Хурма Королек

Кимларга хурмо ейиш мумкин эмас?

2009
(Янгиланган 14:48 07.11.2019)
Парҳезшунос шифокорлар хурмонинг фойдали хусусиятлари ҳақида сўзлаб беришда ҳамда қайси ҳолатларда ундан воз кечиш маъқуллигини айтишди.

ТОШКЕНТ, 7 нояб – Sputnik. Парҳезшунос шифокорлар хурмонинг фойдали хусусиятлари ҳақида сўзлаб беришда ҳамда қайси ҳолатларда ундан воз кечиш маъқуллигини айтишди. Бу ҳақда “Вечерняя Москва” нашри хабар қилди.

Фитотерапевт, нутрициолог Анжелика Дюваль хурмода кўплаб фойдали моддалар, хусусан, А, B ва C витаминлари борлигини таъкидлади.

Абрикос
© Sputnik / Всеволод Тарасевич

“Бу айниқса кузда зарур бўлган витаминлардир. Улар иммунитет, асаб тизимини сақлаб туришади, организмни турли хил инфекциялардан ҳимоя қилишда ёрдам беришади”, - деди шифокор.

Шифокор хурмони ҳафтада икки-уч марта истеъмол қилишга чақирди. Мевани янги узилган ҳолида ейиш кони фойда.

“Хурмодаги йод ва темир жуда муҳим. Улар инсон организмига йилнинг исталган вақтида зарур”, - дея таъкидлади Дюваль. У камқонлик (анемия) ва юрак-қон томир хасталикларидан азият чекаётганларга хурмо истеъмол қилишни маслаҳат берган. Бундан ташқари, хурмо таркибида кам кислота бўлгани боис у ошқозон ичак яраси касаллигига чалинганларга зарар қилмайди.

Бироқ, фитотерапевта сўзларига кўра, бу мевани ошқозон ости бези муаммосига дуч келганлар ва буйрагида тоши бўлганларга истеъмол қилиш тақиқланади. Чунки мева пешоб ҳайдаш хусусиятига эга.

Яна бир парҳезшунос шифокор Наталья Прохорова хурмонинг фойдали жиҳатларини санаб ўтди.

“Бу мева узумдан фарқли ўлароқ тўқималарга эга, лекин юқори калорияли”, - деди шифокор.

Унинг сўзларига қараганда, қанд касаллигида хурмони истеъмол қилишни чеклаш зарар. Суткада бир дона хурмо ейиш мумкин. Чунки кўп миқдордаги хурмо инсулин чиқарилишига олиб келиши мумкин. Соғлом кишилар кунига қўрқмасдан икки ёки уч дона хурмо ейишлари мумкин.

Энг фойдали қуритилган мева – парҳезшунос-шифокор маслаҳати

Эслатиб ўтамиз, аввалроқ шифокорлар кузда энг фойдали бўлган учта маҳсулотни айтишгани хабар қилинган эди.

2009

Британия ва Канада Лукашенкога қарши санкция киритди

103
Британиялик дипломатларнинг қайд этишича, рестрикциялар "Буларусда инсон ҳуқуқларининг қўпол равишда бузилишига алоқадор" бўлганларга нисбатан жорий этилади

ТОШКЕНТ, 29 сен — Sputnik, Мария Табак. Буюк Британия ва Канада Беларус президенти Александр Лукашенко, унинг ўғли Виктор ва мамлакатнинг бир нечта юқори мартабали ҳукумат аъзоларига қарши санкцияларни киритдилар, деб хабар бермоқда британия ТИВ.

Чеклов чоралари Бирлашган Қиролликка кириш ва саккиз кишига нисбатан, хусусан, Лукашенконинг ўзи, унинг ўғли, миллий хавфсизлик бўйича маслаҳатчи Виктор Лукашенкога, президент арминистрацияси раҳбари Игорь Сергеенконинг, ички ишлар вазири Юрий Караев, ички ишлар вазири ўринбосарлари Александр Барсуков ва Юрий Назаренко, ИИВ ички қўшинлари қўмондони ўринбосари Хазалбек Атабеков ва Махсус полиция минск бўлинмаси раҳбари Дмитрий Балабиларнинг активларини музлатишни кўзда тутади. 

Британиялик дипломатларнинг қайд этишича, рестрикциялар "Буларусда инсон ҳуқуқларининг қўпол равишда бузилишига алоқадор" бўлганларга нисбатан жорий этилади.

