Бразилияда коронавирусни енгиш учун алкогол савдосини таъқиқлашди

308
Бразилияда 177 мингдан зиёд киши коронавирусни юқтирган, қурбонлар сони 12 400 кишини ташкил қилмоқда.

ТОШКЕНТ, 14 май - Sputnik. Бразилия шимолида жойлашган Пиауи штатида коронавирус туфайли алкогол савдоси чекланмоқда. Штат губернатори Веллингтон Диасга кўра, ушбу қарор мамлакатда коронавирус тарқалишининг олдини олиш учун қабул қилинган, деб хабар қилади РИА Новости.

"Жума 15 май санасидан якшанба 17 май кунигача алкогол ичимликлар савдоси ҳамда шаҳарлараро транспорт ҳаракати таъқиқланади", - деб маълум қилган Диас Twitterда.

Губернаторнинг таъкидига кўра, ушбу чоралар жорий этилишига штатдаги ўз-ўзини изоляциялаш даражаси ўта пастлиги сабаб бўлган. Таъкидланишича, вақтинча жорий этилган "алкогол чеклочини назарда тутувчи қонун" туфайли фуқароларда уйда қолиш учун кўпроқ мотивация пайдо бўлади ва бу ўлароқ инфекция тарқалиши хатари пасаяди.

Сўнгги маълумотларга кўра, Бразилияда коронавирусга чалиниш билан боғлиқ 177 589 ҳолат аниқланган, 12 400 киши вафот этган. Пиауи штатида 1 612 киши инфекцияга чалинган, ўлим ҳолатлари 57тани ташкил қилмоқда.

Бутунжаҳон соғлиқни сақлаш ташкилоти 11 март куни янги турдаги COVID-19 коронавирус инфекцияси тарқалишини пандемия, деб эълон қилди. БССТ тақдим этган сўнгги маълумотларга кўра, ер юзида коронавирусга чалинганлар сони 4,1 миллиондан ошган, 287 мингдан зиёд киши ушбу инфекциядан вафот этган.

308
Мавзу:
COVID-19 умумжаҳон пандемияси (889)

Мутахассислар: COVID-19 вакцинасини биринчи бўлиб ким олиши ҳақида гапириш ҳали эрта

25
Дунёнинг бир қатор мамлакатларида янги турдаги коронавирусга қарши юзга яқин вакцина ишлаб чиқилмоқда.

ТОШКЕНТ, 4 июн - Sputnik, Алексей Богдановский. РИА Новости томонидан ўтказилган сўровда АҚШ ва британиялик мутахассислар COVID-19 вакцинасини биринчи бўлиб ким олиши ҳақида гапиришга эрта дея таъкидлашди.

Дунёнинг бир қатор мамлакатларида юзга яқин вакцина ишлаб чиқилмоқда. Вакцинанинг ўзи яратилиши билан бир қаторда йирик фармацевтика компаниялари ўзларининг ёки бошқалар томонидан тайёрланаётган вакциналарни оммавий ишлаб чиқариш қувватларини ишлаб чиқмоқдалар. Бир қатор вакциналар одамларда синовдан ўтказилмоқда, баъзи ҳолатларда ишлаб чиқувчилар умидлантирувчи маълумотларни олдилар. Аммо, ҳозирда муайян вакцина ҳали бери йўқ ва қачон пайдо бўлиши ҳам номаълум. Бундан ташқари, вакцинани у ишлаб чиқилгандан кейин ва унгача биринчи бўлиб кимга эмланиши ва юз миллионлаб дозаларни ишлаб чиқариш қай тарзда йўлга қўйилиши аниқ эмас.

АҚШнинг Эмори университети биостатистика ва биоинформатика профессори Макс Лаунинг сўзларига кўра, вакцинани биринчи навбатда кимга берилиши устуворлиги масаласи энди муҳокама қилинади.

"Бу оддий саволлар эмас, улар қатор жабҳалар бўйича мулоҳазаларни ўз ичига олади. Масалан, ҳануз ёш болалар вирусни қанчалар кўп даражада юқтирадими ёки йўқми аниқ эмас", - деди Лау.

"Бундан ташқари, вакцинанинг самарадорлиги биз эмланган одамлар тўғрисида кўпроқ маълумот олмагунимизча маълум эмас. Масалан, кўп маълумотлар гриппга қарши вакциналар 100 фоиз ҳимоя бермаётганлигидан далолат беради ва COVID -19 вакциналари ишлаши қай аҳволдалигини кутиш ва назорат қилиш керак бўлади", - дея қўшимча қилди Лау.

Лондон Гигиена ва тропик тиббиёт мактабининг Юқумли касалликларни математик моделлаштириш маркази директори Грэм Медлининг сўзларига кўра, эмлаш мавзусида саволлар жуда кўп ва улар ҳануз жавобсиз қолмоқда.

"Бу вакцинанинг хусусиятларига боғлиқ. Вакцинани битта дозада ёки бир неча дозада юбориш керакми? У MMR вакцинаси (қизамиқ, эпидемик паротит ва сувчечакка қарши уйғунлашган вакцина) каби умрбод иммунитетни таъминлайдими  ёки уни қоқшолга қарши вакцина каби доимий такрорий эмлаш керакми? Бу инфекцияни олдини оладими ёки фақат касалликними? Қанча дозада мавжуд бўлади? Бу саволларнинг барчаси вакцинани қанчалар самарали ишлатиш кераклигини аниқлайди", - деди Медли.

