Ашраф Ғани Москвадаги афғонлараро учрашувга изоҳ берди

436
"Улар у ерда ким билан ва нима ҳақда келишишмоқчи? Уларнинг ваколати қани? Афғон ҳукумати, Афғонистон миллий ассамблеяси ва афғон ҳуқуқ институтлари билан битим тузилмас экан, агар бу каби учрашувлардан юзтаси ўтказилган тақдирда ҳам бу фақатгина қоғоздаги келишувлигича қолиб кетаверади", - деб айган Ғани

ТОШКЕНТ, 6 фев - Sputnik. Афғонистон президенти Ашраф Ғани Москвада ўтказилган афғонлараро учрашувга "Москвадаги тадбирда иштирок этган афғон сиёсатчилари мамлакатни расмий вакили эмас", дея изоҳ берди, деб хабар қилмоқда РИА Новости.

Афғонистонда вазиятни барқарорлаштириш бўйича афғон сиёсатчилари анжумани Москва шаҳрида 5-6 февраль саналарида ўтказилмоқда. Россияда яшовчи афғон диаспораси, сиёсатчилар ва фаоллар ва бошқа қатор давлатлардан афғон диаспоралари иштирок этишмоқда. Музокараларда "Толибон" ҳаракати вакиллари, шунингдек, Афғонистоннинг собиқ президенти Хамид Карзай раҳбарлигида афғон сиёсатчилари ва жамоатчилик вакиллари қатнашмоқда.

"Улар у ерда ким билан ва нима ҳақда келишишмоқчи? Уларнинг ваколати қани? Афғон ҳукумати, Афғонистон миллий ассамблеяси ва афғон ҳуқуқ институтлари билан битим тузилмас экан, агар бу каби учрашувлардан юзтаси ўтказилган тақдирда ҳам бу фақатгина қоғоздаги келишувлигича қолиб кетаверади", - деб айган Ғани.

У шунингдек, "Толибон" радикал ҳаракати билан тинчлик битими ҳақида тўхталар экан, токи бу масалада умуммиллий консенсусга келишмас экан, ушбу битим тузилмайди, дея қайд этди.

Ғани шунингдек, Афғонистон ҳукумати АҚШнинг толиблар билан музокаралари ҳақида хабари борлигини маълум қилган. "Барча музокаралар ҳақида бизга маълумот берилмоқда. Музокаралар бизнинг режамизга мувофиқ қадамма-қадам ривож топиб бораверади", - деган у.

Афғонистондаги бир-бирига қарши бўлган томонлар ўртасида тўғридан-тўғри мулоқотни йўлга қўйиш масалалари турли майдонларда, шу жумладан Москвада ҳам ўтказилиб келинмоқда. РФ 9 ноябрь куни ёпиқ форматда Афғонистон бўйича учрашув ўтказилган эди.

Биринчи маротаба бундай даражадаги учрашувда толибларнинг Дохадаги сиёсий офиси делегацияси иштирок этди. Афғонистондан ўзини ҳукумат ва толиблар ўртасидаги воситачи сифатида белгилаб олган жаҳон олий кенгаши иштирок этганди.

436
Мавзу:
Афғонистон: 30 йил тинчлик илинжида (61)

Венесуэла президенти “Спутник V” билан эмланди

104
Венесуэла президенти Николас Мадуро ва унинг рафиқаси коронавирусга қарши Россиянинг “Спутник V” вакцинаси билан эмланди.

ТОШКЕНТ, 7 мар — Sputnik. Венесуэла президенти Николас Мадуро коронавирусга қарши Россиянинг “Спутник V” вакцинаси билан эмланди. Бу ҳақда у Twitterʼда маълум қилди. Президент билан бирга унинг рафиқаси Силия Флорес ҳам вакцинанинг биринчи дозасини олган.

Мадуронинг сўзларига кўра, “Спутник V” билан Венесуэла тиббиёт ходимларининг катта қисми эмланган.

Мадуро COVID-19 га қарши Россия вакцинаси билан эмланиш истагини билдирди

Венесуэлада коронавирусга қарши Россиянинг “Спутник V” вакцинаси билан эмлаш ишлари 18 февраль куни бошланганди.

“Спутник V”нинг биринчи партияси Жанубий Америка мамлакатига 13 февраль куни олиб келинган.

Ўтган йил октябрь ойида Россия тўғридан-тўғри инвестициялар жамғармаси Каракасга “Спутник V”нинг учинчи босқич клиник синовларини ўтказиш учун “Спутник V” вакцинаси етказиб берилганини хабар қилган эди. Унда икки минг нафар кўнгилли, жумладан, давлат раҳбарининг ўғли Николас Мадуро Герра ҳам иштирок этган.

