Туризм хизматлари экспорти 1 миллиард доллардан ошди Аккулов

257
(Янгиланган 19:07 09.07.2019)
Ўзбекистон 2025 йилга келиб сайёҳлар сонини 4 баравар оширишни режалаштирган (2017 йилга нисбатан).

ТОШКЕНТ, 9 июл – Sputnik. Ўзбекистонда ўтган йилда туризм хизматлари экспорти салкам икки баравар ошди, деди Туризм қўмитаси раиси в.б. Абдулазиз Аккулов.

“Ўзбекистонда 2018 йилда туризм хизматлари экспорти 546 млн. доллардан 1 млрд 40 млн. долларгача ошди, бу бир йил олдингига нисбатан салкам икки баравар кўп. Ушбу йилнинг 5 ойи давомида ўсиш 29 %ни ташкил қилди”, - деди Аккулов.

Туризм қўмитаси раиси сўзларига кўра, бундай ўсишга, албатта, Ўзбекистон ҳукумати томонидан туризмни ривожлантириш учун қўйилган тўғри қадамлар сабаб бўлган.

Хусусан, 65 та мамлакат билан виза тартибининг бекор қилиниши, 77 мамлакат билан электрон виза тартиби киритилиши, туризм соҳасида янги корхоналар ташкил қилиниши, меҳмонхоналар қурилишига давлат томонидан ёрдам берилиши натижасда соҳа илдам ривожланган.

2018 йил давомида туристик ташкилотлар сони 25%га ошиб, 1000тани ташкил этган. Бу йил уларнинг сони яна 218тага ошган. Шунингдек, республика бўйича меҳмонхоналар сони 991тага етказилган. 2019 йил охирида уларнинг номер фонди миқдори 24 мингтага етиши керак.

Туризм соҳасида тадбиркорликни ривожлантириш учун турли соҳаларда 20 та имтиёзлар белгиланган. Улар орасида энг эътиборлиси – меҳмонхона қурган тадбиркорлар харажатларидан ҳар бир 3* номер учун давлат бюджетидан 40 млн сўм 4* номер учун эса – 65 млн сўм қайтарилишини алоҳида айтиб ўтиш керак.   

Агар меҳмонхона дунёда машҳур меҳмонхона брендлари остида очилган бўлса ҳар бир 3* ва 4* номер учун қўшимча 200 ва 400  доллар йиллик роялти тўловлари тўланар экан.

Келажак мақсадлари

Аккулов айтишига қараганда, 2019-2025 йилларда Ўзбекистон ЯИМида туриз улушини икки баравар ошириш, яъни 2,3 %дан 5 %гача. 2025 йилга келиб Ўзбекистонга ташриф буюраётган сайёҳлар сонини 9 миллион кишига етказиш режалаштирилган. 2019 йилда 5 миллион киши келиши кутилмоқда.

2025 йилгача мўлжалланган туризмни ривожлантириш концепциясида операторлар сонини 1 676 тага, меҳмонхоналар сонини  3 000 тага етказиш режалаштирилган.

Аккулов айтишига қараганда, Ўзбекистонда ички туризмни ривожантиришга ҳам ката эътибор берилмоқда. Хусусан, “Ўзбекистон бўйлаб саёҳат қил!”, давлат дастури амалга оширилмоқда. Ушбу дастур орқали юқори туризм мавсумидан бошқа вақтда меҳмонхоналар ва туризм объектлари хизматларидан фойдаланиш даражасини ошириш режалаштирилган.

Эслатиб ўтамиз, Ўзбекистонда 7,4 мингта маданий мерос объектлари бор. 4та шаҳар ЮНЕСКО умумжаҳон маданий мероси рўйхатига киритилган.

257

Кения ўзбекистонлик туристларга ўз ҳудудига карантинсиз киришга рухсат берди

244
Найроби аэропорти сайтида карантин бекор қилинаётган 126та давлатдан иборат рўйхат эълон қилинган. Ўзбекистон рўйхатда 124 ўринда жойлашган.

ТОШКЕНТ, 7 авг – Sputnik. Кения ҳукумати 5 августдан бошлаб ўзбекистонлик туристларга ўз ҳудудига мажбурий карантинсиз киришга рухсат берди. Бу ҳақда АТОР хабар бермоқда.

Найроби аэропорти сайтида карантин бекор қилинаётган 126та давлатдан иборат рўйхат эълон қилинган. Ўзбекистон рўйхатда 124 ўринда жойлашган.

Кенияга борадиган туристлар коронавирус йўқлиги қайд этилган инглиз тилидаги маълумотномага эга бўлишлари лозим. Бундай маълумотнома парвоздан 96 соат олдин олиниши лозим.

