Руководитель портала РИА Новости Украина Кирилл Вышинский на заседании Подольского районного суда Киева. Суд в Киеве освободил Кирилла Вышинского из-под стражи.

Украина суди Кирилл Вишинскийни қамоқдан озод қилди

280
(Янгиланган 15:34 28.08.2019)
Суд "РИА Новости Украина" портали раҳбари Кирилл Вишинскийни озод қилди.

ТОШКЕНТ, 28 авг – Sputnik. Украина суди "РИА Новости Украина" портали раҳбари Кирилл Вишинскийни қамоқдан озод қилди. Бу ҳақда РИА Новости хабар қилди.

Қамоққа олиш тарзидаги эҳтиёт чораси шахсий кафиллик чорасига ўзгартирилди. Журналист зиммасига суд ва терговчининг биринчи талабини билан ҳозир бўлиш мажбурияти юкланди.

Кирилл Вишинский 400 кундан ортиқ муддат давомида қамоқда сақланган.

Вишинский иши

Журналист ўзини мустақил деб эълон қилган Донбасс республикаларини қўллаб-қувватлаганликда ва давлатга хиёнатда гумонланмоқда. Унга 15 йилгача қамоқ жазоси тайинланиши мумкин.

Вишинскийнинг ўзи барча айбловни ёлғон ва манипуляция деб ҳисоблайди. У "РИА Новости Украина" порталида фаолият юритган вақтида Украина хавфсизлик хизмати бирор марта эътироз билдирмаганини таъкидлаган.

Суд мажлисларидан бирида журналист Россия президенти Владимир Путинга ёрдам сўраб мурожаат қилган ва Украина фуқаролигидан воз кечишини маълум қилган.

Суд журналистга қўлланган эҳтиёт чорасини бир неча марта узайтирган ва суд мажлисини бошқа кунга қолдирган. Адвокат ва кўплаб экспертлар Украина прокуратураси атайлаб ишни олиб боришни чўзмоқда деб ҳисоблашади.

Вишинскийнинг адвокати Андрей Доманский улар журналистнинг бегуноҳлигини исботлашда давом этишини таъкидлаган.

Вишинскийнинг судгача узоқ муддат ҳибсда қолаётгани Европада ҳам кескин эътирозларни келтириб чиқарди. "Журналистлар ўз фикр ва қарашларини эркин билдириш ва зиддиятли воқеликлар ҳақида хабар бериш ҳуқуқига эга. Ҳар қандай ҳолатда уларни профессионал фаолияти учун таъқиб остига олиш керак эмас", - деб айтган ОБСЕ ташкилотининг матбуот эркинлиги бўйича вакили Арлем Дезир.

280

Пандемия шароитида мигрантлар орасида жиноятчилик кўпаймади

87
(Янгиланган 18:03 25.05.2020)
Москва ИИБ статистик маълумотларига кўра, пандемия вақтида хорижий фуқаролар иштирокида содир этилган жиноятлар сони кўпаймади, аксинча камаймоқда.

ТОШКЕНТ, 25 май - Sputnik. Москвада пандемия пайтида мигрантлар орасида жиноий вазият ёмонлашгани йўқ, деди РИА Новости-га берган интервьюсида пойтахт ҳокимининг иқтисодий сиёсат ва мулк-ер муносабатлари бўйича ўринбосари Владимир Ефимов.

"Биз ШИИБ берган статистикани диққат билан кузатмоқдамиз ва чет эл фуқаролари иштирокидаги жиноятлар сони камайганини кўряпмиз", - деди у.

Ефимовнинг сўзларига кўра, ҳукумат шунингдек, РФ қурилиш компаниялари билан барча ишчиларни пандемияда пайтида зарур шарт-шароитлар билан таъминлашга келишиб олди.

