Президент Республики Таджикистан Эмомали Рахмон

Раҳмон Тожикистонда касаллик кўпайишининг асосий сабабини айтди

1687
(Янгиланган 14:22 23.05.2020)
Тожикистон президенти Эмомали Раҳмон мамлакатда касалликлар сони кўпайишининг асосий сабабини айтди.

ТОШКЕНТ, 22 май — Sputnik. Тожикистон етакчиси Эмомали Раҳмон куни кеча соғлиқни сақлаш тизими вакиллари билан учрашувда нутқ сўзлаб, мамлакатда коронавирус билан курашиш учун кўрилиши лозим бўлган чора-тадбирларга тўхталди. Sputnik Тожикистон хабарига асосан.

Раҳмон вазирлик ва идораларга коронавирусга қарши кураш чораларини кучайтириш юзасидан топшириқлар берди.

Унинг фикрига кўра, республика аҳолисининг соғлиғига ортиқча вазн салбий таъсир кўрсатаётганини таъкидлади.

"Ортиқча вазн кейинчалик диабет ва қон томир каби касалликларнинг ривожланишига олиб келиши мумкин", - деди Раҳмон.

Президент коронавирус билан касалланиш кам бўлган ҳудудларда одамлар ҳаракатчан, далада ишлаши, ортиқча вазндан азият чекмаслиги, яхши иммунитетга эга эканлигига эътибор қаратиш зарур, деб таъкидлади.

Раҳмон соғлом овқатланиш учун йил бўйи мева ва сабзавотлар борлигини эслатди.

Шунингдек, президент нафақат коронавирусга чалинган беморлар тиббий ёрдамга муҳтожлиги, хавф остида бўлганларга ҳам эътибор бериш зарурлигини алоҳида таъкидлади.

"Коронавирус билан оғриган беморлардан ташқари, тиббий ёрдамга муҳтож бўлган бошқа одамлар ҳам борлигини унутмаслигимиз керак: диабет, юрак хасталиклари билан оғриганлар", - деди давлат раҳбари.

Эслатиб ўтамиз, Тожикистонда 30 апрелда илк коронавирус ҳолати аниқланган. Сўнгги маълумотларга кўра, республикада касаллик аниқланган беморлар сони 2350 тага етди, 44 киши вафот этди.

1687
Национальный парк Чобе в Ботсване

Олимлар шокда! Африкада сирли тарзда 350 бош фил ўлди

335
(Янгиланган 16:52 02.07.2020)
Африканинг Ботсвана шимолида бир неча ҳафта давомида сирли тарзда 350 бош фил ўлди. Филлар ўлими ҳақида биринчи марта май ойининг ўрталарида хабарлар пайдо бўлди.

ТОШКЕНТ, 2 июл — Sputnik. Африкада Ботсвана шимолида бир неча ҳафтада сирли тарзда 350 бош фил ўлди, деб хабар қилди The Guardian.

Филлар ўлими ҳақида биринчи марта май ойининг ўрталарида хабарлар пайдо бўлди.

Ҳайвонларнинг қолдиқлари мамлакат шимолидаги Окаванго дарёси яқинида топилган. Июнь ўрталарига келиб 170 бош филнинг танаси топилди.

Бир кун аввал Британия Миллий Паркни қутқарув хайрия ташкилотининг табиатни муҳофаза қилиш бўйича директори Найл Макканн ОАВларга сирли тарзда ўлим ҳолатлари сони 350 тага етганини маълум қилди.

"Камида 350 фил ўлди – бу жуда ҳайратланарли. Ботсванада Африка филларининг учдан бирида яшайди, уларнинг 10 фоизи шу ҳудудда жойлашган, шунинг учун вазият филларнинг умумий популяциясига сезиларли таъсир кўрсатиши мумкин", деди Маккен.

Аэросуратларда филларнинг жасади деярли 70 фоизи ҳайвонлар сув ичадиган жойда бўлгани акс этган.

