Россия ССВ коронавирусни даволаш бўйича тавсиялар берди

1022
(Янгиланган 18:07 24.03.2020)
Россия Соғлиқни сақлаш вазирлиги коронавирусга чалинган беморларга қандай дорилар тавсия этилишини маълум қилди.

ТОШКЕНТ, 24 мар — Sputnik. Россия Соғлиқни сақлаш вазирлиги коронавирусга чалинган беморларга қандай дорилар тавсия этилишини маълум қилди.

“Коронавирусга чалинган беморларга ибупрофенни парацетамол билан бирга тайинлаш мумкин ва шундай қилиш керак, бу ерда Жаҳон соғлиқни сақлаш ташкилоти тавсиясига қўшиламиз. Беморларга шифокор тавсияларига қатъий риоя жуда муҳим. Фақат шифокор беморга зарур бўлган препаратни тайинлаши мумкин ва самарали даволаш усулини таклиф қилиши мумкин”, - деди Елена Малинникова.

Вазирликда маълум қилинишича, 19 март куни Жаҳон соғлиқни сақлаш такилоти коронавирусга чалинган беморларга ибупрофен дорисини қўлламаслик бўйича ўз тавсиясини берди.

ЖСС 11 март куни COVID-19 янги турдаги коронавирус инфекциясини пандемиясини эълон қилганди. Сўнгги малумотларга кўра, дунё бўйлаб 330 мингдан ортиқ киши бу вирусга чалинган, 14,5 мингдан ортиқ вафот этди.

Шу шароитда турли давлатлар одамлар  “шамоллашда” тавсия этиладиган дориларни кўплаб сотиб олмоқда.

Россия дорихона тармоқлари уюшмаси мувофиқлаштириш кенгаши раиси Николай Нифантьев РИА Новости’га берган интервюсида парацетамолга талаб ортиб бораётганини айтди ва одамлар бу дорини ғамлаб қўймасликка чақирди, чунки корхоналар ишлаб чиқаришни кўпайтиришга тайёр.

Мутахассис бу дори кўплаб аломатлардан фақат биттасини енгиллаштиришини маълум қилди.

Парацетамол - бу оғриқ қолдирувчи дори, у ҳароратни пасайтиришга қаратилган. Дорини қабул қилишдан олдин шифокор билан маслаҳатлашиш керак.

1022
Мавзу:
COVID-19 умумжаҳон пандемияси (1345)

Гвинея президенти “Спутник V” билан эмланди

61
82 ёшли Гвинея президенти Алфа Конде коронавирусга қарши Россия вакцинаси “Спутник V” билан эмланди.

ТОШКЕНТ, 17 янв — Sputnik. Гвинея президенти Алфа Конде коронавирусга қарши Россия вакцинаси “Спутник V” билан эмланди. Бу ҳақда “Guinéenews” телеканали хабар қилди.

Конде куни президент қароргоҳи Секутуреяда эмланган. У вакцинанинг биринчи дозасини олган. Гвинея Москвадан “Спутник V” вакцинасининг 55 та намунасини олган. Аввалроқ мамлакатда 19 нафар юқори лавозимли амалдор, жумладан, мудофаа вазири эмланганди.

“Спутник V”: Нима учун Россия вакцинасига ишонч билдиришмоқда? - видео

Сўнгги маълумотларга кўра, Гвинеяда 14 мингдан зиёд киши COVID-19 билан касалланган. Шулардан 13,3 мингдан зиёд тузалиб кетган. Жами 81 бемор коронавирусдан вафот этган.

61
Теглар:
эмлаш, вакцина, Спутник V

Россия яна тўртта давлат билан мунтазам парвозларни тикламоқда

237
(Янгиланган 11:00 17.01.2021)
Россия 27 январдан Вьетнам, Ҳиндистон, Финляндия ва Қатар билан халқаро авиақатновларни тиклашга қарор қилди.

ТОШКЕНТ, 17 янв — Sputnik. Россия 27 январдан Вьетнам, Ҳиндистон, Финляндия ва Қатар билан мунтазам авиақатновларни тиклайди. Бу ҳақда мамлакатнинг коронавирус инфекциясига қарши курашиш тезкор штаби хабар қилди.

Ушбу мамлакатларга халқаро рейслар ҳафтасига бир неча марта амалга оширилади.

“Ўтказилган муҳокама якунига ва алоҳида давлатлардаги эпидемиологик вазиятни инобатга олган ҳолда 27 январдан қуйидаги давлатлар билан авиапарвозларни тиклаш тўғрисида қарор қабул қилинди: Вьетнам (Москва – Ханой, ҳафтада икки марта), Ҳиндистон (Москва – Деҳли, ҳафтада икки марта), Финляндия (Москва – Хельсинки, ҳафтада икки марта, Санкт-Петербург – Хельсинки, ҳафтада икки марта), Қатар (Москва – Доҳа, ҳафтада уч марта)”, дейилади хабарда.

Россия чегараларини қачон очади – Путин жавоби

Бундан ташқари, Мисрга парвозлар сони ҳафтасига беш мартагача кўпайтирилади.

237
Теглар:
авиапарвозлар, Россия
Автомобильное движение в городе

Навоийда 10 ёшли бола ҳайдаётган “Матиз” тўхтатилди видео

43
Маст ота ўз айбини яшириш, жавобгарликдан бўйин товлаш мақсадида 4-синфда ўқийдиган фарзандини машина рулига ўтқазган.

ТОШКЕНТ, 17 янв — Sputnik. Навоий вилояти Қизилтепа туманида ўтказилган рейд давомида ЙҲХББ ходимлари “Матиз” автомобили бошқаруви 10 ёшли болакайда эканига гувоҳ бўлишди.

Боланинг сўзларига кўра, у машина бошқарувини маст отасининг кўрсатмасига биноан қўлга олган.

“Спиртли ичимли таъсири остида бўлган ота ўз айбини яшириш, жавобгарликдан бўйин товлаш мақсадида 4-синфда ўқийдиган фарзандидан қалқон сифатида фойдаланганига нима дейсиз?”, - дейилади ЙҲХББ тайёрлаган лавҳада.

Ушбу фуқарога нисбатан тегишли чора кўрилган.

43