Президент США Дональд Трамп

Трамп тез орада коронавирус келиб чиқишини ошкор қилишга ваъда берди

386
Ўтган ҳафта Америка етакчиси вируснинг сунъий равишда келиб чиқишига ишончи комил эканини маълум қилган эди.

ТОШКЕНТ, 6 май — Sputnik. Америка ҳукумати коронавирус келиб чиқишига оид суриштирув ишлари натижаларини эълон қилмоқчи.

“Биз муайян вақт ичида бу ҳақда хабар қиламиз”, - дея Америка президенти Дональд Трамп сўзларидан келтирган RT.

Ўтган ҳафта Америка етакчиси вируснинг сунъий равишда келиб чиқишига ишончи комил эканини маълум қилган эди. Трампнинг сўзларига кўра, АҚШ COVID-19нинг Ухань лабораториясида пайдо бўлгани ҳақидаги версияни кўриб чиқмоқда. АҚШ раҳбари агар бу тасдиқланса, Пекинга бунинг оқибатлари ҳақида таҳдид қилган эди.

Хитой ҳукумати эпидемия бошланишининг илк кунидан бошлаб бу масалага очиқ ва масъулият билан ёндашганини таъкидлаган.

Жаҳон соғлиқни сақлаш ташкилоти Американинг коронавирус келиш чиқиши ҳақидаги версиясини ўз манфаати учун фойдаланиш деб атади, зеро Вашингтон ҳеч қандай далил тақдим этмаган.

Хитойнинг Ухань шаҳридан тарқалган коронавирус пандемияси дунёнинг деярли барча мамлакатларини қамраб олди. Сўнгги маълумотларга кўра, коронавирус юқтириб олганлар сони 3,5 миллионга етган, 240 мингга яқин киши вафот этган.

Энг кўп касалланганлар АҚШда қайд этилган. У ерда бир миллиондан ортиқ киши COVID-19 билан касалланган. Жонс Ҳопкинс университети маълумотларига кўра, АҚШда 70 мингга яқин киши ушбу касаллик қурбони бўлган.

386
Мавзу:
COVID-19 умумжаҳон пандемияси (889)
Встреча лидеров США и Китая Дональда Трампа и Си Цзиньпиня в рамках саммита G20 (29 июня 2019). Осака

Трамп Си Цзиньпин билан мулоқот қилишни тўхтатиб қўйганини айтди

52
Шу билан бирга, АҚШ етакчиси Си Цзиньпинга қарши шахсий санкция жорий этиш масаласи кўриб чиқилмаётганини таъкидлаган.

ТОШКЕНТ, 4 июн — Sputnik. АҚШ президенти Дональд Трамп узоқ муддатдан буён Хитой раиси Си Цзиньпин билан мулоқот қилмаганини айтди. У бу ҳақда Newsmax телеканалига берган интервьюсида маълум қилган.

Трамп Хитой коронавирус пандемияси учун жавобгар деб ҳисоблашини маълум қилган. Зеро ҳукумат вирус тарқалишини бошланғич босқичда тўхтатиши шарт эди.

Шу билан бирга, АҚШ етакчиси Си Цзиньпинга қарши шахсий санкция жорий этиш масаласи кўриб чиқилмаётганини таъкидлаган.

Трамп Хитой билан савдо муносабатларини ҳам ёдга олган. У Америка томонидан киритилган санкциялар туфайли ўтган йил сўнгги 67 йил ичида Хитой иқтисодиёти учун энг нохуш бўлганини таъкидлаган. Шунингдек, у шунга қарамасдан, икки мамлакат савдо битимини тузишга муваффақ бўлгани ва бу “тарихдаги энг буюклардан бири” бўлганини қўшимча қилган.

COVID-19 пандемияси деярли бутун дунёни қамраб олди. ЖССТнинг сўнгги маълумотларига кўра, жами 6,3 миллионга яқин киши коронавирусни юқтириб олган, улардан 379 минг нафари вафот этган.

Вашингтон Пекинни коронавирус тарқалишида айблаб келмоқда. Хитой ҳукумати ушбу даъволарни рад қилиб келмоқда.