Ҳайвонларнинг оммавий ўлиши сабаблари номаълум. Тахминларга кўра, бу тажовузкор патоген ёхуд заҳарлаш. Куйдирги инфекцияси билан боғлиқ версия тасдиқланмади.

“Фил таналарида браконьерлар томонидан бу иш қилингани ҳақида излар йўқ”, - деди  Ботсвана ҳукуматининг ёввойи табиат бўйича минтақавий директори Димакатсо Нтшебе.

Филларнинг оммавий ўлиши сабабларини аниқлаш бўйича тадқиқот ишлари давом этмоқда.

335
Символ столицы Казахстана - Байтерек - с высоты птичьего полета. Невероятный ракурс!

Қозоғистон коронавирус туфайли яна қатъий чекловлар жорий этади

101
Эпидемиологик вазият ёмонлашгани туфайли Қозоғистон ҳукумати 5 июлдан қўшимча карантин чеклов чораларини жорий этиш тўғрисида қарор қабул қилди.

ТОШКЕНТ, 2 июл — Sputnik. Қозоғистон ҳукумати республикада эпидемиологик вазият ёмонлашгани туфайли 5 июлдан 14 кунлик қўшимча карантин чеклов чораларини жорий этиш тўғрисида қарор қабул қилди. Бу ҳақда мамлакат бош вазири матбуот хизмати хабар қилмоқда.

Карантин жорий этиш тўғрисида қарор президент Қосим-Жомарт Тоқаев топшириғига мувофиқ бош вазир Асқар Мамин раислигидаги давлат комиссияси йиғилишида қабул қилинди.

Унга кўра Қозоғистонда икки ҳафта давомида оммавий тадбирлар ўтказиш тақиқланади. Гўзаллик салонлари, ёпиқ бозорлар, диний муассасалар, мактабгача таълим муассасалари, савдо марказлари ва бошқа қатор объектлар фаолияти тўхтатилади. Шунингдек, одамларнинг ҳаракатланиши чекланади. Хусусан, уч нафардан ортиқ одам биргаликда кўча ва хиёбонларда юриши, ёши 65 дан ошганларнинг кўчага чиқиши чекланади. Вилоятлараро йўловчи транспорт ҳаракати тўхтатилади. Жамоат транспорти фаолияти вақт билан чегараланади.

Таъкидланишича, карантин чекловлари зарурият пайдо бўлса, узайтирилиши ёки янада қатъийлаштирилиши мумкин.

Қозоғистон коронавирус сабаб жорий этилган чекловларни 11 май куни бекор қилган эди. Ўшандан буён коронавирус билан касалланиш 7 бараварга кўпайди.

Сўнги маълумотларга кўра, Қозоғистонда коронавирус билан  боғлиқ 42,5 мингдан (жумладан, расмий статистикага киритилмайдиган касаллик аломатсиз кечаётган беморлар) зиёд ҳолат қайд этилган. 14 мингдан зиёд киши касалликни енгган. 188 киши эса вирус қурбонига айланган. Бу минтақадаги энг юқори кўрсатгич.

101
Теглар:
Қозоғистон, коронавирус
Мавзу:
COVID-19 умумжаҳон пандемияси

Ўзбекистонда коронавирус: 2 июль асосий хабарлари

357
(Янгиланган 20:43 02.07.2020)
Бугуннинг ўзида 119 нафар бемор тузалиб, реабилитацияга кузатилди. Республика бўйлаб жами соғайганлар сони 5847 нафарга етди.

ТОШКЕНТ, 2 июл — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 325 кишида коронавирус аниқланди, Ўзбекистонда коронавирус инфекцияси қайд этилганлар сони 8996 нафарни ташкил қилмоқда.

