Узоқ кутилган қайтиш: бортида ўзбекистонликлар бўлган бешинчи чартер Тошкентга қўнди

1051
Ўзбекистон 11 майдан бошлаб ўз фуқароларини бошқа давлатлардан олиб кела бошлади. 16 май ҳолатига кўра бешта авиарейс амалга оширилди. Бу сафар борт Тошкентга икки гуруҳдан иборат - Сингапур ва Малайзиядан олиб чиқилган ўзбекистонликларни етказди

Бортда жами 237 нафар йўловчи бор эди.

Самолёт трапи олдида Тошкентга олиб келинганларни тиббиёт ходимлари ва санитар хизмат ходимлари кутиб олдилар. Улар йўловчиларнинг иссиғини ўлчаб, дезинфекция ишларини амалга оширдилар, агар шунга талаб бўлса биринчи тиббий кўрик ҳам ўтказилмоқда.

Тошкентга келган йўловчиларнинг барчаси аэропортдан тўғри вақтинчалик жойлашиш махсус марказларига икки ҳафталик карантинга юборилади. 

Ҳозирча рейслар жадвали 24 май санасига қадар шакллантирилган. Чартер рейсларга рўйхат келиб тушган аризалар бўйича чет давлатлардаги дипломатик ваколатхона ходимлари томонидан шакллантирилмоқда.

Ватанга биринчи навбатда кекса ёшдаги кишилар, ногиронлиги бор инсонлар ёки оғир хасталикка чалинганлар, ҳомиладор аёллар ва ёш болали йўловчилар қайтарилмоқда. Элчихоналар ва консуллик бўлимлари қошида "тезкор алоқа" линиялари ташкиллаштирилган бўлиб, улар орқали Ўзбекистонга қайтиш имкониятлар борасида барча зарур маълумотларни олиш мумкин.

1051

Америкаликлар талончилардан ҳимояланиш учун қўлига қурол олди видео

19
Чикагода талончилардан ўз бизнесини ҳимоя қилиш мақсадида оилавий вино дўкон ишчилари қўлига қурол олишга мажбур бўлдилар.

Миннеаполисда полициячилар томонидан қўлга олиш чоғида қўполлик қилинганидан кейин 46 ёшли афроамерикалик Жорд Флойд вафот этди. Бу бутун мамлакат бўйлаб кескин тартибсизликларни келтириб чиқарди.

Кўплаб губернаторлар ва мэрлар ўз ҳудудларида комендантлик соатларини жорий этишга ва тартибсизликларни тўхтатиш учун миллий гвария қўшинларини жалб қилишга мажбур бўлишди.  

19

Ўзбекистонлик велосипедчилар ҳаётидан ёрқин лаҳзалар - видео

38
(Янгиланган 11:24 04.06.2020)
Бутун дунёда 3 июн - Велосипедлар куни сифатида нишонланади. Ушбу икки ғилдиракли транспорт воситаси инсоният ҳаётини қанчалик ўзгартириб юборганини англаш қийин эмас. 

Дунёда миллионлаб кишилар учун велосипед - кундалик транспорт воситаси бўлса бошқалар учун у спорт ускунаси. Қизиқувчан велосипедчилар унинг ёрдамида мураккаб ва ёрқин трюклар вамалга оширса, профессионал спортчилар велосипедда узоқ марафонларни босиб ўтишмоқда. Ушбу транспорт воситасини яхши кўрувчилар учун эса велосипед - шунчаки турмуш тарзига айланган. 

Ўзбекистонда ҳам ана шундай велосипед ишқибозлари жуда кўп. Улар велосипед ёрдамида нафақат шаҳар кўчаларини балким, шаҳардан ташқарида ва тоғларда ҳам сайр қилишади, машқлар ва трюклар бажаришади. 

Маълумки Туркманистон президенти Гурбангулы Бердымухамедов ҳам велосипед ишқибози. Балким шунинг учун кеча Туркманистон пойтахтида велосипед ҳайкали очилди

Sputnik видеолавҳасида Ўзбекистон веложамоатининг бугунги ҳаёти билан танишинг. 

38
Российские рубли

РОСЭКСИМБАНК сўмда биринчи ҳисоб рақамларини очди

24
РОСЭКСИМБАНК миллий валюталарда тўғридан тўғри ҳисоб-китоб қилишни осонлаштириш мақсадида Россия банклари учун сўмда ва Ўзбекистон банклари учун рублда корреспондент ҳисоб-рақамларини очди.

ТОШКЕНТ, 4 июн - Sputnik. "РОСЭКСИМБАНК" АЖ Ўзбекистон ва Россия банклари сўм ва рублда тўғридан-тўғри ҳисоб-китоб қилиши учун имконият яратмоқда.Бу ҳақида Россия Экспорт маркази матбуот хизмати хабар қилмоқда.

Хабарда айтишигига кўра "РОСЭКСИМБАНК" АЖ Россия банклари учун ўзбек сўмда юритилувчи биринчи корреспондет ҳисоб-рақамларини очган. Бир вақтнинг ўзида Ўзбекистон банклари учун рублда юритилувчи ЛОРО ҳисоб рақамлари очилган.

Россия Экспорт марказининг асосий вазифаси – Россия маҳсулотларини экспорт ва импорт қилиниши учун қулай ва кенг имконият яратишдир.

“Тизимли ечимлар яратиш, халқаро ҳисоб-китобларда миллий валюталардан фойдаланиш – экспортчиларнинг молиявий хавфларини камайтиришни кафолатлайди”, - дейди марказ директори Вероника Никишина.

Карантингача бўлган даврда Россия Экспорт маркази вакиллари Ўзбекстонда Россия рублида облигация чиқаришдан манфаатдор бўлган бир неча эмитентлар билан учрашувлар ўтказиб, ушбу облигацияларни суғурталаш ҳақида келишиб олган эди. Ўзбекистонлик эмитентлар томонидан рублда облигация чиқариш Ўзбекистон иқтисодига Россия рублида сармоялар жалб қилиш ҳамда икки давлат орасида иқтисодий муносабатларни тўғридан-тўғри миллий валюталарда олиб бориш учун туртки бўлади.

“Ана шундай эмиссидан биринчиси ушбу йил охиригача амалга ошиши керак. Чунки Ўзбекистон томонидан рублда молиялаштиришга бўлган талаб ошмоқда. Бунга Россия саноат ва савдо вазирлигининг Россиядан юқори технологияли маҳсулот экспорт қилганда имтиёзли молиялаштириш дастури ҳам ўз ҳиссасини қўшмоқда”, - дейди Россия экспорти маркази директори.

Маълумот учун, бугунги кунда РОСЭКСИМБАНК Россия компаниялари операцияларини Хитой юани, Ҳиндистон рупияси, қирғиз сўми, Венгрия форинтида  амалга оширмоқда.

РЭМ маълумотига кўра, 2019 йилда Россиянинг Ўзбекистонга экспорти 3,9 млрд $ни ташкил қилган. Ушбу маҳсулотнинг 93 % - ўрмон саноати маҳсулотлари, металлургия, машинасозлик ва қишлоқ хўжалик маҳсулотлари ташкил қилган. Енгил автомобиллар, пўлат прокатиб кунгабоқар мойи каби маҳсулотлар экспорти сезиларли даражада ўсган.

24