Трамп БССТга ультиматум эълон қилди

307
АҚШ БССТни молиялаштиришни тўхтатишни ўйламоқда. Вашингтон ташкилотга аъзолигини ҳам қайта кўриб чиқиш ниятида

ТОШКЕНТ, 19 май - Sputnik. Бутунжаҳон соғлиқни сақлаш ташкилоти 30 кун давомида АҚШ талаб этаётган ислоҳотларни амалга оширмаса, Вашингтон БССТни молиялаштиришни тўхтатади ва ундаги аъзолигини қайта кўриб чиқади. Бу ҳақда Америка президенти Дональд Трампнинг ташкилот раҳбари Тедрос Аданом Гебрейесусга йўлланган мактубида айтилган.

Оқ уй раҳбарининг сўзларига кўра, унинг администрацияси Трам наздида БССТнинг коронавирус пандемияси таъсирига нисбатан муваффақиятсиз бўлган жавоби юзасидан текширув ишларини ўтказган.

"Бу текширувлар мен сўнгги ой давомида кўтарган кўплаб хатарларни тасдиқлади ва БССТ тезкор муносабат билдириши лозим бўлган бошқа хавфларни аниқлади, бунда айниқса ташкилотнинг ХХРдан мустақил эмаслиги айниқса ҳавотирлидир", - дейилади Трампнинг ўз Twiterида эълон қилган мактубида.

АҚШ президенти БССТдан "сифат жиҳатдан анчайин аҳамиятли ва жиддий бўлган ўзгаришларни" ўтказишни талаб қилмоқда. Улар орасида "Хитойдан мустақиллик" шарти ҳам бор.

"Сизнинг тизимли равишда йўл қўйган хатоларингиз ва ташкилотнинг пандемияга жавобида бўлган хатоликлар дунёга жуда қимматга тушди", - дейилади мактубда.

Трамп шунингдек, БССТ билан ташкилотни ислоҳ қилиш борасидаги масалани муҳокама қилишни бошлаганини таъкидлаб ўтган.

АҚШ президенти апрель ойида БССТни COVID-19 коронавируси эпидемиясига етарли тарзда тезкор жавоб қайтармаганликда ва жамоатчиликни у ҳақда ўз вақтида огоҳлантирмаганликда айблаб, ташкилотни молиялаштиришни тўхтатиши ҳақида эълон қилган эди.

АҚШдаги пандемия билан боғлиқ юзага келган мураккаб воқеалар фонида Трамп номига танқидлар ёғдирилган эди. АҚШ нафақат касалликни юқтирганлар, балки вафот этганлар сони бўйича ҳам биринчи ўринга чиққач, президент номига у керакли чора-тадбирларни жуда кеч жорий этганлиги ҳақида айбловлар ёғдирилган эди.

Бутунжаҳон соғлиқни сақлаш ташкилоти 11 март куни янги турдаги COVID-19 коронавирус инфекцияси тарқалишини пандемия, деб эълон қилган эди. Сўнгги маълумотларга кўра, дунё бўйича инфекцияни 4,4 миллион киши юқтирган, 300 мингдан зиёд киши коронавирус қурбонига айланган.

307
Работа программиста

Масофадан туриб ишлаб энг катта маош оладиганлар аниқланди

250
(Янгиланган 14:13 19.10.2020)
Россияда масофадан туриб ишлаб энг катта маош оладиган касблар аниқланди - аксарияти компьютер дастурчилари ва шунга яқин соҳалар.

ТОШКЕНТ, 19 окт — Sputnik. Россия меҳнат бозорида масофадан туриб ишлаб, энг катта маош оладиган касблар санаб ўтилди, РИА Новости хабарига асосан.  

Работа.ру портали маълумотига кўра, энг юқори маош 1С дастурчи-таҳлилчисига – 270 минг рубл (3500 $) таклиф қилинмоқда. Номзоддан камида 4 йиллик тажриба ҳамда 1С конфигурацияларидан бирини мукаммал билиш ва маълумотлар базаси билан ишлаш кўникмалари талаб қилинади.

Иккинчи ўринда, 200 минг рубл (2500$) маош билан Ташқи иқтисодий-алоқалар менеджери қидирилмоқда. Ундан хориждан wending автоматлар сотиб олиш, уларни Россия ҳудудига олиб келиш схемасини ташкил қилиш талаб қилинади. Номзоддан 5 йиллик тажриба ва хорижий тилларни билиш ва музокаралар олиб бориш тажрибаси талаб этилади.

Сберавто backend-дастурчисига – 180 минг рубл (2300$) таклиф қилинмоқда. Ундан дастур ишлаб чиқиш, Golang дастурлаш тилини билиш ҳамда Docker ва Kubernetes дастурларидан фойдаланиш тажрибаси талаб қилинади.

