Турист в Узбекистане

Ўзбекистон туристлар оқимини 10 миллион кишигача оширмоқчи

364
(Янгиланган 08:56 13.07.2019)
Жорий йил якуни бўйича бу кўрсаткич 6,4-6,5 миллион кишини ташкил этиши кутилмоқда

ТОШКЕНТ, 13 июл — Sputnik. Ўзбекистонда туризмни ривожлантиришнинг янги дастури ишлаб чиқилди, бошқа мамлакатлардан келадиган меҳмонлар оқими 10 миллион кишига ортиши мумкин. Республика президенти Шавкат Мирзиёев МДҲга аъзо давлатлар туризм бўйича кенгаши ва унинг доирасида ўтказилган Биринчи туристик ярмарка якунлари билан танишиб чиққач тегишли топшириқларни берган. Бу ҳақда Бош вазир ўринбосари Азиз Абдухакимов маълум қилди.

Тадбир Самарқандда 10-11 июль кунлари бўлиб ўтди, унда туристик соҳа ривожланишини тартибга солувчи идоралар ходимлари, шунингдек, туристик бизнес вакиллари ва таълим сектори вакиллари - ушбу соҳа учун кадрлар тайёрлаш билан шуғулланувчи 11 ОТМ ректорлари иштирок этдилар.

Азиз Абдуҳакимов ўн миллион турист - эришса бўладиган рақамлар эканини айтди, деб хабар қилмоқда Sputnik Ўзбекистон мухбири. Қайд этилишича, жорий йил якунлари бўйича ушбу кўрсаткич 6,4-6,5 миллион кишини ташкил қилади.

"Биз кўпроқ зиёрат-туризм, агро-туризм, этно-туризм устида ишлашимиз керак — мана шулар мамлакатга кўпроқ меҳмонларни жалб этади. Кейинги йўналиш — Ўзбекистонга йўл очиш учун логистика билан боғлиқ масалаларни ҳал қилишимиз керак. Биз қитъа ўртасида жойлашганмиз, авиачипталар жуда қиммат, миллий авиаташувчимиз монополияси мавжуд. Биз бу ерда ақл билан иш тутмоғимиз лозим, токи миллий авиакомпания бозорда устуворликка эга бўлсин, шу билан бирга эркин рақобат бўлсин ва чет эл авиакомпаниялари ўзбек бозорига тўсиқларсиз кириб келсинлар", - деди бош вазир ўринбосари.

Бундан ташқари кўпроқ меҳмонхоналар қуриш лозим. Ҳозирда тадбиркорларга имтиёзлар таклиф этишмоқда - мисол учун компенсациялар: уч юлдузли меҳмонхонанинг битта номери учун - 40 миллион сўм, 65 миллион эса тўрт юлдузли меҳмонхона номери учун.

"Бу имтиёз иш беришни бошлади. Бугунги кунда ўнта меҳмонхонадан ариза келиб тушган, биз уларнинг барчасини қоплаб берамиз. Яна ўттизтаси тайёргарлик кўрмоқда", - деди Абдухакимов.

Бундан ташқари, Ўзбекистонда хостеллар фаолиятига талаблар соддалаштирилди, шу туфайли хостеллар сони бирданига "қўзиқорин"дек кўпайди. Шунингдек, Airbnb тизими жорий этилган бўлиб, шу туфайли, маълум талабларни бажаргач меҳмонларни мамлакатнинг ҳар бир фуқароси қабул қилиш имконига эга бўлади.

364
Виза в паспорте

Авиакомпаниялар Ўзбекистонга келувчи йўловчилар ҳақида ДХХга олдиндан хабар қилади

210
(Янгиланган 11:06 05.06.2020)
Ушбу йилнинг 1 июлидан бошлаб брча хорижий авиакомпаниялар йўловчилар паспорт маълумотларини ДХХ Чегара қўшинларига олдиндан хабар қилиш тартиби ўрнатилади.

ТОШКЕНТ, 5 июн - Sputnik. Ўзбекистонга учаётган хорижий мамлакатлар ҳаво кемалари ўз йўловчилари бўйича дастлабки маълумотни тақдим этиш тартиби белгиланди деб хабар қилмоқда Ўзбекистон Туризмни ривожлантириш қўмитаси.

Янги тартибга кўра, 1 июлдан бошлаб хорижий авиакомпаниялар йўловчилар тўғрисидаги дастлабки маълумотларни Ўзбекистон ДХХнинг Чегара қўшинларига тақдим этиши шарт. 

