O‘zbekistonliklar eng ko‘p qaysi mamlakatlarga sayohat qiladi?

© Sputnik / Nina ZotinaSamolet
Samolet - Sputnik O‘zbekiston
Obuna bo‘lish
O‘zbekistondan xorijga uchishning eng mashhur marshrutlar o‘ntaligi aniqlandi. Eng talabgor yo‘nalish - Moskva. Sabablar qatorida bu yerdan Yevropa yo‘nalishlari bo‘ylab sayohat qilish uchun keng imkoniyatlar ko‘rsatilmoqda.

TOShKENT, 16 okt - Sputnik. O‘zbekistondan xorijga uchishning eng ommabop marshrutlar o‘ntaligi aniqlandi. Joriy yil boshidan aviachiptalarning bron qilinishi bo‘yicha ma’lumotlar Aviasales.com turistik izlash tizimi tahlilchilari tomonidan o‘rganib chiqildi.

Stambul, Tursiya - Sputnik O‘zbekiston
Samarqand va Istambul orasida doimiy aviaqatnov yo‘lga qo‘yiladi

Eng talabgor yo‘nalish Moskva bo‘lib, bu yerga Toshkentdan uchish o‘rtacha 2,9 million so‘mga tushadi. Qayd etish kerakki, Rossiya poytaxti, boshqa omillar qatorida, Toshkentga eng yaqin transport xabi bo‘lib ham xizmat qiladi. O‘zbekistonlik sayyohlar bu yerdan Yevropa sari yo‘l olishlariga imkoniyatlar keng.

O‘zbekistondan kelayotgan mehmonlar soni bo‘yicha reytingda ikkinchi o‘rinda, aviachiptalar narxi qimmat (o‘rtacha 6 million so‘m) bo‘lishiga qaramasdan,  Seul shahri joy topgan.

Borib-kelish chiptasi 1,9 million so‘mga teng Olmaotaga bo‘lgan marshrut esa eng arzon yo‘nalishlardan deb topildi.

Ayni paytda, o‘zbekistonliklar Sankt-Peterburg shahriga ham tez-tez uchayotganligi aniqlanib, bu yerga chiptani 3,8 million so‘mga xarid qilish mumkin.

Boshqa ommabop yo‘nalish - Bosfor ko‘rfazida joylashgan Istambul shahri. Toshkentdan turk megapolisiga 4,6 million so‘mga uchish imkoniyati mavjud.

Samolet v nebe. Arxivnoe foto - Sputnik O‘zbekiston
Yanada yaqinroq: O‘zbekiston va Xitoyni ilk charter reysi bog‘laydi

Sayyohlar orasida Qozon va Dubay shaharlari ham katta talabga ega. Ikkala shaharga narxlar teng bo‘lib, aviachiptalar 3,6 million so‘mga olinishi mumkin.

Boshqa qimmat bo‘lmagan va shu bilan birga, o‘zbekistonlik sayyohlar orasida mashhur bo‘lgan yo‘nalish – Nur-Sulton shahri. Bu yerga uchish o‘rtacha 2,2 million so‘mga tushadi.

Top-o‘ntalikning so‘nggi ikki o‘rnida Kiyev va Pekin joy egallab, chiptalar narxi 5 million va mos ravishda 6 million so‘mga tengligi aniqlandi.

Yangiliklar lentasi
0