Улица Заводская в Ташкенте

Ўзбекона Докаш: Тошкентда тунги гастрономик кўча яратишмоқчи

682
(Янгиланган 13:01 04.03.2020)
Бир неча ой ичида Тошкент Самарқанд ва Бухорога олиб борадиган йўлнинг ўтиш марказидан тўла-тўкис сайёҳлик шаҳрига айланиши мумкин, бу ерда нафақат меҳмонлар, балки экспатлар ҳам ўзларига бирор машғулот топишлари мумкин.

ТОШКЕНТ, 4 мар - Sputnik. Ўзбекистон пойтахтида маҳаллий колорит ва Европа тенденцияларини ўзида мужассам этган бетакрор бурчак пайдо бўлиши мумкин. OSOKINS Project Delivery бошқарувчи ҳамкори Роман Осокин Sputnik Ўзбекистонга берган интервьюсида Тошкентда "гастрономик кўча" яратиш ҳақида, бунга намуна сифатида нима хизмат қилгани ва лойиҳанинг иқтисодиёти ҳақида сўз юритди.

Омиллар

Чет эллик сайёҳлар учун транзит бекати бўлиб қолган ҳолда, Тошкент тарихий обидалар бўйича туристик марказ сифатида Самарқанд, Бухоро ва Хива билан рақобатлаша олмайди. Меҳмоннинг пойтахтда қолиши учун, шаҳар чет элликларга янги сайёҳлик маҳсулотларини таклиф қилиши керак. Улардан бири гастрономик туризм бўлиши мумкин, дейди Роман Осокин.

Роман Осокин
Роман Осокин

Яна бир муҳим жиҳат, дея қўшимча қилди у, маҳаллий атмосферага шўнғиш. Бунинг учун шаҳарнинг ўзига хос такрорланмас майдонлари, пиёдалар учун қулай муҳит, бир жойда ўзида ҳордиқ чиқариш учун турли хил шакллар ва бошқа меҳмонлар ва шаҳар аҳолиси билан алоқа қилиш имконияти мавжуд бўлиши керак.

"Ўзбекистонда" ташкиллаштирилган "автобус" сайёҳлиги муҳим ўринга эга бўлишига қарамасдан, мамлакатга борган сари кўпроқ одамлар мустақил равишда ташриф буюрмоқдалар. Ёшларга ёки хизмат сафарига келганлар учун Тошкентда вақт ўтказишнинг Тошкентда янги шаклларига эҳтиёж сезилмоқда. Шаҳар саёҳат ва гастрономик микро-кластерлари мустақил сайёҳларни жалб қилади", - деди мутахассис.

Бундан ташқари, Осокин таъкидлашича, дунё бўйлаб саёҳат қилаётган ўзбекистонликларнинг кўплари ўз ватанларида яҳши маънода шовқинли кўчада энгил газак ва бир стакан шароб билан ўтиришлари мумкин бўлган жойларни топа олмайдилар. Чет элда юриш масофасида кафе ва ресторанларни танлаш имконияти йўқ. Шундай қилиб, "мазали квартал" нафақат меҳмонлар, балки Тошкент аҳолиси ва чет элликларнинг диққатини тортадиган жой бўлади.

Роман Осокин
Sputnik / Дильшода Рахматова
Роман Осокин

Бундай бўшлиқларга талаб мавжуд, демак, яқин орада Ўзбекистон пойтахтида бир нечта шунга ўхшаш гастрономик воҳалар пайдо бўлиши мумкин.

Жойни танлаш

"Мен ўзимни Тошкент бўйича мутахассис деб ҳисобламайман, аммо мен кўриб турганимдек, Заводская кўчаси, ҳозирги Абдулла Каҳҳор кўчасини шовқинли ва мазали кварталга айланиш учун барча шарт-шароитлар мавжуд. Энг муҳими – бу кўчада аллақачон жуда гавжум ва тотли кафе ва ресторанлар мавжуд. Бу ерда шаҳарда машҳур круасан тайёрланадиган замонавий кафе, ҳақиқий грузин ҳовлиси ва энг қиммат ўзбек ресторанларидан бирига қўшни оддийгина чойхона. "Эрталабда кофе, кечки пайт шароб" ғоясини қўллўвчи ва ҳамиша бўш қахваҳоналар ҳам мавжуд. Бу шунга ўҳшаш квартал учун жуда мос келади", - деди Осокин.

"Заводскаядаги" мазали квартал "ўрта+" нарх сегменти учун мўлжалланган. Харидорларнинг ёшига ҳам шундай ёндашув. Муаллифларнинг фикрига кўра, ушбу жойнинг "бутиклик жиҳати"ни, унинг эксклюзив атмосферасини сақлаб қолиш учун маълум нархлар оралиғини сақлаш керак. Шундай усул Москвадаги Патриарши кўллари атрофидаги ҳудудда, Малая Бронная кўчасида қўлланди, энду у жуда шовқинли бўлишдан тўхтаб, аммо Россия пойтахтининг энг "тусовка" кўчаси бўлиб қолди.

