O‘zbekiston va Markaziy Osiyoga tahdid paydo bo‘lishiga yo‘l qo‘ymaymiz - Tolibon vakili

© Sputnik / Vladimir Astapkovich / Mediabankka o‘tishTablichka na stole predstaviteley dvijeniya "Taliban"
Tablichka na stole predstaviteley dvijeniya Taliban  - Sputnik O‘zbekiston
Obuna bo‘lish
Tolibon vakili Afg‘onistonda tinchlik o‘rnatilishi va ushbu davlat hududidan O‘zbekiston va Markaziy Osiyo davlatlariga tahdid paydo bo‘lmasligini va’da berdi.

TOShKENT, 15 sen - Sputnik. Afg‘oniston tomonidan O‘zbekiston yoki Markaziy Osiyodagi boshqa mamlakatlarga xavf, tahdid paydo bo‘lishiga yo‘l qo‘ymaymiz, dedi Doxada Afg‘oniston hukumati bilan bo‘lib o‘tgan uchrashuv davomida "Tolibon" harakatining Qatardagi vakolatxonasi rahbari Mulla Birodar, UzA xabariga asosan.

Vstrecha delegatsii MID Uzbekistana s predstavitelyami Taliban v Doxe - Sputnik O‘zbekiston
Tolibon Afg‘onistonda tinchlik o‘rnatishda O‘zbekiston harakatlarini qayd etdi

Shuningdek "Tolibon" vakili O‘zbekiston tomonidan Afg‘oniston hududida tinchlik o‘rnatishga qaratilgan sa’y harakatlarni hamda O‘zbekistonning Afg‘oniston hududida amalga oshirilayotgan iqtisodiy loyihalarini yuqori baholadi. 

– O‘zbekiston o‘z tashqi siyosatida Afg‘onistonda tinchlik o‘rnatish masalasiga ustuvor masala sifatida qarashini yaxshi bilamiz. Shu yilning fevral oyida ham Dohada O‘zbekiston tashqi ishlar vaziri bilan afg‘on muammosini ijobiy hal etish bo‘yicha fikr almashgan edik.

Tinchlik muzokaralari doirasida O‘zbekistonda ham tashrif bilan bo‘lganmiz va qator yuzma-yuz muloqotlarda qatnashganmiz. Shu o‘rinda O‘zbekiston Prezidenti Shavkat Mirziyoyevning afg‘on zaminida tinchlik va barqarorlik hukm surishi uchun doimiy ravishda olib borayotgan sa’yi-harakatlarini yuqori baholaymiz. Janob Mirziyoyevning tinchlikni ta’minlash borasidagi ko‘rsatmalari, yo‘nalishlari biz uchun qadrli. Chunki rasmiy Toshkent bu tashabbusi bilan nafaqat Afg‘oniston yoki O‘zbekiston, balki butun Markaziy Osiyo xalqlariga tinchlik va osuda hayotni ta’minlashni maqsad qilganini yaxshi bilamiz. Bugun O‘zbekiston tomoni Afg‘onistonni qayta tiklash ishlarida ham faol.

O‘zbekiston tashabbusi bilan Afg‘onistonda amalga oshirilayotgan Mozori-Sharif – Kobul – Peshovar yo‘nalishi bo‘yicha temiryo‘l, Surxon – Puli-Xumri elektr uzatish liniyasi kabi yirik loyihalar tahsinga loyiq. Ushbu xayrli ishlar Afg‘oniston uchun ham zarur va bu afg‘on iqtisodiyotini ko‘tarishda muhim turtki bo‘lishiga ishonamiz.

Ushbu loyihalarni hayotga tatbiq etish uchun o‘zbekistonlik ko‘plab mutaxassislar Afg‘onistonda faoliyat yuritadi. Ularning xavfsizligini ta’minlash xam muhim masala. Bu jihatni e’tibordan chetda qoldirmagan xolda, asosiy diqqatni shunga qaratamiz.

Zdanie MID Uzbekistana - Sputnik O‘zbekiston
Toshkentda “Tolibon” harakati vakillari bilan uchrashuv o‘tkazildi

Xabaringiz bor, bundan bir necha oy muqaddam, Dohada Tolibon harakati va AQSh o‘rtasida tinchlik shartnomasi imzolandi. Shu qadamlarning o‘ziyoq Tolibon harakati tinchlik tarafdori ekanligini ko‘rsatadi. Biz kelishuv shartlarini bajaramiz albatta. Shu nuqtayi nazardan aytishim mumkinki, kelgusida Afg‘oniston tomonidan O‘zbekiston yoki Markaziy Osiyodagi boshqa mamlakatlarga xavf, tahdid paydo bo‘lishiga yo‘l qo‘ymaymiz.

Ishonchim komilki, O‘zbekiston bilan qo‘shnichilik aloqalari yanada mustahkamlanadi. Iliq va samimiy munosabatlar har ikki mamlakat barqarorligi uchun xizmat qiladi. Yana shuni alohida qayd etmoqchimanki, kelgusida Afg‘on zaminida radikal kayfiyatdagi guruh va tashkilotlar, terrorchilik guruhlari bo‘lishiga yo‘l qo‘yilmaydi. Tinchlik kelishuvida nafaqat Tolibon, balki Amerika tomonining xam majburiyatlari bor.

Most Drujbi cherez reku Amudaryu na granitse Uzbekistana i Afganistana - Sputnik O‘zbekiston
Afg‘onistondagi hujumda jarohat olgan o‘zbekistonlik Termizda davolanmoqda

Unga ko‘ra, rasmiy Vashington Afg‘onistondan o‘z harbiy qo‘shinlarini olib chiqib ketadi. Harbiylar mamlakatni tark etgach, biz Afg‘onistonni osudalik, tinchlik uyiga aylantiramiz. Mamlakatda barqarorlik hukm surishiga erishamiz.

Sir emas, so‘nggi yillarda Afg‘onistonda harbiy harakatlar tufayli vayronagarchiliklar kuzatildi, afg‘on xalqining hayoti izdan chiqdi. Ana shu urush talafotlarini bartaraf etishda qo‘shni mamlakatlar, xususan markaziy Osiyoning yirik mamlakatlaridan biri hisoblangan O‘zbekiston tomoni yaqindan yordam berayotganini qadrlaymiz, - dedi Mulla Birodar.

Eslatib o‘tamiz, so‘nggi bir necha oy davomida ham Afg‘oniston hududida terrorchilik aktlari, hukumat qo‘shinlariga uyushtirilayotgan hujumlar to‘xtagani yo‘q. Shuningdek biroz oldin Afg‘onistonda O‘zbekiston temir yo‘l kompaniyasi vakili ham jarohat olgani haqida xabar bergan edik. 

 

 

Yangiliklar lentasi
0