Семизликка қарши курашувчи маҳсулот аниқланди

2189
Тадқиқотчилар 20 йил давомида 300 мингга яқин кишининг соғлиғини кузатишган. Эксперимент иштирокчилари олимларга ўзларининг вазни, таом рациони, алкоголь истеъмол қилиши ва жисмоний фаоллиги ҳақидаги маълумотларни тақдим этишган.

ТОШКЕНТ, 24 сен – Sputnik. Америкалик олимлар ҳар куни кўп бўлмаган миқдорда ёнғоқ истеъмол қилиш семизлик ривожланиши хавфини камайтиришини аниқлашди. Тадқиқот натижалари MedicalXpress сайтида эълон қилинган.

Тадқиқотчилар 20 йил давомида 300 мингга яқин кишининг соғлиғини кузатишган. Эксперимент иштирокчилари олимларга ўзларининг вазни, таом рациони, алкоголь истеъмол қилиши ва жисмоний фаоллиги ҳақидаги маълумотларни тақдим этишган.

Маълум бўлишича, суткасига мунтазам равишда 14 грамм ёнғоқ истеъмол қилганларда семизлик касалига чалиниш бошқаларга қараганда 23 фоизга камайган.

Шу билан бирга, ёнғоқнинг фойдасини сезиш учун қайта ишланган гўшт, шоколад ва турли қандолатчилик маҳсулотларидан воз кечиш тавсия этилади.

Эслатиб ўтамиз, аввалроқ ёнғоқ истеъмол қилувчи кишилар бошқаларга нисбатан камроқ депрессия ҳолатига тушишлари аниқлангани хабар қилинган эди.

2189

Энди шимол томондан: Россия қирувчиси АҚШ самолётини тўхтатди

431
(Янгиланган 22:20 13.08.2020)
Россия МиГ-31бм қирувчи самолёти Баренц денгизи устида чегарага яқинлашиб келаётган АҚШ разведка самолётини тўхтатиб қолди.

ТОШКЕНТ, 13 авг — Sputnik. Россия қирувчилари Баренц денгизи осмонидан АҚШ самолётини тўхтатди. Бу ҳақда РИА Новости Россия Федерациясининг Миллий мудофаа назорати марказига асосан хабар қилди.

13 август куни Россиянинг Баренц денгизидаги нейтрал сувлар устидан фазовий назорат қилиш мосламалари Россия Федерациясининг давлат чегарасига яқинлашаётган нишонни пайқаб қолди. Нишонни аниқлаш учун Шимолий флотнинг ҳаво мудофаа кучлари навбатчиликда бўлган МиГ-31бм қирувчи самолёт ҳавога кўтарилди.

Россия қирувчи экипажи хавфсиз масофада АҚШнинг Р-8А "Посейдон" самолётини аниқлади.

Америка самолёти Россия Федерациясининг давлат чегарасидан бурилгандан сўнг, Россия қирувчиси аэродромга қайтди. Россиянинг МиГ-31бм қирувчи самолётининг парвози ҳаво майдонларидан фойдаланиш бўйича халқаро қоидаларга қатъий мувофиқ амалга оширилди.

Америка ҳарбий самолётига Россия Федерациясининг давлат чегарасини бузишга йўл қўйилмади.

АҚШ ва НАТО самолётлари Россия чегараси яқинида мунтазам равишда разведкани амалга оширадилар. Улар кўпинча Қрим ва Краснодар ҳудуди яқинида, Болтиқ денгизи устида ва Суриядаги Россия Мудофаа вазирлигининг базалар атрофида қайд этилган.

431
Города мира. Шанхай

"Ўз айбини ҳис қилармикан?" Хитой Помпеони "телбаларча ёлғон"да айблади

196
Хитой ТИВ вакили Чжао Лицзянь АҚШ давлат котиби Майк Помпеони "сиёсий вирус"ни, ёлғонни тарқатишда ва далилларни бузиб кўрсатишда айблади

ТОШКЕНТ, 13 авг - Sputnik. ХҲР ТИВ вакили Чжао Лицзянь АҚШ давлат котиби Майк Помпеони "сиёсий вирус"ни, ёлғонни тарқатишда ва далилларни бузиб кўрсатишда айблади, деб хабар беради РИА Новости.

Аввалроқ, америкалик дипломат ўзининг Чехия Республикасига ташрифи чоғида, Хитой ҳамма жойда бизнесни назорат қилишга интилаётгани ва демократияга Россиядан кўра янада кўпроқ таҳдид солаётганини айтди.

"Совуқ уруш ғоялари ва ўзининг шахсий манфаатларини ҳисобга олиб, Помпео Хитой Коммунистик партиясини, шунингдек, ХҲРнинг ички ва ташқи сиёсатини қайта-қайта асоссиз равишда танқид қилмоқда. Хитой бу борада бир неча бор ўзининг қатъий позициясини билдирган", - деди Чжао Лицзянь.

Дипломатнинг сўзларига кўра, Помпео қаерга бормасин, ўзи билан "сиёсий вирус" ва "дезинформация"ни олиб юриб, тарқатади. Помпео ва унга ўхшаганлар "халқаро ҳамжамиятни аксил-хитой ва аксил-коммунизм аравасига боғлаб қўйишга" уринмоқдалар, аммо бундай уринишлар муваффақият қозонмайди, деди Лицзянь.

""Фурсатдан фойдаланиб, ОАВдан шу нарсани сўрамоқчи эдим, жаноб Помпеодан қизиқиб кўрингизлар, у кун ора ёлғонни такрорлаб, далилларни рад этиб ёки бузиб кўрсатганида айбдорлик ҳиссини туймасмикин?", - деди дипломат.

196