Турецкие военные

Туркия ал-Бағдодийнинг опасини ҳибсга олди

245
Туркия ҳукумати Алеппода ал-Бағдодийнинг опаси ва унинг оила аъзоларини ҳибсга олди - хорижий ОАВлар.

ТОШКЕНТ, 5 ноя – Sputnik. Туркия ҳукумати Исломий давлат етакчиси Абу Бакр ал-Бағдодийнинг опаси ўз оиласи билан бирга ҳибсга олди, деб хабар қилмоқда РИА Новости хорижий нашрларга асосан.

Хабарда айтилишга кўра, 65 ёшли Расмия Авад душанба куни кечқурун Сурия шимолидаги Алеппо вилоятининг Азаз шаҳрида, экстремист гуруҳ билан алоқада гумон қилиниб ҳибсга олинган.

“Бундай кишилар разведка учун қимматли манбаа бўлиши мумкин. У ИД ҳақида билган маълумот бизга янада кўпроқ ярамасларни қўлга олишга ёрдам бериши мумкин”, - дейилган хабарда.

Расмия Авад билан бирга унинг турмуш ўртоғи, беш нафар фарзанди ва келини ҳам ҳибсга олинган. Вояга етган болалари сўроқ қилинган.

Эслатиб ўтамиз, 27 октябр куни АҚШ президенти Дональд Трамп ИД етакчиси Ал-Бағдодийнинг йўқ қилингани ҳақида хабар қилган эди. кейинроқ Россия Мудофаа вазирлиги ушбу ҳақида ҳеч қандай аниқ маълумотга эга эмаслигини хабар қилган эди.

245

Россияда коронавирусга қарши дунёдаги биринчи вакцина синовлари якунланди

1007
Сеченов университети коронавирусга қарши дунёдаги биринчи вакцина синовларини кўнгиллиларда муваффақият билан якунлади.

ТОШКЕНТ, 12 июл — Sputnik. Россия пойтахти Москвада коронавирусга қарши дунёдаги биринчи вакцина синовлари муваффақиятли якунланди. Бу ҳақда РИА Новости хабар қилмоқда.

“Сеченов университети коронавирусга қарши дунёдаги биринчи вакцина синовларини кўнгиллиларда муваффақият билан якунлади”, - деди Сеченов университетининг трансляцион тиббиёт и биотехнология институти директори Вадим Тарасов.

Аниқлик киритилишича, кўнгиллиларнинг биринчи гуруҳига чоршанба, 15 июль, иккинчи гуруҳига 20 июль куни жавоб берилади. Бироқ улар тиббий кузатув остида бўлишда давом этадилар, чунки шифокорлар уларнинг иммунитетига баҳо беришлари керак.

Эслатиб ўтамиз, аввалроқ Россияда коронавирусга қарши вакцинанинг якуний синов босқичи бошлангани хабар қилинган эди.

1007
Теглар:
вакцина, Россия, коронавирус
Бывший президент Кыргызстана Алмазбек Атамбаев и его сторонники присутствуют на встрече с журналистами в селе Кой-Таш близ Бишкека.

Атамбаев касалхонадан тергов изоляторига ўтказилди

601
Миллий хавфсизлик давлат қўмитасининг маълум қилишича, бир ҳафталик даволанишдан кейин шифокорларнинг консилиуми маҳбусни камерага қайтариш мумкин деган хулоса берди.

ТОШКЕНТ, 10 июл - Sputnik. Қирғизистон собиқ президенти Алмазбек Атамбаевга икки томонлама пневмония ташхиси қўйилган ва у касалхонага ётқизилган, аммо ҳозир у тергов ҳибсхонасига қайтарилди. Бу ҳақда Sputnik Қирғизистон Миллий хавфсизлик давлат қўмитасига асосан хабар қилди.

“Алмазбек Атамбаевнинг аҳволи қониқарли. Шифокорлар консилиуми ўтказилди, унда Миллий хавфсизлик давлат қўмитаси тергов ҳибсхонасига ўтказишга қарор қилинди. Шифокорлар уни кузатишда давом этишмоқда”, - дейилган хабарда.

30 июн куни Атамбаевда пневмония аниқланди. У президент ва ҳукумат маъмурияти клиник касалхонага ётқизилди. COVID-19 учун ПЦР-тести салбий натижани кўрсатди. Касалхонага ётишдан бир кун олдин Атамбаев соғлиғи ёмонлигидан шикоят қилган эди.

Алмазбек Атамбаев 2011 йил декабридан 2017 йил ноябригача Қирғизистон президенти бўлган.

2020 йил июн ойида у жиноятчи Азиз Батукаевни ноқонуний равишда озод қилганликда айбланиб, 11 йил ва икки ойлик қамоқ жазосига маҳкум қилинди. Давлат айблови собиқ президент Алмазбек Атамбаевни 15 йилга озодликдан маҳрум этишни талаб қилганди.

601
Мавзу:
Қирғизистон собиқ президенти Алмазбек Атамбаев қўлга олиниши
Футбол

“Бунёдкор” клуби футболчиси коронавирус юқтириб олганликда гумон қилинмоқда

88
“Бухоро” — “Бунёдкор” учрашуви номаълум муддатга қолдирилди. “Бунёдкор” клуби футболчиларидан бири вирус юқтириб олганликда гумон қилинмоқда.

ТОШКЕНТ, 12 июл — Sputnik. Coca-Cola Суперлига 9-туридан ўрин олган “Бухоро” — “Бунёдкор” учрашуви номаълум муддатга қолдирилди. Бу ҳақда Профессионал футбол Лигаси (ПФЛ) расмий сайти хабар қилмоқда.

“Бунёдкор” клуби футболчиларидан бири вирус юқтириб олганликда гумон қилинмоқда. Шундан келиб чиқиб, футболчи алоҳида изоляцияга олинган”, - дейилган хабарда.

Қайд этилишича, “Бунёдкор” базаси дезинфекция қилинади ва жамоа аъзолари текширувдан ўтади. Ҳаммаси жойида бўлган тақдирда, футболчилар шифокорлар назорати остида машғулотларни давом эттиришга рухсат этилади.

Шунингдек, “Бунёдкор” билан 7 июль куни баҳс олиб борган “Навбаҳор” футболчилари ҳам текширувдан ўтказилади. Таъкидланишича, ҳозирда “Навбаҳор”нинг барча футболчилари ўзини яхши ҳис қилмоқда.

“Бухоро” — “Бунёдкор” учрашуви 14 июль куни бўлиб ўтиши режалаштирилган эди.

Ўзбекистонда коронавирус билан боғлиқ 12 855 та ҳолат аниқланган. Шулардан 7723 нафари тузалиб кетган. Вирус қурбонлари сони 59 нафарга етган.

88
Теглар:
коронавирус, футбол