Швед олими одам гўштини истеъмол қилишга чорламоқда
(Янгиланган 12:27 10.09.2019)
Стокгольм иқтисодиёт мактаби профессори Магнус Содерлунд кундалик рационда одам гўшти бўлиши фойдаси ҳақида гапирди.ТОШКЕНТ, 10 сен — Sputnik. Стокгольм иқтисодиёт мактаби профессори Магнус Содерлунд кундалик рационда одам гўшти бўлиши фойдаси ҳақида гапирди, деб ёзмоқда New York Post олимнинг Швеция пойтахтида ўтказилган Gastro симпозиумида қилган чиқишига таянган ҳолда.
Унинг фикрича, жасадлардан олинган гўштни овқатга истеъмол қилиш инсониятни қутқарган бўларди. Жаҳон ҳамжамияти бу ғояга мурожаат қилса, албатта.
Содерлунд ўртага ташлаган таклиф мунозараларга бой бўлди. Аксарият иштирокчилар "Одам гўштини истеъмол қилишни тасаввур қиласизми?", деганча олим каннибализмни тарғиб этаётганини билдирдилар. Аммо Содерлунднинг сўзларига кўра, одамлар янги таомни таътиб кўрсалар, каннибализмга қарши бундай "консерватив" фикрлар ўзгариши турган гап.
Тадбирда, шунингдек, каннибализм келажакда озиқ-овқат маҳсулотлари барқарорлигини таъминлаш муаммосига ечими бўла олиши ҳақидаги масала муҳокама этилди.
Содерлунддан, тадбирдан сўнг бўлган интервью давомида, шахсан ўзи инсон гўштини истеъмол қилишга тайёрлиги ҳақида сўрашганида, олим бу ғояга ҳамиша очиқлигини билдирган.
"Мен айрим журъатсизликни ҳис қиляпман, лекин ўта консерватив эмасман… Айтишим керак-ки… Мен уни таътиб кўришга тайёрман", — деган у.
Олим, шунингдек, альтернатив вариант тариқасида уй ҳайвонлари ва жонзотларни ейишни таклиф этган.
Таъкидланишича, профессор ғояларининг ҳаётга татбиқ этилишига, каннибализмнинг инсон саломатлиги учун зарарлиги ҳалал бериши мумкин. Мисол учун, 1960-йилларга қадар Папуа-Янги Гвинея аборигенлари ўликлар гўштини тановвул қилиб келганлар. Бу амалиёт улар орасида кулаётган ўлим, деб аталувчи - "Куру касали" эпидемиясини авж олдирган.
АҚШ Миллий тиббиёт кутубхонаси маълумотларига кўра, ушбу касаллик инфекция агенти – инсон миясидаги зарарланган бош тўқимадаги оқсил томонидан келтириб чиқарилади.
Пандемия шароитида мигрантлар орасида жиноятчилик кўпаймади
(Янгиланган 18:03 25.05.2020)
Москва ИИБ статистик маълумотларига кўра, пандемия вақтида хорижий фуқаролар иштирокида содир этилган жиноятлар сони кўпаймади, аксинча камаймоқда.ТОШКЕНТ, 25 май - Sputnik. Москвада пандемия пайтида мигрантлар орасида жиноий вазият ёмонлашгани йўқ, деди РИА Новости-га берган интервьюсида пойтахт ҳокимининг иқтисодий сиёсат ва мулк-ер муносабатлари бўйича ўринбосари Владимир Ефимов.
"Биз ШИИБ берган статистикани диққат билан кузатмоқдамиз ва чет эл фуқаролари иштирокидаги жиноятлар сони камайганини кўряпмиз", - деди у.
Ефимовнинг сўзларига кўра, ҳукумат шунингдек, РФ қурилиш компаниялари билан барча ишчиларни пандемияда пайтида зарур шарт-шароитлар билан таъминлашга келишиб олди.