104
Теглар:
эмлаш, Спутник V, Николас Мадуро, Венесуэла

Космосдан ҳужум: Апофис астероиди Ерга қулаши мумкинми?

551
Бугунги кунда Апофис астероиди 8 йил ичида энг яқин масофага Ерга яқинлашади. Бу олимларга унинг орбита параметрларини аниқлаштиришга, унинг нимадан иборатлигини тушунишга имкон беради.

ТОШКЕНТ, 5 мар — Sputnik. Бугунги кунда Апофис астероиди 8 йил ичида энг яқин масофага Ерга яқинлашади. Бу олимларга унинг орбита параметрларини аниқлаштиришга, унинг нимадан иборатлигини тушунишга имкон беради. Бундай маълумотлар 2029 ва 2068 йилларда Ер билан тўқнашув эҳтимолини рад этиш ёки тасдиқлаш учун зарур. Апофиснинг сайёрага қулаши ҳалокатли оқибатларга олиб келиши мумкин. РИА Новости хабарига асосан.

2004 йилда Сонора чўлида (Аризона, АҚШ) жойлашган Китт-Пик миллий расадхонаси ходимлари Ерга нисбатан яқин бўлган номаълум астероидни аниқлашди. Ёмон об-ҳаво ва техник муаммолар астероидни яхшилаб кўриб чиқишни қийинлаштирди. Бироқ, бу самовий жисмнинг диаметри тахминан 400 метр эканлигини маълум бўлди.

Бир неча ойдан сўнг, Сайдинг-Спринг расадхонаси (Австралия) мутахассислари астериодни ўрганиб чиқди. Улар америкалик ҳамкасбларининг маълумотларини тасдиқлади ва орбита параметрларини аниқлади.

Декабрда, маълумотларни таҳлил қилгандан сўнг, NASA Ерга яқин объектларни ўрганиш маркази мутахассислари ҳисоблаб чиқдилар: Ер билан тўқнашув эҳтимоли тахминан 2 фоизни ташкил қилади ва табиий офатнинг тахмин қилинган санаси 2029 йил 13 апрел. 2004 MN4 астероиди (кейинчалик қадимги Миср зулмат ва ёвузлик худоси шарафига Апофис деб номланди) - астрономик объектга Турин шкаласи бўйича 4 балла берилган.

Кузатувлар туфайли олимлар деярли ҳар ҳафта потенциал хавфли объектларни аниқлайди. Уларнинг орбиталари сайёра орбитасини кесиб ўтади ва шунинг учун тўқнашув эҳтимоли жуда кичик. Апофис кашф этилганидан бери 20 мингга яқин бундай осмон жисмлари - астероидлар ва кометалар аниқланди. Бироқ, Апофис ҳануз энг жиддий таҳдидлардан бири ҳисобланади.

551
Теглар:
NASA (АҚШ аэронавтика ва космикни ўрганиш миллий идораси), Россия, АҚШ, Астероид, Қуёш, Ой, космос
В Самарканде открылось Генконсульство Турции

Самарқандда Туркиянинг бош консулхонаси очилди

55
(Янгиланган 18:07 07.03.2021)
Абдулазиз Камилов ушбу консулхона маданий-гуманитар, туризм соҳаларида ҳамкорлик ва ҳудудлараро алоқалар ривожланишига ижобий туртки беришини таъкидлади.

ТОШКЕНТ, 7 мар — Sputnik. Самарқандда Туркиянинг бош консулхонаси очилди. Бу ҳақда вилоят ҳокимлиги матбуот хизмати хабар қилди.

Тадбирда Ўзбекистон бош вазири ўринбосари Азиз Абдуҳакимов, Ўзбекистон ва Туркия ташқи ишлари вазирлари Абдулазиз Камилов ва Мевлут Човушўғли ҳамда Самарқанд вилояти ҳокими Эркинжон Турдимовлар иштирок этди.

Очилиш маросимида сўзга чиққан Камилов Туркиянинг Самарқанддаги бош консулхонаси маданий-гуманитар, туризм соҳаларида ҳамкорлик ва ҳудудлараро алоқалар ривожланишига ижобий туртки беришини таъкидлади.

“Ишончимиз комилки, Туркия Республикаси Ташқи ишлар вазири, азиз биродарим Мевлут Чавушўғлу иштирокида очилган гўзал Самарқанд шаҳридаги Бош консулхона бу жараённи янада ривожлантиришда ўзига хос ҳисса қўшадиган янги институтлардан бирига айланади”, - деди у.

55
Теглар:
консуллик, Азиз Абдуҳакимов, Мавлуд Чавушўғли, Абдулазиз Камилов, Самарқанд вилояти