Открытый Кубок Омской области по бодибилдингу

Олимлар мушакларни ўстиришга ёрдам берадиган маҳсулотни аниқлашди

1644
Германиялик олимлар тадқиқотга 46 кишини жалб қилишди.

ТОШКЕНТ, 9 июл – Sputnik. Берлин университети олимлари исмалоқ (шпинат) мушакларни ўстиришига ёрдам беришини аниқлашди.

Мутахассисларнинг сўзларига кўра, сабзавотларда табиий допинг бор – эксдистерон, фистероид.

Тадқиқотлардан бирида исмалоқ истеъмол қилган иштирокчиларнинг мушаклари катталашиб, кучи кўпайгани маълум бўлди.

Олимлар тадқиқот давомида 46 кишини ўрганишди. 10 ҳафта давомида бир гуруҳга турли миқдорда исмалоқ экстракти бериб борилган, бошқаларга эса бу сабзавот кўринишида бўлган модда (плацебо) берилган. Бунда одамлар оддий ердан кўтарилиш (отжимание) машқини бажаришган.

Тадқиқотда қатнашаётган одамлар қайси гуруҳга киришини билмаган. Тадқиқот якунида бир гуруҳ аъзоларида мушаклар сезиларли даражада катталашгани маълум бўлди.

Бундан кейин олимлар экдистерон моддасини допинг рўйхатига киритилишини талаб қилишди. У турли минерал, витамин ва оқсилларга бой.

1644
Элдор Шомуродов

“Шомуродов қани?” - ўзбекистонлик легионер "Женоа"да кўринмай қолди

894
(Янгиланган 18:37 12.11.2020)
Октябрь ойининг бошида Италиянинг “Женоа” футбол клуби “Ростов” жамоасида тўп сураётган Ўзбекистон терма жамоаси ҳужумчиси Элдор Шомуродовнинг трансфери ҳақида эълон қилган эди. Sputnik мухбири Элдор янги жамоада дебюти қандай ўтгани билан қизиқди.

ТОШКЕНТ, 12 ноя — Sputnik, Дмитрий Матвеев. Европа футболининг А Сериясида дебют қилганига қадар Элдор Шомуродов Италия матбуотида мақтовларга сазовор бўлган эди. Бир қатор нашрлар уни Шарқдан келган “янги Пёнтек” ва ҳато “ўзбек Месси”си деб атаган эди. (Кшиштоф Пёнтек - Женоада 2018 йилда тўп сурган польшалик футболчи)  

Нуфузли "La Gazzetta dello Sport" нашри октябрь ўрталарида Элдор ҳақида катта мақола чоп этган эди. Унда Элдорнинг биографиясидан ташқари 2001-2014 йилларда Италиянинг "Ювентус", "Реджину", "Кротоне", "Женоа", "Торино" ва бошқа жамоаларида тўп сурган биринчи ўзбек футболчиси Ильяс Зейтуллаев ҳам эсга олинган эди.

Элдор Шомуродов
Элдор Шомуродов

Мақолада айтилишига кўра, Ўзебкистон терма жамоасининг ўз Буффон ва Мессилари бор. Хусусан, журналист Нестеровни Буффонга ва Элдорни Мессига тенглаштирган.

Мақолада айтилишига кўра, Элдор “Бунёдкор” клубига Ривальдо келган вақтларида футболни севиб қолган. Ўшанда афсонавий бразилиялик футболчи Элдорнинг қўлини сиққан эди. Шундан сўнг жамоадошлари ҳазиллашиб унга  узоқ вақт қўлини ювмай юришни маслаҳат беришганини эсга олган.

Ўзбекистонлик легионер "Женоа" жамоасида 19 октябрда дебют матч ўтказган эди. “Верона”га қарши бўлиб ўтган ўйин 0:0 ҳисобида дуранг натижа билан тугади. Элдор ушбу ўзинда ўзини яхши томондан намойиш қила олмади. 63 дақиқада унинг ўрнига ёш ҳужумчи Джанлука Скамачча чиқди.

Ўйин натижаларига кўра "La Gazzetta dello Sport" Шомуродовга энг паст баҳо қўйди— 5,0. Унинг ўрнига чиққан ҳужумчи эса 6,5 балл олган.

​Италия нашрлари ўзбекистонлик футболчининг суст дебютини янги шароитларга мослашиш билан боғлади. “У жуда кўп меҳнат қилди, лекин кўпроқ ўзига ишонди ва кўп хато қилди” – деган хулосага келган у ерлик журналистлар. "Женоа" жамоасининг доимий мухлисларидан бири ўз Твиттерида Элдор янги шароитларга мослашиши учун вақт керак деб изоҳ қолдирган.

