Yanada yaqinroq: O‘zbekiston va Xitoyni ilk charter reysi bog‘laydi

Samolet v nebe. Arxivnoe foto
Samolet v nebe. Arxivnoe foto - Sputnik O‘zbekiston
Obuna bo‘lish
Parvoz umumiy 173 kishini o‘zida sig‘dira oluvchi Airbus A320neo samolyotida amalga oshiriladi. Reysning birinchi yo‘lovchisi mazkur aviakompaniya rahbari Lyu I bo‘lishi kutilmoqda.

TOShKENT, 26 sen – Sputnik. Xitoyning “Sian-Toshkent-Sian” yo‘nalishi bo‘ylab parvozni amalga oshiruvchi “Zhejang Loong Airlines Co.Ltd.” aviakompaniyasining ilk charter reysi 27-sentabr kuni Islom Karimov nomidagi Toshkent xalqaro aeroportiga kelib qo‘nadi. 

Parvoz umumiy 173 kishini o‘zida sig‘dira oluvchi Airbus A320neo samolyotida amalga oshiriladi.

Samolet aviakompanii Uzbekiston xavo yullari - Sputnik O‘zbekiston
O‘zbekiston va Afg‘oniston o‘rtasida aviaqatnov yo‘lga qo‘yilishi mumkin

Turizmni rivojlantirish davlat qo‘mitasi xabarida qayd etilishicha, “Sian-Toshkent-Sian” charter reysi O‘zbekistonga kelayotgan xitoylik sayyohlar sonini oshirish maqsadida O‘zbekistonning Xitoydagi elchixonasi hamda “Zhejang Loong Airlines Co.Ltd.” kompaniyasi tomonidan birgalikda olib borilgan sa’y-harakatlar natijasidir.

Ma’lum qilinishicha, “Sian-Toshkent-Sian” charter reys parvozlari kelgusida muntazam ravishda amalga oshirilishi rejalashtirilgan.

Eslatib o‘tamiz, Shavkat Mirziyoyev farmoniga binoan 2020-yil 1-yanvardan boshlab Xitoy Xalq Respublikasi, shu jumladan Xitoy Xalq Respublikasi Gonkong maxsus ma’muriy hududi fuqarolari uchun belgilangan tartibda mamlakat xalqaro aeroportlari orqali 7 kundan ko‘p bo‘lmagan muddatga vizasiz kirish tartibi belgilangan.

Yangiliklar lentasi
0