Владимир Зеленский с супругой Еленой

Зеленский рафиқасининг кўйлаги кескин танқидга учради - фото

678
Интернет фойдаланувчилари Елена Зеленскаянинг либосини танқид қилишди. Уни монархга ҳурматсизликда айблашди.

ТОШКЕНТ, 23 окт – Sputnik. Украина президенти Владимир Зеленский ва унинг рафиқаси Япония императори Нарухито эълон қилиш маросига ташриф буюрди.

Тантанали маросимга Елена Зеленская лимон рангидаги куйлакни кийган.

Посмотреть эту публикацию в Instagram

Публикация от Olena Zelenska (@olenazelenska_official)

Интернет фойдаланувчилари Украина биринчи хонимининг либосини танқид қилишди. Уни монархга ҳурматсизликда айблашди. Либоснинг ранги эътирозларга сабаб бўлди.

“Японияда расмий қабулларда хорижий делегация вакиллари ҳеч қачон сариқ рангдаги либосларни кийишмайди. Чунки бу императорга ҳурматсизлик ёки император оиласи билан алоқаларни намойиш қилиш ҳисобланади”, - деб ёзган Lesia Tkach.

“Бундай рангдаги куйлакни олиш мумкин эмас! Бу монархларга ҳақорат! Украина энди Япониядан ҳеч нарса олмайди”, - деб ёзди Светлана Иванова.

Kseniya Svarovski эса “Биринчи хонимнинг дизайнери диверсант бўлса керак” деб ёзган.

VIII асрда Японияда тақиқланган ранглар тизими ишлаб чиқилган. У ҳозирги кунгача сақланиб қолган, аммо энди у ҳуқуқий мақомга эга эмас. Хусусан, сумах ранги фақат императорнинг ташқи кийими учун ишлатилган: уни япон монархидан ташқари ҳаммага ишлатиши тақиқланган.

678
Государственные флаги КНР и Гонконга на территории комплекса правительственных зданий.

"Гонконг автономияси" Хитой ва АҚШ муносабатларини кескинлаштирмоқда

75
Хитой АҚШда "Гонконг автономияси тўғрисида"ги қонун қабул қилинишини қоралайди ва АҚШнинг тегишли фуқаролари ва ташкилотларига нисбатан санкциялар қўллашни режалаштирмоқда, дейилади ХХР ТИВ баёнотида.

ТОШКЕНТ, 15 июл - Sputnik. АҚШ Гонконг билан муносабатлардаги имтиёзлар ёки фарқларни тўхтатиб туради ёхуд бекор қилади, шу жумладан, Гонконг паспорти эгаларини Хитой фуқаролари билан бир қаторда кўриб чиқади, дейилади АҚШ президенти Дональд Трамп имзолаган фармон матнида. Ҳужжат Оқ уй томонидан тарқатилган.

"Мен фармон бераманки ... Гонконгга нисбатан кечаётган вазият, шу жумладан, ХҲРнинг Гонконг автономиясини тубдан бузиш бўйича ҳаракатлари, АҚШ ҳавфсизлиги, ташқи сиёсати ва иқтисодиёти учун АҚШ ташқарисидаги мутлақ ва фавқулодда ҳавф манбасисидир. Бу фармон орқали ушбу таҳдидга нисбатан фавқулодда вазиятни эълон қиламан”, - дейилади ҳужжатда.

Трамп АҚШ энди Гонконг билан муносабатлардаги имтиёзлар ва фарқларни тўхтатиб туришини ёки бекор қилишини эълон қилди. Хусусан, Гонконг ва Хитой паспорт эгаларига нисбатан фарқлашлар бекор қилинади, Гонконгга экспорт назорати объекти бўлган маҳсулотлар экспортида лицензиялардаги истиснолар бекор қилинади. Фармон АҚШнинг экстрадиция тўғрисидаги ҳукуматлараро битимни тўхтатиб қўйиш ниятида эканлигини, шунингдек, маҳкумларни ўтказиш тўғрисидаги келишувдан воз кечиш ниятида эканлиги тўғрисида Гонконгни хабардор қилишни талаб қилади.

Шунингдек, ҳужжат Гонконг полициясининг АҚШда ўқитишни тўхтатиш, Давлат Департаментининг Хитой ва Гонконг билан таълим ва маданий алмашинув дастурини бекор қилишини ҳамда Гонконглик бошпана изловчиларнинг рухсат этилган сонини кўриб чиқишни кўзда тутади.

