Президент Федерации туризма Армении Мехак Апресян

Апресян: туризмни ривожлантириш учун тўғридан-тўғри авиақатновларни йўлга қўйиш керак

171
Арманистон Туризм федерацияси президенти Мехак Апресян Ўзбекистон ҳақидаги таассуротлари билан бўлишди ва республика арманистонлик сайёҳларни янада ўзига жалб қилиши учун қайси ишларни амалга ошириш кераклиги ҳақида ўз фикрларини билдирди.

Арманистон Туризм федерацияси президенти Мехак Апресяннинг маълум қилишича, Арманистонда Ўзбекистонга бўлган қизиқиш йилдан йилга ортиб бормоқда. Афсуски, ҳозирча бу сайёҳлар оқими унча кўп эмас.

“Тошкент ва Ереван ўртасида тўғридан-тўғри авиақатновлар йўлга қўйилишини жуда хоҳлардик. Бу мамлакатларимиз ўртасидаги сайёҳлар оқимини сезиларли даражада оширишга имкон беради. Фикримча, бизнинг иккита асосий вазифамиз бор: дам олишга келаётган фуқароларимизнинг сонини ошириш ҳамда биргаликда сайёҳлик маҳсулот тайёрлаш, лекин бунинг учун юқорида қайд этганимдек, тўғридан-тўғри авиақатновлар лозим”, - деди Мехак Апресян Sputnik Ўзбекистон мухбирига берган интервьюсида.

Унинг сўзларига кўра, Ўзбекистон бой маданий мерос ва турли табиий ландшафтларга эга, шунинг учун меҳмонларга туризмнинг деярли барча турларини таклиф қилиши мумкин.

Апресян Арманистонда ҳам туризмининг барча турлари ривожлангани, гастрономик туризм ёки экстремал саёҳатни тарихий-маданий жойларга ташриф буюриш билан биргаликда амалга ошириш мумкинлигини таъкидлади.

“Арманистонда туризм жадал суръатлар билан ривожланмоқда, бизнинг ҳам таклиф қила оладиган нарсаларимиз бор, бу маънода бизда ҳаммаси яхши, лекин ўзбекистонликларсиз зерикарли”, - дея сўзларига якун ясади Апресян.

9-10 июль кунлари Самарқандда МДҲ мамлакатлари биринчи туристик ярмаркаси бўлиб ўтмоқда.

Арманистон вакилининг сўзларига кўра, бу каби майдонлар ўз миллий маданиятини тақдим этиш, алоқаларни ўрнатиш учун ноёб имконият яратади.

171

Кения ўзбекистонлик туристларга ўз ҳудудига карантинсиз киришга рухсат берди

244
Найроби аэропорти сайтида карантин бекор қилинаётган 126та давлатдан иборат рўйхат эълон қилинган. Ўзбекистон рўйхатда 124 ўринда жойлашган.

ТОШКЕНТ, 7 авг – Sputnik. Кения ҳукумати 5 августдан бошлаб ўзбекистонлик туристларга ўз ҳудудига мажбурий карантинсиз киришга рухсат берди. Бу ҳақда АТОР хабар бермоқда.

Найроби аэропорти сайтида карантин бекор қилинаётган 126та давлатдан иборат рўйхат эълон қилинган. Ўзбекистон рўйхатда 124 ўринда жойлашган.

Кенияга борадиган туристлар коронавирус йўқлиги қайд этилган инглиз тилидаги маълумотномага эга бўлишлари лозим. Бундай маълумотнома парвоздан 96 соат олдин олиниши лозим.

Найробига кириб келган сайёҳларнинг барчасини иссиғи ўлчанади, ва COVID-19 белгилари аниқланмаганида, улар ўз таътилларини эркин давом эттиришлари мумкин бўлади. Агар туристда тест натижалари бўлмаса, ортга қайтиб кетиш ёки ўз ҳисобидан икки ҳафталик карантинни ўтиш лозим.

