Мусульманская девушка в магазине у свадебного платья

Россияда шаръий никоҳлар ягона ахборот базаси ташкил қилинади

397
(Янгиланган 18:48 23.06.2019)
Шаръий никоҳларнинг ягона ахборот базасини ташкил қилиш - яширин никоҳлар муаммосини ҳал қилиш мумкин - Москва муфтийси.

ТОШКЕНТ, 23 июн - Sputnik. Россияда мусулмонлар орасида тузилаётган яширин никоҳлар муаммосини ҳал қилиш чоралари қидирилмоқда, деб хабар қилди РИА Новости. Ушбу муаммо 21 июн куни бўлиб ўтган Россия Федерацияси Мусулмонлар диний бошқармаси мажлиси ва  Муфтийлар кенгашида муҳокама қилинди.

Россия Муфтийлари фикрига кўра – шаръий никоҳларнинг ягона базасини ташкил қили орқали яширин никоҳлар муаммосини ҳал қилиш мумкин.

“Шуни афсус билан қайд этиш лозимки, Россияда яширин никоҳлар муаммоси бор. Мусулмон динига мансуб қиз бола, бировнинг иккинчи ёки учинчи хотинига айланиб қолиши мумкин. Бундай вазиятда албатта жанжал келиб чиқади”, - дейди Москва муфтийси Ильдар Аляутдинов.

Муфтий айтишига қараганда аксарият ҳолларда яширин никоҳлар ислом қоидаларига тўла мувофиқ равишда тузилмайди. Ёш келин-куёв ота-онаси ва яқинларининг розилигисиз ва уларга хабар бермаган ҳолда никоҳдан ўтади. Эркак киши эса, биринчи ёки иккинчи никоҳда эканлигини ўзининг олдинги хотинлари ҳақида хабар бериши шарт.

Мусулмони динида оила қуриш қоидалари осон бўлгани учун, кўпчиллик уни ўз фойдасига ҳал қилади. Яъни иккинчи ёки учинча маротаба оила қураётганлар ўзларининг бошқа оиласи борлигини яширади.

“Афсуски Москвада бундай ҳолатлар тез-тез учрамоқда. Бу ерга ишлаш учун келган хорижий фуқаролар, биринчи оилага хабар бермаган ҳолда иккинчи ёки учинчи оила ташкил қилишмоқда. Бундай тартибсизликда оила қуриш масаласи хавотирга солади”, - дейди Москва муфтийси.

“Биз ушбу йўналишда ишлаяпмиз, шаръий никоҳларнинг ягона базасини ташкил этиш ушбу муаммонинг ечими бўлиши мумкин”, - деди Аляутдинов.

Шаръий никоҳда дастлаб келин ва куёв розилиги олинади, кейин уларнинг ота-онаси, оила бошлғи ёки қаровчисининг розилигини олиш керак. Келинга тўй совғаси бериш, никоҳ удумини амалга ошириш ва ундан кейин меҳмонларни тўйга таклиф қилиш керак. Шундай қилиб никоҳнинг кўплаб гувоҳлари пайдо бўлади.

Шундай бўлсада, муфтий аёлларга ўз келажаги ва хавфсизлиги учун, никоҳ муносабатларини дастлаб ЗАГСда рўйхатдан ўтказишни маслаҳат беради. Шунда келажакда никоҳда пайдо бўладиган болалар ижтимоий ҳимояланган бўлади.

397
Встреча лидеров США и Китая Дональда Трампа и Си Цзиньпиня в рамках саммита G20 (29 июня 2019). Осака

Трамп Си Цзиньпин билан мулоқот қилишни тўхтатиб қўйганини айтди

59
Шу билан бирга, АҚШ етакчиси Си Цзиньпинга қарши шахсий санкция жорий этиш масаласи кўриб чиқилмаётганини таъкидлаган.

ТОШКЕНТ, 4 июн — Sputnik. АҚШ президенти Дональд Трамп узоқ муддатдан буён Хитой раиси Си Цзиньпин билан мулоқот қилмаганини айтди. У бу ҳақда Newsmax телеканалига берган интервьюсида маълум қилган.

Трамп Хитой коронавирус пандемияси учун жавобгар деб ҳисоблашини маълум қилган. Зеро ҳукумат вирус тарқалишини бошланғич босқичда тўхтатиши шарт эди.

Шу билан бирга, АҚШ етакчиси Си Цзиньпинга қарши шахсий санкция жорий этиш масаласи кўриб чиқилмаётганини таъкидлаган.

