АҚШда коронавирус қурбонлари хотирасига байроқлар туширилади

143
Бундан ташқари, душанба куни урушларда ҳалок бўлганлар кунида ҳам байроқлар туширилади, деб қўшимча қилган Трамп.

ТОШКЕНТ, 22 май - Sputnik. АҚШ коронавирус қурбонлари хотирасига уч кунга байроқларни туширади, дея маълум қилди жума куни мамлакат президенти Дональд Трамп.

"Мен кейинги уч кунга коронавирус туфайли ҳаёт билан видолашган америкаликлар хотирасига федерал бинолар ва миллий монументлардаги барча байроқларни тушираман", - деб ёзган у Twitterда.

Бундан ташқари, душанба куни урушларда ҳалок бўлганлар кунида ҳам байроқлар туширилади, деб қўшимча қилган Трамп.

Сўнгги маълумотларга кўра, АҚШда коронавирус туфайли 94 минг киши ҳаётдан кўз юмган.

143
Мавзу:
COVID-19 умумжаҳон пандемияси (889)

Лукашенко ҳукуматни истеъфога чиқарди

71
(Янгиланган 10:37 04.06.2020)
Беларусь раҳбари томонидан 3 июнь куни Вазирлар маҳкамасини истеъфога чиқариш тўғрисидаги фармон имзоланди.

ТОШКЕНТ, 4 июн - Sputnik. Беларусь президенти Александр Лукашенко ҳукуматни истеъфога чиқарди, дея хабар беради “Беларусь 1” давлат телеканали.

Давлат раҳбари 3 июнь куни Вазирлар маҳкамасини истеъфога чиқариш тўғрисида фармонга имзо чекди.

Аввалроқ Лукашенко йиғилишда ҳукуматнинг янги таркиби бўйича таклифларни муҳокама қилган эди. Унда республика Кенгаши (парламентнинг юқори палатаси) раиси Наталья Кочанова, Вакиллар палатаси (парламентнинг қуйи палатаси) раиси Владимир Андрейченко, президент маъмурияти раҳбари Игорь Сергеенко ва Давлат хавфсизлик кенгаши котиби Андрей Равков иштирок этди.

Президент ҳукумат таркибидаги ўзгаришлардан сўнг "инқилобни кутиш керак эмас" деб таъкидлади. Унинг сўзларига кўра, COVID-19 пандемияси туфайли "дунё мисли кўрилмаган иқтисодий инқироз даврига киргани" сабабли, Вазирлар маҳкамасида кенг кўламли ўзгаришлар амалга ошириш мақсадга мувофиқ бўлмайди.

25 май куни Лукашенко шу йил 9 август куни бўлиб ўтадиган президентлик сайловлари олдидан янги Вазирлар маҳкамасини шакллантириш режаларини эълон қилди. Аввалроқ у амалдаги давлат раҳбари президентликка номзод сифатида рўйхатга олинганидан сўнг сайловчилар ишончини ошириш мақсадида ҳукуматнинг янги таркиби эълон қилинишини тушунтириб ўтди.

"Бефарқлилик" ва саботаж

Сергей Румас бошчилигидаги ҳукумат таркиби 2018 йилда тасдиқланган. Ўшанда ҳукуматни алмаштирилишига Лукашенконинг амалдорларнинг ишидан норозилиги сабаб бўлди. Оршада бўлиб ўтган йиғилишда давлат раҳбари қаттиқ танқид билан вазирларнинг ҳаракатсизлигини танқид қилди ва уларни "бефарқлик" ва саботажда айблади.

Президент сайловлари

Беларусьда президент сайловлари 9 августга белгиланган. Ҳозирги пайтда юқори лавозимга 14 даъвогар ўз номзодларини қувватлашга имзоларни тўпламоқда. Президентликка номзодларни рўйхатга олиш 5 дан 14 июлгача бўлиб ўтади, шундан сўнг сайловолди ташвиқот бошланади.

Республика Ички ишлар вазирининг биринчи ўринбосари Геннадий Казакевичнинг таъкидлашича, сиёсий кампания даврида Беларусьдаги вазият ўта жиддийлашади, бироқ маҳкама хавфсизликни таъминлаш учун зарур куч ва воситаларга эга.