"2020 йилнинг 1 июль кунидан бошлаб Ўзбекистон Республикасига парвозларни амалга ошираётган хорижий мамлакатлар ҳаво кемаларининг барча эксплуатантлари томонидан йўловчилар тўғрисидаги дастлабки маълумотлар ИКАОнинг стандарт форматида Давлат хавфсизлик хизматининг Чегара қўшинларига тақдим этилади", - дейилган хабарда.

Ушбу тартибни жорий этиш Ўзбекистон Вазирлар Маҳкамасининг 2020 йил 19 майдаги “Ўзбекистон Республикаси Давлат хавфсизлик хизматининг Чегара қўшинлари бўлинмаларига хорижий мамлакатларнинг ҳаво кемалари эксплуатантлари томонидан йўловчилар бўйича дастлабки маълумот тақдим этилиши тартиби тўғрисидаги низомни тасдиқлаш ҳақида”ги 293-сонли Қарорида белгиланган.

Хабарда айтилишига кўра, мазкур тартибнинг жорий этилиши хорижий туристларнинг мамлакатга келишлари, бўлишлари ва республика ҳудудидан чиқиб кетишларида қўшимча қулайликлар яратишга хизмат қилади.

 

210
Минарет и мечеть Калян, медресе Мири-Араб (Бухара)

Ўзбекистонда туризм уч босқичда тикланади

114
Мамлакатнинг туризмни қайта тиклаш режалари ҳақида Туризмни ривожлантириш давлат қўмитаси раиси “Тикланиш йўли” халқаро онлайн туризм конференцияси доирасида сўзлаб берди.

ТОШКЕНТ, 4 июн — Sputnik. Ўзбекистонда туризмнинг тикланиши уч босқичда амалга оширилади. Аввал ички туризм, кейин ҳудудий туризм ва пандемия вазиятини ҳисобга олган ҳолда ташқи туризм тикланади.

Мамлакатнинг туризмни қайта тиклаш режалари ҳақида бош вазир ўринбосари, Туризмни ривожлантириш давлат қўмитаси раиси Азиз Абдуҳакимов “Тикланиш йўли” халқаро онлайн туризм конференцияси доирасида сўзлаб берди.

Туризм қўмитаси хабарига кўра, конференция Ўзбекистон ташаббуси ҳамда Бутунжаҳон туризм ташкилоти (БТТ) шафелигида ўтган.

2020 йилнинг 1 июнидан Ўзбекистоннинг “яшил” ва “сариқ” ҳудудларда ички туризм қайта тикланди. Шу санадан эътиборан кўрсатилган ҳудудларда тегишли ташкилотлар – туроператорлар, турагентликлар, жойлаштириш воситалари, маданият, маданий мерос объектлари санитария-гигиена қоидаларига қатъий риоя қилган ҳолда иш бошлаши мумкин.

Абдуҳакимовнинг сўзларига кўра, мамлакатда 63 фоиз туроператорлар ва 81 фоиз жойлаштириш воситалари (меҳмонхоналар, ҳостеллар) ўз фаолиятини тўхтатган.

Биринчи босқич ички туризм орқали уларнинг фаолиятини қайта тиклашга бағишланади. Шунингдек, халқаро туризмни тиклашга максимал тайёр бўлиш учун ушбу босқичда Uzbekistan. Safe travel GUARANTEED хавфсизлик тизими жорий қилинади.

Иккинчи босқич қўшни мамлакатлар ва МДҲ давлатлари билан ташкиллаштирилган ҳудудий туризмни қайта тиклашдан иборат бўлади. Бунда туристик гуруҳларнинг бутун саёҳат давомида хавфсизлик, санитар-гигиеник талаблар ва ижтимоий масофа  чораларига риоя қилиш масалаларини ишлаб чиқиш жуда муҳим,

Туризм қўмитаси раиси ҳудудлар бўйича ҳамкасбларига тезкор муносабат билдирувчи қўшма гуруҳни тузиш, турли мавзуда янги аралаш турларни ишлаб чиқиш билан ҳам уйғунлаштиришни таклиф этган: гастрономик турлар, витамин турлари, кўчманчилар турлари, мототурлар, палов турлари, археологик ҳамда сизу бизнинг туристик шаҳар ва марказларимиздан ўтувчи бошқа турлар.

Бунинг учун махсус Silk Road Project платформаси яратилган. Унда нафақат Ипак йўли мамлакатлари туристик салоҳияти, балки истиқболли минтақавий турмаҳсулотлар ва маршрутлар ҳам тарғиб қилинади.

Учинчи босқичда Ўзбекистон секин-асталик билан ташқи туризмни тиклайди. Бунда пандемия билан боғлиқ вазиятдан келиб чиқиб,  фуқароларига мамлакатга кириш рухсат этиладиган узоқ хорижий давлатлар рўйхати тузилади.