Юқумли касалликларни математик моделлаштириш билан шуғулланадиган Луизиана штатидаги Тулейн университети профессори Мак Хайман вакцинани тақсимлашда муросага келишга тўғри келган мисолларни келтирди.

2009 йилда, H1N1 чўчқа гриппи пандемияси бошланганида, Миллий соғлиқни сақлаш институти олимлари гуруҳлари эпидемия пайтида ишлаб чиқарилиши керак бўлган вакциналарни тақсимлаш бўйича маслаҳатлар беришган. "Тавсиялар шундан иборат эдики, вакцинани биринчи навбатда тиббиёт ходимлари олишлари керак эди, чунки бу гуруҳ вирус билан алоқа қилиш эҳтимоли анча катта эди", - деди Хайман.

"Кейинги гуруҳ учун биз юқумли касалликлик тарқалишини секинлаштириш мақсадида вирусни катта эҳтимоллик билан юқтириши мумкин бўлган одамлар, яъни мактаб ўқувчилари ва ўлим хавфи юқори бўлган ва қўшимча касалликлари бўлган кекса одамларни эмлаш ўртасида муросани топишга мажбур бўлдик", - деди у.

Шу билан бирга, Johnson and Johnson компанияси ушбу ҳафтада вакцинанинг биринчи партиясини 2021 йил бошида кутишини эълон қилди. Компаниянинг бош директори Пол Стоффелснинг айтишича, биринчи партия бутун дунё бўйлаб тиббиёт ходимларини эмлаш учун етарли бўлиши керак. Компания жаъми 1 миллиарддан ортиқ дозани ишлаб чиқаришни режалаштирмоқда.

Ўз навбатида, Американинг Moderna компаниясининг раҳбари Стефан Бансель компания вакцинани ишлаб чиқариш қувватини кенгайтираётганини ва 2020 йил охирига келиб ойига ўн миллионлаб дозани ишлаб чиқаришга тайёр бўлишини маълум қилди.

25

Лукашенко ҳукуматни истеъфога чиқарди

92
(Янгиланган 10:37 04.06.2020)
Беларусь раҳбари томонидан 3 июнь куни Вазирлар маҳкамасини истеъфога чиқариш тўғрисидаги фармон имзоланди.

ТОШКЕНТ, 4 июн - Sputnik. Беларусь президенти Александр Лукашенко ҳукуматни истеъфога чиқарди, дея хабар беради “Беларусь 1” давлат телеканали.

Давлат раҳбари 3 июнь куни Вазирлар маҳкамасини истеъфога чиқариш тўғрисида фармонга имзо чекди.

Аввалроқ Лукашенко йиғилишда ҳукуматнинг янги таркиби бўйича таклифларни муҳокама қилган эди. Унда республика Кенгаши (парламентнинг юқори палатаси) раиси Наталья Кочанова, Вакиллар палатаси (парламентнинг қуйи палатаси) раиси Владимир Андрейченко, президент маъмурияти раҳбари Игорь Сергеенко ва Давлат хавфсизлик кенгаши котиби Андрей Равков иштирок этди.

Президент ҳукумат таркибидаги ўзгаришлардан сўнг "инқилобни кутиш керак эмас" деб таъкидлади. Унинг сўзларига кўра, COVID-19 пандемияси туфайли "дунё мисли кўрилмаган иқтисодий инқироз даврига киргани" сабабли, Вазирлар маҳкамасида кенг кўламли ўзгаришлар амалга ошириш мақсадга мувофиқ бўлмайди.

25 май куни Лукашенко шу йил 9 август куни бўлиб ўтадиган президентлик сайловлари олдидан янги Вазирлар маҳкамасини шакллантириш режаларини эълон қилди. Аввалроқ у амалдаги давлат раҳбари президентликка номзод сифатида рўйхатга олинганидан сўнг сайловчилар ишончини ошириш мақсадида ҳукуматнинг янги таркиби эълон қилинишини тушунтириб ўтди.

"Бефарқлилик" ва саботаж

Сергей Румас бошчилигидаги ҳукумат таркиби 2018 йилда тасдиқланган. Ўшанда ҳукуматни алмаштирилишига Лукашенконинг амалдорларнинг ишидан норозилиги сабаб бўлди. Оршада бўлиб ўтган йиғилишда давлат раҳбари қаттиқ танқид билан вазирларнинг ҳаракатсизлигини танқид қилди ва уларни "бефарқлик" ва саботажда айблади.

Президент сайловлари

Беларусьда президент сайловлари 9 августга белгиланган. Ҳозирги пайтда юқори лавозимга 14 даъвогар ўз номзодларини қувватлашга имзоларни тўпламоқда. Президентликка номзодларни рўйхатга олиш 5 дан 14 июлгача бўлиб ўтади, шундан сўнг сайловолди ташвиқот бошланади.

Республика Ички ишлар вазирининг биринчи ўринбосари Геннадий Казакевичнинг таъкидлашича, сиёсий кампания даврида Беларусьдаги вазият ўта жиддийлашади, бироқ маҳкама хавфсизликни таъминлаш учун зарур куч ва воситаларга эга.

Беларусь раҳбари Александр Лукашенко, ўз навбатида, мамлакатда президентлик сайловлари арафасида ва бевосита сайлов куни "Майдан"ни ташкил этишга йўл қўймаслигини айтди.

92