Лойиҳанинг "Мазали квартал" номини - Роман Осокин маҳаллий туризм гуруси Михаил Шамшидов билан ўйлаб топди.

Мутахассиснинг фикрига кўра, ушбу майдоннинг афзаллиги шундаки, ободонлаштириш учун ҳеч қандай инвестиция ёки катта сармоя керак эмас ва шу билан бирга шаҳар маъмурияти билан мувофиқлаштириш кераксиз. Бунинг учун талаб қилинадиган нарса фақатгина шу маконни "дастурлаш" ва келажакда ушбу худуднинг танланган концепцияси ва фалсафасига амал қилишдир.

"Биз сўрашимиз мумкин бўлган ягона ва қийин масала бу кўчани бир томонлама қилишдир. Ҳозирда у транспорт воситалари билан тўлдир. Биз ҳозирча уни пиёдалар учун тўлиқ очиш ҳақида гапирмаяпмиз, лекин йўлнинг бир чизиққача қисқартирилиши ресторанларга столиклар жойлаштириш учун бўш жойдан фойдаланишга имкон беради", - дея тушунтиради Осокин.

Улица Заводская в Ташкенте
Sputnik / Дильшода Рахматова
Улица Заводская в Ташкенте

Келажакда бу кўча меҳмонлар ва фуқароларнинг ўзлари орасида машҳур бўлиб қолса, бу ерда фақат пиёдалар учун ҳудудни очиш ҳақида ўйлаш мумкинлигини истисно қилмади.

Осокин миллионлаб сайёҳларга яхши таниш Лиссабондаги Докаш туманини шаҳарларнинг бу каби муваффақиятли ва дунёга машҳур намуналари сифатида келтирди. Бироқ, унинг ўзи Сан-Францисконинг North Beach гастрономик квартали ва бошқа кичикроқ кўламли лойиҳалар тажрибасига эътиборини қаратмоқда. Бундан ташқари, эксперт бу атрофдаги муассасаларга автотураргоҳлар тақдим қилишда маҳаллий ҳокимият идораларининг Америка тажрибасини қабул қилишини фойдали деб билади.

"Бу нафақат кўчани сайёҳлар учун янада жозибали қилади, балки кичик бизнеснинг ривожланишига ҳам ёрдам беради", - деди Осокин.

Лойиҳанинг қамров доираси

Келгусида Тошкентнинг ўзидан ташқари бошқа минтақаларда ҳам туристик кластерлар ташкил этиш режалаштирилмоқда. Бунинг учун мутахассислар ҳар ҳил турдаги бўш вақтни ўтказиш турларини "ўсиш нуқталарини" кўриб чиқмоқдалар. Экологик-вино-гастрономик туризм марказига айланиши мумкин бўлган Паркент диққатга сазовор жойлардан биридир.

"Ҳозирча биз фақат Тошкент шаҳрини, асосан шаҳар марказини кўриб чиқмоқдамиз. Агар "Вкусный квартал" (Мазали квартал) лойиҳаси муваффақиятли бўлса, бизнинг экспертлар гуруҳимиз минтақаларда ҳам ишлашдан мамнун бўлади. Мен билишимча, масалан, тарихий Самарқанд шаҳрида кечки соат 5-6 дан кейин деярли ҳамма уйқуга кетади. Туристга уйқуга кетишдан олдин қиладиган иши йўқ. Бизнинг ғоямиз шу-ки, муваффақиятли лойиҳаларни бошқа ҳудудларда ҳам амалга ошириш", - таъкидлайди Осокин.

Унинг ҳисоб-китобларига кўра, гастрономик кваарталнинг ишга туширилишига бир неча ой кетади. Агар иш ҳозир бошланса, унда сентябргача Тошкентда янги сайёҳлик зонаси пайдо бўлади – гавжум Европа услубида, аммо маҳаллий ранг-барангликдаги кўчалар.

Ушбу лойиҳа илгари ушбу ҳудудда жойлашган бир нечта ресторан эгалари томонидан қўллаб-қувватланган. Энди ташаббускор гуруҳ пойтахт ҳокимиятига расмий бизнес-режани тайёрламоқда.

682
Во всех исторических объектах Самарканда установлены дезинфицирующие тунели.

Сўров якунлари: россиялик туристлар Ўзбекистонга бўлган парвозлар билан қизиқмоқда

193
Россиялик сайёҳларнинг учдан бир қисми келажакда хорижга саёҳат қилиш учун пул ажратиб қўйган. Уларнинг аксариятини МДҲ шаҳарларига, жумладан, Тошкент ва Самарқандга бўлган парвозлар қизиқтирмоқда.

ТОШКЕНТ, 6 июл — Sputnik. Россиялик сайёҳларнинг учдан бир қисми келажакда хорижга саёҳат қилиш учун пул ажратиб қўйган. Бу ҳақда РИА Новости OneTwoTrip онлайн-сервис тадқиқотига таянган ҳолда хабар қилмоқда.

