TOShKENT, 3 sen — Sputnik. Bugun Qirg‘izistonda bo‘lib o‘tgan Turkiy tillarda so‘zlashuvchi davlatlar Sammitida (TTSD) bir qator hujjatlar imzolandi, deb xabar qilmoqda Sputnik Qirg‘iziston.
Xabarda aytilishiga ko‘ra Sammitda quyidagi hujjatlar imzolangan:
- Turkiy tillarda so‘zlashuvchi davlatlarning VI Sammiti deklaratsiyasi;
- TTSD Hamkorlik kengashining bosh kotibi, bosh kotib o‘rinbosarlari hamda Turkiy akademiya prezidentini tayinlash haqidagi qaror;
- Vengriyaga TTSD Hamkorlik kengashida kuzatuvchi maqomini berish haqidagi qaror;
Shuningdek, Sammitda quyidagi hujjatlar qabul qilingan:
- Turkiy tillarda so‘zlashuvchi davlatlarni integratsiya qilish konsepsiyasi;
- Yoshlar va milliy sport turlarini rivojlantirish haqida Vengriya TTSD Hamkorlik kengashining qo‘shma bayonoti;
- Yozuvchi Chingiz Aytmatovnning 90 yoshligiga bag‘ishlangan tadbirlar o‘tkazish haqida TTSD rahbarlarning qo‘shma bayonoti.
Eslatib o‘tamiz, Cho‘lpon – Otada bo‘lib o‘tayotgan sammitda Qirg‘iziston, Ozarbayjon, Qozog‘iston va Turkiya davlatlari prezidentlari ishtirok etmoqda. Shuningdek O‘zbekiston prezidenti va Vengriya bosh vaziri faxrli mehmon sifatida taklif etilgan.
