Джамал Хашогги со своей невестой Хатис Ценгиз

Жамол Хашогги қотиллигида саудия бош консулининг қўли бор - ОАВ

1854
Нашр хабарига кўра, Хашогги ишини ўрганаётган тергов гуруҳида журналист фавқулодда ғойиб бўлган куни саудия консуллигида ёзиб олинган аудиоёзувларга эга

ТОШКЕНТ, 17 окт — Sputnik. Саудия Арабистонининг Истанбулдаги бош консули Муҳаммад ал Утайба саудиялик мухолифатчи журналист Жамол Хашоггининг қотиллигида алоқадор, деб хабар қилди Yeni Safak нашри ҳуқуқни муҳофаза қилиш органларидаги манбасига таянган ҳолда.

Сал олдин Туркия ТИВ РИА Новостига берган интервьюсида сешанба куни Саудия Арабистони бош консулининг Истанбулдаги қароргоҳини текшириш ишлари режалаштирилганини маълум қилган, аммо кейинроқ бу иш ортга қолдирилди. Чунки Хашогги ишини ўрганиш бўйича тузилган Туркия-Саудия Арабистони вакилларидан иборат ҳамкорликдаги ишчи гуруҳда саудиялик вакиллар тергов ишларида қатнаша олмадилар.

Сешанба куни Хашогги иши бўйича авж олган можаро туфайли Саудия бош консули Туркияни тарк этди.

Нашр хабарига кўра, Хашогги ишини ўрганаётган тергов гуруҳида журналист фавқулодда ғойиб бўлган куни саудия консуллигида ёзиб олинган аудиоёзувларга эга.

Аудиоёзувларнинг бирида ал Утайба Хашоггига: "Агар яшашни истасанг, жим юр!", - деганини эшитиш мумкин.

Шунингдек, хабар қилинишича, Хашогги ўлдирилишдан олдин қийноққа солинган: унинг бармоқлари сўроқ вақтида кесиб ташланган, сўнгра, боши танасидан жудо қилинган.

Аудиоёзувга кўра, саудия консули журналистнинг қотилларига: "Бу ишни ташқарида қилинг. Сизларни деб, бошим ғалвада қолади", - деб айтган.

Американинг Washington Post газетасида ишловчи Хашогги 2017 йилдан бери АҚШда яшаб келади, 2 октябр куни Истанбулдаги Саудия Арабистони бош консуллигига киргач, изсиз ғойиб бўлган.

Саудиялик журналистнинг қайлиғи айтган сўзларга кўра, дипмиссия ходимлари 1 октябр куни Хашоггини ҳужжатларни расмийлаштириш учун таклиф этишган, аёлнинг ўзини эса бино ичкарисига киритишмаган.

Хашогги консуллик биноси ичкарисига кириб кетганидан 5 соат ўтгач, ишчи ходимлардан бири чиқиб, Хашогги кетганлиги ва уни кутиб ўтириш керак эмаслигини айтган.

Саудия Арабистони ҳукумати таъкидига кўра, Хашогги консуллик биносини тарк этгач, ғойиб бўлган ва миссия ҳозирда унинг ғойиб бўлиши фактига аниқлик киритиш бўйича турк ҳукумати билан ҳамкорликда ишламоқда.

Туркия президенти Тойиб Эрдўғон Саудия Арабистони журналистнинг йўқолиб қолишига алоқадор эмаслигини исботлаши кераклиги ҳақида баёнот берган, ҳозирча Туркия Саудия томонидан айтилган тушунтиришларни унчалик ишончли эмас, деб топмоқда.

Туркия ТИВ вакили Хами Аксой хабарига кўра, расмий Анқара Хашоггининг ғойиб бўлиши муносабати билан бош консулликни текшириш бўйича Саудия Арабистонидан рухсатнома олган.

Туркия ОАВлари хабарига кўра, саудия бош консуллигида олиб борилган биринчи текширув ишлари давомида туркиялик мутахассислар бино ҳовлисидаги ердан намуна олишган, шунингдек, бино ичкарисида қон изларини аниқлаш учун ультрабинафша нурлардан фойдаланганлар. Текширув ишлари тўққиз соатдан ортиқ вақт давом этган. ОАВ маълумотларига кўра, полициячилар бино ичида Хашоггининг ўлдирилганига ишора қилувчи далилларни аниқлашган.