Аввалига Гонконг автономияси тўғрисидаги қонун Вакиллар палатаси томонидан қабул қилинган, июл ойи бошида эса АҚШ Сенати томонидан қабул қилиниб, президентга имзога юборилган. Ҳужжатда 1984 йилдаги Британия-Хитой декларациясини ва Хитойнинг махсус маъмурий ҳудуди сифатида Гонконгнинг позициясини белгилайдиган асосий қонунни бузган хорижий шахс ва компанияларга қарши санкциялар қўлланилиши кўзда тутилган.

Қонун кучга кирганидан 90 кундан кечикмай, АҚШ Давлат котиби конгрессни ушбу қоидаларни бузган шахслар ҳақида хабардор қилиши керак. Кейин, бир йил муддатдан кечикмай, президент ушбу шахсларга ва улар билан боғлиқ ташкилотларга нисбатан АҚШ юрисдиксиясидаги барча активлар ва кўчмас мулкни музлатиб қўйишни, шунингдек, бундай шахслар билан ҳар қандай молиявий операцияларни ва АҚШга киришни тақиқлашни таъминлайдиган санксияларни жорий қилиши керак. Шунингдек, қонунда санкцияларни олиб ташлаш ва жисмоний шахслар ва ташкилотларни санкцион рўйхатдан чиқариб ташлаш механизми ҳам кўзда тутилган. Ҳужжатда алоҳида таъкидланишича, унинг ҳеч бир тартиби "Хитойга қарши ҳарбий куч ишлатишга рухсат" сифатида талқин этилиши мумкин эмас.

Хитой АҚШда "Гонконг автономияси тўғрисида"ги қонун қабул қилинишини қоралайди ва АҚШнинг тегишли фуқаролари ва ташкилотларига нисбатан санкциялар қўлламоқчи, дейилади ХХР ТИВ сайтидаги баёнотда.

"АҚШ қонун лойиҳаси Гонконг миллий хавфсизлик тўғрисидаги қонунини қасддан қоралайди, Хитойга қарши санкциялар киритиш билан таҳдид қилади, халқаро ҳуқуни ва халқаро муносабатларнинг асосий меъёрларини жиддий равишда бузади, Гонконг ва Хитойнинг ички ишларига қўпол аралашишдир. Хитой ҳукумати буни кескин қоралайди ва қатъий қаршилик билдиради", - дейилади вазирлик баёнотида.

Таъкидланишича, "Хитой ўз қонуний манфаатларини ҳимоя қилиш учун зарур жавоб чораларни кўради ва бунга (қабул қилинишига-таҳр.) қарши бўлган АҚШ фуқаролари ташкилотларига нисбатан санкцияларни қўллайди".

Бундан ташқари, Хитой ТИВ баёнотига кўра, Пекин Гонконг ишларига ташқи аралашувга қарши туришга тайёр, миллий хавфсизлик тўғрисидаги қонунини амалга оширишга АҚШнинг тўсқинлик қилишига ҳар қандай уринишлари барбод бўлади.

Таъкидланишича, Хитой томони АҚШни "ўз хатоларини тузатиб, "Гонконг автономияси тўғрисида"ги қонунни қабул қилмасликка, Хитойнинг ички ишларига, шу жумладан Гонконг ишларига аралашишни тўхтатишга" чақирмоқда.

"Агар АҚШ ўз позициясидан қайтмаса, Хитой жавоб бериши муқаррар", - дея таъкидланади вазирликда.

Хитой парламенти томонидан маъқулланган, Гонконг миллий хавфсизлигини ҳимоя қилиш тўғрисидаги қонун, 30 июн куни кучга кирди. Қонунда Гонконгда содир этиладиган тўрт турдаги жиноятларнинг олдини олиш, бартараф этиш ва жазолаш қоидалари белгиланган, жумладан, сепаратистик фаолият, давлат ҳокимиятини тўнтаришга уринишлар, террорчилик фаолияти, миллий хавфсизликка хавф туғдириш мақсадида хорижий давлатлар ёки чет элда жойлашган хорижий кучлар билан тил бириктириш. Қонун Гонконг ҳукуматга қарши кучлари ва Ғарбнинг бир қатор расмийлари орасида норозиликларга сабаб бўлиб, улар унда Пекиннинг автономия устидан назоратни кучайтириш истагини пайқашди. Пекин бир неча бор Гонконг масаласи – Хитойнинг ичики масаласи эканлигини таъкидлаган.

75
Собор Святой Софии в Стамбуле

Эксперт Туркиянинг Айя София мақоми ҳақидаги қарорига изоҳ берди

326
Туркия ҳукумати мамлакатни иқтисодий муаммолар фонида кенг оммани бирлаштириш учун Истамбулдаги Авлиё София (Айя-София) соборининг мақомини ўзгартиришга қарор қилди - Асламбек Мозлоев.

