Сотрудник правоохранительных органов во время спецоперации

АҚШ Россия пулемётларининг нусхасини ишлаб чиқармоқчи

661
Америка махсус қўшинлари Россиянинг ПКМ ва НСВ пулемётларини АҚШда ишлаб чиқаришни йўлга қўйиш талаби билан чиқди.

ТОШКЕНТ, 10 окт - Sputnik. Америка махсус қўшинлари қўмондонлиги USSOCOM Россиянинг дунёда кенг тарқалган пулемётларини АҚШда ишлаб чиқаришни йўлга қўйиш талаби билан чиқди, деб ёзади РИА Новости The National Interest нашрига асосан.

Гап, хусусан, ПКМ - Пулемёт Калашникова модернизированный, 7,62мм патронли, ва НСВ - Никитин, Соколов, Волков оғир пулемёти, 12,7 мм патронли пулемётлар ҳақида кетмоқда.

Пулемёт Калашникова модернизированный
© Wikipedia /
Пулемёт Калашникова модернизированный

Хабарда айтилишига кўра, USSOCOM Америка қурол ишлаб чиқарувчилари орасида ушбу пулемётларини ишлаб чиқаришни йўлга қўйиш борасида тендер эълон қилган.  

Ишлаб чиқарувчилар олдига Россиянинг ушбу қуроллари “технологияси сирини очиш ва техник кўрсатгичлари бўйича уларга тенг ёки улардан устун бўлган нусхасини ишлаб чиқариш” шарти қўйилган.  

Шу билан бир вақтда АҚШ Қўмондонлиги компанияларни ушбу қуролларнинг чизмалари ва бошқа техник маълумотларни тақдим этмаслигини, компаниялар ушбу маълумотларни мустақил равишда топишлари лозимлиги айтиб ўтилган.

Агар компаниялардан бирортаси ушбу қуролларини ишлаб чиқаришни уддаласа, улар Россия қуроллари нусхаларини АҚШ ҳудудида америкада ишлаб чиқарилган деталлардан ва америка ишчи кучи ёрдамида амалга ошириши керак дейилган.

Тяжелый пулемёт НСВ
Тяжелый пулемёт НСВ

Нашр хабарида айтилишига кўра, икки Россия пулемёти – бу ушбу йўналишдаги биринчи қадам бўлади. Келажакда америкаликлар хорижда ишлаб чиқарилаётган бошқа қуролларининг нусхаларини ҳам ишлаб чиқариши мумкин, дейилган мақолада.

Бунга нимаб сабаб бўлган?

The National Interest муаллифи Майкл Пек ёзишига кўра, дунёдаги исталган қайноқ нуқтада олинган фото ёки видеони кўрсангиз, унда жангарилар ёки қўзғолончилар қўлида албатта Россия қуролини ёки унинг маҳаллий нусхасини кўрасиз. Бу оддий Калашников автоматидан бошлаб оғир пулемётлар ва ракета установкаларигача.

АҚШ Махсус қўшнлари қўмондонлиги USSOCOM жангарилар гуруҳларидан бирортасига қурол етказиб берганда, улар дунё қурол бозорларидан ахтариб, Россия қуролларини ва унинг эҳтиёт қисмларини сотиб олишга мажбур бўлмоқда.

Россия қуролини сотиб олишга шунча маблағ сарфланар экан, ушбу қуроллар нусхаларини Америкада ишлаб чиқаришни йўлга қўйса бўлмайдими? Мана шу сабабли USSOCOM америка ишлаб чиқарувчиларидан Россия қуролларининг нусхасини ишлаб чиқаришга қарор қилган.

Муаллифлик ҳуқуқлари

Мақола сўнггида муаллиф ўз-ўзига Америка ўз ҳудудида Россия қурол яроғини муаллифлик ҳуқуқларини сақламаган ҳолда ишлаб чиқариши мумкинмикан, деган савол билан мурожаат қилган. Ва шу заҳотиёқ “Россия ва Хитой шпионлари америка технологияларидан фойдаланишда ўзларини тийиб турмаган” деган хулоса билан буни оқлашга уринган.

Нима бўлганда ҳам хорижий қурол аслаҳани аллақандай номаълум халқаро қурол савдогарларидан сотиб олгандан кўра америкада ишлаб чиқариш ғояси ақлли фикр – деган сўзлар билан мақолага якун ясалган.

661

Мушук қани?: бу сурат интернетда кўпчиликнинг бошини қотирди

341
(Янгиланган 18:59 23.09.2020)
Reddit тармоғига "менинг мушугимни топинг" деб ёзилган сурат интернет фойдаланувчиларини кўп ўйлантириб қўйди.

ТОШКЕНТ, 23 сен — Sputnik. Суратда "яширинган" мушук Reddit ижтимоий тармоқ фойдаланувчиларининг бошини қотирди.

Суратни Pizzaslayer111 никли фойдаланувчи жойлаштирди ва мушукни топишни таклиф қилди.

Хонадаги жиҳозларнинг кўплиги ва интерьернинг ўзига хослиги туфайли мушукни топиш анча қийин бўлиб кўринди.

Баъзилар мушукни тезда топишга муваффақ бўлишди, бошқаларга эса бир неча дақиқа вақт зарур бўлди.

