Александр Лукашенко по время официального визита в Киев

“Корона”, Россия, сайлов ва хоинлик: Лукашенконинг халққа мурожаатномаси

793
(Янгиланган 00:56 05.08.2020)
Беларусь президенти Александр Лукашенко бугун парламент ва халққа мурожаатнома билан чиқиш қилди. Конституцияга биноан, президент ҳар йили парламент ва халққа мурожаатнома билан чиқиш қилиши зарур.

ТОШКЕНТ, 4 авг — Sputnik. Беларусь президенти Александр Лукашенко бугун парламент ва халққа мурожаатнома билан чиқиш қилди.

Конституцияга биноан, амалдаги президент ҳар йили парламент ва халққа мурожаатнома билан чиқиш қилиши зарур. Анъанага кўра, мурожаат апрел ойида бўлиб ўтади, аммо пандемия сабабли кейинги муддатга қолдирилди.

Дунёни ларзага солмоқда

Беларусь етакчиси ўз чиқиши бошида дунёда юзага келган вазият хусусида тўхталди.

“Дунё глобаллашмоқда, давлатлар ўртасидаги ўзаро боғлиқлик даражаси тобора ўсиб бормоқда. Глобал чақириқ ва таҳдидлар, ҳатто уларнинг пайдо бўлиши ва сабаблари бизнинг чегарамиздан 1000 км узоқликда бўлса ҳам, истисносиз деярли дунёнинг барча давлатларига таъсир қилмоқда, шу жумладан бизга”, - деди Лукашенко.

Унинг фикрига кўра, ҳамма нарсани баҳолаш керак. У Беларусь географик ҳолатини ва мамлакатнинг яқин иқтисодий алоқаларини ҳақида эслатди, шунинг учун дунёда рўй бераётган воқеалар республикага ҳам таъсир қилади.

"Дунё тобора беқарор ва олдиндан айтиб бўлмайдиган бўлиб бормоқда. Бугун ҳеч ким башорат қила олмайди", -  деди у.

Лукашенко давлатлар ва блоклар ўртасидаги принципиал қарама-қаршиликлар ҳақида эслатди. Бугунги кунда, унинг сўзларига кўра, "бутун сайёрани ларзага солмоқда", гарчи қатор етакчи давлатлар ҳали ўз позицияларини билдиришмади.

Президент яна муаммоларни ҳал қилиш механизмлари йўқлиги ҳақида гапирди. Шунингдек, у иқтисодий зиддиятларнинг куч билан ҳал этишга ўтиш мавзусига тўхталди: хусусан, АҚШдаги норозилик намойишлари, Ҳиндистон-Хитой чегарасидаги можаро ва йилнинг бошқа воқеалари ҳақида гапирди.

Лукашенкога кўра, кўплаб "эски можаролар" постсовет ҳудудида ҳам мавжуд. Шу билан бирга, у Беларусь "Евросиёнинг марказидаги ягона тинч бўғин" эканлигини айтди.

“Беларусь кимгадир қарши ҳеч ким билан дўст бўлмайди. Республика кўп векторли ва олдиндан айтиб бўладиган ташқи сиёсат тарафдори", - дея таъкидлади.

Лукашенко "Беларусда ёки Россияда ҳукумат тепасида ким бўлишидан қатъий назар, Россия ҳар доим бизнинг энг яқин иттифоқдошимиз бўлган ва шундай бўлиб қолади". Шу билан бирга, президент мамлакатлар ўртасидаги муносабатлар "қардошликдан шериклик”га ўзгарганини айтди.

Беларусь коронавирус билан қандай курашди

Асосий глобал мавзулардан бири - коронавирус пандемияси ҳақида гапирганда, Лукашенко бу дунё дуч келган биринчи пандемия эмаслигини эслатди.

"Биз янги пандемияга озми-кўпми, иложи борича тайёр ҳолда кирдик", - деди президент.

Лукашенко Беларусда инфекцион шифохоналар, санитар хизматлар, койка-ўрин фонди, диагностика ва даволаш ускуналари сақланиб қолинганини эслатди.

