Жамал Хашогги

Хашоггининг оиласи қотилларни кечирди

252
Таниқли саудиялик журналист Хашогги 2017 йилдан АҚШда истқомат қилган ва Washington Post нашрида ишлаган. У 2018 йилнинг октябрида Истанбулдаги Саудия Арабистони консуллигида ўлдирилган эди.

ТОШКЕНТ, 22 май – Sputnik. Ўлдирилган саудиялик мухолиф журналист Жамол Хашоггининг ўғли Салох жумага ўтар кечаси оиласи отасининг қотилларини кечиришини маълум қилди.

"Биз, ҳақиқат учун ҳалок бўлган Жамол Хашоггининг фарзандлари, бизнинг отамизни ўлдирганни кечиришимизни эълон қиламиз", - деб ёзган Салох Хашогги Twitterда. У ушбу қарор мусулмонлар учун муқаддас бўлган Рамазон ойининг охирги кечаларидан бирида эълон қилинаётганини таъкидлаб ўтган. Хашоггининг ўғли ушбу сатрларга қўшимча Қуръондаги афв ҳақидаги оятни келтириб ўтган.

Олдинроқ Истанбул прокуратураси Хашоггининг ўлимида алоқадорликда айблаб, 2018 йилнинг октябр ойида Саудия Арабистонининг 20 нафар фуқаросига сиртдан айбловлар эълон қилгани ҳақида хабар берилган эди.

Уларнинг орасида 18 нафари ҳукмни ижро этишда айбланмоқда, прокуратура улар учун умрбод қамоқ жазосини талаб қилган.

Яна икки киши қотилликни ташкил этишда айбланган, бу Саудия Арабистони меросхўр шаҳзодаси маслаҳатчилари - Сауд ал-Қаҳтоний ва умумий разведка раҳбарининг собиқ ўринбосари Ахмад Асирийлардир.

Прокуратура улар учун "ўта шафқатсизлик билан қасддан одам ўлдириш" моддаси бўйича қамоқ жазосини сўраган. Бош прокурор имзоси туширилган иш судга оширилган.

Таниқли саудиялик журналист Хашогги 2017 йилдан АҚШда истқомат қилган ва Washington Post нашрида ишлаган. У 2018 йилнинг октябрида Истанбулдаги Саудия Арабистони консуллигида ўлдирилган эди. Аввалига саудия ҳукумати унинг консуллик биноси ичида изсиз йўқолганини рад этди, аммо орадан бироз вақт ўтиб видео ва аудио ёзувлар пайдо бўлгач, Хашогги консуллик ходимлари билан юзага келган жанжал оқибатида ўлдирилганини тан олишга мажбур бўлган эди. Туркия полицияси журналист жасадини ҳалигача топа олмади.

Сал олдин Саудия Арабистони журналист қотиллигида айбланиб беш киши ўлим жазосига маҳкум этилгани, яна уч киши жиноятни яширганлик айби билан умумий ҳисобда 24 йилга озодликдан маҳкум этилгани ҳақида хабар берган эди. Айбловлар 11 гумондорга эълон қилинган бўлиб, яна уч киши далиллар етишмаслиги туфайли огоҳлантириш билан қутилиб қолган.

252
Мавзу:
Саудиялик журналист Жамол Хашоггининг ўлдирилиши (9)
Президент США Дональд Трамп и канцлер Германии Ангела Меркель во время встречи в Вашингтоне

Меркель билан келишмовчилик туфайли Трамп Германиядаги ҳарбий контингентни қисқартиради

278
(Янгиланган 18:54 06.06.2020)
Ҳарбий харажатлари борасида АҚШ президенти Дональд Трамп ва Германия канцлери Ангела Меркел билан келишмовчилик мавжуд. Шунинг учун Трамп кузгача Германиядан 9,5 мингга яқин қўшин олиб чиқилиши мумкин.

ТОШКЕНТ, 6 июн — Sputnik. Ҳарбий харажатлари борасида АҚШ президенти Дональд Трамп ва Германия канцлери Ангела Меркел билан келишмовчилик мавжуд. Шунинг учун Трамп кузгача Германиядан 9,5 мингга яқин қўшин олиб чиқилиши мумкин. Бу ҳақда Bloomberg хабар қилди.

Америка раҳбари Германияда қўшинлар сонини қисқартириш масаласини анча вақтдан бери муҳокама қилиб келади. Қўшинлар сонининг қисқариши Германия Федератив Республикасида қарийб 25 минг ҳарбийни қолдириши мумкин, ҳозир эса уларнинг сони қарийб 34,5 мингни ташкил этади.

Reuters хабарига кўра, Германиядан олиб чиқилган қўшинларнинг бир қисми Польша ва бошқа иттифоқдош давлатлар томон йўналтирилади, қолган қисми эса АҚШга қайтади.

278
Змея. Иллюстративное фото

Илон ва эчкиэмар ўртасида ўлим жанги видеога олинди

1512
(Янгиланган 14:19 06.06.2020)
Жанубий Африка Республикасида жойлашган Крюгер паркида туристлар илон ва катта эчкиэмар ўртасида ўлим жангини видеога олишди.

ТОШКЕНТ, 6 июн — Sputnik. ЖАР Крюгер миллий паркида туристлар илон ва эчкиэмар ўртасида жангни тасвирга олишди. Ролик парк ижтимоий тармоқлардаги саҳифасига жойлаштирилди.

Меҳмонхона ишчиси Кристи Деланжнинг сўзларига кўра, илон биринчи бўлиб эчкиэмарга ҳужум қилди.

Бошида илон ўлжасини бўғишга ҳаракат қилди, лекин эчкиэмар ўзини ҳимоя қилди.

Судралиб юрувчилар икки соат давомида бир-бирини қўйиб юбормай жанг қилишди. Аммо эскиэмарнинг кучи қолмади ва илон унинг бўйнига ёпишди. Кейин илон устун келди ва ўлжасини ютиб юборди.

“Эчкиэмар каттагина эди, илон бир неча ҳафта тўқ бўлиб юрди”, - дейди аёл.

1512
Экс-чемпион Абсолютного бойцовского чемпионата (UFC) в двух весовых категориях ирландец Конор Макгрегор победил нокаутом американца Дональда Серроне в бою на турнире UFC-246

Конор Макгрегор учинчи марта спортдаги фаолиятини якунлаганини эълон қилди

18
Конор Макгрегор 2016 ва 2019 йилларда ҳам спортдаги фаолиятига якун ясашини маълум қилган эди. Бироқ бир неча кун сўнг яна спортга қайтиб, фаолиятини давом эттирган.

ТОШКЕНТ, 7 июн — Sputnik. Икки вазн тоифасида UFC собиқ чемпиони, ирландиялик жангчи Конор Макгрегор яна бир бор фаолиятини якунлаганини эълон қилди.

“Мен жанг қилишни якунлашга қарор қилдим. Барчангизга ажойиб хотиралар учун раҳмат. Ажойиб саёҳат бўлди”, - деб ёзиб қолдирган спортчи ўзининг Twitter’даги саҳифасида.

​Таъкидлаш жоизки, бу Конор Макгрегорнинг учинчи марта спорт билан хайрлашиши ҳисобланади. Аввал у 2016 ва 2019 йилларда спортдаги фаолиятига якун ясашини маълум қилган эди. Бироқ бир неча кун сўнг яна спортга қайтиб, фаолиятини давом эттирган.

18