Компьютерное изображение, созданное компанией Nexus Science Communication совместно с Тринити колледжем в Дублине, показывает модель, структурно представляющую бетакоронавирус, который является типом вируса, связанного с COVID-19

Дунёнинг икки чеккасида “коронавирус” шаклида дўл ёғди фото

1225
(Янгиланган 13:22 20.05.2020)
Антиқа кўринишдаги дўл дунёнинг қарама-қарши қисмида жойлашган давлатларда ёғди. Унинг шакли ижтимоий тармоқ фойдаланувчиларини ҳайратда қолдирди.

ТОШКЕНТ, 20 май — Sputnik. Хитой ва Мексикада коронавирус шаклида дўл ёғди.

Daily mail нашри ёзишича, Мексиканинг шимолидаги Нуэво Леон штатининг ҳайратга тушган аҳоли ижтимоий тармоқларда муз бўлакларининг суратларини жойлаштиришди.

Суратда дўлда COVID-19га ўхшаш "тиканлар" борлигини кўриш мумкин.

Айниқса диндор фойланувчилар, бундай табиий ҳодиса “дунё яратувчисидан келган хабар” бўлиши мумкин, дея тахмин қилдилар.

Шунга ўхшаш суратлар билан Хитойнинг Циндао шаҳрида яшовчи Arlene Lee ҳам ўртоқлашди.

“Кечаси Циндаода мана шундай дўл ёғди!”, - деб ёзди аёл.

Ўз навбатида, Жаҳон метеорология ташкилотининг метеорологи ва маслаҳатчиси Жозе Мигел Винас бу кўринишдаги дўл ғайриоддий ҳодиса эмаслигини таъкидлади.

"Бўрон пайтида дўл майда шарсимон шаклда бошланади ва устида муз қатлами тўпланади. Кучли бўронлар пайтида, дўл етарлича катталашиб, парчаланади, кўплари мажақланиб, бир-бирларига қўшилади ва шундай муз тиканларини ҳосил қилишади" - дея тушунтирди метеоролог.

Унинг қўшимча қилишича, ерга тушган дўл эзилган муз дисклари бўлиб, кучли зарба ёки турли ўлчамдаги дўлларнинг бирлаштириши натижасида юлдуз шаклига олиб келади.

 

1225

Москва мактабларида икки ҳафталик таътил эълон қилинди

33
Одатда Москва мактабларида кузги таътил бир ҳафта давом этар эди. Бироқ аниқланаётган коронавирус кўпаётганини сабабли улар яна бир ҳафтага узайтирилди.

ТОШКЕНТ, 29 сен — Sputnik. Москвада мактаб ўқувчилари 5 октябрдан 18 октябрга қадар икки ҳафталик кузги таътилга чиқади. Москва мэри Сергей Собянин COVID-19 билан касалланиш кўпайгани сабаб шундай қарор қабул қилган.

Одатда Москва мактабларида кузги таътил бир ҳафта давом этар эди.

“Санитария шифокорлари тавсиясига биноан, кузги шамоллаш касалликлари ва аниқланган ковид билан касалланишнинг ўсишини инобатга олган ҳолда мен кузги таътил давомийлигини оширишга қарор қилдим”, - дея ёзган Собянин.

Таътил вақтида масофавий дарслар бўлмайди. Қўшимча таълим муассасалари фаолиятини вақтинча тўхтатади. Боғчалар эса одатдагидек ишлайди.

28 сентябрдан Москвада 65 ёшдан катталар учун яна ўзини ўзи яккалаш режими амал қилмоқда. Москвада 287 мингдан зиёд коронавирус билан касалланиш аниқланган. 27 сентябрь куни илк бор 2 июндан буён бир суткада 2 мингдан зиёд касалланиш қайд этилди.

33
Евро. Иллюстративное фото.

Россияда евро курси кескин кўтарилди

271
Москва биржаси маълумотларига кўра, Россияда евро курси 2016 йилдан бўён биринчи марта 92 рублдан ошди.

ТОШКЕНТ, 28 сен — Sputnik. Москва биржаси маълумотларига кўра, рубл асосий хорижий валюталарга нисбатан пасайишни тезлаштирди.

Хусусан, евро курси 2016 йил январидан бери биринчи марта 92 рублдан ошди. Москва вақти билан соат 16: 01дан бошлаб "эртага" ҳисоб-китоби билан доллар курси 53 копейкага ошиб, 78,74 рублни ташкил қилди.

Шу ўринда, Brent маркали нефтнинг бир баррели 0,92 фоизга ўсиб, 42,8 долларни ташкил этди.

Бундан аввал экспертлар ташқи сиёсий вазият, жумладан янги санкциялар таҳдиди, Алексей Навальний билан боғлиқ вазият, шунингдек, COVID-19 пандемиясининг иккинчи тўлқини рублга қўшимча босим ўтказаётгани ҳақида огоҳлантирган эди.

Мутахассисларнинг фикрига кўра, бу нефт ва газга бўлган талабга зарба бериш хавфи мавжуд ва бу ўз навбатида Россияда валюта тушумини камайтиради.

271
Бухарский государственный медицинский институт имени Абу Али ибн Сино

Хорижда Ўзбекистон ОТМнинг илк филиали очилади

0
Абу Али ибн Сино номидаги Бухоро давлат тиббиёт институти биринчилардан бўлиб хорижий мамлакатларда ўз филиалини очган ОТМ бўлди.

ТОШКЕНТ, 29 сен — Sputnik. Абу Али ибн Сино номидаги Бухоро давлат тиббиёт институти Ўзбекистондаги хорижий мамлакатларда ўз филиалини ташкил этган илк олий таълим муассасасига айланди. Бу ҳақда Бухоро вилояти ҳокимлиги матбуот хизмати хабар қилмоқда.

Институт Ҳиндистоннинг Нью-Деҳли шаҳридан 20 км узоқликда жойлашган Ноида халқаро университети базасида ўз филиалини ташкил этиш бўйича меморандум имзолади. 

Унга биноан 2020-2021 ўқув йилидан институт профессор-ўқитувчилари МББС (Тиббиёт ва жарроҳлик бакалаври) дастури асосида ўқишга қабул қилинган Ҳиндистон фуқароларига ўз мамлакатларида таълим беришади. 

Келишувга биноан, Ноида халқаро университети таълим жараёни учун зарур инфратузилма, моддий-техник база, ўқув лабораториялари ҳамда клиник базалардан фойдаланиш бўйича ёрдам кўрсатади. Ўқишга қабул қилинган талабалар биринчи икки йилни Ҳиндистонда, қолган 3 йилни эса Бухорода ўтказишади. 

Бухоро давлат тиббиёт институти, Ноида халқаро университети ҳамда "PeopleHive" компанияси ўртасида имзоланган ушбу уч томонлама меморандум Ўзбекистон олий таълим муассасаларининг халқаро жозибадорлигини таъминлашда, таълим экспорти орқали институт моддий барқарорликни оширишда ҳамда халқаро рейтингларда ўрин эгаллашига асосий восита бўлиб хизмат қилади.

Бухоро давлат тиббиёт институти 2019 йилда Ҳиндистон фуқароларига таълим бериш ҳуқуқини берувчи Тиббиёт кенгаши аккредитациясидан ўтган эди. Ўтган ўқув йилида 50 га яқин Ҳиндистон фуқаролари ўқишга қабул қилинган.

0