Россияда танкчи куни қандай нишонланди видео

412
(Янгиланган 19:58 14.09.2020)
Екатеринбург яқинидаги Свердловский ҳарбий полигонида танкчи куни нишонланди. Тантанали тадбирни томоша қилиш учун 30 минг яқин меҳмон ташриф буюрди.

Ҳарбий хизматчилар жанговар тайёргарликнинг мураккаб элементи - 3 та 40 тонналик Т-72БЗМ танкида "сакраш ва парвоз вақтида ўқ отиш" машқини намойиш этишди.

Бундан ташқари, тарихий ва замонавий техникаларнинг махсус кўргазмаси ташкил этилди.

Танкчи куни қандай ўтгани ҳақида видеомизда томоша қилишингиз мумкин.

412

Озарбайжон ва Арманистон ўқ отишни тўхтатиш ҳақида келишувга эриша оладими?

209
(Янгиланган 18:43 29.09.2020)
Тоғли Қорабоғда вазият янги куч билан кескинлашди. 27 сентябрда тан олинмаган республикада қуролли тўқнашувлар бошланди. Қарама-қарши кучлар - Озарбайжон ва Арманистон бир-бирини провокацияда айбламоқда.

Иккала мамлакат душман ҳужуми ва мажбурий қаршилик операциясини эълон қилади. Тўқнашувлар ҳарбийлар ва тинч аҳоли орасида қурбонларга олиб келмоқда.

1994 йилдан бери Қорабоғда бундай кескин вазият бўлмаганди - очиқ тўқнашувлар сусайганди. Аммо қарама-қаршилик давом этди. Тоғли Қорабоғ ҳуқуқий жиҳатдан Озарбайжон еридир, гарчи 1991 йилда, референдум натижасида республика ўз мустақиллигини эълон қилди. Тоғли Қорабоғнинг мустақиллиги ҳануз дунёда тан олинмаган. Тарихан эса Тоғли Қорабоғда асосан арманлар яшайди.

Ҳозирги баҳсли ҳудуддаги вазият ҳақида батафсил видеомизда.

209

Ретро-гўзаллик ва моторлар гуриллаши: Амирсойда илк бор авто-мото фестивали бўлиб ўтмоқда

788
Икки кунлик фестивалда "Амирсой" барча мавсумий тоғ-чанғи курорти эксклюзив авто ва мото техника учун битта йирик автопаркка айланди.

Ўзбекистонда 26-27 сентябрь кунлари илк марта “Amirsoy Mountain Resort” тоғ-чанғи курортида автомобиль ихлосмандлари учун катта байрам – Авто-мото фестивали бўлиб ўтмоқда.

Шу икки кун мобайнида “Амирсой” курорти 150 дан ортиқ тюнингланган эксклюзив авто ва мото техника учун йирик автопаркка айланади. Фестиваль ташкилотчилари меҳмонлар ва иштирокчилар учун DJ’ларнинг жонли (Live) чиқишлари, тест-драйв, мотоцикл райдерларининг трюклари, дрифтлар, курорт бўйлаб экскурсия ва турли хилдаги совринли танловлар каби кўнгилочар дастурларни намойиш қилишмоқда.

Танловларда тюнинг, автотовуш, дрифт, ретро, 4х4, супермашиналар ва бошқа йўналишлардаги энг яхшилар аниқланади.

788

Британия ва Канада Лукашенкога қарши санкция киритди

95
Британиялик дипломатларнинг қайд этишича, рестрикциялар "Буларусда инсон ҳуқуқларининг қўпол равишда бузилишига алоқадор" бўлганларга нисбатан жорий этилади

ТОШКЕНТ, 29 сен — Sputnik, Мария Табак. Буюк Британия ва Канада Беларус президенти Александр Лукашенко, унинг ўғли Виктор ва мамлакатнинг бир нечта юқори мартабали ҳукумат аъзоларига қарши санкцияларни киритдилар, деб хабар бермоқда британия ТИВ.

Чеклов чоралари Бирлашган Қиролликка кириш ва саккиз кишига нисбатан, хусусан, Лукашенконинг ўзи, унинг ўғли, миллий хавфсизлик бўйича маслаҳатчи Виктор Лукашенкога, президент арминистрацияси раҳбари Игорь Сергеенконинг, ички ишлар вазири Юрий Караев, ички ишлар вазири ўринбосарлари Александр Барсуков ва Юрий Назаренко, ИИВ ички қўшинлари қўмондони ўринбосари Хазалбек Атабеков ва Махсус полиция минск бўлинмаси раҳбари Дмитрий Балабиларнинг активларини музлатишни кўзда тутади. 

Британиялик дипломатларнинг қайд этишича, рестрикциялар "Буларусда инсон ҳуқуқларининг қўпол равишда бузилишига алоқадор" бўлганларга нисбатан жорий этилади.

"Дунё ҳамжамиятининг кўплаб даъватларига қарамай, Александр Лукашенко шафқатсиз репрессияларни кучайтирган оппозиция билан мулоқотга киришишдан бош тортди", — дейилади Буюк Британиянинг Россиядаги элчихонаси хабарида.

Лондон чекловларни жорий йил июль ойида кучга кирган "инсон ҳуқуқларини поймол этганлиги учун санкцияларнинг британ режими" (Global Human Rights Sanctions Regime) доирасида қўллаган.

"Буюк Британия мустақил санкциялар режими инсон ҳуқуқларини жиддий равишда бузадиганларга Буюк Британияга саёҳат қилишни, британ банклари орқали пул ўтказишни ёки Буюк Британия иқтисодиётидан бирон бир фойда олишни тақиқлашга имкон беради", - дея аниқлик киритган дипломатик ваколатхона.

Беларусдаги воқеалар

Беларусдаги оммавий норозиликлар 9 август куни, президент сайловларида олтинчи маротаба Лукашенко ғалаба қозонгач бошланган эди. МСК маълумотларига кўра, у 80,1 % овоз олган. Оппозиция сайловларда Светлана Тихановская ғалаба қозонди деб ҳисоблайди. Тихановскаянинг ўзи мамлакатни тарк этишга қарор қилди ва Литвага йўл олди.

Акциянинг илк кунларида куч тузилмаси ходимлари протест қатнашчиларига нисбатан кўз ёш чиқарувчи газ, водомёт, шовқин гранаталари, резина ўқларни ишлатишган. Сўнгра, ҳуқуқ тартибот органлари митингларни тарқатишни ва куч методларидан фойдаланишни тўхтатишди.

Лукашенко АҚШни Беларусдаги норозиликларни ташкил этганликда айблади. Президентнинг айтишича, европа мамлакатлари Вашингтонга ён босмоқда ва ҳаммасини "айтилганидек бажаришмоқда". Беларус етакчисининг сўзига кўра, Ғарб Минскни Москвага қарши қайрамоқчи.

23 сентябр куни Лукашенконинг инаугурацияси бўлиб ўтгач, бу янги норозилик акцияларини юзага келтирди, акциялар иштирокчилари куч методлари ва водомётлар ёрдамида тарқатилди.

95