"Биз ушбу келишувнинг амалга оширилишини диққат билан кузатмоқдамиз. Агар уй-жой коммунал ҳужалигини олсак, у мартда ҳам, апрел ойида ҳам ишлади ва ҳозир ҳам ҳеч қандай чекловларсиз ишлашда давом этмоқда", - деди ҳоким ўринбосари.

Шунингдек, у бугунги кунда Москвада мигрантлар учун амалда 430 мингга яқин патент мавжудлигини таъкидлади.

Аввалроқ, уларнинг муддати автоматик равишда 3 ойга узайтирилган эди, аммо ҳозирда Россия пойтахтида янги патентлар ҳеч кимга берилмаяпти, илгари берилган патентлар учун тўловлар эса вақтинча тўхтатилди.

Эслатиб ўтамиз, аввалроқ Россия Федерацияси Хавфсизлик кенгаши котиби ўринбосари Александр Гребенкин ҳам бутун Россия бўйича пандемияда мигрантлар орасида жиноятчилик ўсиши кузатилмаганини таъкидлаган эди.

Бироқ, у мигрантларга жиноий ҳаракатларга аралашиб қолишига ва чеклов чоралари тугагандан сўнг ташриф буюрувчиларга Россия ҳудудида ноқонуний ҳолатда қолиб кетишига йўл қўймаслик муҳимлигини таъкидлади.

87
Аллигатор Сатурн

Москвада “Гитлер” тимсоҳи вафот этди

208
(Янгиланган 16:27 25.05.2020)
Москва ҳайвонот боғида аллигатор Сатурн вафот этди, унинг ёши 84 да эди. У Москвага 1946 йилда олиб келинганди.

ТОШКЕНТ, 25 май — Sputnik. Москва ҳайвонот боғида аллигатор Сатурн вафот этди, унинг ёши 84 да эди, афсонага кўра, у Адольф Гитлер коллекциясида бўлган. Бу ҳақда муассасанинг Facebook’даги саҳифасида хабар берилди.

"Кеча эрталаб Миссисипи аллигаторимиз Сатурн вафот этди. У 84 ёшда эди. Ёввойи табиатда ушбу тур вакилларининг умр кўриш давомийлиги 30-50 ёшни ташкил этади. Сатурн узоқ ва воқеаларга бой ҳаёт кечирди. У 1936 йилда АҚШда туғилди. Деярли дарҳол у Берлин ҳайвонот боғига олиб кетилди,  1943 йил 23 ноябрда бўлган бомбардимон қилингандан кейин у ердан қочиб кетди", - дейилади хабарда.

Материалда ёзилишича, инглиз аскарлари тимсоҳни 1946 йилда топиб олишди ва Совет Иттифоқига бериб юборишган.

"1946 йил июл ойида Сатурн Москвага олиб келинди. Дарҳол у Берлиндаги ҳайвонот боғида эмас, балки Гитлер коллекциясида бўлганлиги ҳақидаги афсона пайдо бўлди. Аммо у назарий жиҳатдан кимгадир тегишли бўлса ҳам, ҳайвонларнинг - уруш ва сиёсатга алоқаси йўқ, уларни инсон гуноҳларида айблаш бемаънилик", - дейилади хабарда.

Сатурн Москва ҳайвонот боғида 74 йил яшади. Тимсоҳнинг жасади Дарвин музейида сақланади.

208

АҚШ яна бир муҳим шартномадан чиқмоқда - бу дунёга қандай хавф солади

0
(Янгиланган 22:28 25.05.2020)
АҚШ 1987 йилда имзоланган очиқ осмон шартномасидан чиқишини маълум қилди. Бу ҳақда президент Дональд Трамп эълон қилди.

Москвада Вашингтон бу айбловларни рад этди ва Россия томони ўз навбатида шартномадан чиқиб кетиш нияти йўқлигини билдирди.

Видеомизда Дональд Трамп халқаро хавфсизлик соҳасидаги яна бир муҳим келишувни қандай қилиб ўлдиргани ҳақида маълумот берамиз.

0