Унинг сўзларига кўра, асосий камчилик ва хавф бу номаълум вирус ва унинг тарқалишининг табиати.

"Аммо иккинчи томонда, бу Беларуснинг илм-фани, шифокорларнинг фидойилиги ва энг муҳими, фуқаролар, айниқса қарияларнинг муносиб хулқи охир-оқибат тароз палласини босди. Шифохоналар фронтдагидай, касалларни сараламади",- деб қўшимча қилди у.

Лукашенко мамлакатда коронавирус билан курашиш учун зарур чоралар кўрилганига ишонади.

"Ва бугун ҳамма давлатлар биз тўғри иш қилганимизни тан олишмоқда, лекин бошида қандай босим бўлган? ЖССТнинг барча давлат учун шаблон тавсиялар: зудлик билан карантин, комендантлик соати, чегараларни ёпиш, корхоналарни ёпиш ... Мен бунга бора олмадим", - деди президент.

Беларусь COVID-19 билан курашиш учун бошқа йўлни танлади ва Лукашенконинг сўзларига кўра, пандемияга қарши тура олди. У "маълум бир камчиликлар" мавжудлигини тан олди, аммо улар одамларни қутқаришга муваффақ бўлганлигини таъкидлади.

Пандемиядан келиб чиқадиган хулосалар ҳақида гапирганда, президент миш-мишларга ишонмаслик кераклигини,  "ўз боши билан ўйлаш" кераклигини таъкидлади. Бундан ташқари, у дори-дармонларни ишлаб чиқаришни ривожлантириш, тиббий марказлар ва махсус алоқа гуруҳларини яратиш, шунингдек, соғлом турмуш тарзининг аҳамияти ҳақида гапирди.

Пандемиядан кейин, унинг иқтисодиётга таъсирини йўқ қилиш керак, деди Лукашенко. У бир қатор, жумладан экспортни диверсификациялаш ва энергия манбаларини етказиб бериш бўйича вазифаларни белгилаб берди.

"Ҳар қандай қарорни қабул қиламиз, фақат хоинлик қилманг"

Лукашенко ўз нутқида “Ҳукумат давлат етакчисини сайлашда мамлакат фуқароларининг ҳар қандай қарорини қабул қилади, аммо “хоинлик” қилмасликларини” сўради.

"Мен бугун бутун дунё учун айтаман. Биз, ҳукумат, ва мен, авваламбор, амалдаги президент сифатида, сизнинг ҳар қандай қарорингизни қабул қиламиз. Фақат ҳеч қачон хоинлик қилманг, хоинлик у дунёда ҳам кечирилмайди", - деди у.

"Агар қодир бўлмасангиз ва бир нарсага тайёр бўлмасангиз - четга чиқинг, халақит берманг, оёқ остида ўралашманг, мамлакатни қутқаришга имкон беринг. Бир-икки йил ичида биз бу вазиятни ҳал қиламиз ва Беларусь халқи учун қандай керак бўлса, шундай қиламиз, аммо бугунги кунда ҳиссиётлар билан бирон бир масалани ҳал қилиб бўлмайди", - деб таъкидлади Беларусь раҳбари.

Қўлга олинган россияликлар

Александр Лукашенко, Минск яқинида қўлга олинган россияликлар хусусида ҳам тўхталди.

"Беларусликларга қарши миллиардлаб ресурслар ташланди, энг янги технологиялар сафарбар қилинди. Мен қандайдир мунозарани ҳайрон қолиб кузатмоқдаман <...> интернет-каналларида яқинда Беларусда 33 жангарининг ҳибсга олиниши борасида, у ерда қандай хулосалар ва таклифлар бор. Шунгача боришдики, икки президент келишиб олди. Бу жуда хавфли ва кучли сигнал. Буларнинг ҳаммаси ёлғон. Истанбул, Венесуела, Африка ва Ливия ҳақида" - деди президент.

Лукашенко таъкидлашича, ушланганларга "одамгарчилик билан" муносабатда бўлишган, шунинг учун улар "ҳамма нарсани айтиб беришди": хусусан, унинг сўзларига кўра, россияликлар "атайлаб Беларусга" юборилганликлари ҳақида гувоҳлик беришди.

