Саратон касаллигига ишора қилувчи бешта кутилмаган белги

1279
Шифокорлар юзага келаётган хавфли ўсимтанинг бешта кутилмаган белгиларини санаб ўтишди, таъкидланишича, одамларнинг аксарияти уларга эътибор беришмайди

ТОШКЕНТ, 23 фев — Sputnik. Онкологик касаллик белгиларини эрта босқичда аниқлаш жуда мураккаб, деб ёзади Express нашри.

Таъкидланишича, саратон касаллигининг айрим энг кенг тарқалган белгилари инсонни ёмон ҳис қилдирмайди, шу боисдан аксарият вақтларда улар эътибордан четда қолади.

Шифокорлар саратон касаллигининг аксарият одамлар умуман эътибор бермайдиган бешта кутилмаган белгиларини санаб ўтдилар.

Гап овқат ютишда юзага келадиган қийинчиликлар ҳақида бормоқда. Мутахассислар сўзларига кўра, бу белги қизилўнгач саратонидан далолат беради.

Салқиб қолган қовоқлар эса одатда ўпкада хавфли ўсимта юзага келаётганидан дарак беради. Овоз хирилдоқлиги томоқ (кекирдак) саратонига ишора қилади.

Шифокорлар қоринда мунтазам дам юзага келадиган тақдирда тиббий ёрдам учун мурожаат қилишни тавсия этишади, сабаби, бундай белги тухумдонлар саратонидан дарак бериши мумкин.

Бундан ташқари, пешоб ранги ўзгаришига ҳам эътиборли бўлиш керак. Мутахассисларнинг огоҳлантиришича, тим-жигарранг пешоб ошқозон ости бези саратонидан, қизил рангдаги пешоб эса - буйрак, қовуқ ёки простатада юзага келаётган онкологик касалликлардан белги бўлиши мумкин.

1279
Мужчина держит папку в руке

Ҳарбий хизмат, ички ишлар ва божхона: пенсия таъминотига доир янги қонун

655
(Янгиланган 20:20 02.03.2021)
“Ҳарбий хизмат ўтаган, ички ишлар ва божхона идораларида хизмат ўтаган шахслар ҳамда уларнинг оила аъзоларини давлат пенсия билан таъминлаш тўғрисида”ги Ўзбекистон Республикаси Қонуни лойиҳаси тайёрланди.

ТОШКЕНТ, 2 мар — Sputnik. “Ҳарбий хизмат ўтаган, ички ишлар ва божхона идораларида хизмат ўтаган шахслар ҳамда уларнинг оила аъзоларини давлат пенсия билан таъминлаш тўғрисида”ги Ўзбекистон Республикаси Қонуни лойиҳаси тайёрланди.

Шавкат Мирзиёев 12 февраля принял участие в расширенном заседании коллегии Министерства внутренних дел Республики Узбекистан
Пресс-служба президента Узбекистана

Қонун лойиҳасини ишлаб чиқишдан кўзланган мақсадлар:

Ўзбекистон Республикаси ҳудудида истиқомат қилаётган Ўзбекистон Республикаси Қуролли Кучлари ҳарбий хизматчилари ва уларнинг оила аъзолари, шунингдек, Ўзбекистон Республикаси ва собиқ Совет Социалистик Республикалар Иттифоқининг қонун ҳужжатларига мувофиқ яратилган бошқа ҳарбий тузилмаларда ҳарбий хизмат ўтаган бўлиб, собиқ Иттифоқ таркибига кирган, бироқ Мустақил Давлатлар Ҳамдўстлигига аъзо бўлмаган давлатлар ҳудудида истиқомат қилаётган шахслар ҳамда ушбу шахслар оила аъзоларининг ҳуқуқлари ва қонуний манфаатларини муҳофаза қилиш (агар зикр этилган шахсларнинг пенсия таъминоти, мулоҳаза юритилаётган давлатларнинг ҳарбий хизмат (хизмат) ўтаган шахслар ва уларнинг оила аъзоларини пенсия билан таъминлашга оид қонун ҳужжатларида кўзда тутилмаган бўлса);

ҳарбий хизматчиларни ижтимоий жиҳатдан муҳофаза қилиш масалаларини нафақат уларнинг ҳуқуқ ва имтиёзларига тааллуқли кўплаб меъёрларни бир бутун қилиб, ўз ичига мужассам этадиган кодекс хусусиятига эга ҳужжат асосида, балки соҳага оид устувор масалаларни белгилаш бўйича давлат ҳокимияти идораларининг мажбуриятларини аниқ ифодалайдиган, мулоҳаза юритилаётган масалаларни рўёбга чиқариш йўлларини белгилаб берадиган ҳужжат асосида йўлга қўйиш киради.

