Стрельбы из зенитно-ракетного комплекса «Стрела-10» на всеармейском конкурсе «Чистое небо-2018» на базе Учебного центра войсковой ПВО Сухопутных войск в Краснодарском крае

АҚШ СССР билан имзоланган ракеталар ҳақидаги шартномадан чиқишини эълон қилди

839
АҚШнинг РСМД шартномасидан чиқиш ҳақидаги қарорига Россия "керак бўлса ҳарбий чоралар" кўриши мумкинлигини хабар қилди.

ТОШКЕНТ, 21 окт — Sputnik. Россия АҚШнинг Кичик ва ўрта масофа ракеталар (РСМД) шартномасидан чиқиш ҳақидаги режаларини қўллаб-қувватламайди, деди Россия ташқи ишлар вазири ўринбосари Сергей Рябков, РИА Новости хабарига асосан.

Рябков айтишига қараганда, агар АҚШ олдин келишилган хавфсизлик шартномалардан бир томонлама равишда чиқишда давом этаверса, Россия ҳам бунга керакли жавоб чораларини кўради.

“Керак бўлса ҳарбий чораларни ҳам, лекин бу даражага етказишни истамаган бўлардик”, - деди Рябков.   

Сиёсатчи фикрига кўра, сисёсий тортишувлар,  ушбу хавфсизлик шартномасидан чиқишни рўкач қилиш йўли билан ҳал қилишга арзимайди. РСМД шартномаси - бу жуда жиддий масала, деди у.

“АҚШнинг қўпол ва кескин сиёсати турли мамлакат ва халқаро доираларда норозиликларга сабаб бўлмоқда. Вашингтон ушбу “кайфиятлар ўзгариши”ни сезиши керак”, - деди сиёсатчи.

Шанба куни АҚШ президенти Дональд Трамп СССР билан 80 йиллларда имзоланган Кичик ва ўрта масофа ракеталарни йўқ қилиш ҳақидаги шартномадан чиқиши мумкинлигини эълон қилган эди. Трамп ўшанда Москвани ушбу шартномани бузишда айблаган эди..  

Кичик ва ўрта масофа ракеталар (РСМД) ишлаб чиқармаслик ҳақидаги шартнома АҚШ ва СССР орасида 1987 йилнинг 8 декабрида Михаил Горбачев ва Рональд Рейген томонидан имзоланаган эди.

Шартномага кўра икки давлат ҳам 500, 1000, ва 5500 км масофага учадиган ракеталарни йўқ қилиши шарт эди. СССР 1991 йилнинг май ойида 1752та ракетани йўқ қилди. АҚШ эса – 859та. Шартноманинг якунланиш муддати йўқ, лекин бир томон уни бузганда ва иккинчи томон буни исботлаб берганда шартномадан чиқиши мумкин.

839

Афғонистонда 400 толибни озод қилиш жараёни бошланди

39
Душанба куни Tolo News телеканали президент саройидаги манбага таяниб Афғонистон президенти Ашраф Ғани 400 нафар толибларни озод қилиш тўғрисидаги фармонга имзо чекканини маълум қилди.

ТОШКЕНТ, 14 авг - Sputnik. Афғонистон ҳукумати қолган 400 толибни озод қилиш жараёнини бошлади, куни кеча уларнинг 80 нафари озод этилди, деб ҳабар беради РИА Новости Миллий хавфсизлик кенгаши идораси маълумотига таяниб.

Душанба куни Tolo News телеканали президент саройидаги манбага таяниб Афғонистон президенти Ашраф Ғани 400 нафар толибларни озод қилиш тўғрисидаги фармонга имзо чекканини маълум қилди.

"Кеча Афғонистон Ислом Республикаси ҳукумати Лойя Жирга томонидан тасдиқланган 400 толиб-маҳкумининг 80 нафарини тўғридан-тўғри музокаралар ва мамлакатда ўт очишни тўҳтатишни барқарор ушлаб туришни тезлаштириш учун озод қилди", - дейилади идоранинг Твиттеридаги баёнотда.

Аввалроқ, Tolo News 9 август, якшанба куни Афғонистон ҳалқ вакиллари Умуммиллий Йиғилиши (Лойя Жирга) аъзолари “Толибон” радикал ҳаракатининг қолган 400 аъзосини озод қилишга қарор қилгани ҳақида хабар берган. Кейинроқ Афғонистоннинг RTA телерадиокомпанияси ўз манбаларига таяниб, музокаралар 16 августда бошланиши мумкинлигини маълум қилди.

