Вид город Самарканд

Шаҳрисабз, Самарқанд ва Бухоро маданий меросини сақлаш масаласи ЮНЕСКО сессиясида кўрилади

130
(Янгиланган 10:55 02.07.2019)
Муҳокамалар якунига кўра, кўрсатиб ўтилган бутунжаҳон маданий мерос объектларини сақлаш масалалари борасида тавсияларни ўз ичига олган Қўмита қарори қабул қилинади

ТОШКЕНТ, 2 июл - Sputnik. 30 июнь куни Бакуда ЮНЕСКО Бутунжаҳон мероси қўмитасининг 43-сессияси старт олди. Сессия ишида Бош вазир ўринбосари, ЮНЕСКО масалалари бўйича миллий комиссия раиси Азиз Абдуҳакимов бошчилигидаги делегация ҳам иштирок этмоқда, деб хабар қилди GTN портали.

Таъкидланишича, Бутунжаҳон мероси қўмитаси сессияси вақтида Ўзбекистон томонидан тақдим этилган Шаҳрисабз, Самарқанд ва Бухорода маданий меросни сақлаб қолишга қаратилган ҳисоботлар кўриб чиқилади.

Муҳокамалар якунига кўра, кўрсатиб ўтилган бутунжаҳон маданий мерос объектларини сақлаш масалалари борасида тавсияларни ўз ичига олган Қўмита қарори қабул қилинади.

Эслатиб ўтамиз, 2019 йил август ойида Самарқандда ЮНЕСКО шафелигида моддий ва номоддий меросни сақлаш бўйича Халқаро анжуман ўтказилиши режалаштирилган, анжуман ишида ЮНЕСКО Бош директори Одри Азул ва ушбу соҳанинг 200га яқин етакчи олимлари, экспертлари ва мутахассислари иштироки кутилмоқда.

130

Кения ўзбекистонлик туристларга ўз ҳудудига карантинсиз киришга рухсат берди

244
Найроби аэропорти сайтида карантин бекор қилинаётган 126та давлатдан иборат рўйхат эълон қилинган. Ўзбекистон рўйхатда 124 ўринда жойлашган.

ТОШКЕНТ, 7 авг – Sputnik. Кения ҳукумати 5 августдан бошлаб ўзбекистонлик туристларга ўз ҳудудига мажбурий карантинсиз киришга рухсат берди. Бу ҳақда АТОР хабар бермоқда.

Найроби аэропорти сайтида карантин бекор қилинаётган 126та давлатдан иборат рўйхат эълон қилинган. Ўзбекистон рўйхатда 124 ўринда жойлашган.

Кенияга борадиган туристлар коронавирус йўқлиги қайд этилган инглиз тилидаги маълумотномага эга бўлишлари лозим. Бундай маълумотнома парвоздан 96 соат олдин олиниши лозим.

Найробига кириб келган сайёҳларнинг барчасини иссиғи ўлчанади, ва COVID-19 белгилари аниқланмаганида, улар ўз таътилларини эркин давом эттиришлари мумкин бўлади. Агар туристда тест натижалари бўлмаса, ортга қайтиб кетиш ёки ўз ҳисобидан икки ҳафталик карантинни ўтиш лозим.

Эслатиб ўтамиз, Ўзбекистонда янги турдаги коронавирус COVID-19 инфекцияси аниқлангач, 2020 йил 16 мартдан эътиборан дунёнинг барча мамлакатлари билан авиа- ва автомобиль-қатновларини тўхтатди. 30 мартдан бошлаб Ўзбекистондаги мавжуд барча аэропортлар ёпилиб, авиақатновлар бутунлай тўхтатилди.

244

Туристлар чегаралар очилгач қаерда дам олмоқчи - сўров натижаси

446
Ҳукуматдаги манбалардан олинган маълумотлар асосида ОАВда берилаётган хабарларга кўра, тез кунларда Венгрия, Мальдив ороллари, Жанубий Корея ва БААга парвозларни амалга ошириш имконияти пайдо бўлади

ТОШКЕНТ, 31 июл – Sputnik. Онлайн-сервис орқали сўроққа тутилган туристлар, яқин кунларда қатор давлатлар билан авиа-парвозлар қайта тикланадиган бўлса, ёз ойига доир режаларингизни ўзгартиришга тайёрмисиз, деган саволга жавоб бердилар, деб хабар қилган OneTwoTrip.

ОАВда "ҳукуматдаги манбаларга таянган ҳолда" берилаётган хабарларга кўра, тез кунларда Венгрия, Мальдив ороллари, Жанубий Корея ва БААга парвозларни амалга ошириш имконияти пайдо бўлади.

