Лукашенко коронавирус, ароқ ва Жириновский ҳақида латифа айтиб, кулдирди

2180
Илгарироқ, Лукашенко, кадрлар масаласини кўриб чиқаётган вақтда амалдорларга қандай қилиб янги турдаги коронавирусни юқтириб олмаслик борасида бир нечта маслаҳатлар берган эди.

ТОШКЕНТ, 19 мар - Sputnik. Беларусь президенти Александр Лукашенко мамлакатдаги эпидемиологик вазиятга бағишланган йиғилишда россиялик сиёсатчи Владимир Жириновский ҳақида латифа айтди, деб хабар берди пайшанба куни Sputnik Беларусь.

Илгарироқ, Лукашенко, кадрлар масаласини кўриб чиқаётган вақтда амалдорларга қандай қилиб янги турдаги коронавирусни юқтириб олмаслик борасида бир нечта маслаҳатлар берган эди. Хусусан, Лукашенко тез-тез қўл ювиш, нонушта ва кечки овқатни ҳам ўз вақтида тановвул қилишни маслаҳат берган. Беларусь етакчиси шунингдек, вирусни ароқ билан ҳам "заҳарлаш" мумкинлигини айтган. Бундан ташқари, Лукашенко ҳафтада икки-уч марта саунага боришни тавсия этган. Жириновский ўз навбатида Лукашенконинг бу маслаҳатларини қаттиқ танқид қилган.

"У (Жириновский - таҳр.) танқид қилибди, ароқ мумкинмасмиш, сауна нима дегани, Лукашенко ноҳақ. Уйга боргач эса хотинига: "Юз грамм қуй, коронавирусдан даволанаман", дебди. Хотини унга: "Володя, сен ҳозиргина Лукашенкони танқид қилдинг-ку, ароқ ёрдам бермайди, дединг". "Мен буни ҳамма учун айтдим, менга эса қуй, Лукашенко аҳмоқмас, у бекорга айтмайди". Хотини унга яна: "Володя, ахир русларда ҳаммомдан сўнг юз грамм ичишади", деса. Жириновский: "Бу русларда. Мен эса еврейчасига ичаман: юз грамм ҳаммомгача, юз грамм ҳаммомдан кейин", дермиш. Бу мавзуимизга яқин бўлгани учун латифадек янграмоқда. Владимир Вольфовичдан узр сўрайман, албатта, аммо бу ҳаётий воқеани айтмасам бўлмасди", - деб қўшимча қилган беларусь етакчиси.

Бутунжаҳон соғлиқни сақлаш ташкилоти 11 март куни Хитойдан тарқалган янги турдаги COVID-19 коронавируси эпидемиясини пандемия деб эълон қилган эди. Сўнгги маълумотларга кўра, дунёнинг 160 мамлакатида 200 мингдан ортиқ одам ушбу вирусни юқтирган. Уларнинг саккиз мингдан ортиғи вафот этди.

Беларусда коронавирусни юқтирган беморлар сони расмий маълумотларга кўра, 51 нафарга етган. Аммо уларнинг тўққиз нафарида COVID-19 клиник белгилари мавжуд, олти нафари соғайган ва касалхонадан уларга жавоб берилган.

2180
Мавзу:
COVID-19 умумжаҳон пандемияси (1173)

Британия ва Канада Лукашенкога қарши санкция киритди

101
Британиялик дипломатларнинг қайд этишича, рестрикциялар "Буларусда инсон ҳуқуқларининг қўпол равишда бузилишига алоқадор" бўлганларга нисбатан жорий этилади

ТОШКЕНТ, 29 сен — Sputnik, Мария Табак. Буюк Британия ва Канада Беларус президенти Александр Лукашенко, унинг ўғли Виктор ва мамлакатнинг бир нечта юқори мартабали ҳукумат аъзоларига қарши санкцияларни киритдилар, деб хабар бермоқда британия ТИВ.

Чеклов чоралари Бирлашган Қиролликка кириш ва саккиз кишига нисбатан, хусусан, Лукашенконинг ўзи, унинг ўғли, миллий хавфсизлик бўйича маслаҳатчи Виктор Лукашенкога, президент арминистрацияси раҳбари Игорь Сергеенконинг, ички ишлар вазири Юрий Караев, ички ишлар вазири ўринбосарлари Александр Барсуков ва Юрий Назаренко, ИИВ ички қўшинлари қўмондони ўринбосари Хазалбек Атабеков ва Махсус полиция минск бўлинмаси раҳбари Дмитрий Балабиларнинг активларини музлатишни кўзда тутади. 