Юқори малакали Html-дастурчига – 140 минг рубл таклиф қилинмоқда. Ундан 3 йиллик тажриба, HTML5 ва CSS3 тилларини билиш талаб этилади.

Шунингдек масофадан туриб ишлаш имконияти UX/UI веб дизайн курслари ўқитувчиларига ҳам таклиф қилинмоқда. Ушбу соҳада 3 йилдан ортиқ тажрибаси бўлган номзодларга 100 мингдан ортиқ маош таклиф қилинмоқда.

250

Қирғизистон президенти в.б. Жапаров сайловларда иштирок этиш шартини айтди

418
(Янгиланган 13:41 19.10.2020)
Ҳозир Қирғизистон Конституциясига кўра президенти вазифасини бажарувчи шахс президентликка номзодини илгари сура олмайди.

ТОШКЕНТ, 19 окт — Sputnik. Қирғизистон президенти вазифасини бажарувчи Садир Жапаров агар қонунчиликка тегишли ўзгартириш киритилса, президент сайловларида иштирок этишга тайёрлигини маълум қилди.

Ҳозир мамлакат Конституциясига кўра президенти вазифасини бажарувчи шахс президентликка номзодини илгари сура олмайди.

“Ҳозир парламентда парламент ва президент сайловлари тўғрисидаги қонунчиликка ўзгаришлар тайёрланмоқда. Агар қонуннинг бу ўзгаришлари натижасида сайловларда иштирок этишга рухсат этилса, мен иштирок этаман”, - деди Жапаров “Россия-24” телеканалига берган интервьюсида.

Унинг сўзларига кўра, бу ҳақда гапиришга ҳозирча эрта, бу масалага оид қарор ҳали қабул қилинмаган.

Намойишлардан истеъфогача: Қирғизистонда бўлган воқеалар қисқа сатрларда

5 октябрь куни Бишкекда парламент сайловлари натижаларидан норози бўлганларнинг норозилик намойишлари бошланди. Намойишлар тезда тартибсизликларга айланиб кетди. Қирғизистон бош вазири Кубатбек Боронов ва парламент спикери Дастанбек Жумабеков истеъфога чиқди. МСК сайлов натижаларини ҳақиқий эмас деб топди.

Қирғизистон косаси тўлган кун - тартибсизликларга нима сабаб бўлди

Канат Исаев парламент спикери ва намойишчилар қамоқдан озод қилган Садир Жапаров бош вазир этиб сайланди. 15 октябрь куни Қирғизистон президенти Сооронбай Жээнбеков истеъфога чиқишини эълон қилди. Исаев президент мажбуриятларини бажаришдан бош тортди. Конституцияга биноан президент ваколатлари бош вазир Жапаровга ўтди.

418

Ўткир тишли вирус, ниқоб ва шифокорлар: турли мамлакатлардаги граффитлар сара суратлар

0
Жорий йилда коронавирус пандемияси санъатнинг ажралмас қисмига айланди десак, асло муболаға бўлмайди.

Коронавирус ҳаётимизга шунчалик жиддий кириб келдики, ниқоб таққан кишилар ва вируслар 2020 йилда санъатнинг ажралмас қисмига айланди.

Дунёнинг турли бурчакларида шифокорлар, коронавирус ва пандемияга бағишланган граффитлар пайдо бўлди.

Sputnik жамланмасида сара суратлар.

0
  • © REUTERS / Piroschka van de Wouw

    Амстердамда Голландия ҳукумати томонидан эълон қилинган янги ижтимоий чекловлардан сўнг ниқоб кийган одам Халқаро кўча санъати музейида санъат асарига қараб турибди.

  • © AP Photo / Mosa'ab Elshamy

    Ниқоб таққан аёл Мароккода ниқоб таққан Мона Лиза граффити олдида.

  • © REUTERS / John Sibley

    Лондон марказида граффити қаршисида турган аёл.

  • © AFP 2018 / Vladimir Zivojinovic / STR

    Сербияда рассомлар граффит чизмоқда.

  • © AP Photo / Binsar Bakkara

    Индонезияда ниқоб тақиш зарурлигини эслатувчи граффит.

  • © AFP 2018 / Mohammed Abed

    Фаластинда болакай ўткир тишли вирус олдидан ўтиб кетяпти

  • © AFP 2018 / Juni Kriswanto

    Ява оролида ҳароратни ўлчаётган киши тасвирланган граффит.

  • © REUTERS / Edgard Garrido

    Мексикада тиббиёт ходимларига бағишланган граффит.

  • © AP Photo / Luca Bruno

    Италиядаги ҳамшира граффити.

  • © AFP 2018 / Oli Scarff

    Манчестерда одамлар тиббиёт ходими граффити қаршисида. Буюк Британия.