Секс кукла

Томошабин ўрнига секс қўғирчоқ: Корея футбол клуби жаримага тортилди

1457
(Янгиланган 17:13 21.05.2020)
Трибуналарни томошабинлар ўрнига секс-қўғирчоқлар билан тўлдирган Жанубий Корея клуби жаримага тортилди.

ТОШКЕНТ, 21 май — Sputnik.  Жанубий Кореянинг “Сеул” клуби трибуналарда томошабинлар ўрнида секс-қўғирчоқларни жойлаштиргани учун 100 миллион вон (81 454 доллар) жаримага тортилди. Reuters маълум қилишича, бу ҳақда мамлакат чемпионати интизом қўмитаси қарор чиқарди.

Чемпионат май бошида қайта тикланганди, бироқ ўйинлар томошабинларсиз шарти билан ўтказиляпти. 17 май куни “Сеул” клуби ўз майдонида “Кванжу” жамоасини қабул қилди. Трибуналарни тўлдириш учун клуб раҳбарияти ниқобларда манекенларни ўтказиб, баннерларни илиб қўйди.  

Кейинчалик телевизорда ўйинни кузатган мухлислар манекенлар секс-қўғирчоқларга ўхшашини пайқаб қолишди. Плакатларда эса секс-дўконлар номлари ёзилган экан.  

“Интизом қўмитаси ҳодисанинг жиддийлигини инобатга олиб, кескин чораларни кўрди. Манекенлардан фойдаланиш фанат ва уларнинг оила аъзоларини ҳақорат қилди. Умид қиламизки, келгусида бундай нохуш ҳолатларнинг олди олинади”, - дейилган хабарда.

Куни кеча "Сеул" клуби раҳбарияти юз берган воқеа учун узр сўради. Баёнотда қайд этилишича, улар буюртма қилган маҳсулотлар катталар учун мўлжалланган товарлар тоифасига кириши ҳақида хабардор бўлмаган.

1457
Мавзу:
COVID-19 умумжаҳон пандемияси (1058)

Бейрутдаги кучли портлашнинг сабаби аниқланди

565
(Янгиланган 00:47 06.08.2020)
Бейрутдаги портлашнинг дастлабки сабаби - денгиз портида ўта хавфли моддаларни сақлаш пайтида йўл қўйилган бепарволик ва ҳаракатсизлик ҳолатлари.

ТОШКЕНТ, 5 авг — Sputnik. Бейрут портида юз берган портлаш ҳолатини дастлабки ўрганиш натижалари маълум қилинди. Бу ҳақда Reuters ахборот агентлиги тергов ишлари билан таниш бўлган манбага асосан хабар қилди.

Маълумотларга кўра, Бейрутда портлашнинг дастлабки сабаби - денгиз портида хавфли моддаларни сақлаш пайтида йўл қўйилган ҳаракатсизлик ва бепарволик ҳолатлари.

Таъкидланишича, ушбу муаммо билан шуғулланувчи инспекция 6 ой олдин қонунбузарликларга эътибор қаратган. Қўмита ва судьялар томонидан хавфли моддаларни йўқ қилиш тўғрисида қарор тайёрлаш юзасидан “ҳеч нарса қилинмаган”.

Ливан ҳуқумати портлаш содир бўлган порт маъмуриятининг барчасини уй қамоғига олиш ҳақида топшириқ берган.

Ливан пойтахти Бейрут шаҳрининг портида куни кеча, 4 августда кучли портлаш содир бўлди. Сўнгги малумотларга кўра, 113 киши ҳалок бўлди, тўрт мингдан зиёд инсон жароҳатланди.

Ливан пойтахти Бейрут шаҳрида юз берган портлаш 3-5 миллиард доллар миқдорида зарар етказди.

Ливан бош вазири Хассан Дияб портда олти йил давомида нотўғри сақланган 2750 тонна аммиак селитрасини портлаш сабаби сифатида келтирган. Фожиа туфайли Ливанда уч кунлик мотам эълон қилинган.

 

565

Россияда COVID-19 га қарши вакцинани яратиш босқичлари маълум бўлди

372
Таъкидланишича, “Вектор” марказининг коронавирусга қарши вакцинаси барча қоидаларига қатъий риоя қилинган ҳолда ишлаб чиқилмоқда.

ТОШКЕНТ, 5 авг - Sputnik. “Вектор” марказининг коронавирусга қарши вакцинаси барча мажбурий талаблар ва меъёрий тавсиялар, шунингдек, клиникка қадар ва клиник синовларни ўтказиш қоидаларига қатъий риоя қилинган ҳолда ишлаб чиқилмоқда. Бу ҳақда Роспотребнадзор матбуот хизматининг РИА Новостига маълум қилди.

Аввалроқ Telegraph газетаси Бутунжаҳон соғлиқни сақлаш ташкилоти вакили Кристиан Линдмаер Россия лицензияни қўлга киритишдан олдин вакцинанинг барча зарурий синовларини ўтказиш зарурлигини айтганини хабар қилган эди.

“Янги коронавирусга қарши “ЭпиВакКорона” вакцинаси Роспотребнадзорнинг "Вектор" ФБУН ГНЦ ВБ томонидан Россия қонунчилигида кўзда тутилган барча мажбурий талаблар ва норматив тавсияларни ҳисобга олган ҳолда ишлаб чиқилмоқда", - дейилади хабарда.

Таъкидланишича, "Вектор" БССТ тавсияларини кузатиб бормоқда, вакцинанининг клиникка қадар ва клиник тадқиқотлар протоколлари ички ва жаҳон тажрибасини ҳисобга олмоқда, тадқиқотлар ўтказиш қоидаларига қатъий риоя қилиш эса "Россия аҳолиси учун хавфсиз ва сифатли вакцина ишлаб чиқилишига ишонч беради".

Гамалея номидаги Миллий тадқиқот маркази директори Александр Гинзбург аввалроқ болаларда коронавирус вакцинаси фақат катталардаги синовлар тугагандан кейингина ўтказилишини маълум қилган эди. Болаларда дори воситаси синовлари фақатгина 2021 йил январь-февраль ойларида бошланиши мумкин.

372