"Истамбулга сотиб олинган чипталарни “кутиш” буйруғи - бу афсона. Россия чегараси ёпилганлиги сабабли улар бу ерда, у ерда ҳам Истанбулга учаётганликларини кўрсатишлари керак эди", - деб қўшимча қилди республика раҳбари.

793
Экс-президент СССР Михаил Горбачев

Горбачёв АҚШнинг бўлғуси президентига маслаҳат берди

64
Собиқ иттифоқ президенти Михаил Горбачёв ядровий қуролланиш пойгаси назоратдан чиқиб кетишидан хавотир билдирган.

ТОШКЕНТ, 29 сен — Sputnik. Собиқ иттифоқ президенти Михаил Горбачёв АҚШ президенти сайловларниинг  бўлғуси ғолибини пайсалга солмасдан  Россия президенти Владимир Путин билан учрашув ўтказишга чақирди. Бу ҳақда у “The Times” нашрига берган интервьюсида маълум қилди.

Горбачёв ядровий қуролланиш пойгаси назоратдан чиқиб кетишидан хавотир билдирган.

“Вазият ўта таҳликали. Сайлов натижаларидан қатъи назар, ҳозирги музлик давридан чиқиш учун мулоқотни тиклашимиз зарур. Ҳар икки мамлакат президентлари томонидан кучли туртки даркор”, — дея фикрлари билан ўртоқлашган у.

Горбачёв Россия ва Қўшма Штатлар “иккинчи Рейкьявик”ни ўтказишлари шарт деб ҳисоблайди (у Рональд Рейган билан 1986 йили Исландияда ўтказган учрашувини кўзда тутган).

“1980-йиллар ўрталарида Совет иттифоқи ва АҚШ ўртасидаги муносабатлар ҳозиргидан анча мураккаб эди. Шунга қарамай, ўзаро ишонч, тушуниш, мулоқот орқали муаммога ечим топа олганмиз”, — дея таъкидлади СССР собиқ президенти.

Сиёсатчи АҚШнинг янги ядровий қурол яратиш борасидаги режаларидан қаттиқ ташвишда эканини ҳам билдирди.

АҚШда президент сайловлари 2020 йилнинг 3 ноябрь куни бўлиб ўтади. Иккинчи муддатга номзодини илгари сураётган Дональд Трамп ва Демократлар вакили Жо Байден ўртасида президентлик курсиси учун кураш кечади.

Стратегик ҳужумкор қуролланишни (СНВ-3) қисқартириш тўғрисидаги шартнома АҚШ ва Россия ўртасидаги қуролланишни чеклашга қаратилган амалдаги ягона шартнома. Унинг амал қилиш муддати 2021 йилнинг 5 февралида ўз ниҳоясига етади. Путин ушбу шартномани ортиқча шартларсиз яна беш йилга узайтиришни таклиф қилган. Оқ уй эса шартномага Хитойни ҳам қўшиб, Москва, Пекин ва Вашингтон ўртасида янги уч томонлама шартнома тузиш зарурлигини таъкидламоқда. Хитой бу ғоядан бош тортмоқда.

Россия ҳукумати Москва АҚШнинг ушбу шартномани узайтиришга бўлган кайфиятини кўрмаётганини таъкидлаган эди. Россия ТИВ Сергей Лавров аввалроқ америкалик ҳамкорларнинг амалга ошмайдиган талаблари, жумладан, Хитой иштирокига доир таалабларини қаноатлантирмаслигини маълум қилган эди.

64
Полицейский стоит перед зданием бывшего консульства  США в Чэнду, провинция Сычуань, Китай

Хитойда болаларни заҳарлаган боғча тарбиячиси ўлимга ҳукм қилинди

61
Суднинг қайд этишича, аёл нитрит натрий одамлар учун хавфли бўлишини билган ҳолда икки маротаба ўч олиш мақсадида бу моддадан фойдаланган. Ван Юнь, кўплаб болалар у заҳарлаган бўтқани истеъмол қилишларини билган, аммо бу ҳам уни тўхтата олмаган.