Найробига кириб келган сайёҳларнинг барчасини иссиғи ўлчанади, ва COVID-19 белгилари аниқланмаганида, улар ўз таътилларини эркин давом эттиришлари мумкин бўлади. Агар туристда тест натижалари бўлмаса, ортга қайтиб кетиш ёки ўз ҳисобидан икки ҳафталик карантинни ўтиш лозим.

Эслатиб ўтамиз, Ўзбекистонда янги турдаги коронавирус COVID-19 инфекцияси аниқлангач, 2020 йил 16 мартдан эътиборан дунёнинг барча мамлакатлари билан авиа- ва автомобиль-қатновларини тўхтатди. 30 мартдан бошлаб Ўзбекистондаги мавжуд барча аэропортлар ёпилиб, авиақатновлар бутунлай тўхтатилди.

244

Туристлар чегаралар очилгач қаерда дам олмоқчи - сўров натижаси

446
Ҳукуматдаги манбалардан олинган маълумотлар асосида ОАВда берилаётган хабарларга кўра, тез кунларда Венгрия, Мальдив ороллари, Жанубий Корея ва БААга парвозларни амалга ошириш имконияти пайдо бўлади

ТОШКЕНТ, 31 июл – Sputnik. Онлайн-сервис орқали сўроққа тутилган туристлар, яқин кунларда қатор давлатлар билан авиа-парвозлар қайта тикланадиган бўлса, ёз ойига доир режаларингизни ўзгартиришга тайёрмисиз, деган саволга жавоб бердилар, деб хабар қилган OneTwoTrip.

ОАВда "ҳукуматдаги манбаларга таянган ҳолда" берилаётган хабарларга кўра, тез кунларда Венгрия, Мальдив ороллари, Жанубий Корея ва БААга парвозларни амалга ошириш имконияти пайдо бўлади.

Компания мутахассислари 2200 нафар фойдаланувчилар орасида тадқиқот ўтказган ва иштирокчиларнинг 79 фоизи юқорида санаб ўтилган давлатларда бўлишни исташлари маълум бўлган.

Шу билан бирга туристларнинг деярли тенг ярми (45 фоизи), агар ушбу парвозларга август ойи давомида рухсат берилса, у ҳолда улар ҳордиқ чиқаришга доир режаларини ўзгартирмасликларини айтишган.

Сўровда қатнашганларнинг аксари (77 фоизи) пандемия вақтида чет элга саёҳат қилиш истаги уларда ўз жозибадорлигини йўқотмаганини айтишган. Шу билан бирга, саёҳатчиларнинг 63 фоизи чет давлатларга кузга қадар сафарга боришни хоҳламаган бўлишларини тан олганлар.

Туристлар фикрича, тез орада Таиландга сафарни амалга ошириш имконияти пайдо бўлади. Сўроққа тутилганларнинг чорак қисми шундай фикрда. Туристларнинг ҳар бешинчиси Греция биринчи бўлиб ўз чегарасини очишини билдирган.

Овоз беришда иштирок этганларнинг 12 фоизи Испанияга сафар қилиш истагини билдирган, Мальта, Хорватия ва Черногория учун туристларнинг саккиз фоизи овоз берган. Шу йили саёҳатчилар боришни истаган мамлакатлар орасида шунингдек, МДҲ давлатлари, Шри-Ланка, Кипр, Доминикана, Вьетнам, Мексика, Куба, Марокаш ва Япония санаб ўтилган.

446

Исроилда Хитой бизнесмени учун олтин ва олмосдан ясалган ниқоб тайёрланади

25
(Янгиланган 15:30 10.08.2020)
Махсус ниқоб икки хил қора ва оқ рангда олмослар билан безатилади. Унинг тахминий нархи 1,5 миллион доллар бўлиши мумкин.

ТОШКЕНТ, 10 авг – Sputnik. Исроилда 18-каратли оқ олтиндан ва 3600 дона олмосдан ясалган тиббий ниқоб яратилади, деб хабар беради "Газета.ru".

Унинг тахминий нархи 1,5 миллион доллар бўлиши мумкин. Ниқобга ўрнатиладиган олмослар икки хил рангда бўлади: қора ва оқ.

Бундан ташқари ниқоб юқори сифатли N99 фильтрлари билан жиҳозланади. Ниқобга буюртмани АҚШда яшаб келаётган хитойлик ишбилармон жойлаштирди.

Эслатиб ўтамиз, ҳиндистонлик 49 ёшли бизнесмен Шанкара Курхаде коронавирусдан ҳимояланиш учун 4 минг долларга тилладан ниқоб ясатганди. Ниқобни тайёрлашга 8 кун ва 60 грамм олтин сарф қилинганди.

25
Мавзу:
COVID-19 умумжаҳон пандемияси