Трамп Хитой билан савдо муносабатларини ҳам ёдга олган. У Америка томонидан киритилган санкциялар туфайли ўтган йил сўнгги 67 йил ичида Хитой иқтисодиёти учун энг нохуш бўлганини таъкидлаган. Шунингдек, у шунга қарамасдан, икки мамлакат савдо битимини тузишга муваффақ бўлгани ва бу “тарихдаги энг буюклардан бири” бўлганини қўшимча қилган.

COVID-19 пандемияси деярли бутун дунёни қамраб олди. ЖССТнинг сўнгги маълумотларига кўра, жами 6,3 миллионга яқин киши коронавирусни юқтириб олган, улардан 379 минг нафари вафот этган.

Вашингтон Пекинни коронавирус тарқалишида айблаб келмоқда. Хитой ҳукумати ушбу даъволарни рад қилиб келмоқда.

59
Многоцелевой истребитель МиГ-29

Сурия Россиянинг МиГ-29 қирувчиларининг иккинчи партиясини қабул қилди

95
Сурия армияси Россиядан МиГ-29 такомиллаштирилган қирувчиларининг иккинчи партиясини олди - Россиянинг Суриядаги элчихонаси.

ТОШКЕНТ, 4 июн - Sputnik. Сурия армияси Россиядан МиГ-29 такомиллаштирилган қирувчиларининг иккинчи партиясини олди. Бу ҳақда РФ Дамашқдаги элчихонаси ўзининг Твиттер саҳифасида хабар берди.

Таъкидланишича, самолётлар икки мамлакат ҳарбий-техник ҳамкорлиги доирасида топширилган.

Дипломатлар маълумотларига кўра, суриялик учувчилар ушбу самолётларда парвозларни амалга оширишни бошлаб бўлди.

Суриядаги можаронинг бошланиши пайтига мамлакат қуролли кучлари таркибида етказиб берилиши 1980 йилларнинг бошларидан амалга оширилган ўнлаб МиГ-29 самолётлари бўлган, деб ёзади РИА Новости.

95
Студенты во время вступительных экзаменов в Узэкспоцентре

ОТМга қабул жараёни 15 июндан бошланади, тест синовлари эса 2 та фандан бўлади

9
(Янгиланган 14:17 04.06.2020)
Бош вазирнинг ижтимоий ривожлантириш масалалари бўйича ўринбосари Беҳзод Мусаев бошчилигида брифингда абитурентларни қизиқтирган саволларга жавоб қайтарилди.

ТОШКЕНТ, 4 июн — Sputnik.  Жорий йилда тест синовлари 2 та фандан бўлади. Бу ҳақда Бош вазир ўринбосари Беҳзод Мусаев бошчилигида ўтган брифингда маълум қилинди.

Маълум қилинишича, жорий йилда фақат 2 та мутахассислик фанидан тест олинади. Бу йил 1 миллион 270 минг абитуриент ҳужжат топшириши кутилмоқда. Тест синовлари жорий йилда 3 сменада бўлади (ўтган йили 2 сменада бўлган).

Жорий йил тест синовларида худди ўтган йилгидек максимал 189 балл тўплаш мумкин. Тест саволларини ишлаш ва жавобларни белгилаш учун жами 3 соат вақт берилади.

Республика ОТМга кириш учун абитуриентлар 15 июндан 15 июлгача  онлайн рўйхатдан ўтади.

Ҳужжатлар 2 хил усул билан топширилиши мумкин:

1) ДТМ сайти орқали;

2) my.gov.uz портали орқали.

Абитуриентларга уйдан чиқмаган ҳолда мобиль телефон (компьютер) ёрдамида онлайн рўйхатдан ўтиш имконияти яратилади.

Олий таълим муассасаларига қабул кўрсаткичлари таълим йўналишлари ва ўқитиш тили кесимида ДТМ ҳамда муайян олий таълим муассасасининг расмий веб-сайтларида эълон қилинади.

Эслатиб ўтамиз, Шавкат Мирзиёев мутасаддилар билан йиғилишда коронавирус пандемияси сабаб бу йил кириш имтиҳонларини соддароқ шаклда ўтказиш бўйича кўрсатма берган эди. ДТМ ҳам кириш имтиҳонлари учун 2 та фан қолдирилиши режалаштирилаётгани ҳақида хабар қилган эди.

9