Компания ходимлари ижтимоий тармоқда сўров ўтказишган, унда 1706 киши иштирок этган. Россияликлардан келажакда халқаро парвозлар тикланиши билан улар чет элда дам олишга тайёргарлик кўраётгани ёки йўқлиги ҳақида сўралган.

Сўровда иштирок этганларнинг 31 фоизи улар албатта бормоқчи бўлган мамлакат, шаҳар ва диққатга сазовор жойлар рўйхатини тузган. 33 фоизи бошқа мамлакатларга саёҳат учун пул ажратиб қўйган. Респондентларнинг 48 фоизи чипталар нархини диққат билан кузатишини айтган.

OneTwoTrip маълумотларига кўра, уларнинг энг кўп мижозлари Москвдан Тошкент ва Самарқанд (Ўзбекистон), Душанбе ва Хўжанд (Тожикистон), Ўш ва Бишкек (Қирғизистон), Ереван (Арманистон), Боку (Озарбайжон), Истанбул (Туркия) ва Минск (Беларусь)га бўлган парвозлар билан қизиқишган.

193
Отдых на Чарваке

"Ўзбекистон Швейцарияси" маҳаллий сайёҳлар учун чўнтакбоп бўлади

1178
(Янгиланган 13:47 04.07.2020)
Маҳаллий ҳукумат нафақат туристларнинг қулай ҳордиқ чиқариши, балки улар саломатлиги хавфсизлигини таъминлаш борасида ҳам қайғурган. Бу учун нафақат ҳуқуқни муҳофаза қилиш органлари вакиллари, балки туристик полиция хизматларидан ҳам фойдаланилмоқда.

ТОШКЕНТ, 4 июл - Sputnik. Тошкент вилоятида туристик сезон ўз фаол фазасига кирди ва бошқа вилоятлар аҳолисини қарши олишга тайёр, деб маълум қилди Sputnik Ўзбекистон мухбирига Тошкент вилояти ҳокимлиги туризм департаментининг туристик инфратузилмани мувофиқлаштириш бўйича бошқарма раҳбари Эркин Норбоев.

Норбоевнинг сўзларига кўра, ёзги дам олиш мавсумида маҳаллий аҳоли халқаро рейслар очилишини кутиб ўтирмасдан, "Ўзбекистон Швейцарияси" номини олган - сўлим Бўстонлиқ гўшасида дам олишлари мумкин.

Коронавирус пандемия туфайли туризм соҳаси катта инқирозларга юз тутганига қарамай, вилоят мутасаддилари бош вазир топшириғига асосан Бўстонлиқ туманидаги дам олиш гўшалари, тоғли ҳудудларда маҳаллий туристларнинг ҳордиқ чиқаришлари учун чўнтакбоп шарт-шароитларни яратмоқда.

Хусусан, Тошкент шаҳри ва вилоятлардан ташриф буюрадиган туристлар учун бу ерда енгил конструкцияли палатка-шаҳарчалар, кэмпинглар ва контейнерли қурилмалар бунёд этилмоқда.

"Улар кенг оммага мўлжалланган ва чўнтакбоп нархларда бўлади", - дея аниқлик киритди Норбоев.

Шунингдек, йўл олди инфратузилмаси бўйлаб ҳам қулай ва арзон турар-жойлар: меҳмонхоналар, хостеллар ва меҳмон-уйлар вужудга келтирилмоқда.

Маҳаллий ҳукумат нафақат туристларнинг қулай ҳордиқ чиқариши, балки улар саломатлиги хавфсизлигини таъминлаш борасида ҳам қайғурган. Туристлар хавфсизлиги учун барча шарт-шароитлар ҳозирланган. Бу учун нафақат туризм департаменти ходимлари, балки тегишли инструктаждан ўтган туристик полиция хизматларидан ҳам фойдаланилмоқда.

Эслатиб ўтамиз, 1 июнь санасидан Ўзбекистоннинг "яшил" ва "сариқ" ҳудудларида ички туризм қайта йўлга қўйилган эди. Туроператорлар, турагентликлар, маданият объектлари санитария-гигиена нормалари ва талабларига қатъий амал қилган ҳолда ўз фаолиятларини бошлашлашлари белгиланганди.

1178

АҚШ сурияликларни “очликдан ўлдириш”га уриниш учун Россия ва Хитойни жазоламоқчи

0
(Янгиланган 20:33 10.07.2020)
Америка бош котиби БМТда вето қўйиш ҳуқуқини суиистеъмол қилаётгани учун Россия ва Хитойни жазолаш керак деб ҳисобламоқда.

Куни кеча давлатлар Сурияга гуманитар ёрдам етказиш бўйича резолюцияни блокладилар. Бельгия ва Германия томонидан Туркия-Сурия чегарасида 2та НЎП қолдиришни таклиф қилишди. Бироқ Москва ва Хитой бунга рози бўлмади. Россия ўз резолюция лойиҳасини тайёрлади.

Америкаликлар норозилигининг яширин сабаблари ҳақида – видеомиздан билиб олишингиз мумкин.

0