Беларусь раҳбари Александр Лукашенко, ўз навбатида, мамлакатда президентлик сайловлари арафасида ва бевосита сайлов куни "Майдан"ни ташкил этишга йўл қўймаслигини айтди.

71

Дунёда коронавирусга чалинганлар сони 6,5 миллиондан ошди

56
Ушбу инфекция энг кўп қайд этилган давлат - АҚШдир. Касалланганлар сони 1 851 520тага етган, ўлим ҳолатлари 107 мингдан зиёд қайд этилган.

ТОШКЕНТ, 4 июн - Sputnik. Жаҳонда COVID-19га чалинганлар сони 6,5 миллиондан ошди. 386 минг нафар бемор ушбу инфекция қурбонига айланди, деб хабар бермоқда РИА Новости Хопкинс университетига таянган ҳолда.

Ушбу инфекция энг кўп қайд этилган давлат - АҚШдир. Касалланганлар сони 1 851 520тага етган, ўлим ҳолатлари 107 мингдан зиёд қайд этилган.

МДҲ давлатлари орасида коронавирус билан боғлиқ вазият қуйидагича:

Умумий зарарланганлар сони - 549 826 (+11 488); соғайганлар - 251 443 (+11 171); вафот этганлар - 6 886 (+220)

Мамлакатлар бўйича беморлар сони: Россия - 432 277 (+8 536); Беларусь - 45 116 (+861); Украина - 24 823 (+483); Қозоғистон - 12 067 (+271); Арманистон - 10 524 (+515); Молдова - 8 795 (+247); Озарбайжон - 6 260 (+325); Тожикистон - 4 191 (+91); Ўзбекистон - 3 874 (+105); Қирғизистон - 1 899 (+55).

Бутунжаҳон соғлиқни сақлаш ташкилоти 11 март куни COVID-19 - янги турдаги коронавирус инфекцияси тарқалишини пандемия, деб эълон қилган эди. БССТ маълумотларига кўра, касалланганлар сони 6,2 миллиондан ошган, ўлим ҳолатлари 380 мингга етган.

56
Мавзу:
COVID-19 умумжаҳон пандемияси (889)
Минарет и мечеть Калян, медресе Мири-Араб (Бухара)

Ўзбекистонда туризм уч босқичда тикланади

4
Мамлакатнинг туризмни қайта тиклаш режалари ҳақида Туризмни ривожлантириш давлат қўмитаси раиси “Тикланиш йўли” халқаро онлайн туризм конференцияси доирасида сўзлаб берди.

ТОШКЕНТ, 4 июн — Sputnik. Ўзбекистонда туризмнинг тикланиши уч босқичда амалга оширилади. Аввал ички туризм, кейин ҳудудий туризм ва пандемия вазиятини ҳисобга олган ҳолда ташқи туризм тикланади.

Мамлакатнинг туризмни қайта тиклаш режалари ҳақида бош вазир ўринбосари, Туризмни ривожлантириш давлат қўмитаси раиси Азиз Абдуҳакимов “Тикланиш йўли” халқаро онлайн туризм конференцияси доирасида сўзлаб берди.

Туризм қўмитаси хабарига кўра, конференция Ўзбекистон ташаббуси ҳамда Бутунжаҳон туризм ташкилоти (БТТ) шафелигида ўтган.

2020 йилнинг 1 июнидан Ўзбекистоннинг “яшил” ва “сариқ” ҳудудларда ички туризм қайта тикланди. Шу санадан эътиборан кўрсатилган ҳудудларда тегишли ташкилотлар – туроператорлар, турагентликлар, жойлаштириш воситалари, маданият, маданий мерос объектлари санитария-гигиена қоидаларига қатъий риоя қилган ҳолда иш бошлаши мумкин.

Абдуҳакимовнинг сўзларига кўра, мамлакатда 63 фоиз туроператорлар ва 81 фоиз жойлаштириш воситалари (меҳмонхоналар, ҳостеллар) ўз фаолиятини тўхтатган.