52
Многоцелевой истребитель МиГ-29

Сурия Россиянинг МиГ-29 қирувчиларининг иккинчи партиясини қабул қилди

82
Сурия армияси Россиядан МиГ-29 такомиллаштирилган қирувчиларининг иккинчи партиясини олди - Россиянинг Суриядаги элчихонаси.

ТОШКЕНТ, 4 июн - Sputnik. Сурия армияси Россиядан МиГ-29 такомиллаштирилган қирувчиларининг иккинчи партиясини олди. Бу ҳақда РФ Дамашқдаги элчихонаси ўзининг Твиттер саҳифасида хабар берди.

Таъкидланишича, самолётлар икки мамлакат ҳарбий-техник ҳамкорлиги доирасида топширилган.

Дипломатлар маълумотларига кўра, суриялик учувчилар ушбу самолётларда парвозларни амалга оширишни бошлаб бўлди.

Суриядаги можаронинг бошланиши пайтига мамлакат қуролли кучлари таркибида етказиб берилиши 1980 йилларнинг бошларидан амалга оширилган ўнлаб МиГ-29 самолётлари бўлган, деб ёзади РИА Новости.

82
Российские рубли

РОСЭКСИМБАНК сўмда биринчи ҳисоб рақамларини очди

42
РОСЭКСИМБАНК миллий валюталарда тўғридан тўғри ҳисоб-китоб қилишни осонлаштириш мақсадида Россия банклари учун сўмда ва Ўзбекистон банклари учун рублда корреспондент ҳисоб-рақамларини очди.

ТОШКЕНТ, 4 июн - Sputnik. "РОСЭКСИМБАНК" АЖ Ўзбекистон ва Россия банклари сўм ва рублда тўғридан-тўғри ҳисоб-китоб қилиши учун имконият яратмоқда.Бу ҳақида Россия Экспорт маркази матбуот хизмати хабар қилмоқда.

Хабарда айтишигига кўра "РОСЭКСИМБАНК" АЖ Россия банклари учун ўзбек сўмда юритилувчи биринчи корреспондет ҳисоб-рақамларини очган. Бир вақтнинг ўзида Ўзбекистон банклари учун рублда юритилувчи ЛОРО ҳисоб рақамлари очилган.

Россия Экспорт марказининг асосий вазифаси – Россия маҳсулотларини экспорт ва импорт қилиниши учун қулай ва кенг имконият яратишдир.

“Тизимли ечимлар яратиш, халқаро ҳисоб-китобларда миллий валюталардан фойдаланиш – экспортчиларнинг молиявий хавфларини камайтиришни кафолатлайди”, - дейди марказ директори Вероника Никишина.

Карантингача бўлган даврда Россия Экспорт маркази вакиллари Ўзбекстонда Россия рублида облигация чиқаришдан манфаатдор бўлган бир неча эмитентлар билан учрашувлар ўтказиб, ушбу облигацияларни суғурталаш ҳақида келишиб олган эди. Ўзбекистонлик эмитентлар томонидан рублда облигация чиқариш Ўзбекистон иқтисодига Россия рублида сармоялар жалб қилиш ҳамда икки давлат орасида иқтисодий муносабатларни тўғридан-тўғри миллий валюталарда олиб бориш учун туртки бўлади.

“Ана шундай эмиссидан биринчиси ушбу йил охиригача амалга ошиши керак. Чунки Ўзбекистон томонидан рублда молиялаштиришга бўлган талаб ошмоқда. Бунга Россия саноат ва савдо вазирлигининг Россиядан юқори технологияли маҳсулот экспорт қилганда имтиёзли молиялаштириш дастури ҳам ўз ҳиссасини қўшмоқда”, - дейди Россия экспорти маркази директори.

Маълумот учун, бугунги кунда РОСЭКСИМБАНК Россия компаниялари операцияларини Хитой юани, Ҳиндистон рупияси, қирғиз сўми, Венгрия форинтида  амалга оширмоқда.

РЭМ маълумотига кўра, 2019 йилда Россиянинг Ўзбекистонга экспорти 3,9 млрд $ни ташкил қилган. Ушбу маҳсулотнинг 93 % - ўрмон саноати маҳсулотлари, металлургия, машинасозлик ва қишлоқ хўжалик маҳсулотлари ташкил қилган. Енгил автомобиллар, пўлат прокатиб кунгабоқар мойи каби маҳсулотлар экспорти сезиларли даражада ўсган.

42