“24 октябрда бўлиб ўтган навбатдаги ўйинда "Женоа" Миланнинг "Интер" жамоасига ютқазиб қўйди. Рақиб кучли бўлгани туфайли "Женоа" мураббийи Роландо Маран Шомуродовни майдонга чиқаришга ботинмади шекилли. Ўйин давомида асосий ҳужумчилар македониялик Горан Пандев ва хорватиялик  Марко Пьяца бўлди. Элдор 65 дақиқада майдонга чиқди, лекин бу сафар ҳам ўзини яхши намойиш қила олмади. "Женоа" оқибатда— 0:2 ҳисобида ютқазди.

“Сампидория” жамоаси билан бўлиб ўтган учинчи ўйинда Элдор умуман майдонда кўринмади. Кейинроқ унинг жароҳати борлиги маълум бўлди. “Торино” жамоаси билан бўлиб ўтган навбатдаги ўйинда Элдор ўйинчилар рўйхатида ҳам йўқ эди.

Расман Элдорнинг жароҳати ҳақида клуб томонидан хабар тарқатилмаган бўлса-да, футболчилар унинг мушаклари жароҳатланганини маълум қилишди. Шифокорлар айтишига кўра, у “Рома”га қарши бўлиб ўтадиган 7-ўйинда майдонга чиқиши керак эди.

Лекин 8 ноябрдаги ўйинда ҳам Элдор кўринмади. "Женоа" "Рома"га 1:3 ҳисобида ютқазди. Шундан сўнг ўзбекистонлик футбол мухлисларида “бу ерда бир гап бор” деган ҳақиқий шубҳа пайдо бўлди.

Генуялик клуб расмий Твиттерида бир неча киши бирданига “Шомуродов қани?” деган саволлар билан мурожаат қилшди. “Шомуродов йўқ бўлса, бизга қизиқ эмас” деб ёзди иккинчиси.

Шундай қилиб, Элдорнинг Италия жамоасига келганига бир ой бўлган бўлса, унинг келажаги номаълумлигича қолмоқда. Ёки у ҳақиқатдан травма олган, ё клуб раҳбарияти легионер ўйинидан мамнун эмас, лекин “уйдаги гап ташқарига чиқмасин” қабилида иш тутмоқда.

* Муаллиф фикри таҳририят нуқтаи назаридан фарқ қилиш мумкин.

894
Хабиб Нурмагомедов против Дастина Пуарье

Ҳабиб менежери жангчининг октагонга қайтишига ишора қилди

132
(Янгиланган 14:45 11.11.2020)
Россиялик UFC чемпиони Ҳабиб Нурмагомедов менежери Али Абдел-Азиз жангчининг октагонга қайтишига шама қилди.

ТОШКЕНТ, 11 ноя — Sputnik. Россиялик UFC чемпиони Ҳабиб Нурмагомедов менежери Али Абдел-Азиз жангчининг октагонга қайтишига шама қилди. Бу ҳақда у ўзининг Twitter’даги саҳифасида ёзди.

У ўз твитида Нурмагомедов жангда ғалаба қозонишини башорат қилди.

25 октябрь куни UFC 254 мусобақасида Ҳабиб Нурмагомедов америкалик жангчи Жастин Гэтжи устидан ғалаба қозониб, чемпионлик унвонини муваффақиятли ҳимоя қилди. Жангдан сўнг россиялик чемпион ММАдаги фаолиятини якунлашини эълон қилди.

Спортчи 29 та жангда ўтказиб, барчасида ғалаба қозонган.

Нурмагомедовнинг Гэтжи устидан ғалабасидан сўнг UFC раҳбарияти вазн тоифасидан қатъий назар жангчиларнинг янгиланган рейтингини тақдим этди, унда Ҳабиб биринчи ўринни эгаллади.

132

Қозоғистонлик 20 ёшли Имонбек Грэмми мукофотига номзод бўлди - видео

0
(Янгиланган 21:51 27.11.2020)
Америкача орзу Қозоғистонда ушалди - 20 ёшли темирйўлчи бир зумда дунёга машҳур DJга айланди. Яқинда уни Грэмми мукофотига номзод қилишди.

Қозоғистонлик 20 ёшли Имонбек Зейкенов бир зумда дунёга машҳур DJга айланди десак хато бўлмайди. Унинг америкалик рэпер Saint Jhn.нинг Roses қўшиғига яратган ремиксини дунё топ-чартларига чиқди. Сиз бу қўшиқни албатта эшитгансиз.

2020 йил давомида ушбу қўшиқ Америка ва Европанинг топ 10талигида ва Shazamда узоқ вақт давомида бўлди. Кейинроқ Уoutubeда томоша қилинишлар сони 120 миллиондан ошиб кетди. Spotifyда эса Имонбекнинг ремикси 1 миллиарддан ортиқ маротаба эшитилган. 

Бугун эса уни Аску шаҳрида яшовчи 20-ёшли темирйўлчи 2021 йилнинг энг яхши ремикс яратувчиси сифатида Американинг нуфузли "Грэмми-2021" мукофотига лойиқ деб топишди. Имонбек энди нафатқат ўз ватанида балким бутун дунёга машҳур бўлди. 

Saint Jhn.нинг қўшиғининг оригинали мана бу ерда.

 

0