Янги касалланиш ҳолатлари: 77 нафари Тошкент шаҳрида (шундан 30 нафари коронавирусга чалинганлар билан мулоқотда бўлиб, карантинга олинган фуқаролар орасида, 47 нафари аҳоли орасида), 4 нафари Тошкент вилоятида (барчаси аҳоли орасида), 8 нафари Сирдарё вилоятида (шундан 6 нафари коронавирусга чалинганлар билан мулоқотда бўлиб, карантинга олинган фуқаролар орасида, 2 нафари аҳоли орасида), 3 нафари Қашқадарё вилоятида (барчаси карантинга олинган фуқаролар орасида) аниқланган.

Даволаниш кўрсаткичи

Бугуннинг ўзида 119 нафар бемор тузалиб, реабилитацияга кузатилди. Республика  бўйлаб жами соғайганлар сони 5847 нафарга етди.

Айни пайтда 3122 нафар беморга белгиланган стандартлар бўйича даво чоралари кўрилмоқда. 18 нафар оғир, 7 нафар ўта оғир аҳволда.

РНК тест

Ўзбекистонда коронавирус РНКсини аниқлайдиган тест ишлаб чиқилди.

COVID-19 РНКсини ажратишга мўлжалланган диагностик тўплам ЎзР ФА Ўсимлик моддалари кимёси институти ходимлари томонидан ишлаб чиқилган. Таъкидланишича, унинг клиник синовлари Соғлиқни сақлаш вазирлиги лабораторияларида, шу жумладан, Санитария-эпидемиологик осойишталик агентлигининг махсус лабораториясида ўтказилган ва ижобий натижаларни кўрсатди.

Чегарада қолган фуқаролар

ТИВ Қозоғистон чегарасида тўпланган ўзбекистонликлар ҳақида баёнот берди. Қозоғистон чегарасида тўпланган ўзбекистонликлар масаласи Ўзбекистоннинг Москва ва Нур-Султон шаҳарларидаги элчихоналари, Қозон ва Ақтау шаҳарларидаги бош консулхоналари томонидан назоратга олинган.

Ўзбекистон Ташқи ишлар вазирлиги Оператив штаби ахборотига кўра, Россия-Қозоғистон чегараси “Маштаково” ва “Сагарчин” назорат-ўтказиш пунктлари яқинида Ўзбекистон фуқаролари тўплангани кузатилмоқда.

"Мазкур масала мамлакатимизнинг Москва ва Нур-Султон шаҳарларидаги элчихоналари, Қозон ва Ақтау шаҳарларидаги бош консулхоналари томонидан назоратга олинган, Россия ва Қозоғистоннинг ваколатли органлари билан музокаралар олиб борилмоқда", - дейилади хабарда.

ТИВ Оператив штаби ушбу вазият тўғрисида маълумотни Республика махсус комиссиясига киритди.

Шошилинч чоралар

“Жаҳон банки иштирокида “Ўзбекистонда коронавирус COVID-19 инфекциясига қарши шошилинч чоралар кўриш” лойиҳасини амалга ошириш чора-тадбирлари тўғрисида” президент қарори қабул қилинди. Қарор билан “Ўзбекистонда коронавирус COVID-19 инфекциясига қарши шошилинч чоралар кўриш” лойиҳаси параметрлари тасдиқланди.

Лойиҳанинг мақсади Ўзбекистонда коронавирус инфекциясига қарши шошилинч чоралар кўриш учун соғлиқни сақлаш тизимини мустаҳкамлаш, карантин тадбирлари амал қилиши даврида кам таъминланган оилалар ва ишсизларга вақтинчалик нафақалар бериш тизимини кенгайтиришдан иборат.

Лойиҳанинг умумий қиймати 106 757,1 минг долларни ташкил этади.

Дунё саломатлиги

Сўнгги маълумотларга кўра, инфекцияни юқтириб олган кишиларнинг сони 10,7 миллиондан ошди, 516 минг киши вафот этди. Энг кўп ҳолатлар АҚШда (2,6 млн), Бразилияда (1,4 млн), Россияда (653 минг).

357
Мавзу:
COVID-19 умумжаҳон пандемияси