Компания мутахассислари 2200 нафар фойдаланувчилар орасида тадқиқот ўтказган ва иштирокчиларнинг 79 фоизи юқорида санаб ўтилган давлатларда бўлишни исташлари маълум бўлган.

Шу билан бирга туристларнинг деярли тенг ярми (45 фоизи), агар ушбу парвозларга август ойи давомида рухсат берилса, у ҳолда улар ҳордиқ чиқаришга доир режаларини ўзгартирмасликларини айтишган.

Сўровда қатнашганларнинг аксари (77 фоизи) пандемия вақтида чет элга саёҳат қилиш истаги уларда ўз жозибадорлигини йўқотмаганини айтишган. Шу билан бирга, саёҳатчиларнинг 63 фоизи чет давлатларга кузга қадар сафарга боришни хоҳламаган бўлишларини тан олганлар.

Туристлар фикрича, тез орада Таиландга сафарни амалга ошириш имконияти пайдо бўлади. Сўроққа тутилганларнинг чорак қисми шундай фикрда. Туристларнинг ҳар бешинчиси Греция биринчи бўлиб ўз чегарасини очишини билдирган.

Овоз беришда иштирок этганларнинг 12 фоизи Испанияга сафар қилиш истагини билдирган, Мальта, Хорватия ва Черногория учун туристларнинг саккиз фоизи овоз берган. Шу йили саёҳатчилар боришни истаган мамлакатлар орасида шунингдек, МДҲ давлатлари, Шри-Ланка, Кипр, Доминикана, Вьетнам, Мексика, Куба, Марокаш ва Япония санаб ўтилган.

446
Евгений Тимаков, Врач-педиатр, инфекционист и вакцинолог, главный врач медцентра «Лидер-Медицина»

Россиянинг COVID-19'га қарши вакцинасини биринчи бўлиб ким олади?

81
(Янгиланган 16:20 10.08.2020)
Шифокор-педиатр, инфекционист ва вакцинолог, "Лидер-Медицина" тиббий марказининг бош шифокори Евгений Тимаков РФда ишлаб чиқилган коронавирусга қарши вакцина ва бундан буён нималар кутилаётгани ҳақида гапириб берди.

Россия дунёда биринчи бўлиб COVID-19га қарши вакцинани рўйхатдан ўтказади.

Гамалея номидаги Илмий-тадқиқот маркази олимлари томонидан ишлаб чиқилган дори воситаси 12 август куни рўйхатга олинади. Ҳозирда синовнинг учинчи, якуний босқичи олиб борилмоқда.

Дори воситасини саноат кўламида ишлаб чиқариш сентябрда, коронавирусга қарши оммавий эмлаш эса Россияда октябрда бошланиши режалаштирилмоқда.

"Бу векторли вакцинадир. Унинг истиқболи катта, у тирик вакцина сингари иммунитетни вужудга келтиради. У хавфсиз. Клиник синовларнинг биринчи босқичи ўтиб бўлди, ҳозирда вакцина Соғлиқни сақлаш вазирлигида клиник синовларнинг кейинги босқичига ўтиш учун рўйхатга олинмоқда - энди одамларнинг катта миқдорида ўтказилади", - дейди россиялик шифокор Евгений Тимаков Sputnik радиоси эфирида.

Унинг сўзларига кўра, аввалига маълум бир гуруҳга кирувчи кўнгиллилар эмланади. Бундан кейингина аҳолини оммавий эмлаш ҳақида гапириш мумкин бўлади. Бироқ, мутахассиснинг фикрига кўра, бу тахминан 6 ойдан кейин амалга ошади.

"Ҳозирги кунда барча мамлакатларда вакциналарнинг клиник синовлари бўлиб ўтмоқда. Табиийки, ким биринчи бўлиб катта гуруҳларда ушбу синовларни ўтказса, у биринчи бўлиб бозорга чиқади. Аммо, биринчи навбатда, у мамлакат эҳтиёжлари учун ишлатилади, ундан кейингина у бозорга чиқади. Биринчи бўлиб хавф гуруҳига кирувчи одамлар - коронавирус инфекцияси билан доимий мулоқотда бўлганлар, тиббиёт ходимлари, ўқитувчилар эмланади", - деб қўшимча қилди Тимаков.

Мутахассиснинг тўлиқ шарҳини радиоподкастда тингланг.

Кто первым получит российскую вакцину от COVID-19 — ответ инфекциониста
81
Мавзу:
COVID-19 умумжаҳон пандемияси