Россия яна бир давлат фуқаролари учун кириш чекловларини олиб ташлади

1249
(Янгиланган 17:09 02.08.2020)
Россия 15 августдан Швейцария билан мунтазам парвозларни тиклашни режалаштирмоқда. Шу боис мамлакат фуқаролари учун Россияга кириш чеклови бекор қилинди.

ТОШКЕНТ, 2 авг — Sputnik. Швейцария фуқаролари  учун коронавирус сабаб киритилган Россияга кириш чекловлари бекор қилинади. Тегишли фармойишга Россия бош вазири Михаил Мишустин имзо чекди.

“Швейцария фуқаролари Россияга ҳаво транспорти билан келиши мумкин. Ушбу мамлакат билан 15 августдан икки тарафлама асосда парвозларни қайта тиклаш режалаштирилмоқда”, - дейилади Россия Ҳукумати матбуот хизмати хабарида.

Аввалроқ Россия Туркия, Буюк Британия ва Танзания билан парвозларни 1 августдан қайта тиклаши хабар қилинган эди. Ушбу давлат фуқаролари учун ҳам Россия кириш учун ўрнатилган чеклов олиб ташланган.

1249

Путин COVID-19 га қарши эмлангандан сўнг Жанубий Кореяга боришга ваъда берди

12
(Янгиланган 16:36 29.09.2020)
Аввалроқ Жанубий Корея президенти маъмурияти Путин кореялик ҳамкасби Мун Чжэ Ин билан телефон орқали суҳбат чоғида Кореяга боришга тайёрлигини билдирганини хабар қилган эди.

ТОШКЕНТ, 29 сен — Sputnik. Россия президенти Владимир Путин ҳақиқатдан ҳам Жанубий Корея етакчисига коронавирусга қарши эмлангандан сўнг Сеулга боришга ваъда берди. Бу ҳақда Россия президенти матбуот котиби Дмитрий Песков маълум қилди.

Аввалроқ Жанубий Корея президенти маъмурияти Путин кореялик ҳамкасби Мун Чжэ Ин билан мамлакатлар ўртасидаги дипломатик алоқалар ўрнатилганига 30 йил тўлиши муносабати билан телефон орқали суҳбат чоғида Кореяга боришга тайёрлигини билдирганини хабар қилган эди.

“Ҳа, ҳақиқатдан ҳам, Путин кеча унинг жанубий кореялик ҳамкасби тиклаган амалдаги таклифномага эга. Ва Путин у эмланиш ҳақида қарор қабул қилгач, пайти келиб бу илтифотли таклифдан албатта фойдаланиш ниятида эканини тасдиқлади”, - деди Песков РИА Новостига.

Россия дунёдаги биринчи коронавирусга қарши “Спутник V” вакцинасини август ойида рўйхатга олди. У Гамалея номидаги марказ томонидан яратилган ва Россия тўғридан-тўғри инвестициялар жамғармаси билан ҳамкорликда ишлаб чиқарилмоқда.

Шунингдек, Россияда “Вектор” маркази томонидан яратилган вакцина клиник синовдан ўтмоқда. Куни кеча Россия ССВ Чумаков номидаги Илмий марказ томонидан яратилган коронавирусга қарши вакцинанинг клиник синовларига рухсатнома берди.

12
Теглар:
Жанубий Корея, Путин, Спутник V, коронавирус, вакцина
Мавзу:
COVID-19 умумжаҳон пандемияси
Гризли

Улкан айиқ бирданига 20 бош бўри билан жанг қилди - видео

151
(Янгиланган 15:51 29.09.2020)
АҚШнинг Йеллоустон миллий боғида гризли - айиқ бирданига 20 бош бўри билан куч синашди ва улардан ўлжани олиб қўйди.

ТОШКЕНТ, 29 сен — Sputnik. Айиқ ва бўрилар галаси жанги акс этган видео АҚШнинг Йеллоустон миллий боғида тасвирга олинди. Бўрилар галаси тунги муваффақиятли овдан сўнг дам олаётган эди – улар бизонни енгишди. Улар олдига айиқ келди.