ТОШКЕНТ, 29 сен – РИА Новости. Хитойнинг Хэнань провинцияси Цзяоцзо шаҳри ўрта даражадаги халқ суди болаларнинг заҳарланиши туфайли боғча тарбиячисини ўлим жазосига ҳукм қилди, дея хабар қилади суд ҳужжатларига таянган ҳолда РИА Новости.

Айбланувчи Ван Юнь "Мэнмэн" болалар боғчасида фаолият юритган ва ўша вақтда ўрта гуруҳнинг Сунь фамилияли тарбиячиси билан ўрталарида низо чиққан. Аёл ҳамкасбидан ўч олишга қарор қилади ва 2019 йилнинг 27 март санасида Сунь қарайдиган гуруҳ болалари учун мўлжалланган бўтқа ичига нитрит натрий моддасини аралаштиради. Оқибатда 25 нафар бола касалхонага ётқизилади, улардан бири кейинчалик касалхонада вафот этади.

Суриштирув давомида Ван Юнь шахсий муаммоларини ҳал қилиш пайида бундан олдин ҳам нитрит натрий моддасидан фойдаланганлиги маълум бўлади. Хусусан, 2017 йилда аёл маиший муаммолар туфайли эри билан жанжаллашиб қолади ва эркакдан ўч олиш мақсадида Ван Юнь 2017 йилнинг февралида интернет орқали нитрит натрийни харид қилиб, уни бир стакан сув ичига аралаштиради. Бу сувни ичган эркакда заҳарланиш ҳолати юз беради, аммо бу организм учун жиддий оқибатларни келтириб чиқармайди.

Суднинг қайд этишича, аёл нитрит натрий одамлар учун хавфли бўлишини билган ҳолда икки маротаба ўч олиш мақсадида бу моддадан фойдаланган. Ван Юнь, кўплаб болалар у заҳарлаган бўтқани истеъмол қилишларини билган, аммо бу ҳам уни тўхтата олмаган.

Суд шунингдек, Вань Юньнинг жиноий мотивлари худди амалга оширилган ва оғир оқибатларга олиб келган жиноят сингари "қабиҳ"лигини таъкидлаб, шу боис, аёл қонунга мувофиқ ўта кескин жазоланиши кераклигини қайд этган.

61

Тошкентда 16 ёшли қиз ЙТҲ содир этди: қурбон бор

18
Ҳайдовчилик гувоҳномасига эга бўлмаган 16 ёшли қиз ўзидан олдиндаги машинани қувиб ўтишга уринган. Натижада у билан тўқнашган ва қарама-қарши йўлга ўтиб кетган.

ТОШКЕНТ, 29 сен — Sputnik. Тошкентда 16 ёшли қиз содир этган йўл-транспорт ҳодисасида 14 ёшли бола қурбон бўлди. Бу ҳақда ИИВ ЙҲХББ ахборот хизмати хабар қилмоқда.

ЙТҲ 27 сентябрь куни соат 20:00 ларда Тошкент шаҳар Учтепа тумани 35-уй қаршисида содир бўлган. Ҳайдовчилик гувоҳномасига эга бўлмаган 16 ёшли Ш.Н. “Спарк”ни бошқараётиб, ўзидан олдиндаги “Нексия” қувиб ўтишга уринган. Натижада у билан тўқнашган ва қарама-қарши йўлга ўтиб кетган. У ерда эса “Ласетти” билан тўқнашган.

Натижада “Спарк” йўловчиси 14 ёшли А.Н. шифохонага олиб кетилаётганда йўлда вафот этган. Ушбу автомобиль ҳайдовчиси 16 ёшли Ш.Н. ва “Ласетти” ҳайдовчиси 46 ёшли А.М. тан жароҳати олиб шифохонага ётқизилган.

Мазкур ЙТҲ юзасидан одам ўлимига олиб келган транспорт воситалари ҳаракати ёки улардан фойдаланиш хавфсизлиги қоидаларини бузиш билан жиноят иши қўзғатилган. Ҳозирда тергов ҳаракатлари олиб борилмоқда.

18