TOShKENT, 15 sen — Sputnik. Janubiy Osetiya 15-sentabrdan Rossiya bilan davlat chegarasini kesib o‘tishni qayta tiklamoqda. Bu haqda Janubiy Osetiya hukumati saytida xabar qilindi.
11 Sentabr 2020, 19:50
Hukumat qaroriga muvofiq, 15-sentabrdan boshlab Janubiy Osetiya va Rossiya o‘rtasidagi davlat chegarasini “Ruk” nazorat o‘tkazish punkti orqali kesib o‘tish odatdagi tarzda faoliyat yuritadi.
Shuningdek, mamlakatda koronavirus tufayli joriy qilingan cheklovlarning aksariyati bekor qilinadi. Mamlakatga kelayotganlar uchun ikki haftalik majburiy karantin ham bekor qilinmoqda.
Janubiy Osetiya Rossiya bilan chegaralarini koronavirus tarqalishining oldini olish maqsadida 1-aprel kuni yopgan edi.