"Қонун лойиҳаси пенсияларнинг қуйидаги миқдорларини кўзда тутади:

а) ҳақиқий ҳарбий хизмат ўталган муддат 20 йилни ташкил этса, пул таъминотига оид тегишли сумманинг 40 фоизи, хизмат ўташнинг чекланган ёшига етгани ёки соғлиги ёмонлашгани муносабати билан ҳақиқий ҳарбий хизматдан (хизматдан) истеъфога бўшатилган шахсга эса 45 фоизи тайинланади. 20 йилдан ортиқ ўталган ҳар бир тўлиқ хизмат йили учун пул таъминотига оид тегишли сумманинг 3 фоизи қўшилади. Бироқ пенсия миқдори, ушбу сумманинг жами 75 фоизидан ошмайди;

б) умумий меҳнат стажи 25 йилни ташкил этса, пул таъминотига оид тегишли сумманинг 40 фоизи, 25 йилдан ортиқ ҳар бир тўлиқ стаж йили учун зикр этилган сумманинг 1 фоизи қўшилади;

в) меҳнат стажи ҳисобга олинган тарзда хизмат ўтаган йиллари учун пенсия тайинланаётганида: умумий меҳнат стажи 20 йилни ташкил этса,  пул таъминотига оид тегишли сумманинг 40 фоизи, 20 йилдан ортиқ ҳар бир тўлиқ стаж йили учун зикр этилган сумманинг 3 фоизи қўшилади. Бироқ пенсия миқдори, пул таъминотига оид тегишли сумманинг жами  75 фоизидан ошмайди.

Хизмат ўтаган йиллари учун тайинланадиган пенсия миқдори Ўзбекистон Республикасида жорий этилган ёшга доир пенсиянинг энг кам миқдоридан кам бўлиши мумкин эмас.

Ҳарбий хизматчилар тоифасига мансуб, ногиронлик ҳолати ҳарбий хизмат мажбуриятларини бажариш билан боғлиқ бўлган (ҳарбий жароҳат олган) ногиронларга қуйидаги миқдорларда пенсия тайинланиши кўзда тутилган:

I гуруҳ ногиронларига – пул таъминотига оид тегишли сумманинг  90 фоизи;

II гуруҳ ногиронларига – пул таъминотига оид тегишли сумманинг  80 фоизи;

III гуруҳ ногиронларига – пул таъминотига оид тегишли сумманинг  55 фоизи", - деб ёзилган ҳужжатда.

655
Теглар:
Давлат божхона қўмитаси, божхона, Ички ишлар органи, Тошкент, Ўзбекистон
Вакцина Спутник-V

"Спутник V"ни Ўзбекистонда ишлаб чиқариш имконияти кўриб чиқилмоқда Лавров

153
(Янгиланган 16:32 02.03.2021)
Россия “Спутник V” вакцинасини Ўзбекистонда ишлаб чиқариш имконияти кўриб чиқилмоқда – РФ Ташқи ишлар вазири.

ТОШКЕНТ, 2 мар — Sputnik. Россиянинг “Спутник V” вакцинасини Ўзбекистонда ишлаб чиқариш имконияти кўриб чиқилмоқда, деб айтди Россия ташқи ишлар вазири Сергей Лавров. РИА Новости хабарига асосан.

РФ Ташқи ишлар вазирлиги раҳбари шу кунларда Ўзбекистон Республикаси Соғлиқни сақлаш вазирлиги делегацияси Москвада эканлигини таъкидлади.

"Шу кунларда Ўзбекистонда аҳолини оммавий эмлаш бошланади ... “Спутник V"  вакцинасини Ўзбекистонда ишлаб чиқариш масаласи кўриб чиқилмоқда, у тезкор тартибда рўйхатдан ўтказилди. Биз бу йўналишда ҳамкорлигимизни жуда қадрлаймиз", -  деди Лавров Ўзбекистон Ташқи ишлар вазирлиги раҳбари билан учрашувдан кейинги матбуот анжуманида.

Абдулазиз Комилов амалий ташриф билан Россия Федерациясига келган.

Эслатиб ўтамиз, Гамалея маркази томонидан ишлаб чиқарилган коронавирусга қарши дунёда биринчи "Спутник V" вакцинаси 17 февраль куни Ўзбекистонда рўйхатдан ўтди.

153
Теглар:
коронавирус, коронавирус пандемияси, вакцина, Спутник V, Россия, Ўзбекистон
Мавзу:
COVID-19 умумжаҳон пандемияси