Британиялик дипломатларнинг қайд этишича, рестрикциялар "Буларусда инсон ҳуқуқларининг қўпол равишда бузилишига алоқадор" бўлганларга нисбатан жорий этилади.

"Дунё ҳамжамиятининг кўплаб даъватларига қарамай, Александр Лукашенко шафқатсиз репрессияларни кучайтирган оппозиция билан мулоқотга киришишдан бош тортди", — дейилади Буюк Британиянинг Россиядаги элчихонаси хабарида.

Лондон чекловларни жорий йил июль ойида кучга кирган "инсон ҳуқуқларини поймол этганлиги учун санкцияларнинг британ режими" (Global Human Rights Sanctions Regime) доирасида қўллаган.

"Буюк Британия мустақил санкциялар режими инсон ҳуқуқларини жиддий равишда бузадиганларга Буюк Британияга саёҳат қилишни, британ банклари орқали пул ўтказишни ёки Буюк Британия иқтисодиётидан бирон бир фойда олишни тақиқлашга имкон беради", - дея аниқлик киритган дипломатик ваколатхона.

Беларусдаги воқеалар

Беларусдаги оммавий норозиликлар 9 август куни, президент сайловларида олтинчи маротаба Лукашенко ғалаба қозонгач бошланган эди. МСК маълумотларига кўра, у 80,1 % овоз олган. Оппозиция сайловларда Светлана Тихановская ғалаба қозонди деб ҳисоблайди. Тихановскаянинг ўзи мамлакатни тарк этишга қарор қилди ва Литвага йўл олди.

Акциянинг илк кунларида куч тузилмаси ходимлари протест қатнашчиларига нисбатан кўз ёш чиқарувчи газ, водомёт, шовқин гранаталари, резина ўқларни ишлатишган. Сўнгра, ҳуқуқ тартибот органлари митингларни тарқатишни ва куч методларидан фойдаланишни тўхтатишди.

Лукашенко АҚШни Беларусдаги норозиликларни ташкил этганликда айблади. Президентнинг айтишича, европа мамлакатлари Вашингтонга ён босмоқда ва ҳаммасини "айтилганидек бажаришмоқда". Беларус етакчисининг сўзига кўра, Ғарб Минскни Москвага қарши қайрамоқчи.

23 сентябр куни Лукашенконинг инаугурацияси бўлиб ўтгач, бу янги норозилик акцияларини юзага келтирди, акциялар иштирокчилари куч методлари ва водомётлар ёрдамида тарқатилди.

101
Самолет F-16 ВВС Турции

Туркия қирувчиси Арманистон Су-25 самолётини уриб туширди

677
(Янгиланган 20:29 29.09.2020)
Туркиянинг F-16 қирувчиси Арманистон ҲҲКга қарашли бўлган Су-25 самолётини уриб туширди – Арманистон мудофаа вазирлиги.

ТОШКЕНТ, 29 сен — Sputnik. Туркиянинг F-16 қирувчиси Арманистон ҲҲКга қарашли бўлган Су-25 самолётини уриб туширди. Бу ҳақда Арманистон Мудофаа вазирлиги матбуот котиби Шушун Степанян Facebook саҳифасида пост ёзди. РИА Новости хабарига асосан.

Тоғли Қорабоғ: Озарбайжон ва Арманистон ўқ отишни тўхтата оладими?
Sputnik/RUPTLY/ TV/Государственные учреждения Азербайджана и Армении

“Жанговар вазифани бажараётганда, Туркия ҳаво кучларининг кўп функцияли F-16 қирувчиси Арманистон ҳаво ҳудуди устида Арманистон ҲҲК қарашли бўлган Су-25 ҳужум самолётини уриб туширди. Учувчи қаҳрамонларча ҳалок бўлди ”, - дейилган постда.

Мудофаа вазирлиги вакилининг сўзларига кўра,  F-16 қирувчиси Озарбайжоннинг “Гянжа” аэродромидан учиб чиққан ва Варденис, Мец Масраа, Сотка яқинида жойлашган Арманистон ҳарбий бўлинма ва аҳоли пунктларига зарба берган

Степанян таъкидлашича, Туркиянинг F-16 қирувчиси  60 км масофага республиканинг ичкарига учиб кирган.

Озарбайжон мудофаа вазирлигининг матбуот котиби бу хабарларни ёлғон ва провокацион деб атади, Озарбайжон ҲҲКда  F-16 қирувчилар йўқлигини маълум қилди.

677