Биринчи босқич ички туризм орқали уларнинг фаолиятини қайта тиклашга бағишланади. Шунингдек, халқаро туризмни тиклашга максимал тайёр бўлиш учун ушбу босқичда Uzbekistan. Safe travel GUARANTEED хавфсизлик тизими жорий қилинади.

Иккинчи босқич қўшни мамлакатлар ва МДҲ давлатлари билан ташкиллаштирилган ҳудудий туризмни қайта тиклашдан иборат бўлади. Бунда туристик гуруҳларнинг бутун саёҳат давомида хавфсизлик, санитар-гигиеник талаблар ва ижтимоий масофа  чораларига риоя қилиш масалаларини ишлаб чиқиш жуда муҳим,

Туризм қўмитаси раиси ҳудудлар бўйича ҳамкасбларига тезкор муносабат билдирувчи қўшма гуруҳни тузиш, турли мавзуда янги аралаш турларни ишлаб чиқиш билан ҳам уйғунлаштиришни таклиф этган: гастрономик турлар, витамин турлари, кўчманчилар турлари, мототурлар, палов турлари, археологик ҳамда сизу бизнинг туристик шаҳар ва марказларимиздан ўтувчи бошқа турлар.

Бунинг учун махсус Silk Road Project платформаси яратилган. Унда нафақат Ипак йўли мамлакатлари туристик салоҳияти, балки истиқболли минтақавий турмаҳсулотлар ва маршрутлар ҳам тарғиб қилинади.

Учинчи босқичда Ўзбекистон секин-асталик билан ташқи туризмни тиклайди. Бунда пандемия билан боғлиқ вазиятдан келиб чиқиб,  фуқароларига мамлакатга кириш рухсат этиладиган узоқ хорижий давлатлар рўйхати тузилади.

Қўмита коронавирус пандемияси инқирозидан чиқаётган ва туристик бозорлар очилишига тайёрланаётган Европа ва Осиё мамлакатлари тажрибасини ўрганади. Таҳлил якунларига кўра, амалга ошириладиган халқаро рейсларни қайта тиклаш географиясига доир қарорлар қабул қилинади.

Туризм саноатини тиклашнинг уч босқичи давомида маҳаллий ва хорижий сайёҳларнинг ташрифи доирасида хавфсизлик масалалари билан бир қаторда янги тематик тадбирларни ўтказишга ҳам алоҳида эътибор қаратилади. Гастрономик фестиваль ва акциялар, “Стихия” мусиқа фестивали, “Ақчакўл” пляж ўйинлари, Ҳосил фестивали, “Учинчи ёш туризми” ҳафталиги кабилар шулар жумласидандир.

Бухоро шаҳри 2020 йилда Ислом маданияти пойтахти дея эълон қилинган., Дунёдаги вазият яхшиланиши ва халқаро туризмнинг тикланиши билан мамлакат қатор тадбирлар, жумладан, Иккинчи зиёрат туризм форумини ўтказади.

Ҳозирги пандемия туризм саноатига рақамлаштириш ва ИТ- технологияларни жорий қилиш нақадар муҳимлигини яна бир бор тасдиқлади.

Шубҳасиз, Ўзбекистонда ҳам бу йўналишда фаол ишлар олиб борилмоқда. Масалан, сайёҳлар, тадбиркорлар ва ёш стартаперлар учун алоҳида йўналишлар бўйича online.tourism.uz сайти яратилди.

Шунингдек, пандемия сабаб ўз саёҳатини 2021 йилга қолдиришга тўғри келган бўлажак меҳмонлар учун Online Uzbekistan ва  Uzbekistan360 ресурсларида виртуал саёҳатларни ташкил қилинди.

“Умуман олганда, Ўзбекистон хавфсиз туризмнинг янги тизимини йўлга қўймоқда ва унинг қоидалари туризм саноатининг барча иштирокчилари учун ортиқча ташвиш уйғотмайди. Бир вақтнинг ўзида тизим туристик саёҳатларнинг барча босқичларида касалликнинг олдини олувчи аниқ ва самарали жиҳозларни таклиф этади”, - деди Азиз Абдуҳакимов.

4