"Биз ушбу келишувнинг амалга оширилишини диққат билан кузатмоқдамиз. Агар уй-жой коммунал ҳужалигини олсак, у мартда ҳам, апрел ойида ҳам ишлади ва ҳозир ҳам ҳеч қандай чекловларсиз ишлашда давом этмоқда", - деди ҳоким ўринбосари.
Шунингдек, у бугунги кунда Москвада мигрантлар учун амалда 430 мингга яқин патент мавжудлигини таъкидлади.
Аввалроқ, уларнинг муддати автоматик равишда 3 ойга узайтирилган эди, аммо ҳозирда Россия пойтахтида янги патентлар ҳеч кимга берилмаяпти, илгари берилган патентлар учун тўловлар эса вақтинча тўхтатилди.
Эслатиб ўтамиз, аввалроқ Россия Федерацияси Хавфсизлик кенгаши котиби ўринбосари Александр Гребенкин ҳам бутун Россия бўйича пандемияда мигрантлар орасида жиноятчилик ўсиши кузатилмаганини таъкидлаган эди.
Бироқ, у мигрантларга жиноий ҳаракатларга аралашиб қолишига ва чеклов чоралари тугагандан сўнг ташриф буюрувчиларга Россия ҳудудида ноқонуний ҳолатда қолиб кетишига йўл қўймаслик муҳимлигини таъкидлади.
Москвада “Гитлер” тимсоҳи вафот этди
(Янгиланган 16:27 25.05.2020)
Москва ҳайвонот боғида аллигатор Сатурн вафот этди, унинг ёши 84 да эди. У Москвага 1946 йилда олиб келинганди.ТОШКЕНТ, 25 май — Sputnik. Москва ҳайвонот боғида аллигатор Сатурн вафот этди, унинг ёши 84 да эди, афсонага кўра, у Адольф Гитлер коллекциясида бўлган. Бу ҳақда муассасанинг Facebook’даги саҳифасида хабар берилди.
"Кеча эрталаб Миссисипи аллигаторимиз Сатурн вафот этди. У 84 ёшда эди. Ёввойи табиатда ушбу тур вакилларининг умр кўриш давомийлиги 30-50 ёшни ташкил этади. Сатурн узоқ ва воқеаларга бой ҳаёт кечирди. У 1936 йилда АҚШда туғилди. Деярли дарҳол у Берлин ҳайвонот боғига олиб кетилди, 1943 йил 23 ноябрда бўлган бомбардимон қилингандан кейин у ердан қочиб кетди", - дейилади хабарда.
Материалда ёзилишича, инглиз аскарлари тимсоҳни 1946 йилда топиб олишди ва Совет Иттифоқига бериб юборишган.
"1946 йил июл ойида Сатурн Москвага олиб келинди. Дарҳол у Берлиндаги ҳайвонот боғида эмас, балки Гитлер коллекциясида бўлганлиги ҳақидаги афсона пайдо бўлди. Аммо у назарий жиҳатдан кимгадир тегишли бўлса ҳам, ҳайвонларнинг - уруш ва сиёсатга алоқаси йўқ, уларни инсон гуноҳларида айблаш бемаънилик", - дейилади хабарда.
Сатурн Москва ҳайвонот боғида 74 йил яшади. Тимсоҳнинг жасади Дарвин музейида сақланади.
АҚШ яна бир муҳим шартномадан чиқмоқда - бу дунёга қандай хавф солади
(Янгиланган 22:28 25.05.2020)
АҚШ 1987 йилда имзоланган очиқ осмон шартномасидан чиқишини маълум қилди. Бу ҳақда президент Дональд Трамп эълон қилди. Москвада Вашингтон бу айбловларни рад этди ва Россия томони ўз навбатида шартномадан чиқиб кетиш нияти йўқлигини билдирди.
Видеомизда Дональд Трамп халқаро хавфсизлик соҳасидаги яна бир муҳим келишувни қандай қилиб ўлдиргани ҳақида маълумот берамиз.