1854
Мавзу:
Саудиялик журналист Жамол Хашоггининг ўлдирилиши (10)
Ученые НАСА обнаружили на Марсе странную дыру

Марсда шўр сувли кўл аниқланди

165
Бир гуруҳ италиялик олимлар Марснинг жанубий қутбида музликлар остида шўр сувли кўлларни аниқладилар.

ТОШКЕНТ, 30 сен — Sputnik. Италиялик олимлар Марснинг жанубий қутбида музликлар остида шўр сувли кўлларни аниқлади. Бу ҳақда РИА Новости Nature Astronomy’га асосан хабар қилди.

Астрономлар кашфиётни Mars Express орбитал қурилмаси ёрдамида 2010 йилдан 2019 йилгача олинган маълумотлар асосида амалга оширилди.

Тадқиқотчиларнинг фикрига кўра, тармоқ 4та сув ҳавзасидан иборат бўлиб, уларнинг энг каттаси тизимнинг марказида жойлашган ва эни 30 километрни ташкил қилади. Кўллар бир ярим километр чуқурликда жойлашган.

Олимлар таъкидлашича, сувнинг мавжудлиги Марсда ёки унинг юзасида микроблар мавжудлиги ҳақидаги тахминлар эҳтимолини оширади, аммо бу фаразни тасдиқлаш учун қўшимча тадқиқотлар ўтказиш зарур.

165
ресс-секретарь президента РФ Дмитрий Песков

Кремль Байденнинг “Путин кучукчаси” ҳақидаги гапига муносабат билдирди

246
АҚШ президентлигига номзод Жо Байден биринчи мунозаралар чоғида Трампни “Путиннинг кучукчаси” деб айтди.

ТОШКЕНТ, 30 сен — Sputnik. АҚШ президентлигига номзод Жо Байденнинг Трамп “Путиннинг кучукчаси” деб айтган сўзлари АҚШ сиёсий маданиятининг намоён бўлишидир. Бу ҳақда Россия президенти матбуот котиби Дмитрий Песков маълум қилди.

“Биз дунёдаги ҳамма каби АҚШдаги сайлов кампаниялари жараёнини кузатяпмиз. Биз бефарқ бўлиб қололмаймиз, чунки у жаҳоннинг энг йирик иқтисодий давлатларидан бири. Албатта, АҚШда янги сиёсий маданияти, сайлов маданияти намоён бўлишини кузатмоқдамиз”, - деди Песков. Унинг сўзларидан РИА Новости иқтибос келтирган.

Амалдаги АҚШ президенти Дональд Трамп ва Демократик партиядан давлат раҳбари лавозимига номзод Жо Байденнинг биринчи мунозаралари 29 сентябрь куни бўлиб ўтди. У 95 дақиқа давом этди. Америка марказий телеканаллари номзодлар мунозараларини тўғридан-тўғри эфирга узатди.

Президентликка асосий даъвогар Трамп ва Байден мунозаралар давомида бир-бирини гапини ҳамиша бўлиб турди ва бир-бирини турли муаммоларда айблади. Шунингдек, қўпол иборалардан фойдаланишди.

АҚШ президенти сайловлари 3 ноябрь куни бўлиб ўтади. Унга қадар президентлик курсисига асосий даъвогар Дональд Трамп ва Жо Байден жонли эфирда яна икки марта юзлашиши керак.

246
Ракетные установки Азербайджана ударили по Нагорному Карабаху

Қорабоғдаги зиддийлашув ва дронни қўллашдаги "сурия" тажрибаси

130
Тоғли Қорабоғдаги ҳарбий ҳаракатлар можаро томонларининг технологик жиҳатдан сезиларли тараққий этганини намоён қилмоқда, деб ёзади ҳарбий шарҳловчи Александр Хроленко

Озарбайжон ва Арманистон қўшинлари разведка ва зарба учувчисиз учиш қурилмалари (УУҚ)дан - "сурия тажрибаси"ни ҳисобга олган ҳолда фаол фойдаланишмоқда. Бу табиийки жонли куч ва техникада йўқотишлар сони ортишини келтириб чиқармоқда.

Яқин ўтмишда рўй берган худди шу сингари жанговар ҳаракатлардан фарқли ўлароқ, Қорабоғдаги ҳозирги оғир аслаҳалар қўлланилаётган зиддият жанг майдонида олинган видео билан кечаётганига гувоҳ бўлмоқдамиз. Бу кадрларда Озарбайжон ва Арманистоннинг ҳавода мунтазам кузатилаётган разведка ва зарба дронларини кўриш мумкин.