ТОШКЕНТ, 14 июл - Sputnik. Туркия ҳукумати мамлакатни иқтисодий муаммолар фонида кенг оммани бирлаштириш учун Истамбулдаги Авлиё София (Айя-София) соборининг мақомини ўзгартиришга қарор қилди, дейди Россия ТИВ Дипломатик академиясининг Шарқ тиллари кафедраси мудири Асламбек Мозлоев.

10 июл куни 1934 йилдаги Туркия Олий маъмурий судининг Айя-Софияни музейга айлантириш тўғрисидаги қарорини бекор қилди. Шундан сўнг Туркия президенти Ражаб Тоййиб Эрдоған дарҳол соборни масжидга айлантириш ва у ерда исломий ибодатларни бошлаш тўғрисида фармон имзолаганини эълон қилди. Ибодатлар 24 июлдан бошланади.

Эрдоған 13 июл куни телефон орқали Россия президенти Владимир Путин билан суҳбат чоғида Ая-Софиянинг мақоми тўғрисидаги қарорга изоҳ бериб, ушбу маданий ёдгорликка кириш ҳар ким учун очиқлиги ва христиан қадамжолари бутлиги кафолатланишини таъкидлади.

“Эътиборни мамлакатнинг ички сиёсий ҳаётида содир бўлаётган ҳодисаларга ва Эрдоғаннинг бу дастакка мурожаат қилишига нима мажбур қилганига қаратишимиз керак ... Мен эътиборни мамлакатнинг ички ҳолатининг иқтисодий қисмига қаратмоқчиман. Иқтисодий қийинчиликлар кўчаймоқда. Бу йил Туркия 170 миллиард доллар ташқи қарзни тўлаши керак, бу маблағларни қаердан олиш мумкинлиги номаълум. Бундан ташқари, мамлакатда жиддий ишсизлик мавжуд бўлиб, расмий маълумотларга кўра, у 17 фоиздан ошди”, - деди Мозлоев “Россия сегодня” ҲААда бўлиб ўтган давра суҳбати давомида.

Унинг фикрича, мамлакатдаги иқтисодий вазият Эрдоған ҳукуматига босим ўтказаётган жиддий омилдир.

“Вазият ҳукмрон ҳокимият атрофида кўплаб одамларнинг бирлашишини талаб қилади. Қандай тезкор ҳаракат билан ўзига нисбатан хайрихоҳликни ўйғотиш мумкин? Биз ҳаммамиз биламизки, диний онг энг қадимий онгдир. Ва шу омилдан фойдаланиб, кейинги воқеалар ортида яширинган нарсаларни қўзғатиш мумкин”, - деб ҳисоблайди Мозлоев.

Сиёсатшуноснинг таъкидлашича, бу муаммолар мажмуи ва Эрдоғаннинг янги усмонийлик (неосманизм) сиёсий фалсафасига маълум бир пойдевор қуриш истаги, уни ўз эътиборини ушбу дастакка қаратишга ундади.

326
Мужчины с портфелем в руке. Архивное фото

БП 2020 йилда нечта амалдорга жиноят иши очилганини маълум қилди

17
(Янгиланган 12:20 15.07.2020)
2020 йилда жиноий жавобгарликка тортилган амалдорларнинг 4 нафари республика даражасидаги, 13 нафари вилоят даражасидаги, 442 нафари туман даражасидаги раҳбарлардир.

ТОШКЕНТ, 15 июл - Sputnik. 2020 йилнинг 6 ойи давомида 327 та жиноят иши бўйича 459 нафар мансабдор шахс жиноий жавобгарликка тортилган, деб хабар қилди Бош прокуратура матбуот-хизмати.

Улар томонидан етказилган зарар миқдори 172 миллиард 260 миллион сўмни ташкил қилган.

Етказилган зарарларнинг 66%и (114 миллард 267 миллион сўм) ундирилган.

2020 йилда жиноий жавобгарликка тортилган амалдорларнинг 4 нафари республика даражасидаги, 13 нафари вилоят даражасидаги, 442 нафари туман даражасидаги раҳбарлардир.

Жавобгарликка тортилган мансабдор шахсларнинг 180 нафари "ўзганинг мулкини ўзлаштириш ёки растрата йўли билан талон-тарож қилган, 57 нафари пора берган (пора олган), пора олиш-беришда воситачилик қилган, 92 нафари фирибгарлик қилган, 16 нафари мансаб ваколатини суиистеъмол қилган, 8 нафари ҳокимият ёки мансаб ваколатидан четга чиққан, 7 нафари мансаб сохтакорлигига йўл қўйган, 10 нафари мансабга совуққонлик билан қараган ва 89 нафари бошқа жиноятларни содир этган. 

17