TOShKENT, 7 noya - Sputnik. AQSh davlat departamenti "ID" terroristik guruhining yo‘q qilingan yetakchisi Abu-Bakr Al-Bag‘dodiyning vorisi ko‘p yashamasliliga ishonch bildirmoqda.
"Agar u Iroqda yoki Suriyada bo‘lsa, u bu dunyoda uzoq yashamaydi, deb o‘ylaymiz", - dedi jurnalistlarga idoraning yuqori martabali vakili.
Shu bilan birga u, "hozircha hech kim uning kelib chiqishi haqida hech kim bilmasligini" tan oldi va "u hech kimmas, aftidan", deya qo‘shimcha qildi.
"Biz u haqda biroz ma’lumotga egamiz, lekin bu matbuot uchun emas, qolaversa, bu haqda sizlarga gapirishim uchun ma’lumot yetarli emas. Biz ega bo‘lgan ma’lumot, bizni ta’sirlantirgani yo‘q", - dedi davlat departamenti mansabdori. Uning so‘zlaridan idora matbuot-xizmati iqtibos keltirgan.
Suriyada al-Bag‘dodiyning xotini qo‘lga olindi >>>
AQSh prezidenti Donald Tramp 27-oktabr kuni al-Bag‘dodiy yo‘q qilingani haqida e’lon qilgan edi. Tramp so‘zlariga ko‘ra, amerika harbiylari Suriyaning Idlib provinsiyasida olib borgan operatsiya davomida ajal kamarini taqib olgan terrorchi o‘zini portlatib yuborgan. Ammo Bag‘dodiyni "tez va aniq identifikatsiya qilishga muvaffaq bo‘lingan". Islomchilarga aloqador Amaq sayti, "ID" o‘z yetakchisi yo‘q qilingani haqidagi xabarni tasdiqlagani haqida xabar berdi.