Феврал ойи охирида Қатарда бўлиб ўтган маросимда АҚШ ва Афғонистон “Толибон” радикал харакати 18 йилдан ортиқ давом этган урушда биринчи тинчлик битимини имзоладилар, бу ҳужжат чет эл қўшинларининг Афғонистондан 14 ой ичида олиб чиқилишини ва асирлар алмашинуви битими тузилгандан кейин афғонлараро мулоқот бошланишини кўзда тутади. Июл ойи ўрталарига келиб, АҚШ ҳарбийлари ушбу келишув доирасида Афғонистондаги бешта базани тарк этдилар.

39

Энди шимол томондан: Россия қирувчиси АҚШ самолётини тўхтатди

768
(Янгиланган 22:20 13.08.2020)
Россия МиГ-31бм қирувчи самолёти Баренц денгизи устида чегарага яқинлашиб келаётган АҚШ разведка самолётини тўхтатиб қолди.

ТОШКЕНТ, 13 авг — Sputnik. Россия қирувчилари Баренц денгизи осмонидан АҚШ самолётини тўхтатди. Бу ҳақда РИА Новости Россия Федерациясининг Миллий мудофаа назорати марказига асосан хабар қилди.

13 август куни Россиянинг Баренц денгизидаги нейтрал сувлар устидан фазовий назорат қилиш мосламалари Россия Федерациясининг давлат чегарасига яқинлашаётган нишонни пайқаб қолди. Нишонни аниқлаш учун Шимолий флотнинг ҳаво мудофаа кучлари навбатчиликда бўлган МиГ-31бм қирувчи самолёт ҳавога кўтарилди.

Россия қирувчи экипажи хавфсиз масофада АҚШнинг Р-8А "Посейдон" самолётини аниқлади.

Америка самолёти Россия Федерациясининг давлат чегарасидан бурилгандан сўнг, Россия қирувчиси аэродромга қайтди. Россиянинг МиГ-31бм қирувчи самолётининг парвози ҳаво майдонларидан фойдаланиш бўйича халқаро қоидаларга қатъий мувофиқ амалга оширилди.

Америка ҳарбий самолётига Россия Федерациясининг давлат чегарасини бузишга йўл қўйилмади.

АҚШ ва НАТО самолётлари Россия чегараси яқинида мунтазам равишда разведкани амалга оширадилар. Улар кўпинча Қрим ва Краснодар ҳудуди яқинида, Болтиқ денгизи устида ва Суриядаги Россия Мудофаа вазирлигининг базалар атрофида қайд этилган.

768
Мужчина имитирует вскрытие автомобиля

Чирчиқ шаҳрида автоўғри ўсмирлар бандаси қўлга олинди

7
(Янгиланган 10:28 14.08.2020)
Олиб борилган тезкор-қидирув ҳаракатлари натижасида жиноятчилар процессуал тартибда ушланиб, улардан ўғирланган буюмларнинг бир қисми ашёвий далил тариқасида расмийлаштириб олинган

ТОШКЕНТ, 14 авг - Sputnik. Чирчиқ шаҳрида оқшомлари автомобилларни тунаш билан шуғулланган ўсмирлар гуруҳи қўлга олинди, улар эндиликда судда жавоб беради, деб хабар қилмоқда ИИВ ҳузуридаги Тергов департаменти ахборот хизмати.

Маълум бўлишича, тўрт ўсмир (бир нафари муқаддам судланган)дан ташкил топган банда талон-тарож ишларини жорий йилнинг 27 июнидан 5 июлига қадар бўлган санада амалга оширган.

Улар тунги вақтда турли русумдаги 5та автомашиналар олд эшикларини бир хил усулда бузиб очиб, автомашина ичидаги нарса-буюм ва нақд пулларни талон-торож қилишган. Ўсмирлар томонидан машина эгаларига жами 12 410 000 сўм миқдорда моддий зарар етказилган.

Олиб борилган тезкор-қидирув ҳаракатлари натижасида жиноятчилар процессуал тартибда ушланиб, улардан ўғирланган буюмларнинг бир қисми ашёвий далил тариқасида расмийлаштириб олинган.

Мазкур ҳолат юзасидан Чирчиқ шаҳар ИИБ ҳузуридаги Тергов бўлими томонидан Жиноят кодексининг 169-моддаси 2-қисми “в” банди (ўғирлик) билан жиноят иши қўзғатилган.

Дастлабки тергов жараёнида, Э.Б., Ф.М., М.К. ва О.Т., лар жиноят ишида айбланувчи тариқасида жалб қилиниб, "қамоққа олиш" тарзидаги эҳтиёт чораси қўлланилган. Жиноят иши айблов хулосаси билан тегишлилиги бўйича жиноят ишлари бўйича судга юборилган.

7