Сурат фойдаланувчиларда катта қизиқиш уйғотиб, 700 дан ортиқ изоҳ тўплади.

341
Дженнифер Лопес

Жей Ло 51 ёшида сарвқомати билан мухлисларни ҳайратда қолдирди

763
(Янгиланган 17:02 23.09.2020)
Голливуд актрисаси Женнифер Лопес бикини тушган суратини Instagram'га жойлаштирди. Бир неча кунда сурат 4,2 миллион лайк тўплади.

ТОШКЕНТ, 23 сен — Sputnik. Голливуд актрисаси ва хонанда Женнифер Лопес таътилга чиққан вақтда тасвирга олинган суратни Instagram’даги саҳифасига жойлаштирди ва ўзининг сарвқомати билан мухлисларини ҳайратда қолдирди.

51 ёшли Лопес бикинида суратга тушди.

Посмотреть эту публикацию в Instagram

Публикация от Jennifer Lopez (@jlo)

"Дам олиш муҳитида" – деган изоҳ ёзган хонанда суратга.

Бир неча кун ичида бу пост 4,2 миллион лайк тўплади.

Жей Ло мухлислари кўплаб изоҳларни ёзишди.

“Қандай қаддиқомат! Эртадан машқ қилишни бошлайман”, - деб ёзган фойдаланувчилардан бири.

"Қандай қилиб унинг ёши 51 да бўлиши мумкин?" - деб ёзган бошқа фойдаланувчи.

Кўплаб обуначилар актриса ёшидан анча ёшроқ кўринишини таъкидладилар.

763

Ўзбекистонлик мигрантларни Россиядан қайтариш мақсадида 15та автобус йўлга чиқди

282
(Янгиланган 21:19 23.09.2020)
Ўзбекистон фуқароларини Россиянинг турли ҳудудларидан қайтариш жараённи янада тезлаштириш мақсадида бугун 15 та автобусдан иборат илк карвон Россиянинг Самара вилоятига йўлга чиқди.

ТОШКЕНТ, 23 сен - Sputnik. Ўзбекистон фуқароларини Россиянинг турли ҳудудларидан қайтариш жараённи янада тезлаштириш, биринчи навбатда оғир аҳволда қолган фуқароларни имкон қадар тезроқ Ўзбекистонга олиб келиш мақсадида Россия Федерациясининг тегишли вазирлик ва идоралари билан репатриацион чартер рейслари сонини бир неча маротабага кўпайтиришга эришилди. Бу ҳақда Транспорт вазирлиги хабар бермоқда.

"Республика махсус комиссияси, Транспорт вазирлиги, Ташқи ишлар вазирлиги, ДХХ Чегара қўшинлари, Ички ишлар вазирлиги, Ўзбекистоннинг Қозоғистон ва Россиядаги дипломатик ваколатхоналарининг саъйи-ҳаракатлари билан айни дамда Ўзбекистонга қайтиш истагида бўлган Россия Федерациясининг Қозоғистон билан чегара олди ҳудуди Самара вилоятида тўпланиб қолган фуқароларни ватанга олиб келиш мақсадида махсус автобус қатнови ташкил этилмоқда", - дейилади хабарда.

Мазкур автобус қатновлари Транспорт вазирлиги ҳузуридаги "Uzautotrans service" корхонаси томонидан амалга оширилади. Бугун 15 та автобусдан иборат илк карвон Россиянинг Самара вилоятига йўлга чиқди. Ушбу қатнов барча санитария қоидалари ва Қозоғистон ҳамда Россия Федерацияси томонидан қўйилган талабларга қатъий амал қилган ҳолда бажарилмоқда.

Қатновни бажаришга жалб этилган 40 нафар ҳайдовчиларнинг барчаси йўлга чиқишдан аввал коронавирусга тест топширишди. Лаборатория таҳлили натижаларидан сўнг уларга тегишли маълумотнома берилди. Шундан сўнг, ташувлар хавфсизлигини таъминлаш ва қатнов давомида нималарга эътибор бериш лозимлиги юзасидан йўриқнома ўтказилди.

Шу билан бирга мамлакатнинг турли ҳудудларига мунтазам равишда махсус темир йўл қатновлари ҳам ташкил этилмоқда.   

Қатнов олдидан ҳайдовчиларга махсус йўриқнома ўтказилди.

Режага мувофиқ автобуслар 25 сентябрь куни белгиланган манзилга етиб боришади. Шу куннинг ўзида автобуслар 700 дан ортиқ йўловчиларни олиб Ўзбекистон томон йўлга чиқади.   

Шу ўринда ҳозирда вазирлик Россиянинг турли ҳудудларидан Ўзбекистонга қайтиш истагида бўлиб турган фуқаролардан оммавий равишда Россиянинг Қозоғистон билан чегара олди ҳудудларига тўпланмасликларини сўраб қолган. Бу каби ҳолатлар ҳозирги қалтис эпидемиологик вазиятнинг янада мураккаблашувига, касаллик юқтириб олиш хавфининг ортиб кетишига ва энг ёмони юртдошларимизни ватанга олиб келиш мақсадида катта қийинчиликлар билан амалга оширилаётган саъйи-ҳаракатларнинг чекланишига сабаб бўлиши мумкин, дея огоҳлантиради вазирлик.

282