Қўмита коронавирус пандемияси инқирозидан чиқаётган ва туристик бозорлар очилишига тайёрланаётган Европа ва Осиё мамлакатлари тажрибасини ўрганади. Таҳлил якунларига кўра, амалга ошириладиган халқаро рейсларни қайта тиклаш географиясига доир қарорлар қабул қилинади.

Туризм саноатини тиклашнинг уч босқичи давомида маҳаллий ва хорижий сайёҳларнинг ташрифи доирасида хавфсизлик масалалари билан бир қаторда янги тематик тадбирларни ўтказишга ҳам алоҳида эътибор қаратилади. Гастрономик фестиваль ва акциялар, “Стихия” мусиқа фестивали, “Ақчакўл” пляж ўйинлари, Ҳосил фестивали, “Учинчи ёш туризми” ҳафталиги кабилар шулар жумласидандир.

Бухоро шаҳри 2020 йилда Ислом маданияти пойтахти дея эълон қилинган., Дунёдаги вазият яхшиланиши ва халқаро туризмнинг тикланиши билан мамлакат қатор тадбирлар, жумладан, Иккинчи зиёрат туризм форумини ўтказади.

Ҳозирги пандемия туризм саноатига рақамлаштириш ва ИТ- технологияларни жорий қилиш нақадар муҳимлигини яна бир бор тасдиқлади.

Шубҳасиз, Ўзбекистонда ҳам бу йўналишда фаол ишлар олиб борилмоқда. Масалан, сайёҳлар, тадбиркорлар ва ёш стартаперлар учун алоҳида йўналишлар бўйича online.tourism.uz сайти яратилди.

Шунингдек, пандемия сабаб ўз саёҳатини 2021 йилга қолдиришга тўғри келган бўлажак меҳмонлар учун Online Uzbekistan ва  Uzbekistan360 ресурсларида виртуал саёҳатларни ташкил қилинди.

“Умуман олганда, Ўзбекистон хавфсиз туризмнинг янги тизимини йўлга қўймоқда ва унинг қоидалари туризм саноатининг барча иштирокчилари учун ортиқча ташвиш уйғотмайди. Бир вақтнинг ўзида тизим туристик саёҳатларнинг барча босқичларида касалликнинг олдини олувчи аниқ ва самарали жиҳозларни таклиф этади”, - деди Азиз Абдуҳакимов.

114
Город Душанбе, вид из самолета, архивное фото

Тожикистонда эркак амалдорлар кўз ўнгида ўзини ёқиб юборди

315
Молия бошқармасидагилар рўй берган ҳодисадан хабардорликлари, аммо эркак ҳаракати сабабларидан бехабарликларини маълум қилишгананлар.

ТОШКЕНТ, 6 июн - Sputnik. Тожикистоннинг Кулоб шаҳрида 63 яшар эркак ўзини молия бошқармаси олдида ёқиб юборди, у танасида 95% куйиш билан касалхонага олиб келинган, деб хабар қилмоқда Sputnik радиоси.

Хабарда қайд этилишича, шанба куни эрталаб Зариф Абдуллоев молия бошқармаси биноси қаршисида ўзини пичоқ билан жароҳатлаган, сўнгра устидан бензин қуйиб, ўз-ўзини ёқиб юборган.

Жабрдийда ички қон кетиш ва танасининг 95%и куйган бир аҳволда касалхонага олиб борилган. Шифокорлар сўзларига кўра, Абдуллоевни операция қилишган, аммо ҳозирда унинг аҳволи ўта оғирлигича қолмоқда.

Молия бошқармасида рўй берган ҳодисадан хабардорликлари, аммо эркак ҳаракати сабабларидан бехабарликларини маълум қилганлар.

"Менга аллақандай Зариф Абдуллоев ўзини Кулоб молия бошқармаси олдида ёқиб юборганини айтишди. Аммо ҳозирча ушбу ҳаракат сабабини билмайман. Фақатгина, Зариф Абдуллоев нон цехига эга эканлигидан хабардорман", – деб айтган Хатлон вилояти молия бош бошқармаси раҳбари Бахтиёр Назарзода.

ОАВда берилган маълумотларга кўра, Абдуллоев Кулоб молия бошқармаси билан ҳамкорлик қилган ва вилоят марказидаги мактабгача муассасаларни озиқ-овқат билан таъминлаган. Бошқарма унга аввал бошда қилинадиган барча ҳаражатларни қоплаб бериш ваъдасини берган, аммо кейинчалик эркак амалдорлардан ваъда қилинган пулларни қайтариш борасида кўп маротаба рад жавобини олган.

315