Арманистон ҳарбий идораси маълумотларига кўра, озарбайжон қўшинлари 29 сентябрь куни арман ҳудуди Варденис шаҳрида жойлашган ҳарбий қисм бўйлаб туркияда ишлаб чиқарилган дрон ёрдамида авиазарба беришди. Сал олдин Озарбайжон Мудофаа вазирлиги Арманистон қуролли кучлари Қорабоғ билан чегаратуташув жойида аҳоли пунктлари Арманистон ҳарбий кучлари томонидан ўққа тутилгани ҳақида баёнот берган эди.

Позиция жанглари давом этмоқда, рақиблар бир-бирига алоҳида (нуқтали) зарба беришмоқда. Можаро ҳудудидан қочоқлар сезиларли оқимининг йўқлиги ҳам жанговар ҳаракатларнинг нисбатан босиқ характеридан далолат бермоқда.

Қайноқ осмон

Айни вақтда экспертлар ҳамжамияти фақатгина АР ва ОР ҳарбий идораларининг расмий маълумотига таянишлари мумкин. Қорабоғ кучлари гўёки 49та озарбайжон дронларини уриб туширган, ўз навбатида, арман армияси 18та УУҚдан жудо бўлган. Тахминимча, рақамлар ўта бўрттирилган.

Таққослаш учун, ўтган ўн йил мобайнида Тоғли Қорабоғда йигирмага яқин озарбайжон ва арман УУҚлари уриб туширилган эди. Аммо ҳар нега қарамай, минтақадаги дронлар уруши - бу ҳақиқат. Сурия тажрибаси эса шуни кўрсатмоқдаки, замонавий қуролли можароларда учувчисиз комплекслар аҳамияти мунтазам ортиб бормоқда.

Яқин келажакда жанговар ҳаракатлар стратегияси ва тактикаси кўп ҳолларда сунъий онгга эга бўлган разведка олиб бориш ва зарба бериш, юз ва ҳатто минглаб километрлардаги нишонларга "қўли етадиган" автоном учар аппаратлари томонидан белгиланади. Шу бугуннинг ўзида ҳам ЎЎҚлар томонидан жанговар ҳаракатлар зоналарида суткасига 24 соатлик назорат таъминланмоқда.

© Sputnik / Виталий Тимкив

Қорабоғ зиддиятида Боку асосан Исроилда ишлаб чиқарилган, 50 килогача юк кўтаришга қодир ва ҳаракат масофаси 250 км гача бўлган Aerostar, Hermes, Heron ва Harop дронларидан фойдаланмоқда. Бундай аппаратларни разведкада, ўт зарбасини тўғирлашда ҳамда рақибнинг жонли кучи ҳамда енгил зирҳланган техникасига қарши курашда бошқарилувчи жанговар захира сифатида қўллаш мумкин.

ЎЎҚ қимматбаҳо, ва Ҳаводан ҳужумга қарши мудофаа тизимлари воситалари учун етарлича сезилишга эга. Масалан, Hermes 20 миллион долларга яқин туради, аммо уни нишонга сари йўлда уриб туширишлари мумкин. Ҳаражатларни оптималлаштириш учун Озарбайжон исроилнинг Aeronautics Defense компанияси ишлаб чиқарадиган дрон-камикадзе "Орбитер-1К" Systemsнинг хилларидан бирига ўхшаш, ўз-ўзидан тўғирланадиган, кўринувчан ва инфрақизил диапазонларда кузатув оптик-электр тизимига эга, осмонни қўриқловчи "Зарба" жанговар захираларини лицензион ишлаб чиқарилишини йўлга қўйди.

Каттагина маблағга эга бўлмаган ҳолда, Ереван ўз мудофаа саноати имкониятларига таянмоқда. Арманистон "Крунк" типидаги енгил (20 килогача юк кўтариш ва ҳаракат масофаси 150 км бўлган) ҳамда тоғли жойлар учун арзон ва самарали бўлган ўта кичик "Базе" разведка ва зарба аппаратларини ишлаб чиқармоқда ва қўлламоқда. Арман армиясининг 95%дан ортиқ дронлари - маҳаллий ишлаб-чиқарувчилар маҳсулотидир.

Жанубий Кавказ барқарор дунё учун қайноқ нуқта ва юқори технологик қурол учун анча тор бўлиб қолмоқда. Бундай юқоритехнологик қурол борган сари кўпаймоқда. Аммо жанг майдонида томонларнинг бирининг тотал устуворлиги ҳозирча кузатилмаяпти.

130