зикр этилган сумманинг 1 фоизи қўшилади;

в) меҳнат стажи ҳисобга олинган тарзда хизмат ўтаган йиллари учун пенсия тайинланаётганида: умумий меҳнат стажи 20 йилни ташкил этса,  пул таъминотига оид тегишли сумманинг 40 фоизи, 20 йилдан ортиқ ҳар бир тўлиқ стаж йили учун зикр этилган сумманинг 3 фоизи қўшилади. Бироқ пенсия миқдори, пул таъминотига оид тегишли сумманинг жами  75 фоизидан ошмайди.

Хизмат ўтаган йиллари учун тайинланадиган пенсия миқдори Ўзбекистон Республикасида жорий этилган ёшга доир пенсиянинг энг кам миқдоридан кам бўлиши мумкин эмас.

Ҳарбий хизматчилар тоифасига мансуб, ногиронлик ҳолати ҳарбий хизмат мажбуриятларини бажариш билан боғлиқ бўлган (ҳарбий жароҳат олган) ногиронларга қуйидаги миқдорларда пенсия тайинланиши кўзда тутилган:

I гуруҳ ногиронларига – пул таъминотига оид тегишли сумманинг  90 фоизи;

II гуруҳ ногиронларига – пул таъминотига оид тегишли сумманинг  80 фоизи;

III гуруҳ ногиронларига – пул таъминотига оид тегишли сумманинг  55 фоизи", - деб ёзилган ҳужжатда.

617
Теглар:
Давлат божхона қўмитаси, божхона, Ички ишлар органи, Тошкент, Ўзбекистон
Вакцина Спутник-V

"Спутник V"ни Ўзбекистонда ишлаб чиқариш имконияти кўриб чиқилмоқда Лавров

151
(Янгиланган 16:32 02.03.2021)
Россия “Спутник V” вакцинасини Ўзбекистонда ишлаб чиқариш имконияти кўриб чиқилмоқда – РФ Ташқи ишлар вазири.

ТОШКЕНТ, 2 мар — Sputnik. Россиянинг “Спутник V” вакцинасини Ўзбекистонда ишлаб чиқариш имконияти кўриб чиқилмоқда, деб айтди Россия ташқи ишлар вазири Сергей Лавров. РИА Новости хабарига асосан.

РФ Ташқи ишлар вазирлиги раҳбари шу кунларда Ўзбекистон Республикаси Соғлиқни сақлаш вазирлиги делегацияси Москвада эканлигини таъкидлади.

"Шу кунларда Ўзбекистонда аҳолини оммавий эмлаш бошланади ... “Спутник V"  вакцинасини Ўзбекистонда ишлаб чиқариш масаласи кўриб чиқилмоқда, у тезкор тартибда рўйхатдан ўтказилди. Биз бу йўналишда ҳамкорлигимизни жуда қадрлаймиз", -  деди Лавров Ўзбекистон Ташқи ишлар вазирлиги раҳбари билан учрашувдан кейинги матбуот анжуманида.

Абдулазиз Комилов амалий ташриф билан Россия Федерациясига келган.

Эслатиб ўтамиз, Гамалея маркази томонидан ишлаб чиқарилган коронавирусга қарши дунёда биринчи "Спутник V" вакцинаси 17 февраль куни Ўзбекистонда рўйхатдан ўтди.

151
Теглар:
коронавирус, коронавирус пандемияси, вакцина, Спутник V, Россия, Ўзбекистон
Мавзу:
COVID-19 умумжаҳон пандемияси (1382)