TOShKENT, 10 dek - Sputnik. Qirg‘izistonning sobiq prezidenti Almazbek Atambayevni sud-psixiatriya ekspertizaga jo‘natishdi. Bu haqda RIA Novosti mamlakat IIV matbuot xizmati xabariga tayanib xabar qilmoqda.
“Jinoyat-protsessual kodeksining 171-moddasiga muvofiq (Ekspertiza tayinlash uchun asos) 16 nafar og‘ir va o‘ta og‘ir jinoyatlarda gumon qilinuvchilarga, jumladan, Almazbek Sharshenovich Atambayevga sud-psixiatriya ekspertizasini tayinlash to‘g‘risida qaror qabul qilindi. Ular ijro uchun Respublika psixiatriya salomatlik markaziga yuborildi”, - deyiladi xabarda.
Eslatib o‘tamiz, avvalroq Qirg‘izistonning sobiq prezidenti Almazbek Atambayev tergovga to‘sqinlik qilishda gumon qilinayotgani xabar qilingan edi.