Эслатиб ўтамиз, Ўзбекистонда янги турдаги коронавирус COVID-19 инфекцияси аниқлангач, 2020 йил 16 мартдан эътиборан дунёнинг барча мамлакатлари билан авиа- ва автомобиль-қатновларини тўхтатди. 30 мартдан бошлаб Ўзбекистондаги мавжуд барча аэропортлар ёпилиб, авиақатновлар бутунлай тўхтатилди.

244

Туристлар чегаралар очилгач қаерда дам олмоқчи - сўров натижаси

446
Ҳукуматдаги манбалардан олинган маълумотлар асосида ОАВда берилаётган хабарларга кўра, тез кунларда Венгрия, Мальдив ороллари, Жанубий Корея ва БААга парвозларни амалга ошириш имконияти пайдо бўлади

ТОШКЕНТ, 31 июл – Sputnik. Онлайн-сервис орқали сўроққа тутилган туристлар, яқин кунларда қатор давлатлар билан авиа-парвозлар қайта тикланадиган бўлса, ёз ойига доир режаларингизни ўзгартиришга тайёрмисиз, деган саволга жавоб бердилар, деб хабар қилган OneTwoTrip.

ОАВда "ҳукуматдаги манбаларга таянган ҳолда" берилаётган хабарларга кўра, тез кунларда Венгрия, Мальдив ороллари, Жанубий Корея ва БААга парвозларни амалга ошириш имконияти пайдо бўлади.

Компания мутахассислари 2200 нафар фойдаланувчилар орасида тадқиқот ўтказган ва иштирокчиларнинг 79 фоизи юқорида санаб ўтилган давлатларда бўлишни исташлари маълум бўлган.

Шу билан бирга туристларнинг деярли тенг ярми (45 фоизи), агар ушбу парвозларга август ойи давомида рухсат берилса, у ҳолда улар ҳордиқ чиқаришга доир режаларини ўзгартирмасликларини айтишган.

Сўровда қатнашганларнинг аксари (77 фоизи) пандемия вақтида чет элга саёҳат қилиш истаги уларда ўз жозибадорлигини йўқотмаганини айтишган. Шу билан бирга, саёҳатчиларнинг 63 фоизи чет давлатларга кузга қадар сафарга боришни хоҳламаган бўлишларини тан олганлар.

Туристлар фикрича, тез орада Таиландга сафарни амалга ошириш имконияти пайдо бўлади. Сўроққа тутилганларнинг чорак қисми шундай фикрда. Туристларнинг ҳар бешинчиси Греция биринчи бўлиб ўз чегарасини очишини билдирган.

Овоз беришда иштирок этганларнинг 12 фоизи Испанияга сафар қилиш истагини билдирган, Мальта, Хорватия ва Черногория учун туристларнинг саккиз фоизи овоз берган. Шу йили саёҳатчилар боришни истаган мамлакатлар орасида шунингдек, МДҲ давлатлари, Шри-Ланка, Кипр, Доминикана, Вьетнам, Мексика, Куба, Марокаш ва Япония санаб ўтилган.

446

Исроилда Хитой бизнесмени учун олтин ва олмосдан ясалган ниқоб тайёрланади

9
(Янгиланган 15:26 10.08.2020)
Махсус ниқобга икки хил қора ва оқ рангда олмослар билан безатилади. Унинг тахминий нархи 1,5 миллион доллар бўлиши мумкин.

ТОШКЕНТ, 10 авг – Sputnik. Исроилда 18-каратли оқ олтиндан ва 3600 дона олмосдан ясалган тиббий ниқоб яратилади, деб хабар беради "Газета.ru".

Унинг тахминий нархи 1,5 миллион доллар бўлиши мумкин. Ниқобга ўрнатиладиган олмослар икки хил рангда бўлади: қора ва оқ.

Бундан ташқари ниқоб юқори сифатли N99 фильтрлари билан жиҳозланади. Ниқобга буюртмани АҚШда яшаб келаётган хитойлик ишбилармон жойлаштирди.

Эслатиб ўтамиз, ҳиндистонлик 49 ёшли бизнесмен Шанкара Курхаде коронавирусдан ҳимояланиш учун 4 минг долларга тилладан ниқоб ясатганди. Ниқобни тайёрлашга 8 кун ва 60 грамм олтин сарф қилинганди.

9