Депутат ЖК Ирина Карамушкина. Архивное фото

Атамбаевнинг яна бир тарафдори судга олиб кетилди

603
(Янгиланган 17:53 22.08.2019)
Депутат Ирина Карамушкина оммавий тартибсизликларни уюштиришда айбланмоқда.

ТОШКЕНТ, 22 авг – Sputnik. Қирғизистон бош прокуратураси Жўқори Кенеш депутати Ирина Карамушкинага жиноий ишда гумонланувчи тариқасида иштирок этиши ҳақида огоҳлантириш хатини топширди, деб хабар қилди Sputnik Қирғизистон.

Карамушкинага одамларни гаровга олиш бўйича айблов илгари сурилган.

Бугун депутат Первомайск тумани судига олиб кетилди, у ерда унга эҳтиёт чорасини қўллаш ҳақида қарор қабул қилинади.

Карамушкина Facebook’даги саҳифасида у оммавий тартибсизликларни уюштириш ва одамларни гаровга олишда иштирок этишда айбланаётгани ҳақида пост ёзган.

Эслатиб ўтамиз, 7 август куни кечқурун Кой-Таш қишлоғида ГКНБ кучишлатар бўлинмаси Атамбаевни қўлга олиш бўйича операцияни амалга оширишга уринди, аммо штурм унинг тарафдорлари томонидан йўққа чиқарилди.

Саккизинчи август куни ҳуқуқ-тартибот органлари такрорий штурм амалга оширди, оқибатда сиёсатчи таслим бўлди.

Атамбаев 26 августга қадар ГНКБ СИЗОсида қолдириш қарори қабул қилинди. Шунингдек, унинг бир неча тарафдорлари ҳам ҳибсга олинган.

603
Мавзу:
Қирғизистон собиқ президенти Алмазбек Атамбаев қўлга олиниши (37)