Россия National Geographic нашри ёзишича, Йеллостондаги гризли-айиқнинг оғирлиги 300 килога етиши мумкин, бўриларнинг вазни эса 50-60 килони ташкил қилади.

Йиртқичлар ўртасидаги жангда айиқ ғалаба қозонди, ҳеч қайси бўри нобуд бўлмади.

151

COVID-19  билан такроран касалланиш эҳтимоли кам Нурмат Отабеков

0
(Янгиланган 16:55 29.09.2020)
Одам хотирасидан кўп нарса чиқиб кетиши мумкин, лекин иммун тизими хотирасидан ҳеч қачон ҳеч нарса чиқиб кетмайди - Отабеков.

ТОШКЕНТ, 29 сен – Sputnik. Сўнгги вақтларда аҳоли орасида коронавирус билан қайтадан касалланиш мумкинми деган савол пайдо бўлмоқда. Ушбу саволга Коронавирусга қарши курашиш штаби аъзоси Нурмат Отабеков жавоб берди.

Отабеков айтишига қараганда, бугунги кунда дунё миқёсида коронавирусга такроран чалиниш ҳолатлари жуда кам учрайди. Учраган тақдирда ҳам улар қандай аниқландигеном даражасида аниқ ва мукаммал текширишни талаб қилади.

Лекин инсоният коронавирус билан танишганидан сўнг, салкам бир йил вақт ичида, касалликнинг аниқланган жиҳати шуки 10-кунидан бошлаб вирусга қарши иммунитет пайдо бўла бошлайди.

“Бугунги кунда аниқ айтишимиз мумкинки, касалликнинг ўнинчи кунидан бошлаб беморда COVID-19га қарши мукаммал иммун тизими шакллана бошлайди. Ўз тасдиғини топган яна бир жиҳат шуки, касалликни оғирроқ бошдан кечирган инсонда шаклланган иммун тизими анча мустаҳкамроқ бўлади”, - деди Отабеков.

COVID-19 янги касаллик бўлгани учун, уни ўрганиш ҳалигача давом этомоқда. Коронавирусга чалинган киши бироз вақт ўтиб ушбу вируснинг янги мутациясига дуч келса ҳам, унинг иммун тизими унга қарши кураша олади.

“Одам хотирасидан кўп нарса чиқиб кетиши мумкин, лекин иммун тизими хотирасидан ҳеч қачон ҳеч нарса чиқиб кетмайди. Ҳатто касалликдан кейин хосил бўлган антитаначалар титри кам бўлса ҳам, улар касаллик билан кураша олади”, - дейди шифокор.

Агар шу касалликнинг мутацияга учраган вируси билан ёки айнан COVID-19 билан узоқ муддатдан кейин яна рўбарў келадиган бўлсак ҳам, бизнинг иммун тизимимиз хотирасида ушбу касалликка антитаначалар ишлаб чиқарганлигимиз ҳақида ахборот мавжуд бўлади.

Ушбу антитаначалар касаллик билан кураша олади. Демак, одамда COVID-19 иккинчи марта ҳатто қайд этилса ҳам, у жуда енгил кечиши мумкин. Яъни иммун тизими хотирасида антитаначалар ишлаб чиқарилгани ҳақида ахборотнинг борлиги касалликдан тезда соғайиб кетиш эҳтимолини юзага келтиради.

“Одам хотирасидан кўп нарса чиқиб кетиши мумкин, лекин иммун тизими хотирасидан ҳеч қачон ҳеч нарса чиқиб кетмайди. Ҳатто касалликдан кейин хосил бўлган антитаначалар титри кам бўлса ҳам, улар касаллик билан кураша олади”, - дейди шифокор.

Шунингдек, COVID-19 бир одамда узоқ муддат сақланиб қолиш эҳтимоли ҳам йўқ эмас.Шу сабабли баъзи беморлар қайта касалландим деб ўйлаган бўлиши мумкин.

0