"Дунё ҳамжамиятининг кўплаб даъватларига қарамай, Александр Лукашенко шафқатсиз репрессияларни кучайтирган оппозиция билан мулоқотга киришишдан бош тортди", — дейилади Буюк Британиянинг Россиядаги элчихонаси хабарида.

Лондон чекловларни жорий йил июль ойида кучга кирган "инсон ҳуқуқларини поймол этганлиги учун санкцияларнинг британ режими" (Global Human Rights Sanctions Regime) доирасида қўллаган.

"Буюк Британия мустақил санкциялар режими инсон ҳуқуқларини жиддий равишда бузадиганларга Буюк Британияга саёҳат қилишни, британ банклари орқали пул ўтказишни ёки Буюк Британия иқтисодиётидан бирон бир фойда олишни тақиқлашга имкон беради", - дея аниқлик киритган дипломатик ваколатхона.

Беларусдаги воқеалар

Беларусдаги оммавий норозиликлар 9 август куни, президент сайловларида олтинчи маротаба Лукашенко ғалаба қозонгач бошланган эди. МСК маълумотларига кўра, у 80,1 % овоз олган. Оппозиция сайловларда Светлана Тихановская ғалаба қозонди деб ҳисоблайди. Тихановскаянинг ўзи мамлакатни тарк этишга қарор қилди ва Литвага йўл олди.

Акциянинг илк кунларида куч тузилмаси ходимлари протест қатнашчиларига нисбатан кўз ёш чиқарувчи газ, водомёт, шовқин гранаталари, резина ўқларни ишлатишган. Сўнгра, ҳуқуқ тартибот органлари митингларни тарқатишни ва куч методларидан фойдаланишни тўхтатишди.

Лукашенко АҚШни Беларусдаги норозиликларни ташкил этганликда айблади. Президентнинг айтишича, европа мамлакатлари Вашингтонга ён босмоқда ва ҳаммасини "айтилганидек бажаришмоқда". Беларус етакчисининг сўзига кўра, Ғарб Минскни Москвага қарши қайрамоқчи.

23 сентябр куни Лукашенконинг инаугурацияси бўлиб ўтгач, бу янги норозилик акцияларини юзага келтирди, акциялар иштирокчилари куч методлари ва водомётлар ёрдамида тарқатилди.

103
Самолет F-16 ВВС Турции

Туркия қирувчиси Арманистон Су-25 самолётини уриб туширди

686
(Янгиланган 20:29 29.09.2020)
Туркиянинг F-16 қирувчиси Арманистон ҲҲКга қарашли бўлган Су-25 самолётини уриб туширди – Арманистон мудофаа вазирлиги.

ТОШКЕНТ, 29 сен — Sputnik. Туркиянинг F-16 қирувчиси Арманистон ҲҲКга қарашли бўлган Су-25 самолётини уриб туширди. Бу ҳақда Арманистон Мудофаа вазирлиги матбуот котиби Шушун Степанян Facebook саҳифасида пост ёзди. РИА Новости хабарига асосан.

Тоғли Қорабоғ: Озарбайжон ва Арманистон ўқ отишни тўхтата оладими?
Sputnik/RUPTLY/ TV/Государственные учреждения Азербайджана и Армении

“Жанговар вазифани бажараётганда, Туркия ҳаво кучларининг кўп функцияли F-16 қирувчиси Арманистон ҳаво ҳудуди устида Арманистон ҲҲК қарашли бўлган Су-25 ҳужум самолётини уриб туширди. Учувчи қаҳрамонларча ҳалок бўлди ”, - дейилган постда.

Мудофаа вазирлиги вакилининг сўзларига кўра,  F-16 қирувчиси Озарбайжоннинг “Гянжа” аэродромидан учиб чиққан ва Варденис, Мец Масраа, Сотка яқинида жойлашган Арманистон ҳарбий бўлинма ва аҳоли пунктларига зарба берган

Степанян таъкидлашича, Туркиянинг F-16 қирувчиси  60 км масофага республиканинг ичкарига учиб кирган.

Озарбайжон мудофаа вазирлигининг матбуот котиби бу хабарларни ёлғон ва провокацион деб атади, Озарбайжон ҲҲКда  F-16 қирувчилар йўқлигини маълум қилди.

686